The uniek

營業中

休息中

平時都會帶寵物嚟南豐紗廠散步，屬於Pet friendly嘅食肆唔係特別多，呢到係其中一間👍🏻❇️澳洲穀飼牛肉眼薯條炸得香脆，肉眼冇問我要幾成熟，上到嚟係Well done，略嫌肉質偏柴，配上醬汁會比較有味道。❇️ All day Breakfast全日早餐種類眾多，麵包烘得香脆，薯餅好食，蛋份量比得好多，味道正正常常。🐈‍⬛紐西蘭無激素雞肉南瓜（寵物）係啱啱煮好嘅，會提我哋要攤凍一陣先比狗狗食❇️餐牌

放假想帶埋狗狗一齊出去食野同佢行下玩下，就會諗到黎呢個商場，我地是但就入左呢間咖啡店試一試佢，佢地仲會有寵物食物大家都可以帶埋你地嘅毛孩黎試吓😍芝士燒烤菇 •黑松露忌廉天使麵 $108燒大啡菇好juicy但略嫌芝士味唔夠濃，配料包括法邊豆、洋蔥、野菌，整體好有黑松露味，而天使麵比起平時嘅意粉幼食落無咁濟，亦都做到掛汁效果。Flat White跟餐 +$15咖啡一般偏苦澀，奶唔夠香。All day breakfast 全日早餐 $148薯餅/牛乳滑蛋 /茄汁豆 /煙肉/ 豬肉腸/燒烤菇/多士/田園沙律。滑蛋炒得滑嫩，煙肉唔會過鹹過乾，多士脆口，沙律夠新鮮配上沙律醋唔錯。

今日去南豐紗廠試咗間The uniek西式餐廳，叫了一份牛扒及全日早餐，牛扒好大塊，肉質好淋，不會乾身，媲美連鎖店牛扒店，168好大份，全日早餐款式比較多每一樣都好好味，值得去試😊

午餐時段到訪，唔需要等位。不過價錢定位都真係偏貴小小🥲雖然包左飲品。炸軟殼蟹意粉幾好食，但 lunch $138真係小貴。 朋友叫左另一款意粉覺得冇乜味🤣上菜都快，不過有漏單😂

同朋友嚟咗南豐紗廠做下偽文青，朋友話佢之前食過呢間隱世Cafe，雖然望落去似係淨係賣型格生活用品店，主打休閒家居風，但係其實係有位置俾客人食嘢嘅，而且仲要係pet friendly嘅餐廳！朋友話呢度嘅食物性價比好高，好想今次再去食多一次～明太子軟殼蟹珍珠帶子天使麵💰HK$166炸軟殼蟹嗰層炸粉好薄，食落好香脆，完全冇油膩感，仲有好多粒珍珠帶子，天使麵好幼身，質地偏淋，略嫌明太子忌廉汁偏少！跟餐飲品就加錢簡咗奶蓋青蘋果綠茶，呢個奶蓋係咖啡嘅奶泡，同想像中嘅奶蓋唔一樣！綠茶有淡淡嘅青蘋果香味，成杯野唔甜，飲落幾清新～澳洲穀飼牛肉眼💰HK$168肉眼扒我哋簡咗5分熟，呢個熟度啱啱好，塊扒好容易切開，個肉唔會韌，好juicy！旁邊嘅沙律菜用咗胡麻醬嚟調味，食肉食得太漏嘅時候，食返啲沙律菜即刻清新哂！粗薯條外面炸到脆卜卜，入面啲薯蓉綿密！成碟野無論無主菜定配菜都好好味～

係文青地點南豐紗廠行到攰🫨，諗住食下午茶，見到一間有歐陸風情既Coffee Shop,就一於入去試試啦🤩🍔黑松露雙層芝士牛肉漢堡 $148漢堡價錢略貴，牛肉比較乾，麵包皮有牛油香，整體份量大份但食落普通😭☕️意式蛋糕咖啡 $49第一次飲蛋糕咖啡，口感唔錯，很香咖啡蛋糕味🍍熱情果焦糖菠蘿梳打 $52夏天熱辣辣，好熱好熱，最岩飲梳打化熱氣，配上焦糖菠蘿，令成杯飲品提升一個層次，唔錯！餐廳環境唔錯，又可以帶毛孩入去一齊食野，有毛孩既朋友可以帶埋佢地入去識朋友仔🥰

🐶Pet friendly 帶左兩隻狗仔黎職員都驚佢地太逼唔夠坐比左兩張坐墊佢地休息下❣️餐廳仲好貼心咁提供Pet food無激素羊肉、雞肉三文魚等等上枱已經聞到好香 狗仔唔洗幾分鐘食完😍 推介🙌✨韓式泡菜軟殼蟹天使麵 $128色彩繽紛 亦有唔同味道💯✨日式煙肉蛋黃醬薄餅 $108用左印度薄餅做底 唔會太膩～有點迷你 如果大塊啲更好🧇甜品有點失色 偏軟身 *****************************

呢間寵物友善餐廳有唔同菜式，仲有精品咖啡同特飲，地方寬敞，而且性價比幾高，最啱大家同寵物一齊去南豐紗廠玩吓，今次我就帶咗柴犬去玩😊🟪美國豬肉眼扒豬肉眼扒有二塊，仲要幾大塊，肉質幾滑。薯條係即叫即炸口感唔錯，加埋沙律平衡吓油膩感岩曬！🤩🤩🤩🟦燒烤菇芝士薯餅風車包風車包做到外脆內軟，燒烤菇幾Juicy同大塊。芝士薯餅夠晒脆，口感一流！👍🏻🟩雜莓乳酸梳打抹茶柚子梳打二款味道都唔錯，幾清新又可以解油膩😊

行左陣南豐紗廠就見到呢間cafe朋友話想試下英式周打蜆湯入口順滑同好香韓式泡菜軟殼蟹天使麵＄128呢個真係幾好食，用韓式泡菜配天使麵食落唔會太辣，呢個fusion菜好有開胃效果，仲有一隻好大嘅軟殼蟹炸粉唔會好厚身用天使麵口感食落不錯 ，夠幼身👍🏻燒烤菇芝士薯餅風車包＄128風車包都幾大個，因為中午食咗大餐，所以想夜晚無咁heavy 而簡左佢，大啡菇啖啖肉，夾埋芝士同牛油，蕃茄同生菜伴碟亦有沙律菜，食落都幾fresh 仲有草莓咖啡同埋薄荷咖啡☕️的確為休閒嘅時間帶來一點咖啡因！

荃灣南豐紗廠有好多可以比寵物一齊去嘅Cafe😚呢間the uniek cafe隔離就係賣雜貨 可以食完嘢去隔離行埋街👍🏻👍🏻👍🏻餐廳裝修好雅致 以藍色為主 俾人好舒服嘅感覺🩵🩵🩵❤日式拿坡里風味薄餅Pizza嘅口感好軟熟🤤🤤上面有木魚片，同埋紫菜增添日式風味 配上辣肉腸pizza 真係好好味啊！💕💕💕❤明太子雙魚漢堡漢堡包賣相好靚🫶🏻明太子醬同埋鮮嫩嘅魚片混合在一齊，味道好濃郁，好滋味。加上香脆嘅漢堡包，食落真係好過癮🥰🥰🥰再黎就係兩款梳打啦，一款係雜莓乳酸梳打，一款係抹茶柚子梳打🩷💚雜莓乳酸梳打味道親切又清新😍😍😍抹茶柚子梳打就係結合咗抹茶同柚子嘅風味，有啲甘甘地但又有柚子嘅酸香，好開胃同解膩😋😋總括黎講，呢間餐廳嘅食物真係好出色！食物有特色，口感豐富😘😘而且服務友善 性價比好高☺☺☺📍荃灣白田壩街45號南豐紗廠1/F 111舖

係南豐紗廠, 一間Pet-Friendly既cafe, 同零售二合一. 店外座位見到好多客人帶埋狗狗一齊進餐超開心. 而店嘅另一半空間擺放鐘呀等等日常日常用品、家居裝飾或者配飾等產品日式五重芝士薄餅 $88新鮮焗起, 其實比較似pizza 包, 因為底係好似包咁軟熟嘅. 除左cheese 味, 佢仲淋左日式醬汁灑有木魚絲紫菜, 個味道都幾夾美國豬肉眼扒．伴薯菜 $138最欣賞係薯條炸得香脆, 而且已經調味過幾好食. 豬肉眼扒幾大塊, 仲有salad 減膩熱情果焦糖菠蘿梳打 $52雜莓乳酸梳打 $55飲品都有唔錯, 相對較喜歡前者, 更refreshing 酸酸嘅好清爽, 好岩夏天飲後者相對甜多dd, 但都幾香berries 味餐廳地址係：荃灣白田壩街45號南豐紗廠1樓111號舖

南豐紗廠絕對係週末好去處😍，每逢週末都有好多毛主人帶毛孩🐶🐱出沒，大小毛孩的遊樂場，變了可愛毛孩小天地。帶得毛孩🐶🐱出街街，坐低食野少不免，呢度好多餐廳都係pet friendly🥰今日我就帶埋毛孩來到The Uniek午餐，感受下週末好時光。The Uniek 主打Cafe 多國菜西餐🍴主食：蜜糖芥末吉列豚肉漢堡🍔$128美國🇺🇸豬肉眼扒，伴薯菜$138特色飲品：熱情果焦糖菠蘿🍍梳打$52奶蓋青蘋果🍏綠茶🍵 $52呢度環境好靚，侍應都好友善，Cafe零售二合一，食完美食也可以採購。因為周圍都充滿毛孩🐶🐱，人與人之間都超級友善開心，充滿滿滿的歡樂及愛❤️食物方面，超靚擺盤，有質素有賣相，打卡真係一流，同朋友食食聊聊，毛孩可以在一旁陪伴，呢度仲有好多pet food 可以點餐，下次可以比毛孩試試😋今天毛孩也好開心🥰又可以同其他毛孩玩耍，真係好歡樂的一天😎。

The Uniek餐廳內部採用了現代簡約風格，加上柔和的色調和燈光，整個氛圍非常輕鬆，右側是家品店，吃飽可以再逛逛，入手精緻的家庭用品。餐廳是Pet Friendly, 有寵物餐單，可以帶心愛既寵物一齊用餐。燒烤菇芝士薯餅風車包這款麵包超厚身，一口完全咬唔晒，外皮酥脆，芝士下是厚厚的薯餅同大啡菇，軟熟得來好Juice。韓式泡菜軟殼蟹天使麵麵條幼細沾滿微微的泡菜辣，再加軟殼蟹爽脆既口感，鮮美的蟹肉仲有蟹膏，真係好幸運🤤雜莓乳酸梳打搭配上酸甜的雜莓果醬和微酸的乳酸，夏日炎炎都覺得好清涼。葡萄香橙梳打帶有濃郁的葡萄和香橙香氣，喝起來感覺非常清新。餐牌：

The Uniek南豐紗廠之文青Cafe到南豐紗廠影完相🥰肚仔餓去Cafe 一邊食一邊再影過！餐廳係Pet Friendly，餐廳內外都可以帶心愛的毛孩一齊Chill下。😍美食🫕英式周打蜆湯奶白的海鮮湯如Cream濃稠，帶着蜆肉鮮味，還有淋滑的洋蔥🧅顆粒。🍜韓式泡菜軟殼蟹天使麵軟殼蟹肉酸鮮甜，竟然有蟹膏😳😳韓式泡菜烹煮作為意粉醬汁帶酸辣味，頗具特色。天使麵用蘑菇、紫洋蔥、蟹子拌勻，口感豐富。🥩🍟美國豬肉眼扒配薯菜豬肉眼扒厚實滿足😋薯條脆卜卜，不會太鹹。🍵柚子綠茶梳打柚子味偏重，綠茶味偏輕。飲下去會回甘，底層有很多柚皮 。🥃葡萄橙香橙梳打好Fresh🥰不會太甜。還有薄荷葉、青檸和百香果籽提香。

這間活化舊工廠的文化藝術中心裡的高級精品咖啡廳的韓式泡菜軟殻蟹天使麵看起來色澤金黃，配上紅色的韓式泡菜和蟹肉，外觀加分。咖啡廳的天使麵做得十分入味，口感彈牙，搭配上酸甜的韓式泡菜和啖啖肉的蟹肉，味道非常獨特，值得一試。雜莓乳酸梳打的外觀看起來清新可口，酸甜適中，乳酸的味道讓人耳目一新，口感非常清爽，是下午輕食的不錯選擇。整體來說，這間咖啡廳的食物都很有特色，不僅味道好，外觀也很精美。值得前往品嚐。而且是寵物友善餐廳，如果動物的朋友必去，餐廳同零售精品二合為一，食完仲可以行下支持本地和海外設計。週中去人流不算多，可以過一下慢活的生活。