THE PONT (已結業)

平安夜即慶約fd去食飯，冇book位之下唔知食咩好又唔想太貴，上網搵搵下見到呢間餐廳價格唔貴又係朗豪膽粗粗博一舖，去到即時有位！餐廳面積頗大，園林之風，好多打卡位。餐牌，佳節之下4百幾蚊有個聖誕大餐(二人用)，都真係幾抵。聖誕熱煮紅酒，應節之下點了，味道一般。接骨木花特濃咖啡，友人的，試了點，呢個幾好飲呢。栗子南瓜湯，南瓜味道較淡，內有原粒栗子甜甜地。烤白桃西班牙火腿沙律，清新沙律配鹹香的西班牙火腿及烤白桃的香甜，味道正常水準。香煎鵝肝多士，鵝肝香口油潤，多士脆口，味道不俗。香煎鵝肝多士，鵝肝香口油潤，多士脆口，味道不俗。聖誕泰式菠蘿烤雞，同個名有點出入，味道同口感都似中式嘅脆皮雞，皮脆雞肉滑，味道都可以，烤菠蘿幾好香甜。盆栽提拉米蘇，賣相幾好，tiramisu冇乜酒味口感都唔似，唔好食...係個曲奇杯比較好。食物味道普通，價格正常，坐得舒適，服務態度幾好。旺角亞皆老街8號朗豪坊2樓32,33及35-37號舖

THE PONT (旺角)臨時約嘅飯局所以就無book餐廳要即時搵今次搵咗位於朗豪坊嘅The Pont老實個位有少少隱蔽所以餐廳客人都唔太多本身餐廳以花草簡潔為主聖誕期間加上聖誕佈置就有更多打卡位啦座位算闊落加上唔多人坐低傾吓偈係幾舒服但唔好對食物有太多期望🫣X’mas Set for 2 $468/2人烤白桃西班牙火腿沙律-正正常常香煎鵝肝多士-鵝肝多士份量剛好，帶微辣栗子南瓜湯-湯入面有1-2粒栗子 但南瓜湯嚟講算偏淡味美國安格斯西冷牛扒配意式濃汁-正所謂期望愈大失望愈大？！ 食落去普普通通聖誕泰式菠蘿烤雞-烤雞反而唔錯 皮脆肉嫩 菠蘿亦燒到剛好 但聖誕嘅位喺邊😂盆栽提拉米蘇-個人覺得呢個提拉米蘇係完全fail 唔知係咪個盆栽用咗曲奇加朱古力去做 驚佢會溶定其他原因 手指餅完全無浸到咖啡酒之類 然後本身中和酒味手指餅嘅喺cheese已經唔太濃味 再加埋乾身嘅手指餅 成個感覺唔似食梗Tiramisu接骨木花特濃咖啡-有微微嘅酸味 朋友話係杯唔錯嘅啡聖誕熱煮紅酒-朋友點嘅THE PONT (旺角)旺角亞皆老街8號朗豪坊2樓32,33及35-37號舖

見呢間餐廳有好多笑臉，諗住應該唔差，點知就中伏揀咗個時令磨菇黑松露忌廉汁扁意粉、香辣冬蔭炆豬肉粒意粉、同埋肉眼扒。意粉就好普通，食完碟底好多油，唯一可取係夠熱。個牛扒簡直經典，肉質已經唔係肉類嘅質地，係好林，但又咬唔爛吞唔到，好多纖維但又無口感，個扒嘅中間係黑色，完全唔係牛肉嘅顏色，味道更加唔洗講，無味㗎塊扒個甜品又係嚇死人，麵包布甸配雪糕，雪糕係正常嘅，但個麵包布甸係唔似焗過，似係一舊隔夜麵包同一堆布甸夾埋一齊，但個味道又好獨立，麵包還麵包，布甸還布甸，但2樣都唔好食。咁樣每人都要食成$292，我不如去食快餐店好過啦

🐯朗豪坊有個秘密花園？裏面到底有咩食呢？🐭⭐️按「更多」睇詳細食評及餐廳資料😋 呢間餐廳一睇就知係打卡餐廳，淨係個門口已經有好多綠色嘅花花草草。餐廳嘅食品係西式同東南亞fusion菜。今次我哋嗌咗兩份假日套餐，除咗主食，套餐包餐湯或者田園沙律及飲品一杯。《泰式烤黃油雞配烤菠蘿(半隻)》（需時30分鐘）$168真係即叫即整，上枱熱辣辣香噴噴！烤雞外皮脆，裏面有肉汁。食落有少少香茅味。配搭泰式醬汁，應該有少少羅望子，酸酸甜甜，味道都幾特別。《青咖喱雞肉意大利飯》$102咖哩意大利飯味道唔錯啊，每粒飯都有青咖喱汁包裹住。咖喱調味唔係平時出面食嗰啲泰式或者印度式餐廳咁濃味，不過煮成意大利飯，呢種淡淡地嘅味道就剛剛好！雞肉味道而冇咩特別。《野菌忌廉湯》跟套餐 +$20升級味道唔錯，比較欣賞係有啲好細既蘑菇粒粒，令個湯有咬口😂《雜菜湯》跟餐配送質地較為稀，味道就稍為淡咗少少。《薯條配松露醬》跟套餐+$38有一桶仔，份量都算幾多，係較為粗身既薯條。點埋松露醬都幾香脆惹味！《香橙檸檬茶》跟餐配送點咗少甜，所以味道淡淡地，不過有橙香架！《凍美式咖啡(Ice Americano)》跟餐配送呢一個凍咖啡都係冇

朋友係樓上番工約左佢食呢間都兩三次地方大 坐得比較舒服野食不過不失今次7點幾黎食dinner兩個人叫左兩個主餐一個小食一杯野飲燒雞幾好食佢叫泰式燒雞但一啲都唔辣個皮脆啲肉滑 雞翼就一般般Pumpkin risotto 都幾香PS. 唔收AE card

位於朗豪坊，環境清幽舒適，非常適合傾計👍🏻羊扒超好食，唔單止靚，仲完全冇so味。芝士配麵包，芝士熱辣辣，拉絲效果勁靚❤️配麵包絕配，好好食。沙律好新鮮，水波蛋配松露醬，超級好食。不單止環境清幽舒適，價錢公道，下次會再約朋友嚟。

絕對同意服務好差，開始時我見門口有個晚餐大牌見到都啱食，所以入去，入到去見到冇晚餐menu, 問個女職員係咪有晚餐，個女職員答：冇喎，我問咁點解門口有個晚餐牌，佢答我：我唔知喎，跟住即刻走開左。算，諗住睇下仲有其他咩野食，我6點45坐低，已經有好多野食已經售罄，是什麼情况?最後我冇幫襯到走左。間餐廳睇落去新同靚，但Services極差，唔會再有下次。

明明book左台慶祝生日，間餐廳完全無安排，然後就話得番廚房出面勁大油煙既一張台，無台ok咁話等一下其他台，就話全部岩岩坐低入黎，無台架啦，你唔要出面張台就無。大佬，未食lunch已經比油煙味攪到成身臭。職員態度極差，真係永遠不會再去。之前食過一次，都唔係特別好食，裝修又殘，真心差。轉左上樓上4樓食另一間 cafe 價錢相約，環境仲好，服務態度仲好

環境靚靚周圍都係打卡位!! ❤️煙三文魚薯仔沙律 煙三文魚嘅鹹香配上嫩滑嘅薯仔沙，最緊要係賣相超靚!! 🧡意香茄子芝士長通粉 意大利長通粉煮到剛剛好，配上香濃嘅茄子芝士醬，每條長通粉都吸收晒醬汁嘅美味，酸酸甜甜好開胃～💛香烤紐西蘭羊仔柳 過精心烤焗既羊仔柳 唔外層烤得微焦，內裡保持嫩滑多汁，而且有6安士份量都多!!， 羊肉嘅獨特香氣，味道濃郁而唔膩!!💚The PONT 田園蛋糕 盆栽造型既Tiramisu，好岩打卡!!咖啡嘅香氣加上軟滑綿密既口感，層次豐富，每一啖都係滿足嘅享受!!💙THE PONT 法式莓莓吐司配雪糕 法式吐司烤得外脆內軟，配上鮮甜嘅莓果同香滑嘅雪糕，吐司嘅焦糖香同莓果嘅酸甜味道又match又豐富!!💜神秘果園 藍莓嘅酸甜同黑芝麻嘅香濃互相融合，再加上乳酪嘅滑溜口感，好清新健康既感覺~🩷抹茶鮮奶 抹茶嘅回甘味道同鮮奶嘅滑溜感balanced 得好好，又香又順滑!!

約了朋友下午茶慶祝生日，平日唔使排隊，門口reception兩個職員掛住傾偈㩒電話無留意，我哋企咗喺度成分鐘睇住佢哋，之後先發現先安排我哋入座🙄下午茶時段好寧靜，安排到舒適卡位，餐廳環境好舒，周圍都佈置了花草樹木🪴，美式風格的牆身，感覺好清新。我們看了餐牌決定點餐，原來午餐到3點就沒有，但職員卻拿了午餐餐牌給我們😵‍💫 唯有再重新看食咩，下午茶餐選擇較少，但3點有幾款就標示了已售罄。煙三文魚薯仔沙律 - presentation好靚，份量唔多，薯仔沙律幾好食，煙三文魚只有一小片All Day Breakfast - 最好食係個麵包，脆脆的，有味道的，不過吃不出什麼味道，反正就是好食，反而牛油果醬覺得好咸🫣蕃茄芝士肉醬長通粉 - 煙煙韌韌有口感，蕃茄和芝士份量適中Tiramisu盤栽蛋糕 - 好可愛好靚好特別，就點了這個小可愛為生日cake，落單時可選擇加唔加生日牌和蠟燭（加錢），面係tiramisu蛋糕，下面係脆脆麵包粒，剛好中和了甜味和咸味，配搭很好👍🏻凍榛子鮮奶咖啡 - 賣相吸引的咖啡焙茶咖啡 - 第一次試，好香濃的焙茶味，飲到底較甜，撇除底部，個人覺得幾好飲，好特別總括而言，服務

在 open rice 見到呢間，環境幾特別食評都幾好，所以襯同屋企人有聚餐，所以今天試了，換來極之不愉快，見環境幾靚，所以就在影相，點知其中一名女職員，好大聲叫我哋吾好影到人，同埋好不滿我哋在影相，特色餐廳更係要影相，其次職員態度差，價錢吾平食物質素差，星期六正常人流都會爆滿，但是今天還有好多吉位，大家諗諗啦，以後都不會再光顧。。。

本來對朗豪坊的餐廳印象係一係貴，一係唔好食，趕客，但食日第一次來，簡單直接愛上，不趕客，服務態度好，食物好味，價錢公道。平均每人百多蚊／lunch (5人食四個餐)。all day breakfast 128元，水牛城雞翼+沙律，105元，青咖哩雞肉意粒 122元，汁好味，澳洲肉眼扒218貴少少無乜肉味但不錯但要改善個門口，因和salon一齊開所以不知道是餐廳，門口有特色，有打卡位，坐位及內部裝修比較花園式，好舒服。

主食不錯，甜品還可以，環境好ok，不過餐廳隔籬就係髮型舖，我和朋友都猶豫咗一陣先入去，原來真係餐廳🤣呢到傾偈食飯好OK 不過叫咗杯嘢飲，原本睇餐牌圖杯嘢飲係有忌廉喺面，好有層次，跟住送到埋嚟普通一杯咖啡咁（冇咗忌廉單一隻色），跟住我就問服務員點解同餐牌圖不符，佢就表示最新改過杯嘢飲無忌廉，遲啲會換餐牌，咁我就話唔想飲，要換過其他，服務員第一下面有難色，甘最後都有換到。其實呢間餐廳各方面我都覺得可以，除咗餐牌唔夠更新，同埋服務員可以更妥善跟進顧客需要就會更好啦。

約咗朋友喺旺角high 🍵 tea，打開OpenRice第一間彈出嚟，咁就訂呢一間啦……估唔到有驚喜🥳🥳環境清幽，地方寬敞🫶🏻🫶🏻價錢仲好抵食……烤雞長通粉，雞肉與通心粉分開開上，不會令到雞肉過分浸在湯內，雞肉非常好食，通粉反而比較腍，口感一般，火腿蛋漢堡，好多塊🤩🤩火腿，薯條🍟🍟乾炸起非常好食，仲要係粗薯條🍟🍟係我嘅至…..麵包軟硬度適中，加$15有是日餐湯，咖啡配燕麥奶加$5 ，味道偏淡。

行開朗豪坊想食下西餐，見到轉角位有間cafe門口既花牆好有田園feel，仲有個吊椅打卡位好吸睛！餐廳以花草樹木為主題🪴🌷環境好大，坐得舒服又闊落，食物價錢亦都好親民！🦞龍蝦汁大蝦蜆意大利粉龍蝦汁味道唔算重大蝦彈牙爽口，意粉硬度剛好🥞Pont全日早餐裡面有煙三文魚、多士、香腸、香菇粒、煙肉、沙律菜同黑松露蛋成個all day breakfast食材都好豐富黑松露炒蛋好滑溜，多士非常香脆可口🍍菠蘿熱情果果茶 - 可選茶底（伯爵茶/烏龍茶）好濃烈既熱情果味，飲落比想像中甜左少少