The Market

Hotel Icon 嘅三道菜榴槤下午茶，包括蟹鉗沙律+火山榴槤海鮮火鍋+火山榴槤tea set好誇張，第一次打邊爐落榴槤，勁癲～以為會好奇怪，但係又唔會喎！個湯底揀咗香辣湯底，夾雜浸浸榴槤味，竟然一啲違和感都冇。湯底裏面有兩嚿大榴槤肉，榴槤煲熱咗之後，味道更甜，有驚喜！其他邊爐配了味道正常，冇乜的別。打完邊爐之後，就會上火山榴槤high tea，一上枱就見到個係咁噴煙嘅火山，好打卡📸Tea Set 有3款印尼榴槤果肉+充滿東南亞風味嘅榴槤同斑斕甜品。溫馨提示，出邊嘅榴槤雪糕係任拎㗎～The Market 尖沙咀科學館道17號唯港薈2樓

4月之星生日飯，thanks Yan & Yin請客>3<!今次去唯港薈，出名有榴槤，今期係榴槤主題自助餐，正!冷盤。刺身，基本果幾款必有，最正有帶子，刺身新鮮肥美。出名的酥皮龍蝦湯。賣點GODIVA朱古力雪糕。必食榴槤甜品。刺身，基本果幾款必有，最正有帶子，刺身新鮮肥美。冷盤，龍蝦及長腳蟹，長腳蟹肉質柔軟鮮美，狂食左，龍蝦正常發揮。酥皮龍蝦湯，好耐冇飲過酥皮湯，酥皮香脆，龍蝦湯口感稠身味道濃郁，美味。泰式炒藍龍蝦，肉質爽口，香濃惹味。金沙廣島蠔，味道鹹香鮮味。鴨肝，味道濃郁又香口。蟹鉗，爽彈鮮甜。海南雞，口感皮爽肉嫩。牛柳，正常水準。卡邦尼意粉，有驚喜，口感creamy味道濃郁。黑椒炒肥肥蟹，好惹味。羊架，肉嫩少許羶味。雪耳椰子燉雞湯，飲下湯水，足料。冬蔭功，睇落好清，但廚師強調好辣，真係勁辣!蟹粥，粥綿味道鮮甜。好多榴槤甜品，即試幾款。榴槤蓉，必食，濃郁榴槤味。榴槤芝士撻，芝士味濃郁同時及散發出陣陣榴槤飄香，不俗。榴槤焦糖布甸，有驚喜，面層焦糖薄脆香甜，口感軟滑綿蜜，榴槤味濃郁，美味。榴槤斑蘭卷，斑蘭味淡，蛋糕味道普通。龍眼椰奶黑糯米，幾好味。芒果糯米飯，過下癮想食

The Market 是位於香港Hotel ICON內的高評價自助餐廳，以亞洲及歐洲市場為靈感，提供多元國際美食，從前菜、喇沙、即烤羊架到炖湯及甜品，款式豐富。食物特色•海鮮新鮮，有多款選擇，雖無生蠔但仍受好評•熱食味道濃郁，溫度適中•甜品方面尤以榴槤甜品及Godiva雪糕最受歡迎，令人回味無窮。環境與服務•餐廳環境舒適，光線充足，設有戶外座位•服務員態度親切，細心周到，能照顧不同客人需求，尤其適合家庭聚會及慶祝生日總結The Market以其多樣化的菜式、優質的食材和貼心的服務，連續多年獲得最佳自助餐餐廳獎項，是香港自助餐中的佼佼者，適合喜歡豐富選擇和高質感用餐體驗的食客。

Hotel ICON嘅The Market自助晚餐真係令人驚艷！食物選擇多到誇張，刺身同海鮮區係亮點，三文魚、帶子同龍蝦新鮮得入口即化，凍海鮮如阿拉斯加長腳蟹同青口鮮甜過癮！熱食區有即煮喇沙、烤牛肉同中式小炒，烤牛肉嫩滑多汁，火候啱啱好。特別推介榴槤甜品，榴槤慕斯同Godiva榴槤雪糕濃郁香滑，榴槤控一定大滿足！其他甜品如芒果拿破崙同芝士蛋糕都精緻好味。服務速度快，服務員好似Kelvin同Yoyo咁親切有禮，隨時幫手清碟、加飲品，仲會主動問你有咩需要，貼心到爆！環境寬敞舒適，開放式廚房設計充滿活力，坐得輕鬆自在。雖然價錢稍高，但食物質素同服務真心值回票價！想喺尖沙咀食高質自助晚餐，The Market絕對係首選，食完真想即刻再book位！

今年珍尼生日去左The Market 食個自助晚餐，有榴槤有蝦蟹啱晒珍尼食有乜食呢?首先飲品有果汁同咖啡熱茶等凍海鮮 - 有蝦, 青口, 蜆, 龍蝦, 龍蝦鉗及長蟹腳即席燒煮 - 罕有藍龍蝦 同 燒阿拉斯加帝王蟹腳 其他野食- 金蠔, 鮑魚, 鵝肝, 牛肋排同咩架甜品 - 榴槤一定係主角, 其他都唔錯如果有同行者生日, 訂位時講聲, 食到差唔多會送上小蛋糕究竟有幾多野食? 食物質素係點? 大家睇我地片就知啦! 

今晚去咗Hotel Icon嘅The Market食晚餐自助餐，真係一個好滿足嘅體驗！餐廳環境寬敞舒適，裝修現代感十足，坐低已經覺得好放鬆。食物種類非常豐富，特別係冷盤區，凍蝦、蟹腳同青口都好新鮮，完全冇令人失望。熱食區有即煮意粉、烤牛肉同中式小炒，烤牛肉火候控制得剛剛好，肉質嫩滑多汁，令人回味無窮。不過，最令我驚喜嘅係榴槤甜品區，榴槤慕斯同榴槤布甸都做得非常出色，榴槤味濃郁得嚟又唔會太甜，食完仲想再encore！另外，甜品區仲有芒果拿破崙同芝士蛋糕，款款都精緻好味。服務方面，員工態度友善，收碟同補充食物都好迅速。雖然價錢唔算平，但以食物質素、環境同服務嚟講，絕對物有所值。榴槤控同海鮮愛好者一定要嚟試吓！

食過The Market 10次有多，由二三百蚊LunchBuffet 食到而家$700幾蚊嘅Brunch，好食嘅話都會繼續支持今次約埋朋友喺2025-02-15 又嚟食Brunch食物質素保持到，款式多選擇，又有d新口味，年紀唔再後生，開始食唔到太多野，置在見下面，傾下計聚下嗰日星期六都唔Full， 可能真係多人北上左，少左人留港消費呢日食都都幾開心，但有樣嘢一定要反映一下，負責燒牛肉同羊架嗰個counter 嘅男師父，態度好差，好無禮貌，我想幫朋友拎埋羊架，所要要兩塊，之後佢好晦氣咁話：即係要幾塊呀！？之後燒牛肉要求切厚小小，回答左佢兩次話好，佢仍然第三次晦氣問：咁好未呀！？其實我都唔知做錯咩，buffet 都係任食ga la, 唔明佢點解要咁對客人希望下次會有改善，唔想食餐飯都無啦啦要受人氣

呢間自助餐我諗都有10年8年冇食過啦晚市嘅自助餐要成千蚊一位都要早成個月去book 呢期做緊阿拉斯加蟹嘅主題冷盤嘅龍蝦我見好多人都有拎但係真心覺得真係冇乜味可言另外佢其中一個亮點係藍龍蝦不過我唔明點解佢要用藤椒去煮有啲浪費咗佢嘅鮮味阿拉斯加長腳蟹等嘅時間比較耐同埋每次只可以攞兩嚿熱葷方面，比目魚非常之滑…有驚喜💯鍾意食榴槤嘅，當然會比佢嘅甜品吸引佢甜品款式雖然唔係好多，但係其實每款都幾好食榴槤雪糕可以encore最後食咗兩個Godiva嘅雪糕完滿結束✔️

之前一直都聽聞，The Market 勝價比高，但係好難訂位。今次終於一試。首先訂位冇想像中難🥳🥳🥳，可能好多人離港消費。知悉係榴槤主題，主要係甜品，但係冇諗過有咁多款式。最正係新鮮榴槤容，一個字「正」。如果沒有大多Quota,我會選擇榴槤容😍，而放棄榴槤雪糕 🍧一般軟雪糕食得多，呢個係 Godiva 軟雪糕除咗甜點，咸點都非常出色。特別喜歡：喇沙、蟹腳伊面、星州咖喱雞、芝士焗蠔、龍蝦🦞西班牙飯。因為農曆新年，有個*三文魚撈起* 🧧🧧🧧大家都食得好開心🥰🥰🥰已經決定下次再嚟

食物方面：刺身：好肥美，好新鮮！明顯食得出啲海鮮有鮮味😆😆😋同一般自主餐分別好大！海鮮：真係有海水味😆唔識講，總之好不一樣👍🏼👍🏼👍🏼熟食：都好好食！只不過刺身同海鮮太過突出😆😆😆😋😋😋甜品：榴槤主題❤️雪糕係Godiva，太驚喜了！🥰服務方面：滿分，真係有照顧到顧客需要環境方面：好舒服性價比方面：$600幾一位lunch，真係貴，但俾到既服務同食物質素都值得！備註：要預早好多bk先有位如果覺得我寫既食評幫到你既話，記得follow，like，同埋share俾你身邊鍾意食好味嘢既朋友，感謝！😋😋😋😆😆😆

聖誕想有節日氣氛，除左出街睇燈飾打卡影靚相之外，一定係揾間好餐廳，但呢d節日好多餐廳都set定左個餐，未必岩食又冇得單點，所以最好就食buffet喇～一直都想試Hotel Icon既The Market，因為佢地有好出名既榴連放題，不過榴連係季節限定既水果，所以聖誕節我冇預期餐廳會有榴連產品，點知平安夜一入門口就見到一大盆榴槤蓉成座山咁😳仲係自助任添！另外仲有榴槤雪糕同埋榴槤甜品🥹仲未夠，佢仲有個GOVIDA既軟雪糕都係自助任斟😍食到一半，仲有聖誕老人出黎同每一枱客影相☺️呢個聖誕節真係好滿足啊❗️

服務一般 Hotel Icon Buffet💔以前好難訂位的Hotel Icon Buffet～ 宜家都變得容易訂位了，有時都係事出有因，主要係自助餐都唔係平，服務水平不夠，就好難怪人不留港消費 💔食品同飲品款式都多既，質素都ＯＫ但唔係話去到好好食個隻，甜品比較出色，見到一大碗榴槤蓉都幾開心既。然而服務員態度OK的，係燒蟹腳個廚師真係… 當時其實都係得三個人排隊，先生行開左想放低隻杯，咁岩岩好又排到我，廚師大大聲咁話兩份要再排過 😅 望下後面其實得一個人排緊，搞到好似我好貪心咁樣要拎兩份，廚師把聲又大當刻真係超尷尬 💔 你都可以話佢渣正黎做既，但我俾成$900 幾一位都唔係黎受氣的 ：（然後因為係週年記念有請餐廳幫我寫個甜品Happy Anniversary，黎到變左Happy Birthday 💔 … 真係有D 無言，今餐食得唔係好開心，所以短期都唔會再黎了…🏠店名：The Market🚘地址：尖沙咀科學館道17號唯港薈2樓#尖沙咀 # Hotel Icon

朋友月初約定月尾，試大家都未去過的餐廳。餐廳在酒店內，裝修屬平實普通，景觀也未見突出。總結是食物取勝。先取凍海鮮，蟹腳波龍海水味不過多保持到肉質仍鮮嫩👍🏼試蜘蛛膏蟹宮廷伊面可以👌🏻芝士只試了合桃味，大量水果和沙律選擇👍🏼燒牛肉嫰香加芥末很美味👍🏼👍🏼有焗𧐢和烤牛油帶子👍🏼👍🏼意式磨菇雲吞太好味要節制👍🏼👍🏼壽司三文魚子很多未能試，魚生有水平👍🏼值推蟹沙律多士我加放三文魚子在頂哈哈前後吃了3件！👍🏼👍🏼留了肚吃這家的榴槤甜品…. 朋友說吃了一年的份了。很多看來好吃但吃不下如椰子雞湯、喇沙、海南雞、羊架、印度燒餅等等，算是食物種類很豐富的早午餐，加上一直加的sparkling wine, 寫意度過近三小時。

成間餐廳格局似快餐店，矮背座椅無地方放外套，侍應唔識招呼，場地無景走廊窄 ，食物普普通通，蟹腳蟹肉無味，羊架柴皮，蛇羹微熱，甜品少，橙汁糖精多到苦，食到8:30就不refill, 成仟元一位可以講係中伏，唯一可取是日本魚生刺身幾厚切。尖沙咀區有其他酒店自助餐可揀。無下次。

沈晚同老公一行兩人去hotel icon食buffet，因為之前我哋兩個都未去過，而且佢都係幾有名嘅，見佢有做蟹，就特登去試一次，都幾期待。去到環境畀一般酒店冇咁舒適，卡位不多，我哋坐近花園嗰邊啲四人枱，椅子並不舒服，擺袋很麻煩，其實可以考慮下用有咕臣嘅椅子令客人坐得舒服啲。食物款式並唔多，行走全個場，刺身新鮮，有三文魚子蟹子任食，但係佢啲蝦係甜蝦，有啲酒店已經用緊牡丹蝦。凍海鮮味道唔錯，唔會太鹹。但係款式選擇唔算多，呢個價錢，冇生蠔選擇。至於其他熟食，種類選擇亦不多，只可以說是普通。至於甜品，主打榴槤，榴槤蓉的確很好吃，還有其他用榴槤做嘅甜品。另外亦有godiva雪糕，häagen-dazs雪糕，榴槤雪糕等。甜品係我整晚認為最好嘅地方。飲品相對多，茶，水，咖啡，果汁等都有，而且任飲。整晚嘅自助餐，可能同一般傳統酒店有啲分別，食客食到八點半左右已經停手，外面拎食物啲人相對減小，所以酒店相對供應食物嘅數量亦減少。食過呢一次，應該短時間唔會再試，呢間酒店對比其他附近酒店嘅自助餐，性價比相對低，質素未至於這個價錢。