Tiger Ramen

營業中

休息中

終於等到啟德有好野食啦，啟德Airside 5/F有個佔地過萬呎既大型美食廣場「FOODMUSE」入面重有11間餐廳，菜式有齊中、日、台、韓及越南元素，選擇多元化今次就試左我鍾意意既日本菜老虎拉麵，呢度有3款拉麵可以揀，跟套餐就可配炒飯一款，餃子一款，炸蝦一款配日本茶或加3蚊轉汽水我就揀左黑老虎拉麵同紅老虎拉麵拉麵有一塊1薄切叉燒，肥瘦適中，同埋半隻糖心蛋加配菜，湯既味道唔算濃，拉麵硬度適中紅老虎拉麵就比想像辛辣餃子皮薄唔錯炸蝦🍤ok唔錯喎炒飯幾好味😋有少少驚喜

Airside 開幕到現在都人頭湧湧，難得假期，過年趁下熱鬧，來到food court，都好多選擇，睇到眼花撩亂，最後決定食拉麵，呢間拉麵店質素不錯，鍾意食辣嘅我揀咗紅北海道豬軟骨拉麵極辛😋🌶️🌶️🌶️拉麵彈牙爽口，湯底濃郁，夠晒辣，好正！而且黑蒜油味夠出，十分香✨豬軟骨經過長時間熬煮，軟糯入味，入口即化，好出色👍🏻糖心蛋橙黃色，非常吸引，亦都好入味🤤估唔到這個價錢都可以食到這個質素的拉麵，推薦給喜歡吃拉麵的朋友🥰

🥢初試新商場Food Court🍜-嚟AIRSIDE睇戲順便醫肚 都幾旺場要等一陣位🫢 搵到位就喺呢間拉麵鋪附近 見到有套餐就試下😌-🌶️紅老虎套餐 $80套餐包咗激辛叉燒拉麵 配餃子同綠茶 加3蚊可以轉汽水🥟 想講呢個激辛真係冇呃人 平時食開中辣都覺得有辣度🫡 湯底有啲辣味噌風味 拉麵本身配有一片薄叉燒同溏心蛋😋-🐅黑老虎套餐 $84而黑老虎主角就係豚角煮拉麵 配菜揀咗叉燒炒飯🍚 豚角煮鹹香入味 而且幾淋😍 叉燒炒飯粒粒分明 唔好拉麵嘅朋友都可以嗌炒飯試下😏-🐔芝麻雞翼 (3隻) $22雞翼炸得幾脆 點埋大量蛋黃醬嚟食就更開心🥹-📍老虎拉麵啟德AIRSIDE 5樓504-505 FOODMUSE美食廣場內-

欣賞Airside引入咗好多特色餐廳，唔係間間都同其他商場一式一樣，連food court都有驚喜，我地諗住逐間逐間食晒去🤣🤣 第一間我地就揀咗tiger ramen，因為行過見到出餐位啲拉麵賣相好對辦，係拉麵店質素～叫咗兩碗黑蒜白湯湯底嘅拉麵，一碗揀豚角煮，一碗揀豬軟骨，兩款肉都好好食，豚角煮腍得嚟有啲焦香脆邊，豬軟骨就真係成舊都煮到好腍，尤其係嗰舊啫喱狀嘅軟骨真係不得了😍😍質素高但要就返food court定價份量自然都會少啲，想食多啲肉嘅我會建議嗌豬軟骨～除咗拉麵仲有飯類同小食，我地追加咗芝麻雞翼同餃子兩份小食，雞翼香脆，餃子點汁食亦非常好食～

Airside係一個新開嘅shopping mall, 仲係Pet Friendly， 我又住得近，冇理由唔去見識吓😬今日放完狗，就帶埋佢一齊去揾嘢食啦☺️今日嚟到嘅時間係比較夜，所以food court都好多位！今日揀咗食日本拉麵，呢間嘢位於FoodMuse 內，今日就試一試佢☺️呢度嘅拉麵有辣有唔辣！白老虎拉麵套餐白老虎，即係白湯，即係豬骨湯味夠晒濃！仲有好多我最鍾意嘅白芝麻同黑木耳！麵質唔太軟，啱我！餃子🥟炸得好香口，皮唔算厚，又唔會太鹹。芝麻雞翼雞翼細細隻，但肉就幾厚，而且佈滿了我最鍾意嘅白芝麻好香口！

今日去咗位於啟德地鐵站新開嘅人氣foodcourt Foodmuse! 佔地過萬呎，有好多唔同嘅人氣品牌美食任君選擇！今次選擇咗日本過江龍豚骨拉麵Tiger Ramen 🍜 豚角煮沾麵 HKD74價錢比一般沾麵便宜！豚肉入味有口感，麵身煙韌彈牙，配上香濃嘅豚骨沾麵醬汁，加上配菜糖心蛋及紫菜，性價比極高又好味！十分推薦！芝麻雞翼3隻 HKD22香香的芝麻配上炸雞翼，鍾意香口食物的朋友，不要錯過！餃子5隻 HKD24日式餃子皮薄餡靚，煎得好好，好吃😋炸蝦 HKD22 炸得外脆內軟，超級推薦🤩總括來講，拉麵質素很高，小食多選擇，店員服務態度友善，價錢大眾化，性價比極高！我同朋友都決定下次要再幫襯！