The Kitchen

營業中

休息中

疫情嚴峻，很多地区都有確診個案。但在這裏食飯讓我和朋友都食得安心，菜又新鲜好食，像在屋企食飯。京都肉排，南乳粗齋各有特色，上菜又快。服務一流。值得推介。会再帶人朋友來。

三個人開始飲湯，便停了講嘢，因為湯好靚好飲，好耐冇飲到咁香又甜的湯，西洋菜味好香濃，想帶媽咪去試下。其中一个師奶朋友讚好不绝。我们早到，在房中第一枱，傾計很舒服，私穩度高。

呢排天氣凍最啱就係食熱辣辣嘅臘味飯。個飯有潤腸、臘腸、花生同埋冬菇喺裏面，聞落都幾香。雖然呢個飯嘅份量唔係好多，但係因為本身食糯米飯會有啲濟，所以都夠飽。另外叫左個焗豬，堂食都係錫紙盒上，雖然係pre cooked，唔係滾熱辣但可接受。蕃茄汁多到可以撈多個飯，整體好濕。個芝士就成嚿痴左係個蓋🤣，要刮返黎食。豬扒唔係上粉炸果d而且食到大嚿肥膏，味道唔差既，不過我搵唔到焗既要素。

呢間位於工廈嘅私房菜真係冇人介紹都唔識揾，上到去環境舒服寧靜，因為有獨立房間 ，私隱度高。服務人員非常好招呼，每上一度菜式都會有講解，相當專業。呢度嘅大廚係一間五星級酒店嘅廚師，所以菜式做得非常出色，同埋佢地每度菜都好獨特，係其他地方食唔到。客人前幾日可以同菜館商量，預訂自己啱口味嘅菜，廚師就會係採購新鮮嘅食材作準備。💗粉葛赤小豆煲豬𦟌以原裝燉盅煲湯，非常夠熱🔥湯料包括粉葛、粟米、瘦肉同紅蘿蔔，就係煮家湯嘅味道，冇味精，原汁原味材料嘅味道，飲落好舒服🌽💗豉油皇煎虎蝦首先將虎蝦炸脆，然後再用豉油、蔥花同薑粒炒均。豉油味非常香口好惹味，蝦殻脆到可以食，蝦肉鮮味特出，口感非常爽口彈牙，證明係新鮮嘅海蝦🦐💗海膽蒸蛋白滑嫰嫩嘅蒸蛋白加上瑤柱絲同蔥粒蒸熟，非常鮮甜🥚重頭戲當然係舖係蛋面嘅海膽，師傅”豪不留情”咁落重本，啖啖都食到。蒸熟咗嘅海膽入口融化，同蛋白好夾，而且好鮮甜冇腥味。可惜係落得大多薑粒，蓋咗整體嘅鮮味😦💗淮山木耳炆雞將新鮮雞件走油，再加入新鮮淮山同雲耳。雞肉炆完仲係好嫩，而且好入味🐥重點係放入新鮮淮山，因為佢含有高黏度嘅醣蛋白，食用時可以保護胃部黏膜，令消化系統更好，十分健康養生。悲

約埋成班朋友仔食春茗團年飯， 決定去the kitchen私房菜獨立廂房環境舒適，空間闊落， 食物質素更加係保持水準。 已經係第四次幫襯 令我最驚喜嘅係鴻運當頭乳豬， 做到皮脆肉嫩， 火候同埋乳豬嘅選用都非常講究 其他菜式都非常好味選料新鮮， 下次成班朋友gathering都會想再嚟呀

近期週圍氣氛緊張，選擇呢個地段晚飯比較安全。今次我哋點左半圍餐$2688+10%。 不偏不倚6位，多一位建議按人頭加一位。整體味道可以，比起大部分的酒樓，算中上。環境方面，在工廈入面的裝修，好似間酒樓咁，都唔錯架啦。唯獨份量偏少，所以感覺價錢比較貴。最好食的菜色係個燉湯，乳鴿，同個好夠薑的湯圓。結論：可以一試

難得一家人吃飯 ， 相信這一家必定再次捧場， 一早到了可以打麻雀，隨後可唱卡拉ok ，吃喝玩樂一家大細開開心心食飯， 重點食物質素很好，環境舒服，獨立房間， 服務態度很好 ，必食推介：龍皇銀絲海皇羹、彩椒鳳梨咕嚕肉和 飄香蝦米臘腸蒸糯米飯是我的最愛， 下次一定要再試埋其他菜色相信呢一間是我最愛飯堂。鴛鴦兩味蝦球龍皇銀絲海皇羹極品醬野雜菌炒雙蚌彩椒鳳梨咕嚕肉咖哩牛腩大斑兩味碧綠炒斑球 ＆古法蒸頭腩鮮蟹肉扒豆苗飄香蝦米臘腸蒸糯米飯彩虹海鮮炒麵薑茶湯圓

秋風起三蛇肥，又係約埋班friend食蛇羹既時候！今次同朋友去位於葵涌工業街 2-8號 力豐工業大廈10樓 『The kitchen』,可以一次過歎埋一系列季節性巧手小菜，就加倍滋味啦！九道菜包括有主角＜陳皮老薑燴五蛇羹＞😋，仲有＜桂林香脆炸蛇丸＞都係用上乘既蛇肉入饌，外面鬆脆而內裡多汁！另外唔少得既秋冬菜式仲有＜巧手蓮藕枝竹羊腩煲＞，佢地用新鮮黑草羊腩入饌配合多種香料古法炮製，令經典味道更加天然健康👍再食埋＜ 荷香梅子豉汁蒸白鱔 ＞＜ 籠仔臘味糯米飯 ＞＜ 金蒜銀環瑤柱脯 ＞＜ 紅棗參鬚蛇碌燉烏雞 ＞＜蛇汁藥膳走地雞＞＜ 甫魚蝦皮浸時蔬 ＞等九道菜式，再配甜品＜ 薑汁棗皇糕 ＞一席12位每人平均都係三舊水有找😍！大家今年食蛇宴一於就去試試【The Kitchen】啦～

環境舒服寧靜因為有獨立房間，原來冇設最低消費。食物質素可以，味道真係比現在廣東菜高一班。價錢尚可啦，因為自己食得招積嘅。唯欠生果盤需則有糖水。另想分享一下，鍾意喜歡出街食飯最緊系要有免費車位

我們一行七人。啲餸味道ok。但份量超少。每樣每人只有一件。來個蓮藕剪肉餅居然得六小件。我問他們為何得六件。他們說因為係例牌！！！但我們是計人頭收錢喎。咩理論黎？另外啲碗碟都唔太乾淨。所以唔會有下次。

同家人食咗一餐美味嘅冬至飯酥炸牛肉好多肉汁有一碟豆腐竹笙，睇落簡單，但原來豆腐超好味響螺湯足料之餘亦好鮮甜！私房菜比到間獨立房可以同家人舒舒服服食飯, 值得推介不妨一試

今晚公司聚餐，安排我地去呢間位於葵涌工廈裡面嘅一間私房菜，私房菜嘅位置方便，只需係葵興地鐵站行5分鐘就到，上到去嘅環境非常優美，裝修已房型設計私隱度高，服務人員亦非常好招呼，每上一度菜式都會有講解，相當專業，呢度嘅大廚係一間五星級酒店嘅廚師，所以菜式做得非常出色，同埋佢地每度菜都好獨特，很定係其他地方食唔到，喜愛私房菜一定要試！

同事介紹話好食同坐得舒服咁岩要約客傾野 , 就上去試下點左３個菜第一味陳醋骨，幾開胃第二味北茹魚肚扒鴨，好大碟第三味二崧炒芥蘭仔，而家出面好難會有，好驚喜，好正連個客都讚不絕囗會再encore 呢間餐廳

第一次出嘅食評就奉獻咗畀呢間the kitchen一去到係黑色木門, 感覺有啲神秘入到去見到有幾間房, 環境幾光猛侍應安排座位之後,仲好細心咁問會唔會凍, 值得一讚有平時好難搵嘅杏汁燉白肺湯啲豬肺洗得好乾淨, 好容易咬開, 個湯好好飲豉椒蒸排骨排骨咬開仲有啲肉汁喺裏面蒜香白菜仔, 有鑊氣 ,唔算多油不過個白飯就偏硬咗啲最後仲有個蛋白杏仁茶好香杏仁味, 好滑同場加映靚餐具