The Waffle Club (已結業)

星期日去元朗掃街，第一站就係去吃雞蛋仔。鋪面成間都係粉紅色，好少女!雞蛋仔款式唔算十分多，不過有心形雞蛋仔，都幾特別。過我喜歡平凡，所以買咗個芝士味，口感香脆，有芝士粒粒，唔算太甜，另外叫了杯青檸汁，味道一般。下次會再試其它味道。

好欣賞The Waffle Club對窩夫的精心設計。店員卷起新鮮焗起的窩夫之後，嚌上滿滿的乳酪雪糕，插上各款零食小食，放係杯裏面。買咗三種唔同口味，作為晚飯後的甜品，一邊行街一邊食，滋味無窮。繽紛獨角獸：原味雞蛋仔，唔係一般圓形，而無心心型，再用棉花糖同糖膠砌成得意的獨角獸造型綿綿朱古力：雞蛋仔係紅絲絨朱古力味，雪糕加埋朱古力醬、朱古力片、棉花糖黑珠誘惑：雞蛋仔係抹茶味，滿滿的黑糖珍珠，黑糖醬，再加百力滋

order左心太軟雞蛋仔，但雞蛋仔質感太軟身，感覺係食左幾十粒朱古力蛋糕。另外，完全唔明白點解店鋪要推出一個買滿30蚊送雪糕既優惠同時要客人落單前講，而員工亦都唔會提你宜家有依個優惠。當我買完先見到，再問員工，佢只係話老闆set依條rule，佢都改唔到單。我認為推廣得出依個優惠，又要set依條買先講既rule顯得小家，唔通我之後先講，就等於我無俾相同既金額去買？另外，員工亦有責任去同顧客宣傳番依個推廣。只可以話，專登黎試個雞蛋仔，點知就失望而回。

今晚約左朋友食飯 但朋友遲到 ，咁就係附近行下 見到呢間門面好吸引 ，見到d雞蛋仔好吸引 見朋友又未到 又肚餓 就買個雞蛋仔試一試 ，有好多種口味可以揀 今次就揀了奶黃味 。驚喜地好食 奶黃味好香 但唔太甜 即叫即整 熱辣辣咁食 正👍🏻👍🏻

黑珠誘惑 轉朱古力雞蛋仔本來配抹茶味雞蛋仔 但因為貪心 轉左朱古力口味但再加上 雲呢拿雪糕 | 黑糖珍珠 | 黑糖醬 | 抹茶味百力滋 作配料 | 外表吸引 但過份甜.而雪糕影響雞蛋仔外面口感 淋哂 變左好似蒸完包點上既倒汗水 · 朱古力並不突出 只有甜字 · 黑糖珍珠就幾有咬口.*建議唔想太甜可以少或走黑糖醬 · 因為再配雪糕同黑糖珍珠都好夠甜 · 第一次食雪糕雞蛋仔 但因為雪糕影響哂雞蛋仔既口感質感 以後都係食返淨雞蛋仔丫唔該💛Btw 有機會都想試下台灣麻糬雞蛋仔

呢間又係睇雜誌後慕名而來!又一次掙扎係食雞蛋仔定格仔餅既選擇之中，但因為專登入黎元朗唔想咁快食飽想試多D野於是揀左雞蛋仔!鋪頭係轉角位，粉紅色的非常搶眼!門口有MENU睇~今次揀左平時好少見既麻糬雞蛋仔!呢間既雞蛋仔都係即叫即做，保證新鮮熱辣!仲可以揀傳統雞蛋仔形定心形~我地呢D少女心的當然揀心形啦~鋪頭唔算多人，等左10分鐘到有得食~拎上手真係好熱~用手搣都廢事~就咁一啖咬落去~係我鍾意既口感呀!!出面脆卜卜入面軟綿綿仲煙煙unun咁~拎一粒出黎係有拉絲既效果!雞蛋仔既蛋味冇我平時食開果間咁重!不過都食得出蛋味~呢個小食係我入黎元朗覺得最值得食既呢!岩岩打食評先知原來係尖沙咀開左分店，下次唔駛山長水遠入元朗食!等我試下尖沙咀店其他味道下次再報告!

元朗好多小食😍都會有唔同嘅媒體報導今次作為元朗人亦都跟住媒體介紹去幫襯下🤣🤣🤣鋪頭都比較遠離市中心由於門面好sharp ✨✨✨所以都比較容易搵印象亦都較深刻👍🏻👍🏻👍🏻今次食原味雞蛋仔咁先可以知道真功夫🤣鋪頭係有年青人主理我覺得都係元朗中比較好味嘅雞蛋仔👍🏻👍🏻👍🏻第一：有蛋味第二：即叫即整，夠晒熱第三：蛋漿夠厚身，真材實料第四：做出嚟較軟身，唔會食到口損值得推介👍🏻✨

行過路過唔好錯過，見到成間鋪頭都係粉紅色， 仲有霓虹燈管 ❤，冇錯，你就到咗呢一個Waffle Club.😎呢一間食店嘅雞蛋仔，有好多種味道，例如流心奶黃，宇治抹茶，伯爵紅茶等等。。👅但最重點嘅係佢哋嘅雞蛋仔形狀係心心，真係獨一無二👏除左口味多元化，仲有好多獨特造型，例如棉花糖，雪糕，珍珠，等等。🍦最後乜嘢都想試下嘅我，就叫咗佢哋一個《黑珠誘惑》。即叫即做，大概等五分鐘左右。熱辣辣出嚟等唔切，差啲都唔記得咗要先影相。😪淨係見到一粒粒脹卜卜嘅心心💗都已經值得畀滿分😋

睇雜誌話呢度有一個超厚嘅格仔餅，入面仲有流心嘅花生醬，睇到我好想試。個格仔餅厚就厚喇，但係入面都冇所講嘅流心花生醬嘅，反而入面好乾身冇乜料，表面只有少少砂糖，令我好失望呀。

因為公司annual din開席等得太耐既關係，同事提議我地不如落去食個甜品先，呢間雞蛋仔係同事介紹，就係我地食飯隔離。我地幾個女仔只係叫左兩個甜品，怕食得太飽，開席個時食唔到野。呢間店好細，入面得一兩個員工，我地等左大概10分鐘左右先出到甜品。但係外觀真係超級靚，係心形雞蛋仔，喚醒左我久違既少女心。幾個港女一齊對住雞蛋仔不斷自拍、影相，幾經辛苦終於有得食啦。朱古力心太軟($30)呢個係同事之前食過介紹我地食既，賣相唔係話好吸引，但真係非常好食，入面真係食到流心朱古力，朱古力味都算濃，有誠意之作！繽紛派對($45)呢個賣相好吸引，七彩顏色未食睇到都覺得開心。以為有雪糕會令到雞蛋仔變淋無咁好食，但係食落都幾脆口（可能因為個甜品比我地幾個女仔秒速食完左），試左蜂蜜蛋糕同雪糕（其他都已經搶唔到啦）感覺都幾夾幾好味。呢間雞蛋仔賣相好之餘，味道都有保證，可惜試得唔多，有機會下次落開元朗會試多次。

去咗 the waffle club tw 打卡. 最近新年優惠like and share facebook仲可以減2蚊tim. 因為心形嘅雞蛋仔真係得佢先有, 少女心即刻出曬嚟😍. 繼續揀返我嘅至愛朱古力心太軟($30) 個店員唔係好禮貌同埋應該冇乜心機整, 所以朱古力唔太流心. 搞到啲朱古力粒去 曬個心心外面，變咗朱古力乾，但味道係ok嘅. 內脆外軟係基本吧. 不過我食呢間雞蛋仔真係純為咗打卡，好食過佢嘅雞蛋仔真係大有人在.

去到元朗玩，當然要順勢搵一啲打卡熱點！呢一間係元朗嘅雞蛋仔鋪頭，外貌已經係一個eyecatching粉紅色嘅corner，雞蛋仔更加特別，有心型揀，少女心啱晒！我叫咗”黑珠誘惑”心形雞蛋仔，味道係流心奶黃味，果然一咬落去好似奶皇包咁！味道唔會太甜👍🏻記得要趁熱食，否則凍左會好漏！中間嘅冰凍嘅雪糕加埋熱辣辣嘅雞蛋仔，一凍一熱刺激味蕾呀！再加埋啲有咬口嘅珍珠，成個雞蛋仔係飽到好似正餐咁！有得打卡再加上味道多配搭，總會揀到適合自己嘅味道！👍🏻

呢間店台灣同香港都有～但無開分店 因為店主系想以品質為重 好難得呢個時間仲會有為客人着想嘅店主 連🔒個啲好多都量有但質素就無保證了😿👉🏻繽紛派對($45)雪糕有得簡奶茶或者呍喱嗱味又或者混合都得 我地就簡左混合味😼 個奶茶似三合一奶茶隻味 甜甜的 食落去系會分得出雪糕有奶茶同呍喱嗱味嘅！而雞蛋仔就真系幾surprise 因為雞蛋仔唔似其他店 入面多數系空心 呢間入面系有成舊蛋糕 味道似足台灣好hit嘅雞蛋糕💁🏻‍♀️ 仲有佢講明系用日本麵粉 聽完都覺得性價比高 好有保證🤫形狀可以簡心形打個卡😛配料有士多啤梨同蜂蜜蛋糕 同埋有少少朱古力針 一路食雪糕一路食配料好正👅

依家係台灣超人氣嘅雞蛋仔其實係元朗都開咗一段時間，終於去試啦！依度嘅雞蛋仔口味選擇相當吸引，有流心奶黃、黑松露、心太軟、芝士四重奏等...紅絲絨朱古力雞蛋仔加麻糬($30)因為今次想加麻薯，所以揀咗呢個紅絲絨朱古力，不過就真係冇乜大驚喜啦！同普通嘅朱古力雞蛋仔冇乜分別，只係靚啲係一底心形雞蛋仔，不過不失，裏面嘅麻薯份量都OK多嘅，不過食落都唔係好夠煙un，雞蛋仔都唔夠脆身，小小淋，唔係我杯茶🤣或者其他口味會出色啲啦！

本人非常喜歡吃雞蛋仔，同時又好鍾意蕃薯，bingo!! 二合一，食一底已經飽左嚕，雞蛋仔係脆既，蕃薯係甜既（但不會太甜），同埋好足料，每粒都有蕃薯，恰到好處，食下一粒食下一粒，好快就食完嚕。佢仲有紫薯口味，下次又試下先！