The Little Devil (已結業)

今日來到何文田 - The Little Devils呢間餐廳前身係西餐廳而加轉左做日本菜今日午餐就點左呢個築地丼連湯同餐飲都只係$88果然每款只得一片..而且感覺不太新鮮..下次會點其他定食大份之餘好多set都只係$58!

同乖仔去太平醫院配腸胃藥，好多間都要排隊，little devil 剛剛有位，坐就唔多舒服有點迫，除日式丼外，日式西餐為主，50/60蚊一個餐，係旺角何文田算係幾平下我叫左漢堡扒丼，前菜枝豆，面鼓湯同白飯，份量夠飽，漢堡扒有肉汁男友個咖哩炸雞飯我食完先到，佢死都唔比我影相，味道唔錯，材料夠豐富，但少左日式咖哩份甜味，最敗北係落生粉整杰個咖哩，真係浪費左，本身材料多煮多陣已經夠濃及杰身一分錢一分貨，咁既價錢已經好唔錯下

我記得呢間鋪之前係間coffee shop 今日諗住去飲杯咖啡既時候呢 就發現佢突然間轉左做一間日式食肆 再望一望個餐牌 咦 佢個下午茶平都咁 就點都要比個機會佢啦$22嘅西多士連野飲都相信連普通茶餐廳都好難搵到架啦 更何況呢間係啲乾淨日式嘅餐廳 你就咁睇佢你牆上幅畫都覺得唔係普通茶餐廳啦 不過我想食嘅唔係西多 而係迷你角切魚生飯 我見到台台都食既 但係可惜我叫嘅時候嗰侍應話俾我知叫賣晒😭之後我就轉咗做迷你和風牛肉飯囉坦白講我覺得以呢個價錢黎講我都唔會要求好多野嘅 大家都睇到其實佢個飯同個麵豉湯個碗差唔多高 係闊少少嘅啫 不過佢啲牛肉嘅份量都唔少㗎大概係個飯嘅一半啊 味道有啲似連鎖牛肉飯嘅 所以都唔算差而且佢既牛肉汁係撈勻得晒個飯既 以呢個價錢真係抵仲要包埋野飲

去何文田附近的護老中心探下親友，走嘅時候覺得好肚餓，入咗Little Devil 食個超抵食下午餐！呢間餐廳經常幫襯，環境非常之好，座位都坐得好舒服。今日就食咗佢個超邪惡嘅西多士。佢嘅西多士係用好厚嘅麵包，加咗好多雞蛋煎得勁香口！大家估下幾多錢？真係抵到你唔信！冷熱飲同價，免加一！盛惠22大元！

服務差得我立即開一個account寫食評！那幾位服務的呀姐好似食晒屎咁，我問佢乜嘢係特選咖啡，佢自己餐廳佢都唔知咪答我唔知就算囉！點知佢唔係，水我話係即磨咖啡，我問佢：咦？但你地即磨咖啡係另一個價喎？佢立即喝罵我，話：我咪囉緊個menu俾你囉！同我講冇魚生飯，但附近既人都食緊我留意到佢地唔止對我係咁，有老人家手腳較慢，佢哋都慣性喝罵老人家：你坐低左先講啦！人地落單又喝罵人：你講返慢d呀小姐！想俾人鬧下，就黎幫襯啦！

記得這間坐落於勝利道街頭的餐廳，從前是賣西餐的。事隔良久，現在搖身一變成了日本菜店....內隴佈局好像沒大變，但牆上卻多了幾幅漂亮多彩帶cute cute哋的東洋畫，很有趣....餐牌以和食為主，甚麼咖喱、親子丼及魚生丼全都一應俱全....好久沒吃日式甜咖喱了。就來一份吧....沙律沒有甚麼特別，用的菜不是特別新鮮翠綠。只用一堆油醋醬撈進菜內，賣相有點凌亂....日式咖喱，只需用咖喱磚來加味調理就可，烹調上毫無難度，要將之弄得難吃，反而才是有難度....這兒弄出來的，算是還可，起碼在濃稠度上，是頗合個人心水；整碟東西好吃的關鍵乃當在於那塊漢堡扒上....好吃的漢堡扒，一定要夠多汁且質感不會太鬆散，要有點咬勁給人實淨的口感。這裡的，全部都不合格....所以小弟吃完飯後的結論是，這裡的轉營似乎是失敗了....

如果想遠離旺角鬧市片刻又唔想搭車，何文田係一個好選擇！朋友住附近，帶完我嚟一次之後就成了我的canteen。😛Tea set真係好抵！呢個三文魚碎蛋牛角包百吃不厭，成個包都好好味，加埋杯靚咖啡都只係$40幾蚊，tea time又唔會好多人，有時間可以嚟放空一下。Tea set嘅肉醬大熱狗都好讚，真係好大，成隻buffet碟咁長，味道又好，包係烘過的。大熱狗配薯條，薯條又闊又粗，好吸引！公司三文治賣相都好靚，但要趁熱食，凍左會有少少硬。

同友人在旺角閒晃，逛至在勝利道買狗糧，途經遇到這個小魔鬼，見裝潢、價格都不錯，肚又正響，投訴著，決定一試！小魔鬼餐廳，標誌設計幾得意。裝潢設計幾不錯，平日的晚上尚算寧靜舒適，可好好與友人傾談。友人的雞扒合格，無咩驚喜，同一般連鎖店質素相約。牛扒肉汁juice, 肉味幾濃，但敗筆在於意粉有鹼水味，難食！餐湯都是行貨，尚可入口。總評：加埋1平均每個人$95，有甘樣的環境，尚可的食物質素，在旺角太子這等市中心而言，算是可以光顧了！

All day breakfast ok, cappuccino 不倫不類。奶泡不見了。加了朱古力粉 （現在才知道做cappuccino 一定要加朱古力粉！多謝店員指導！）來這裏只能叫black coffee?

今日中午我們喺預備出發做嘢前，去咗已經有一段時間無去嘅何文田勝利道嘅「The Little Devil」食中午飯！我們叫咗炭燒紐西蘭肉眼扒配燒汁嘅肉質非常鬆化軟滑，肉味相當濃郁，師傅煎嘅時間火候控制得恰到好處，真係可以做到我們要求嘅7成熟，唔會煎到過晒火變燶，又或者太生，而且表面煎得好芳香，肉汁亦都幾多，真係超正呀！Egg Benedict幾乎係我們每次嚟都必點嘅，因他們嘅水煮蛋流心嘅效果做得好出色，師傅控制得時間恰到好處，蛋味亦相當香濃！

The place is good, the food is good, especially under this kind of day and weather, but the service is......won't want to go again if still see those waiters next time.One incident, some guests came in looking for a table for 6, the waiter asked them to sit in separate tables, while there were two adjacent tables that he could put together to let them have it. Naturally the guests left without saying a word, and you can smell their dissatisfaction from afar.

大多數餐廳嘅all day都係分大份同細份，一係就以蔬菜或蛋為主。不過little devil就有啲唔同啦，佢有steak all day!$88 嘅價錢有牛扒又係all day係真係扺食之選！除佐扒個汁咸佐少少之外，其實都已經算係ok炒蛋無over，有些少蛋醬重係面，幾滑。沙律菜普普通通，唔係話好新鮮但可接受。茄汁豆份量多，牛角包脆但唔熱。牛扒幾淋身，但唔似係"拿"過

今日下午我們去咗何文田勝利道嘅「The Little Devil」食下午茶！我們叫咗公司三文治配薯條嘅三文治烘得好香脆，蔬菜同清甜新鮮，色澤賣相都幾吸引！煙三文魚及蛋沙律牛角包嘅煙三文魚份量好足料，肉質好嫩滑，配埋香滑嘅蛋沙律夾喺酥脆軟熟嘅牛角包一齊食，真係好好味呀！迷你夏威夷比薩配田園沙律嘅比薩焗得好香脆，餡料有火腿、菠蘿同芝士，食落感覺好香甜清新，唔會有好膩嘅感覺！Egg Benedict煮嘅時間火候控制得啱啱好，相當流心，唔會變咗熟蛋咁！甜品：朱古力慕絲蛋糕嘅賣相相當精緻吸引，蛋糕嘅質感極之香滑軟綿，而且入口即溶，朱古力味超香甜濃郁！

又是一個打波天，事後找地方醫肚路經勝利道，經過這以open door設計的cafe, 看見不少客人，連平時只去茶餐廳的朋友亦被吸引，說要進去tea一tea~下午茶時間有特別餐牌，但今天朋友偏要吃非下午茶餐，真的好奇怪，可能中了獎，難得吃豪氣點但tea time是大廚的落場時間，所以tea meun才會以簡單易煮的菜為主，這樣其他人也可應付出餐，偏偏朋友要在這時侯點個Egg Benedict, 已覺九死一生。而我則點了安全的公司三文治配薯條。公司三文治當然是安全之選了，多士不熱也不脆，還好材料豐富，外在美也搭夠，所以是合格的！朋友的Egg Benedict也沒我想像的差，但看回其他食家的照片，總覺得人家的比較好吃主要是雞蛋有點太熟了，而醬汁也未見特色，很普通，這樣就覺得$70 有點貴了。

是日約了尖子吃brunch, 來到the little devil. 週末早上十一時多到達, 不用等候便可入座, 真好. 店內走著簡約風, 黑與白的色調, 帶點格調. 看看menu, 點選了The fishermen (HK$75), Egg benedict (HK$70).The fishermen, 分量頗大, 賣相非常吸引. 試一口炸魚, 外層既薄又香脆, 內裏的魚質也頗嫩滑, 不錯. 炒蛋夠滑, 但蛋香一般, 如濃一點則更加完美. 煙肉略為煎過, 但口感較乾也不夠甘香. 原以為牛角包淋了, 但有驚喜, 口感帶點酥脆, 讚! Egg benedict, 老實說, 這家的Egg benedict真的不合筆者胃口. 入口味道初段很淡, 接著則太酸了, 那個hollandaise sauce怎麼會調配至這樣? 即使雞蛋流心也補償不了. Ok臉是給The fishermen only. Egg benedict 真的有待改進!