The Restaurant

營業中

休息中

中午去北角約了朋友吃個餐聊聊天，她介紹了宜必思酒店一樓的The Restaurant。這裡吃餐不限時而且食物價格不貴，有半自助餐可選。餐廳面積不算大，擺檯很密，說話時旁邊的客人都聽到。我們訂了12:00，到達時看到有很多檯已被留座。半自助餐是餐湯，面包，冷熱飲品任飲任食。主菜從餐牌選一款。我們要了一份煎巴馬火腿雞肉、柚子漬木薯糕、輕盈沙律配和風油醋汁，另一款是法式紅酒燉牛面額肉意大利粉。主菜未到去取湯喝，南瓜忌廉湯，湯很熱，湯底綿密。再取一些面包來配湯同吃，面包種類有四款，麥方包，白方包，牛角包，提子鬆餅。有烘爐可烘多士。面包質感鬆軟，鬆餅也不太硬。南瓜忌廉湯被客人取光後，又換上磨蘑忌廉湯，同樣都好喝。沙律上檯，一大碟，五顏六色，菜新鮮爽口，蔬果款式多。醮上和風油醋汁酸酸甜甜增進食慾。巴馬火腿薄薄一片，夠鹹香，雞肉一大件，可惜口感就鞋了點。紅酒燉牛面額肉意大利粉，意粉熱熱的又有彈性，掛上醬汁帶點濕潤易入口。牛面額肉一刀可切開，包裹著牛面額肉的醬汁很惹味，肉質嫩滑又入味，這個意粉很好吃。吃飽飽去取飲品，一部熱餐飲機可提供多款飲品，天氣乾燥，我選了金橘蜜糖綠茶，味道甜甜地又夠熱。一點鐘餐廳

今日時今日咁嘅價錢，真係抵到不得了。自助吧，餐湯，麵包，飲品，無限添食，添飲，還有主菜，只是一百元以下，食物水準也不錯，值得推介。餐湯什菜湯，材料好足，酸酸辣辣勁開胃。麵包係牛角包，非常軟熟，還有鬆餅可當甜品。主菜我點了牛油果，紅菜頭沙律，大大碟，但牛油果份量只1/4， 對於牛油果控的我，真係唔夠囉，論價錢係 ok嘅。藜麥，小米，車厘茄，沙律菜，青瓜，紅菜頭…. 份量頗多。様樣食材新鮮，好味。飲品區有咖啡，茶，果汁，汽水，真係飲到你唔飲。

今日想食西餐 ，知道呢一度啲餐比較大份， 所以來到試下。 午餐人都幾多， 坐得好迫 ，不過價錢就唔算貴， 所以都接受啦 。我哋點咗兩個套餐 ，一個羊膝， 一個西冷扒 ，呢度係適合肚餓大食嘅人，因為湯同麵包任食 ，今日係南瓜湯， 麵包都有幾款，有白色方包， 麥方包，牛角包 ，muffin ，可以自己烘返熱加牛油食。 兩個餐一好一壞， 西冷牛就幾好， 好大份 ，牛扒整到七成熟， 鮮味多汁 ，仲有少少脂肪好香， 配菜有新薯， 荷蘭豆，bb紅蘿蔔 ，好新鮮。 羊膝就強差人意， 因為成嚿羊膝好似肉乾咁 ，個樣就不討好， 黑萌萌， 又柴又韌，都唔明點解咁都可以畀得人食。 食完個主菜 ，可以再飲湯，再食麵包 。仲有呢度飲品都係好多選擇， 又係任飲， 我就飲咗咖啡 ，奶茶， 個friend就飲咗利賓納，奶茶 ，仲有朱古力 。個價錢仲有85折， 相當抵食，但係水準就參差， 冇保障。

介紹得梗係即興啦我哋一班人有六個上到去大概1:50大把位唔駛等坐低睇吓有啲乜嘢食先竟然仲有午餐唔貴喎大概$70-$80未計+1合理合理仲有餐湯餐包冷熱任飲今日嘅餐湯係忌廉甘筍～好好味呀我仲飲咗兩碗添餐包有牛角酥同埋鬆餅仲有牛油任你搽（重點係有個焗爐可以焗返熱啲餐包～非常美味）冷熱飲品都有咖啡奶茶果汁我食嘅午餐$78係煙三文魚青醬扁意粉🍝環境OK啊乾淨衛生～坐得舒服！食物質素都OK呀性價比高會再嚟啊行出門口每人都係$85咁嘅價錢有咁嘅食物質素超值！服務態度好好啊！起碼見到我哋一班人上嚟都會加湯加麵包😙值得推薦💯😎

朋友介紹北角呢間 “Ibis”，話宜家有 special price 嘅半自助式 weekend lunch，於是相約一齊去試下…餐廳內環境清潔、擺設整齊，自助沙律吧、飲品一應俱全 😉👇🏻“沙律拼盤”⭐⭐⭐～生果蔬菜新鮮、有菠蘿粒、茄厘子、青瓜、粟米等等，醬汁亦有多款選擇…各適其適 😃👇🏻“法式慢煮牛面額肉”⭐⭐～牛肉炆得頗淋，但肉身就比較鞋，幸好芡汁味道調教適中，都👌🏻啦！😉👇🏻“烤黑椒蜜糖無骨豬手配芥末濃肉汁”⭐⭐⭐～豬手煮得好入味、外皮爽滑、肉又夠淋，配合芥末一齊食 👍🏻😋👇🏻“法式紙包焗普羅旺斯鯰魚柳配香草牛油”⭐⭐⭐～魚柳好滑嫩、🍋牛油香味洋溢，配埋🍋片點綴，賣相吸引👍🏻😋

午巿有半自助式午餐，即係揀一個set,可任飲餐湯，任食面包，及任飲汽水橙汁咖啡餐茶。湯係每日唔同款式的，今次係忌廉湯，正常貨式。 面包有白面包，麥包同牛角包，有多士爐可做烘底。餐飲有汽水橙汁，朱古力，咖啡，檸茶檸水，要自已沖。主set 牛扒，正正常常，可選薯菜，飯或意粉。去酒店食lunch, 110蚊，算係平價之選。環境方面，枱set得比較迫，可能因為價錢平既關係，要做多幾枱先圍到皮，服務正常，而餐具同環境都乾淨衛生。

剛好今日既早午餐都會係The Restaurant 食 咁就寫篇寫評記念下☀️🌞早餐我地一人要左一個all-day 我就要英式 朋友要美式 其實分別唔大 基本既組合有自己揀煮法既蛋 煙肉 肉類 本來已為早餐都會係hea hea地 但係feel到廚師有用心 炒蛋同煎蛋都做到半熟 炒蘑菇同薯粒調味足 唔會過沖 炸薯餅脆口 基本功唔錯🌏午餐要左煎牛扒同焗千層麵 剛好今日應該有公司book左場 所以場地會比較擁擠 牛扒份量好足夠 而且好快就上菜 雖然唔係啲咩高級牛肉 但係筋唔多 配上黑椒汁唔錯 如果薯條放係旁邊 會好過墊底 因為咁樣會無咁容易淋焗千層麵等得頗耐 差唔多食完牛扒先上 焗盤好熱要小心 外層有焦香 醬汁味道夠 只係無左擺盤既三條小棠菜 應該會美觀好多😎😎飲品 麵包等係自取 牛角包 及 提子丹麥酥 牛油香味重 可惜想encore時依經無晒 得返白包同麥包🍞

今日重陽節，我就無去登高啦，反而一早就PLAN定放假同老公去邊行街街未行街之前梗係要先填飽肚子啦，如果唔係會無energy消費！因為搭船過黎北角，所以就想近近地揾間餐廳食飯，今次就黎左IBIS嘅餐廳幫襯啦！事前做好RESEARCH，知道佢開12點，所以就較啱時間先過黎黎到先係12點05分島，但係只係得返少量位置，因為大部份人都有BOOK檯因為我同老公先係兩個人，所以仲有得WALK IN（真好彩！）所以我都會建議大家黎之前先係BOOK檯今日係假期，2人就$188加一，4人就$348加一餐牌上既野食就任選兩款，我地要左I同J，自助吧有飲品、甜品、沙律同湯因為餐廳好多人，所以唔影自助吧了，改為用文字形式交待有乜野可以自助拎麵包：方包、蝴蝶酥同埋牛角包湯：好似只有羅宋湯沙律：沙律菜、紅菜頭、洋蔥、粟米⋯⋯甜品：芝士蛋糕、朱古力（定唔知TIRAMISU）同埋桂花糕飲品：奶茶、咖啡、橙汁、可樂、梳打水、水、仲有檸檬食左一陣沙律就上主菜啦，先係我嘅慢煮牛頜肉好淋！一切就散開，但係唔會散到好似煲湯豬肉咁，配以燒汁同埋薯蓉，好食！！薯蓉有牛油，所以一定好食又CREAMY老公叫嘅J 比我大份，係肉眼扒配薯

呢間餐廳位於宜必思酒店2樓，好多年前望海景㗎，依家被北角滙遮咗海景，所以大家可以專心出去拎半自助餐前菜，晚上2人半自助餐價錢只是$228，沙律前菜包括有益的藜麥，雞心豆，紅菜頭，也有淡而無味的薯仔和蕃薯...有沙律卻沒有橄欖油和醋，可惜可惜，只有3隻杰撻撻嘅沙律醬揀：千島醬、和風油醋汁、蒜蓉蛋黃沙律醬。甜品也是3種，有雪藏味無芝士味的芝士蛋糕、TIRAMISU 同埋杞子桂花糕。主菜選擇都算多，豬手夠大份，味道OK，羊架有3塊，牛面頰夠晒腍，牛扒則是醃肉粉味沒有牛味！飲品選擇也多，檸茶、汽水、梳打、凍奶茶、凍咖啡、熱朱古力等，平均百餘元一位半自助餐算抵食。

今日520要去北角附近開工，本身打算去北角匯搵野食！行行下途中俾呢間酒店樓下既餐牌價錢吸引住！就轉左plan去呢到試下手勢！餐廳位於2樓，上到去都坐滿8成位置！好左唔洗等都可以入座！Lunch set 有12個款式揀，價錢由$60-$92另加一。而且包半自助形式既無限添飲飲品、餐湯同麵包！真係幾抵嫁！我同友人就揀左比吉打豬扒拌意式煙肉素菜蛋餅配酸豆檸檬牛油汁$78豬扒口感好彈牙，而蛋餅蛋味濃郁，餡料足夠，配上的醬汁是很夾的！燒焗蘿勒芝士鯰魚柳扒伴忌廉薯蓉配干邑海皇汁$85焗到時間岩岩好，魚無雪藏味！而且魚肉都滑的！薯蓉有濃濃的忌廉味好好味😋最緊要係主菜前自己可以去整多士食同拎忌廉餐湯飲！而飲品有橙汁、利賓納梳打、奶茶、咖啡、檸茶檸水選擇！每人平均消費都唔洗$100，而且水準叫性價比！可以再來幫襯！

咁岩行過間酒店，見到個牌寫住$168兩個人半自助午餐，酒店西餐黎講都算好抵！1. 自助頭盤（沙律+飲品+甜品）可能我去果陣都一點半，啲沙律同甜品冇乜，又冇refill... 真係得返一兩舊蕃茄，幾片生菜，幾粒啫哩糖咁... 睇見都冇動力夾黎食... 但朋友食咗話冇乜野。飲品就諗唔明點解佢已經用咖啡機..都可以咁難飲... 無論係咖啡或者檸檬茶啲茶都好......都真係好難飲。2. 主菜牛扒+牛面頰可能比個頭盤嚇窒咗🤣對個主菜抱住0 期望，但求唔好太難食，入到口醫飽個肚就算，所以冇期望冇失望。完。總結：雖然話一分錢一分貨啫... 但其實計返都差唔多$100個人（$168+$17=$185）... 個性價比真係好低！

Package 龍蝦鵝肝+半自助餐。見之前食評有人話難食，未去之前都有少少擔心。覺得拍得住茶餐廳就收貨㗎啦。半隻芝士龍蝦唔大隻，不過好多膏。質素比好多自助餐都好。鵝肝/鴨肝正常，伴牛油果蕃茄洋蔥粒。不過我都係鍾意配麵包多啲。主菜聽從前人嘅評語，唔揀豬肉同埋魚（當時已售罄）。揀左鴨胸同埋牛扒,幾好味😋可能因為最遲先入座廚師慢慢整🤔嘢飲有咖啡奶茶汽水，同埋兩款湯（羅宋湯比較稀）。有方包牛角包，幾款甜品，幾款沙律，正正常常。$500住一晚加dinner~~~滿意

Promotion HK$138 for two, 包任食麵包及任飲冷熱飲品及餐湯, 真係好扺食。但可惜是只睇得, 味道麻麻地,  首先講塊豬柳, 完全是Juicy 的相反, superdry ,  好硬咁款,  切出來睇, 好實好dry, 比煲湯肉更dry。 而魚柳都唔夠滑, 無咩鮮魚味。雖然主菜麻麻, 不過伴碟的 Creamy Mashed Sweet Potatoes 很好味,  由於我們只吃了兩款肉食, 其實可能其他不是肉食為主的dishes 會好一點的,  我相信還是會再光顧試其他 dishes. 因為都坐得舒服的。

位於酒店嘅餐廳經常都滿座特別係午飯時段因為非常之抵唔使一百蚊就食到半自助餐蒜蓉牛肉眼扒有得揀幾多成熟蒜蓉好香但係牛扒就多筋咗啲不過唔使一百蚊就咁大嚿都算係咁出面右方包，湯， 同嘢飲可以自己拎食幾多都得所以都幾抵㗎

酒店係行大眾化嘅路線，餐廳都係，一入到去，唔好俾嗰種暗淡嘅燈光，懶洋洋嘅氣氛 , 似有還無嘅招待turn you off .... 你將會感受到嘅係一種好無拘無束，悠然自得嘅感覺。午餐由$70至到$85一份，如果係兩個人嘅話，可以係$138嘅價錢 for two ，四個人嘅話，仲抵.Food wise , 咁嘅價錢，係可以接受，係好可以接受添。唔應該同埋唔好攞嚟同大酒店或者係酒店相比， 食物質素同花園餐廳，七重天餐廳嘅質素相若，當然啦擺盤會靚啲啲，味道會好啲啲，刀叉碗碟杯會靚啲啲，完整啲啲，侍應態度好啲啲。Main course 你驚會食唔飽？冇可能， 餐湯，係任飲的，餐包，係任吃的（應該係嘉頓方包，及麥包）， 最回本嘅地方係咖啡茶係任飲，係用咖啡機自己撳掣嗰種，又可以飲橙汁，又或者係凍奶茶。Accor plus 會員，就應該用唔到呢啲優惠，咁平嘅嘢，唔會俾你再有折。會唔會再返去？梗係會啦，尤其是預計會同朋友傾好耐計，或者係下午冇嘢做，呢啲地方可以坐好耐， 2:30pm佢就會停止服務，但係侍應並冇立即攆你走，因為佢自己都忙到飛起，唔得閒理你。臨走嘅時候，侍應會同你講一聲多謝。