Times Coffee

營業中

休息中

今日帶大家一齊返去讀書嘅時光🤣🤣🤣今日去開觀塘工廈區嗰邊行街，上網見到附近工廈呢間餐廳，環境好靚好舒服，一推開門真係有返學上堂嘅感覺🥹真係返去十幾年前，時光真係過得好快😳下次可以約埋中小學朋友仔一齊集體回憶點多啲食物🥰要試埋甜品係時候要交report啦,”美食report”黑松露雜菌意粉🍝黑松露忌廉汁非常濃郁，加埋雜菌好有口感，調味剛剛好，又唔會唔夠味或過咸，而且份量好充足，我同個女share食都好夠👍玄米茶鮮奶第一次飲玄米茶鮮奶，初時以為店員搞錯左，俾左抹茶鮮奶😹笑死😆拉花係心型圖案🥰飲落比抹茶香，而且唔會澀口，好醇又順滑，幾好飲😋藍莓乳酸梳打呢杯係小朋友最愛，果味十足，仲有粒粒藍莓係入面🫐蜜糖芥末薯條🍟小朋友最喜愛薯條，份量正常，醬汁味道較出面食淡，但炸到金黃色，香脆可口，個女係咁食，好快食晒😆仲有locker📍Times Coffee (觀塘)觀塘興業街18號美興工業大廈A座1樓C1室#timescoffee #回到小時候 #回憶 #返學回憶 #環境舒適 #美食推介 #觀塘美食 #工廈美食推介 #聚會好去處 #同學仔 #foodie #美興工業大廈 #性價比高 #打卡熱點 #相機

觀塘有間幾特別嘅台式Cafe，入邊好似去咗一個小學嘅課室咁，佢啲餐枱就係以前小學嘅書枱，好懷舊，回想返好多以前小學嘅回憶😛 另外佢keep住都會播台灣音樂，係啲大家都好熟悉嘅歌 🎶 所以食嘢嘅時候都覺得好舒服😌 當然佢啲嘢食都好好食啦，等我推介返幾款必食嘅野食先🤭巴馬臣芝士雞扒 🐥 估唔到雞扒都可以整得咁特別，佢用咗巴馬臣芝士同埋特別嘅醬汁整嘅，本身雞扒都好厚身，食落啖啖肉，加埋調味更加開胃，呢個超推介👍蟹籽卡邦尼忌廉蘑菇意粉 🍝 意粉方面就揀咗傳統嘅卡邦尼意粉，整得比較Creamy，建議可以配埋雞扒食都幾夾㗎🤗焦糖燉蛋焙茶冰 🍨呢個甜品超特別，平時淨係食刨冰，呢個有焙茶同埋抹茶味揀，特別之處係佢上邊會有個焦糖燉蛋，入邊有好多脆脆同埋乾果，所以有唔同嘅口感，可以兩個人一齊分享做飯後甜品😋伯爵茶鮮奶 ☕️飲品方面就叫咗凍伯爵茶鮮奶，伯爵茶味好香口😍Espresso Tonic 🧉如果咖啡飲品嘅話會推介呢個tonic，飲落去甜甜酸酸幾開胃🤤

觀塘出名多工廠大廈美食，而且Cafe雲集記得好耐好耐之前有嚟過呢一度食嘢影相環境超級好於是今日見工作員畢同朋友嚟chill下！午餐嚟到叫咗一個主菜，一個小食同埋兩杯飲品脆炸軟殼蟹肉燥飯大大隻軟殼蟹擺咗喺表面超級豐富，底下嘅肉燥飯超級惹味，完全用醬汁撈埋，而且仲食到好多五花腩肉，超級有咬口，最喜歡裏面有混肉豬皮好好食！小食咗一個台式小食拼盤裏面包括有台灣腸，炸魚餅，鹽酥雞，炸薯條，同埋我至愛嘅炸芋泥波波全部都新鮮的炸，超級香口！台灣腸肥肥的有兩條，炸魚餅好煙靭，鹽酥雞同炸薯條都好香脆而且味道啱啱好，炸芋泥波波表面嘅薯泥好煙靭好好食飲品都好出色，宇治抹茶鮮奶嘅抹茶味道超級濃，紅柚湯力咖啡味道超級清爽，清甜嘅紅柚子味道，配埋苦澀嘅美式咖啡超級夾！

第一次寫食評，真係好嬲。一間完全不歡迎小朋友的餐廳🤬。4大3小去食lunch,叫左二人套餐（沙律x1,意粉x2,薯條x1），再加一個主食，一個小食，三杯咖啡。店員要求我哋再叫多3樣嘢，問佢可否叫兩樣，對方❌拒絕，態度惡劣。講真兩個小學生加一個幼稚園BB,可能食到咁多嘢。結果再加多一個小食拼盤盤，一個炸雞，一杯野飲，埋單差唔多$900，問題係食唔晒，根本就係浪費🤷‍♀️。Back list永不幫襯

呢間餐廳係觀塘樓上工廈店 主打台西餐，裝修一邊係外國校園風，一邊係台式校園風，好多人打卡 ，風格都幾啱餐廳主打既台西fusion菜明太子甜不辣小食試左甜不辣，加咗七味粉同明太子醬，少少辣更加惹味，煙煙韌韌幾好食脆炸軟殼蟹肉燥飯 $179肉燥飯夠熱，軟殼蟹好大隻 ，有2大隻 成隻蜘蛛咁放上盤跟餐 加$21 野飲 榛子可可鮮奶 （熱）正常朱古力鮮奶，朱古力味如果再重啲會更好蜂蜜青檸梳打 $42呢杯叫左凍，落得好多冰，飲完透心涼，同埋青檸梳打呢個組合真係唔會輸

今日朋友帶我去呢一間位於觀塘工廠大廈嘅一間Cafe，一上到嚟完全好似以前讀書咁樣，呢度嘅枱枱櫈櫈，裝修都非常校園風。呢度嘅嘢食性價比都幾高，適合三五知己一齊傾吓偈飲杯嘢。黑松露雜菇意粉黑松露味道濃郁，加上雜菇令到口感豐富，意粉煮到軟硬適中，醬汁都幾Creamy。雙重薄荷朱古力濃郁嘅朱古力味道，上邊仲有一個薄荷朱古力，薄荷味都幾清新，幾好飲。藍莓梳打飲落酸甜開胃，梳打非常有氣。Latte香滑濃厚，咖啡味道幾香，最啱同朋友飲杯野Chill下。

工業風與校園風crossover既台式咖啡店，有特色既裝修加上恬靜既空間，可以比我係鬧市中得到一點寧靜。冬蔭功龍蝦汁蜆肉意粉意粉口感滑順，軟硬度適中，加上濃郁的冬蔭功醬汁，酸酸甜甜，小小辣，好惹味，蜆肉超多，但又一啲都唔油膩。整體味道平衡，好食。明太子甜不辣外皮金黃酥脆，入面柔軟的魚肉同濃郁的明太子醬，好有層次感，仲辣辣地，好創新既味道。藍苺乳酸梳打清新可口，淡淡果香，可以一解食物的濃味。玄米茶鮮奶好特別，出面都未飲過，玄米茶香好重，比人感受到不同於一般咖啡店的感受。

之前我朋友預訂咗呢間餐廳，大約一個月前已經定好。等我哋到達嗰陣，但話冇位，只可以坐喺門口，感覺好似夾硬塞俾我哋咁。其實成間餐廳仲有好多空位。我朋友問可唔可以換個位置，因為嗰度真係太熱，店員就話淨係得呢個位，一系取消第二日再來、一系就坐呢到。我哋兩個都覺得好唔滿意。首先，我朋友已經提前一個月預訂，根本唔相信所有臺都早過我哋（至少一個月之前）預訂滿。其次，我哋到嗰陣仲有好多空位，如果係佢哋嘅錯誤或者安排唔妥，點解要我哋因為覺得熱，仲有唔滿意座位安排而取消呢？最失望就係佢哋完全冇表達歉意，講完「覺得熱就取消啦」就走咗。 之後我朋友去問佢哋依家應該點做，結果對方都話淨係得呢個位，一系取消。朋友強調我哋係預訂嘅，唔係walk in，點解要因為你哋嘅錯誤而受影響？最後我哋忍唔住只好離開，結果連一句道歉都冇聽到。我真係唔明點解會有咁多好評？難道香港人就咁習慣畀人不禮貌對待？食物上無食啦，但見價錢同佢地提供既食物，真係CP值超級低貼張門口照片，代表我哋真係有去過，并非老作！

今次二訪依間觀塘隱世高質cafe👍 內裡裝修依舊充滿校園氣息，彷彿回到中學時期一樣咁青春😚 想打卡影下學生相不妨一到🤭 本身想再嘗佢哋嘅靚靚刨冰，但職員今次強烈推薦佢哋嘅軟殼蟹漢堡同埋甜不辣🥴 見佢咁有自信就一於試下📍炸軟殼蟹漢堡果然無令人失望👍 原個大大隻軟殼蟹超有份量🤩 新鮮炸起，外酥內嫩，夾埋蕃茄生菜一齊食，口感奇佳❣️ 跟漢堡有蕃薯條同埋薯條送，熱辣辣好香口❤️ 明太子甜不辣配搭好有特色🥴 食落煙韌可口，辛香濃郁，作為小食好地道好出色❤️ 飲品㨂咗熱榛子可可鮮奶同埋蜂蜜青檸梳打👍 鮮奶拉花幾靚❤️ 飲落醇香順滑，可可滋味出眾，令人回味🌟 梳打清爽醒神，正好中和炸物嘅膩滯感，超正🫶

Times Coffee觀塘興業街18號美興工業大廈A座1樓C1室以校園風為主題。食物主打西台Fusion菜，午市套餐性價比高，用餐時同時細味過往兒時校園回憶。冬陰功龍蝦湯蜆肉意粉 冬陰公龍蝦湯底味道濃厚，配搭天然香料九層塔、小蕃茄及菇菌等，味道獨特，充滿泰式風味；意粉軟硬度適中，啖啖蜆肉，鮮味十足。藍莓乳酸梳打 （凍） 飲品跟餐半價藍莓果味配搭乳酸梳打，飲品呈現紫色漸層，味道酸甜可口，消暑解渴 係唔錯推介

.⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯週末嘅時候就去到觀塘搵間Cafe坐下，於是乎就去到興業街嘅美興工業大廈嘅「Times Coffee」。Cafe入面可以見到好多動漫figure，天花用上雲朵吊燈，餐椅就係學校常見嘅，好多唔同嘅元素組合埋一齊。炸軟殼蟹burger 依款burger有配搭沙律菜和薯條。麵包都係軟熟，而當中就有一隻炸軟殼蟹，食落都係香脆之選。地瓜球主食唔夠喉，所以就叫多個小食。咬開係熱騰騰嘅地瓜蓉。飲品方面就試咗宇治抹茶鮮奶同埋蜂蜜青檸梳打。如果唔想錯過其他好介紹，記得follow我呀😘多謝大家！！！你嘅支持就係我嘅動力！記得點讚❤️ ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯♡⋯ Times Coffee (觀塘)觀塘興業街18號美興工業大廈A座1樓C1室 ⋯♡⋯⋯⋯♡⋯⋯⋯♡⋯⋯⋯♡⋯⋯⋯ ♡⋯⋯⋯

未食過咁難食既 cafe. D 野又貴又難食 仲要係樣衰二人餐 328 加一 真心貴到爆天婦羅 太冧 又唔熱 係叫貨既 台灣腸 叫貨既地瓜球 都係叫貨既個漢堡先至terrible超難食個拼盤又係炸既 基本上全部都係炸野咁熱天氣 真係唔想食炸野完全無咩選擇抺茶紅豆芭菲 唯一唔使加錢 但都係太甜唔好食 得個 coffee 正常裝修似課室 無打咭位入去都覺得唔掂純粹係飲coffee 既地方真心唔好食唔好睇唔會再去 呢一世都唔會 呢間餐廳食評全部買返來的吧咁難食都有好評 全部係膳䐧

隱世台式餐廳，座落於觀塘工廈，裝修用上好多得意得嚟又帶有懷舊風味，枱櫈好似以前返學啲書枱，好有心思。台式小食拼盤拼盤有齊番薯條，薯條，甜不辣，鹽酥雞塊，台灣腸，地瓜球，最啱有選擇困難症既人，每樣都有啲，每一樣都新鮮即炸，連薯條都有兩款，好有夜市既味道。蟹籽卡邦尼意粉意粉煮得啱啱好，醬汁好Creamy好掛汁，加上蟹籽食落更有口感。藍莓乳酸梳打酸酸甜甜，開胃醒神，加上新鮮藍莓口感更Fresh。抹茶鮮奶咖啡抹茶味道濃郁甘香。

觀塘不嬲有好多樓上Cafe，今次嚟咗呢間Times Coffee。呢間Cafe嘅裝修好特別，係用學校嘅枱凳作為餐枱同座位，一入到去就好似返返中學咁。佢嘅環境好寧靜，好適合同朋友一齊嚟chill下！蟹籽卡邦尼忌廉蘑菇意粉 $98面頭嘅蟹籽超多，撈勻佢就會每一啖都食到蟹籽。意粉份量多，我一個人食唔晒🤣另外，意粉非常之Creamy，食落有蛋黃香。Rose Latte $24呢杯咖啡雖然只係喺面頭放咗幾塊玫瑰花瓣，但飲落又超香嘅玫瑰味！

餐廳用了課室做主題，學校的桌椅、黑板、儲物櫃📚等，都有種拉回學生時代的感覺。今次帶姨甥來邊食邊等家姐收工，姨甥仲話「放左學，做乜仲帶我番學🤣」   ⦁炸軟殼蟹Burger $166漢堡的軟殼蟹外皮炸得酥脆，蟹肉🦀鮮甜，搭配新鮮的生菜和特製醬汁，口感豐富。   ⦁明太子甜不辣 $58將明太子的鮮味與甜不辣的柔軟相結合，外層微焦，內裡鮮嫩，帶有淡淡的海鮮味，搭配一些醬料，十分開胃。   ⦁玄米茶鮮奶🍵 $48香濃的鮮奶與獨特的玄米茶結合，口感滑順。無論奶香或茶香都既清新又有層次感，特別適合搭配甜點。  ⦁雙重薄荷朱古力🍫（跟餐） $28濃郁的朱古力與清新的薄荷，味道不過於甜膩，帶有清新的口感。