The Tomato Story (已結業)

今日要去婚展 諗住落車係openrice揀一間附近餐廳搞掂個lunch見到呢間個評分唔錯 諗住快快手食個午飯點知係個大伏黎叫左個焗雞塊蕃茄飯個蕃茄飯無炒底 無調味純粹蕃茄湯煲飯啲雞塊好似白灼咁 又無味又鞋口超級大伏 唔好試

Bookmark左好耐，今日一試，伏左🙈好彩OpenRice訂枱有75折，都好平姐。。🍅中東油封鴨腿番茄湯飯 $88首先試啖湯，好清好淡，似雜菜湯多過番茄湯，我自己煲都濃味過佢😑 以一間用番茄做主打既餐廳黎講，個湯完全唔合格❌d飯硬到直頭係半粒生米咁，食到胃都痛埋😥d飯直接係湯上面。。。仲要d湯本身都唔係多，食2下已經冇曬湯。。😩鴨腿一一般般啦，呢個價黎講ok既🤭🍅和風豬軟骨番茄湯通粉 $78湯同上，通粉係正常硬度，湯量ok豬軟骨都炆到幾淋，都入味既👌🏻唔會推薦。講完。

環境都算坐得舒服，食物賣相幾好，不過味道就認真麻麻，尤其係個咖喱牛舌蛋包飯，可以話係淡而無味⋯⋯ 服務就普普通通啦⋯⋯ 而價錢就⋯⋯一個咖喱牛舌蛋包飯，一個沙律+一杯咖啡，好似$160左右！

做完facial 醫下肚，卜左尼間試下，去到可能太早又平日，無咩人。餐牌睇落比較普通，隨便叫左焗豬飯同娘惹咖哩飯。整體感覺無好大驚喜，味道唔錯但無令人深刻既味道，而且叫豬比錯魚，有d無奈。份量夠一個人飽，但明顯兩個飯飯量有差，焗飯算係比較大份。如果附近工作當canteen 咁食，價錢尼個算抵食同唔錯。服務方面可能未到繁忙時間，得一個姐姐做樓面，比較難叫，但態度正常。地點睇地圖比較難中，果邊幾條街痴得好近，路痴既me搞唔清

✏️溫泉蛋番茄素菜長通粉 ($88)素食人士又或者係當日想食清淡少少嘅好選擇啊🥰蔬菜份量幾多 而且會係有唔同種類 配搭住佢微酸嘅番茄湯 感覺好清新🍅不過番茄湯我覺得要濃郁少少 而且好稀身嗰隻 冇番茄蓉的番茄湯 但蛋控表示好鍾意有埋溫泉蛋 篤穿蛋汁配個湯粉係一流🥰不過以呢個配料黎講我覺得定價有少少太進取🤡

This place is great! Atmosphere is chill and cool but the staff is also friendly. They know what they’re doing and you can tell making the customers happy is their main priority. Food is pretty good, recommend waygu beef rice with tomato clams soup and pork loin, and for their prices it’s 100% worth it.

讚1.環境幾開揚，坐得舒服2.番茄湯幾好，清得黎又夠味，鮮甜而唔會好重味，湯通粉夠味，豬軟骨煮得夠身，入口唔柴皮彈1.服務要改善下，入到去得位廚師係度，所有樓面都無返工，雖然廚師好禮貌，但佢都無得同時又煮又招呼客人囉

：【黃店推介 - 番茄🍅小黃店 - Tomato Story@金鐘】🐷🐷💭今日工作關係去咗金鐘嗰邊, 好唔開心周街都係大集團嘅藍店, 最終行遠少少發現呢間番茄控嘅專門店。佢成個lunch set menu都有蕃茄! 價錢中上, 始終商業大廈地下對住大馬路實貴租! 如果可以包埋嘢飲就更好啦🤣!!🐷🐷💬咖哩吉列魚柳蕃茄飯 ($88)呢個配搭幾過癮, 咖哩感覺似日式, 唔算好辣, 而蕃茄飯就第一次食, 有少少酸酸甜甜蕃茄香, 幾正幾清新, 魚柳炸得好香脆, 粉唔算太厚, 幾好食! 一啖飯+魚柳+咖哩, 就甜酸咸辣都有, 大家都可以試下啊!!

在灣仔和金鐘之間，路途上大馬路旁的 The Tomato story，位置有點隔涉，在兩個地鐵站中間，餐廳窗口對著軒尼詩道、電車站和警察總部。焗厚切豬扒蕃茄飯，$88。焗，即叫即焗，十分熱。厚切豬扒，不硬，肉鬆。蕃茄，有蕃茄蓉、有小蕃茄。飯，炒飯底。整體來說，這個焗厚切豬扒蕃茄飯，味道中等，即叫即焗及免費加底都加分。加$10有冷熱飲品。免費加底，這個十分重要，下次再來要記得加底。總評味道：中間水準環境：在大街旁難得的清靜服務：落單快，上菜速度都快衛生：OK抵食：中等價錢，$100一個人

今日午餐同同事去咗食呢間，第三次食。之前食焗厚切豬蕃茄飯，味道一般，但豬扒肉過腍但係又會有啲渣黐牙。今次食呢個自家製蕃茄湯配手捲粉配牛肋肉，有驚喜😁個蕃湯蕃味濃但唔係杰身嘅，又無味精，真係原味濃茄味😍我飲晒啲湯✌個牛肋肉好腍無渣，有牛味，有少少肥膩。個手捲粉有少少煙靭，唔太軟腍，我鍾意嘅質感，有咬口😁初時以為份量少，食晒成份，唔係太飽😅，點知都到7點都未肚餓勁👍我諗我下次都會再去🤔其實上次食咖喱飯都唔錯啊!😁

打工仔又到放lunch嘅時間! 疫情關係日日都要買外賣, 今日想對自己好啲, 鎖定一間一直都好想幫襯嘅小店! 位於灣仔同金鐘中間, 太古廣場三期附近嘅一間小店, 出晒名專做蕃茄菜式, 價錢都唔算平嘅, 果然成個餐牌都係蕃茄~~~ 選擇左餐牌上面排第一嘅經典蕃茄牛肋肉湯通粉! 一打開分量咁少, 有啲嚇人 蕃茄汁用好多蕃茄蓉去做, 食得出好入味, 原汁原味嘅蕃茄~~~ 用心度抵讃!! 牛肋肉亦都幾入味, 可惜份量真係太少, 兩啖已經食完... 抵食度要扣分... 另外我加咗錢要咗杯熱奶茶, 一打開個杯蓋, 飲品個顏色深到好似鴛鴦咁, 當堂驚一驚, 飲咗一啖, 澀到我無辦法再飲落去, 極度懷疑佢落得好少奶.... 嚴重扣分...

🌸#girlsfoodies灣仔#girlsfoodies西式🌸​【 💛 #GF_List 】​🉑：外賣自取 | 網上外賣平台​⭐評分: 6.5/10​———————————————​金鐘嗰帶真係無乜黃店選擇，唯有行到近灣仔嗰頭～——————————————————
​▪️蕃茄牛肋肉配卷粉 ($78)​▪️蕃茄豬軟骨配卷粉 ($78)​▪️秘製肉醬意粉 ($68)​​卷粉個樣幾靚，食落其實就係通粉咁，不過就可以裝多啲湯係入面！茄湯茄味幾濃，唔似味精湯。牛肋肉同豬軟骨都有三大塊無呃秤，不過炆得唔夠耐，比較鞋同韌，豬軟骨嘅軟骨位仲係好硬，啲餸真係要改善 🥶​ ​肉醬意粉麻麻地，有啲水、唔係幾食到茄味，明明應該係重口味嘢，但嗒落係無乜味😂而且份量亦比較細，食完唔太滿足​​​✨ Tomato Story✨​📍灣仔軒尼詩道8-12號中港大廈地下A號舖​⏰1200-2200 (星期日休息)​​

食物唔係餐廳水準，有服務費，價錢係大家樂两倍。唔建議食正餐時間幫襯，因為服務人員會急於收碟和問你食完未，盡管飲品未飲完。賣點可能係黃店，但係待客之道就唔係太似。

呢間餐廳以番茄🍅為主打，概念有創意環境方面裝修走清新簡約風，枱與枱之間有足夠距離，感覺整潔。今日嚟食中午飯，相比番茄，我較鍾情呢度嘅咖喱，我叫左個咖喱雞飯，咖喱汁香而不辣，送飯一流，所以我碟飯食曬雞肉就一般雪藏雞貨式無咩特別。飯腳就叫左個番茄焗豬扒飯，呢度D焗飯有個問題就係唔夠熱，我對焗飯嘅基本要求係要夠熱，不過佢D番茄汁係正嘅，食得出係新鮮番茄做。如果响焗嘅時間控制方面改善就perfect啦。今日唔多人唔洗等位，上菜速度都好快，唔洗半個鐘頭食完走得。

悲傷嘅一日，中午坐車時漏咗銀包係巴士度，去埋差館報失已經3點幾，諗住去大門點知執左，見到呢間好似幾好食就入左去。入到去見到餐牌都感覺幾貴，下午茶來講4x-5x蚊一份，可能我啱啱唔見銀包身無分文覺得好貴，但都坐低左就叫左野食。上餐後發現，嘩，好細份，食落都真係嘩，食兩啖就食完。我同男朋友都大食，所以呢個份量真係唔係好得，根本食唔飽。不過其實係下午茶份量，係我自己接受唔到啫。如果同一班女仔朋友嚟食，可能就好適合，因為環境唔差，份量對細食女仔下午茶嚟講十分足夠，又有野飲。同埋味道都真係幾好食，但真係唔飽，搞到最後要去食多次其他嘢。