Together (已結業)

5成熟西冷；作為餐牌主菜西冷牛扒 好韌👎🏻, 敗筆。去過二次午飯，跟餐嘅冰紅茶，要叫先奉上；服務員態度唔錯，不過會送錯食物😅。凱撒沙律；溫度適中，唔會由雪櫃 剛取出來便上碟，食物正常，$38。他他；擺碟好靚，口感好，$68，價錢有少許貴。烤雞；多汁好味，配上小米，值得一試。第二次幫襯，好期望嘗試 西冷牛扒，5成熟，切開有粉紅嘅顏色，有少許肉汁，正正係我想要嘅，但係唔知點解，用佢把唔多 鋒利嘅刀，切都有啲勉強，入口就 韌到一個點，食咗半塊，已經唔想再食，最後淨番四分一，$198 實在唔會再叫， 西冷.... 作為午市主菜，可以話冇誠意，敗筆。

本身想去食水戶，見到開左間新西餐門口店員又幾好招呼就入去試試叫左個青檸雞扒飯同植物肉漢堡先講青檸雞扒飯 個飯係唔錯的 不過食到後面好乾同好滯 個雞扒就好差 乾爭爭成條柴咁叫呢個餐都有個設想係青檸開胃同有啲refresh 感，但食到最後真係食唔落至於植物肉漢堡 我都係第一次食可能唔岩自己口味 唔可以話佢差但又覺得唔岩自己薯條係好食既另外加左個凱撒沙律 好食的總結黎講都要讚讚佢既環境係好既 好有心思既裝修，雖然上面既冷氣槽無封到，但我覺得還好座位間隔都舒服既 餐枱都闊落既（特別佢啲碟咁大）服務方面我覺得都算幾好門口既服務員我諗應該係經理果類同佢既對話中佢都不停sell 野例如upgrade 沙律 轉食和牛漢堡轉唔轉花茶等等雖然有小小煩 但起碼我地拒絕佢佢又無黑面，而且都幾有禮貌。同埋有個侍應哥哥似係考完dse 入黎做part time,個經理見佢有時唔係好幫到手都會主動過黎作為粉嶺牛，粉嶺好既西餐廳實在太少呢間店環境服務價錢都唔錯但如果佢啲食物質素無咩提升我諗佢可能挨唔到年底

一行兩人午餐,忌廉湯唔夠熱,廚房唔肯再做畫加熱,只作除消,心諗真係一位大廚咁有性格,其實客人只想飲一碗熱嘅忌廉湯！飯和意粉一般不過不失,叫咗好幾次安排上飲品,點知冰茶好難飲,樓面侍應可能太忙應接不暇,我有撳飛但有人唔使撳飛可以直接入去坐也不理,安排座位也失當,埋單也要等很久,令我今次有少少失望.

🌟Steak Together🌟📍:粉嶺粉嶺中心地下159-160號舖今日嚟到呢間屋企附近新開嘅西式餐廳 因為佢可以營業到12點😍真係好啱我哋呢啲遲收工人士 放工過嚟傾住計同朋友食下夜晚 真係可以放鬆吓心情👍🏻舖頭嘅裝修設計好有森林風格 座位亦都好闊落 門口仲有一棵大樹俾人哋影相 真係好有情調！餐廳提供各款手工意粉、扒類、小食、酒類同甜品 價錢好親民 份量亦都好大！叫完嘢食之後 店員會送上餐湯同餐包 今日嘅餐湯係羅宋湯 羅宋湯比較辣 味道好濃郁 裏面嘅蔬菜好淋 餐包好有驚喜 店員會呈上橄欖油同黑醋🙈好開胃！除此之外我哋亦都叫咗白酒同紅酒 味道好香醇 佢哋嘅每一款白酒都好吸引 亦都好高質 啱晒情人節同男朋友慶祝🥰🐷德國烤焗豬手配德國酸椰菜店員推介呢款 仲係每日限量供應🥰 豬手充滿鹹香 皮脆肉嫩 仲有好多骨膠原 一上枱大隻到嚇親我哋 足足有我哋兩隻手掌咁大 切開啲肉勁厚 熱辣辣出晒煙 兩個人都食唔晒🙈 加上價錢真係好平 二百幾蚊食到咁大舊豬手邊度搵到 呢個真係超級推介！🍝黑松露手撕雞手工意粉手撕雞好嫩口 黑松露醬手工意粉好爽口彈牙 味道好香 再加埋橄欖油簡直無敵 味道唔錯！🍟炸薯條薯條配咗

這個價錢，這個環境，這個服務態度，食品質素，無得輸。今日突然想食西餐，就想起新開無幾耐嘅steak together， 一心抱住試一試態度去食 ！點知有意外嘅感覺！我叫左個吞拿魚他他，一個卡邦民尼手做麵及一個燒豬Ribs。全部都好好食。真心！！

粉嶺一連開咗幾間新餐廳，今次先試試呢間西餐可以係open rice訂定位 唔使等～今次係星期六，book6點，6點幾7點時已經排晒隊等緊位🌝今晚4個大人，每人一個set，都有跟餐湯餐包。薯仔煙肉餐湯，味道還可以，但個碟大到咁，得4啖就飲完😂 而個包真心難食，希望可以改善吓，我哋食咗兩件就無食普通黃色果啲餐包仲好味過佢😂 呢個餐包又乾又唔暖《肉醬意粉》，味道唔錯正正常常，佢哋係用手工意粉，偏有質感（即係無咁滑），呢款意粉配肉醬還可以，因為兩樣質感差不多。但另一個《卡邦尼》配手工意粉就唔多夾卡邦尼咁creamy 嘅醬配上鞋口嘅手工意粉，口感真係麻麻地《蒜香黑松露雜菌意大利飯》最好食蒜香突出，可惜黑松露味太淡，最欣賞係飯粒軟硬適中呢隻豬手影相唔覺大，其實幾大隻吓，4個人都夠食皮脆肉嫰❗️可惜醃得唔太好無咩香味，只主味道就係鹹而且某啲部位特別鹹，唔夠均勻。椰菜酸到爆同超級鹹，不過佢個皮同肉質可以救返唔少分粉嶺中心無咩餐廳可選，一係要去到聯和墟，今次開咗4間唔同種類嘅餐廳而且質素都ok，開心

夜晚開返堂食既第一晚 近近地 又見到唔少好評而餐廳嘅裝修有幾靚 但係就係中伏嘅第一步！餐廳嘅裝修唔使講 睇得出花咗唔少心機 似真係出咗九龍尖沙咀食飯嘅感覺 係靚嘅坐低睇吓餐牌 選擇都正正常常 仲要價錢合理南瓜忌廉湯- 啲餐具好有質量 但係同時都好重好大隻 擺埋麵包加呢兩隻大碟 兩人枱已經full晒仲要迫迫地…但係湯就如圖顯示 碟中碟嘅一半份量零南瓜味 黑松露手撕雞意粉 - 叫咗唔夠10分鐘即到。睇到個樣我其實已經冇乜胃口 睇得出好乾😞手撕雞係咬咗好耐都唔斷嗰隻。黑松露同南瓜味一樣 係0美國燒排骨 亦都係10分鐘嚟到 極度懷疑係喺街上面買嗰啲煮一煮就食得嗰隻 冇汁極乾身食到呢度我已經唔知自己食緊啲乜侍應嘅態度其實本身唔錯 但係好似缺乏溝通咁 想refill水都叫咗三次😔真心間餐廳裝修得幾靚啲餐具幾有品味都好 啲嘢食咁嘅質素真係仲差過喺屋企整。以上內容只係個人感受!完

早兩星期前試過了，今次抱著好大期望來再試一次。今次來試晚市，7時前已差不多滿座，似乎許多顧客都喜歡此店。晚市多了點貴氣，用上napkin ring之餘， 亦不是些廉價貨色，雖然包了餐具在餐巾內顯得有些突兀，但切合環境亦無不可。餐包依然是foccacia ，但今次包邊烤脆了，証明是翻烤的，可能要遷就有些顧客喜歡熱驣驣的感覺吧，但就未必人人都欣賞了。紅菜頭忌廉湯成本高，功夫多，難得用來做 soup of the day。主菜點了 spare ribs 及 茄醬大蝦 tagliatelle，比上次出品離骨，今次算合格了，表面帶焦香，但肉質稍稍乾了，似乎掌握烤及焗時間仍有進步空間，另一方面，似乎醃製排骨時可多加些 mustard 及 paprika ，那麼香味會更有深度。大蝦閹過，本人覺得無必要，有時顧客是要教育的，就讓客人知道不是在港式茶餐廳食飯吧！自家製 pasta 是高級意大利餐廳指定動作，老闆誠意十足是看到的，al dente 有做到，然而蛋香不濃，只從pasta 顏色感覺到，始終一百大洋不到的新鮮 pasta 已經是超值了。最後吃不到 apple strudel ，只是 cherry

好耐冇入粉嶺，今日來探家姐，她帶我去一間新開的西餐廳。一進門口便迎來店員熱情招的呼，非常有親切禮貌，她不但耐心地教導我們如何使用安心出和疫苗通行。（不竟香港的限聚令剛解除，很多客人也像我們一樣，初次外出吃飯不懂得如何使用「用疫苗通行」） 她细心地教導我們，然後耐心地等待我們逐一完成，再領我們到座位，給我們每人一杯清水後，便向我們介紹多款菜式，後還給我們空間考慮吃什麼！完全沒有壓迫感！👍🏻👍🏻👍🏻說來好像是理所當然，但在生活節拍急速的香港，這居然變成了久違了的高質服務！雖然未點菜，已經安耐不住要點讃！👍🏻👍🏻👍🏻我覺得食物質數重要❗️但環境和服務質素也是不能缺少的，有著互相影響的因素！南瓜🎃湯～南瓜味香甜濃郁，口感適中。吞拿魚牛油果🥑他他～$88.Tuna Tartare With Avocado切粒嘅吞拿魚配上牛油果蓉，香滑而有咬口，點一口旁邊的黑醋味道更上一層樓！🔥法式烤春雞 ～ $138.Roasted French Spring Chicken燒春雞，但隻雞比較大隻，肉質相對不夠鮮嫩。味道上算可以。美國燒排骨～$188.USA BBQ Pork Spare Ribs是真正的燒排骨，

粉嶺又多一間舒適 Cafe, 梗係要試下 alll day breakfast! $98 一碟，擺盤算唔錯。用香煎豬肉腸，感覺高級過香腸😂！焗大啡菇幾好， keep 到 juicy 。忌廉炒蛋略嫌唔夠蛋香，但好滑溜。煙肉夠乾身脆邊，呢個都幾好味 。用意式香草包，令到 all day breakfast 清新啲。咖啡一般，唔夠啡味，偏淡...餐廳仲有大樹打卡位，不過，眼見冇人埋去影相😂

粉嶺搵左間裝修唔好既西餐廳，同屋企人就黎試試佢～餐廳裝修好靚，係粉嶺真係無咩依類型既餐廳除左裝修靚，野食賣相都唔錯，午餐跟一個包同一杯紅茶🔸芝士芥末蜜糖植物肉漢堡配薯條 $78岩曬食素既人，因為屋企人唔食牛，但burger好似幾吸引，就試下依個植物肉burger，睇落真係同真肉差唔多，食落唔講其實都未必覺係植物肉，不過塊肉就有小小咸。🔹香草蕃茄醬煙肉意粉 $68份量都算多，但無咩配料咁，感覺比較dry，同埋唔夠蕃茄味。🔸經典卡邦尼意粉 $78味道都ok，但食落就覺得好漏。新餐廳聽講大致上都可以接受，下次會再黎試下其他野食。

粉嶺新開嘅西餐廳，今日終於有機會試！裏邊環境都幾大，唔會坐到好迫我哋兩個人都俾咗一張大枱！中午時間，同朋友各自叫咗lunch set +拿破崙蛋糕。首先係芝士和牛漢堡，特別欣賞麵包兩邊都有用牛油烘過，所以食落口感脆脆的，而且10分鬆軟！和牛大約七成熟，本人比較怕生，但係呢一個都食到，食落唔會好鞋，肉汁豐富。唯獨係薯條有少少苦味，唔知係咪炸得太耐呢？另外叫咗燒雞配小米，原來隻燒雞都幾大隻，切得有啲辛苦，但係肉質好嫩滑的！另外仲叫咗一個拿破崙蛋糕$68，比想像中細，同圖片都有啲唔同… （不過都預料咗🤣）但呢個蛋糕真係唔得呀，都食過好多拿破崙蛋糕，但呢個餅底焗到窿晒，食每一啖都係苦既😔 士多啤梨都酸酸的，食咗幾啖就冇食啦，不過趕時間都費事同店員換了。

很多年沒有去過粉嶺，今日趁假期入去探朋友，我們在粉嶺中心食午餐，朋友介紹呢間西餐廳，起初以為普通商場餐廳質素，估唔到竟然「高手在民間」！ 先講講餐廳的設計概念別出心裁，柔和燈光配上吊燈份外有情調，門口更放上大大棵樹及石供食客打卡！ 餐牌有各款西式小食，意粉，飯類，甜品可供選擇，而且價錢親民。下單後不久，店員已遞上餐包。一間平民餐廳竟然能夠做到到餐前餐包都一絲不苟係令我刮目相看，餐包沾上少量醋再灑上了香草，頓時升價十倍，令我到之後的食物抱有更大的期望。 =吞拿魚牛油果他他 $68=先來了餐前小食，果然不負所望，新鮮！新鮮的吞拿魚粒，完全沒有雪藏味，加上同樣新鮮的牛油味，再加黑醋而食的前菜，刺激了味蕾，令我食慾大增！ =白酒火炙尤魚手工意粉 $108=職員主動介紹手工意粉是餐廳大廚每日人手做，手工意粉口感同普通意粉好唔同，真係好食好多，呢個價錢可以有呢個質素，真心估唔到！ 尤魚份量唔少，大大隻尤魚爽口彈牙，完全沒有雪藏味，用白酒煮過更加能夠帶出香味，師傅用一片片意式芝士同白酒混合更加能夠帶出味道，好入味，完全係平價高質！ =和牛芝士漢堡配薯條 $98=麵包明顯有烘過再搽上牛油，有皮脆鬆軟嘅

上星期經過，下次去粉嶺要試今日去粉嶺，可試下裝修唔錯，有大樹下3點去食，沒有下午茶，只有午餐，不收加一Bagel 比較薄身，但質感不錯， 好味餐包晒是一小件香草麵包，唔錯牙簽筒好靚!唯一不足是receptionist, 長髮女子，我們三人，我們知要分枱，但她竟安排我們隔到老遠。醒目的侍應會安排我們坐隔離。我們唔介意等下一張枱，體諒食肆。好在阿爸睇到有兩張相連枱，其中一張枱未執枱。我們唔介意等一陣餐飲是冰紅茶，可加錢轉其他飲品。男侍應推介即磨咖啡.可惜我飲咖啡會胃痛

講的是食品選擇和專業服務，大大的超出期望。對上一次食到 Foccacia 餐包是在半島 Chesa，它亦可能是全港最佳的出品，Steak Together 品質比不上是絕對正常，因為今餐埋單只是半島的零頭。而當我要求再加餐包時，女侍應一臉茫然，但略帶靦腆的年青男侍應立即回應Foccacia 免費奉上，我亂咁估香港叫得出Foccacia 的侍應可能在1千人以下，加上埋單後，他會說出顧客姓氏道謝，這通常是在5丶6星級酒店的體驗，看得出餐廳的專業服務。此外，甜品竟然有奧地利名物 apple strudel ，在文華東方就好平常，但似乎就從未在新界酒店見過，雖然今次無叫，但心裏佩服老闆的專業和堅持。結果甜品我點了 Coulant au Chocolat，伴以花瓣和crumble ，廚房的功夫和成本多了許多許多啊。整體餐具亦非常講究，金邊骨瓷咖啡杯手感極好，但若給客人不小心撞崩了會不會好心痛呢？杯咖啡質量亦可以，說到底只是加了19個大洋而已，回想昨天在深水埗so called 文青 cafe，飲了一杯又酸又澀，幾十蚊的煲燶中藥水，真想走去報警告佢詐騙。用餐途中，聽到Nat King Cole 嘅