The Hunt Coffee & Roastery

營業中

休息中

（10分為滿分：🌕）味道：🌕🌕🌕🌕🌕🌑🌑🌑🌑🌑US Prime Rib Eye($258)因為想食肉肉，就叫左呢野貴野黎試，不過真係唔抱太大期望，會覺得試次係大尾篤食個碟平一半仲好食啲🫣🫣🫣或者可能牛扒呢啲野真係自己買番靚肉番屋企煮會仲開心😂😂😂The King Burger($168)個漢堡包🍔望落其實幾吸引既，但食落就覺得完全唔達標，佢入面有好多塊酸瓜，搞到食落味道就好奇怪，同埋塊肉有啲古怪，雖然好厚但啲肉既質地好散，仲有feel到佢用好多香草調味料🧂，唔知係咪想遮左啲雪味🫣🫣🫣Signature Tiramisu($78)呢排冇咩胃口成日都想食甜品，見openrice啲人黎食話必叫Tiramisu，食落都算唔錯既，覺得中間啲Cream整得夠濃得黎又唔甜，啲手指餅唔借浸到淋曬，但如果平多啲啲會合理啲🤨價錢：🌕🌕🌕🌕🌕🌑🌑🌑🌑🌑老實說，價錢就真係唔平，2個人咁樣叫左3樣野都成$500，唔算話食得太飽，quality又唔算話最好，可能佢地價位低番少少會多啲人去食🧐🧐交通：🌕🌕🌕🌕🌕🌑🌑🌑🌑🌑觀塘呢排少去左好多，但其實無咩必要都唔係好想去，因為人多車又多，今次都係泊係APM再行過去，其實

睇左咁耐openrice用黎搵餐廳，但係為左稱讚一位身材瘦削唔高冇戴眼鏡嘅企bar台男職員嘅“優良”服務態度，第一次用openrice寫下食評。下午茶時間，啱啱跳完舞所以同兩位朋友入咗呢間餐廳打算休息下，吃個下午茶傾下計消磨時間。我地order咗三杯飲品 + 兩份甜品，好快就黎咗其中兩杯飲品 + 兩份甜品，公道講句食物質素係過得去嘅味道確實不錯，埋單二百幾，性價比高唔高就見仁見智。依家唔少人都係度討論香港餐飲業嘅服務質素，我地吃到最後嘅時候終於有幸體驗到一位男職員良好服務態度。事源就係我地吃到最後甜品都差唔多吃曬嘅時候，都仲係差一杯飲品，咁我就舉手想搵個waiter幫手跟下單，而當時在場職員不多，咁啱bar台有一位見到我舉手就行過來：男職員：有咩事我：唔該我差咗杯野飲仲未黎可唔可以幫我跟下？男職員：我整緊啦，但係你宜家舉手叫我行過黎，咁我整唔到呀男職員：你宜家係咪好趕時間？如果你好趕時間我幫你cancel咗佢我：哦咁好啦感受完呢個咁有基本禮貌嘅waiter嘅招待，咁客氣嘅對答同熱心幫忙真係令我受寵若驚，呢個tea真係吃得好開心好滿足！下次一定唔會再去

星期六日要喺觀塘區搵一間坐得舒服啲而又唔會趕人走嘅餐廳就可能要行遠少少🤏同行嘅有人就推介我哋食呢一間餐廳～兩三年前試過嚟食下午茶 感覺良好咁耐之後再嚟 覺得食物質素都keep得👌🏽而且環境仲係咁舒服~~~~🥰首先，事前我哋book咗枱～所以六個人食都唔需要等即刻入座！中間有個小插曲就係坐坐下發現冷氣機滴水🥺好彩當晚唔係好多客人，所以店員都即刻換咗枱俾我哋坐👍繼而就揀嘢食啦～一樣揀一樣再叫杯嘢飲～然後就會問你需唔需要點甜品幫你後上～我哋揀咗最多人推薦嘅Tiramisu嘢飲方面Staff推薦我哋飲一個開心果做嘅飲料，呢個係我最鍾意嘅🥰因為佢有濃濃嘅開心果醬圍住個杯 每一啖都有好Rich嘅果味🥰🪑🪑🪑🪑🪑🪑🪑🪑🪑🪑🪑坐得好舒服，冇俾人趕走～純粹係到咗餐廳閂門，我哋先要還枱啫～(不過都比期望嘅早～所以傾得有啲意猶未盡～)#真金白銀俾錢用餐🍽️

約了幾個同學見面，定了地點在觀塘，見這裏的comment和環境不錯，而且沒有限時，所以選了這間cafe雖然係星期日下午，工業區人流唔多，但係呢間餐廳差不多滿座，證明出品不錯我選了tiramisu和flat white，咖啡的拉花都幾靚，味道幾好。Tiramisu 賣相非常好，打卡一流，咖啡味和酒味平衡得幾好，難怪咁多人推薦，我覺得呢個簡直係鎮店之寶🤣仲有，我哋2:30左右入座，坐到差唔多五點幾先走，真係冇限時，感覺幾好如果下次有機會去觀塘既cafe，我都會再揀呢度💪

🤑價錢約$200 🪑2個人去坐到個梳化位 幾寬敞 都幾arm吹吓水 亦無話限時食幾耐➀ Blue mussel and sea urchin fettuccine $188Mussel有d細粒 而且個意粉原來仲有少少辣🙊➁ Bone marrow and duck breast linguine $168Bone marrow 比較油少少 但個鴨肉都唔錯 幾腍 個意粉有少少橙同南瓜汁 幾開胃➂ Signature tiramisu $78呢個好好味 好鬆軟 睇番先知原來呢個係media 選出全港top 6 ge tiramisu 之一➃ Grapefruit jade tea $56有片果乾係個杯邊 幾靚 個味亦算清清地 幾好飲➄ Sparkle coffee ball $58有tonic water, juice 同espresso 幾特別 但店員無特別介紹係3樣mix 埋黎飲定點 感覺配搭有少少怪🤣 同比較苦 個juice單獨飲係正常的

觀塘其實都算係喺九龍東維港嘅美食寶藏地區，幾乎咩類型嘅餐廳都會喺呢度搵到。今日我食呢一間西餐廳都係好特別，喺工廠林立嘅地段有一間西式陽氣裝修嘅餐廳都真係搶眼。🤩**Tuna Risotto**牛油果色澤的菠菜醬係意大利米飯上面真係好吸引眼球，味道都好新鮮特別。大大粒嘅三文魚子配上新鮮吞拿魚，既入口即化，又帶點微微的鹹味。不同口味的食材很好地融合在一起，令整道菜式更添層次感。🥗** Grilled US Baby Back Ribs**厚實的豬肋骨經過烘烤後，肉質鮮嫩欲滴，一戳即分。韓式辣椒醬汁與之交織，帶來微微麻辣的刺激感，令人回味無窮。另外佢仲配咗啲炸番薯條，味道都唔錯。🍗The Hunt Coffee & Roastery (觀塘)觀塘鴻圖道75號KOHO地下A及B號舖

今日一大早就已經想食肉，咁就係度叫嗰burger 同凍啡。大大舊肉，grill 得好香口。beef patty 上有隻煎蛋，有bacon，有 tomato 同lettuce. 仲有pickle. (我唔like ，所以拎走) ...邊食burger，邊飲齋啡，好滋味!大滿足!食完burger 後先加奶係杯啡度，當小甜品，都幾好 happy day!PS 眼見不少人叫burger

食物方面：-意飯口感好特別，好滑，夠味😋😋😋蝦同帶子都新鮮！-牛排五成熟剛剛好！好味夠嫩滑😋😋😋-提拉米蘇係本店招牌，必點！好好味😋-cheese cake都好香，好濃郁芝士味！-兩杯飲品都正！服務方面：唔錯環境方面：舒服，適合聊天性價比方面：比一般西餐廳貴，但食物環境唔錯，抵返！備註：只有英文餐牌，要識英文😂

假日Lunch行過，未行到門口，侍應已經準備帶位，我習慣講唔該，好驚訝佢會回應我唔使客氣!一開始感覺已經好親切！叫左兩個主食，本身叫多一個薯條小食，被告知其中一個主食已有薯條所以建議我地轉做沙律，全程都好有禮貌好有耐性食物方面好有驚喜味道層次豐富！口感多變，都有互相配合！賣相超級可以打卡最後多謝廚師呈現出有特色食物，同時創作出有態度既菜式！多謝各侍應服務態度周到細心！

放假帶左媽咪去觀塘食野因為觀塘假期人比較好輕鬆自在呢間餐廳平時經過好多人裝修好靚，好吸引叫咗一個鴨胸骨髓意大利粉👍🏻👍🏻👍🏻👍🏻👍🏻骨髓好大隻，質地軟腍腍鴨胸皮好脆，鴨胸肉好滑真係超好味媽咪要咗一份豬扒👍🏻👍🏻👍🏻👍🏻👍🏻❤️豬扒好巨型好厚肉，肉質好嫩滑媽咪不停話未食過咁好食嘅豬扒真係好好笑甜品係Forbidden Lover👍🏻👍🏻👍🏻👍🏻👍🏻布甸好滑好軟好香配好多草莓果醬環境好舒舒服服，坐得好舒服放假去真係好適合

講真觀塘啲Café真係食都食唔晒，好多間都好高質好得我心。如果甜品嚟講，The Hunt都可以稱得上係相當出色，無論係味道或者擺盤，你睇得出、食得出係好有心機。雖然佢啲主食都好吸引，但係自問我覺得我鍾意佢啲甜品多好多，所以都相當推薦大家嚟試佢啲甜品。‣ German Cheese Cake $58 ⭐️⭐️⭐️✨佢面頭有一層焦糖，令我諗返起壽司郎嘅卡達拉娜，當然無論係價錢同埋味道，兩者都係冇得比嘅。佢嘅芝士蛋糕餅底都相當鬆脆，芝士味濃郁，你可以食得出有三層嘅口感。除此之外，佢仲附送咗一個紅莓雪葩，除咗令到個口感味道更加豐富之外，仲可以令到成個芝士蛋糕唔會太過膩。‣ Forbidden Lover $68 ⭐️⭐️⭐️⭐️⭐️我勁鍾意佢嘅野莓醬，酸酸甜甜搭配mousse真係一流，特別當你嗌咗咁多個甜品嘅時候，酸酸甜甜嘅嘢就零舍開胃。雖然佢都係cheese cake，但佢係Bailey’s cheese cake，帶住淡淡嘅酒香味，同另一個芝士蛋糕感覺好唔一樣，食落去嘅口感都唔同，呢個感覺更加「刺激」。當然如果俾我揀多次，我應該淨係會揀Forbidden Lover，好鍾意佢成個配搭，當你連埋隔離嘅橙味雪

🌟今日朋友帶我到觀塘The Hunt, 介紹餐廳開咗幾年，食物質素好好，有地鐵站行過嚟10分鐘，餐廳門口隻藍色好特別，店內裝修靚，好欣賞牆上壁畫。***** ***** ***** ***** ***** *****Soup🫕三文魚菠菜湯青綠色的湯味道好特別，營養又豐富。Tuna Risotto 🐟吞拿魚同飛魚子非常新鮮，菠菜意大利飯好正。Red Shrimp & Scallop Orzi Pasta🦐帶子同大蝦肥美鮮甜，充滿龍蝦汁嘅意大利飯，飽口軟綿綿，軟硬適中。Hot Caffe Latte☕️☕️咖啡拉花好靚，飲落充滿咖啡味嘅濃香。整體嚟講，餐廳環境好適合朋友傾偈，餐牌都好多選擇，朋友話甜品Tiramisu超好味，可惜今日冇兩個位食唔到，搵日再嚟試吓。

在觀塘工廈不乏出名的餐廳，但很多都要排很久，但只要多走一步，還是不難發現有既高質素又不用排隊的Cafe🐓Turin Spicy Chicken Wings$68酸酸辣辣的，跟水牛城雞翼有點像，八隻剛好補給了蛋白質需求Grilled Salmon🍣$158如此嫩滑的三文魚，在西餐廳中也不常見，西餐廳大多都會Overcooked，這一份相當出色！Hunt signature Tiramisu$78果然是店鋪推介的提拉米蘇，濕透的手指餅加上巧克力碎跟奶油，入口即化！Iced Green Tea Latte** Oat Milk$62非常順滑的抹茶拿鐵，換成燕麥奶更加口味宜人，抹茶🍵比咖啡輕盈一點，更易入口悠閒的一天，人流也不太多，多走兩步就發現這新世界The Hunt Coffee & Roastery觀塘鴻圖道75號KOHC地下A及B號舖推介：8

呢間藍色cafe 喺觀塘屹立左好多年，同朋友飲野傾計都黎過幾次，樓底夠高，感覺幾舒服！ 🍝Bone Marrow & Duck Breast Linguine牛骨髓鴨胸扁意粉，好特別既配搭。鮮南瓜醬，加埋左柑橘、檸檬茴香打汁，成個tone鮮黃色，味道輕甜得黎清新。加入細細啖骨髓，扁意粉更加提鮮油滑咸香無滯膩感。配一口厚身鴨胸，皮薄火紅脆脆地，中間位粉紅煎得嫩滑。🍔Hail to the King Burger漢堡足兩寸厚，餡料好吸睛。麵包烘得香軟，自家製免治牛漢堡扒厚身，口感爆汁鮮味。仲有酸瓜、煙肉🥓、半熟蛋、芝士、小蕃茄、洋葱，味道層次感好豐富。仲配上金黃脆口粗薯條。🍮Forbidden LoverCheesecake 香濃幼滑，toppings放滿野莓醬，酸酸甜甜果香味，仲加左雪耳好特別。🍨Coconut Mousse椰子味Mousse，造型似中式壽包。外層texture綿滑，入面滿滿紅豆蓉，口感清新。雪糕球有熟悉Hoegaarden啤酒香氣，同椰子mousse好夾☕️點左Ethiopia既 Hand drip，口感fruity，微酸🍹Hawaiian 青檸、菠蘿汁、加埋espres

呢間cafe 環境唔錯，服務好，價錢合理。首先，我哋叫咗小食Turin 辣雞翼$68。呢款辣雞翼真係好辣好香，每一口都充滿咗辣椒同香料嘅味道，好惹味。主食揀咗骨髓鴨胸意大利扁條麵$158，賣相靚。骨髓夠香，可以撈埋意粉一齊食。鴨胸肉嫩滑。另外我哋揀咗漢堡🍔配薯條🍟$168。呢個漢堡真係好大隻，自家製嘅牛肉餅加埋雞蛋、芝士、小黃瓜、煙肉、番茄同洋蔥，每一口都好多層次，好飽足。Hunt 招牌提拉米蘇$78。呢個提拉米蘇好濃郁，每一口都有濃濃嘅咖啡同甜品嘅味道，質感好細膩，好滿足。我哋仲試咗佢哋嘅 Sparkle 咖啡球$58。呢個咖啡球真係好特別，自己倒入咖啡配埋氣泡水，口感好清新，微微有咖啡香味。另外叫咗一杯 Mocha$42。呢個摩卡咖啡好香濃，咖啡同朱古力嘅結合，味道好獨特。