Tokachi Milky

營業中

休息中

約咗朋友，朋友推介呢一間甜品舖，話係新開， send完俾我睇我睇一睇Menu覺得好吸引，價錢都正常唔算太貴，見到泡芙嘅雲呢拿餡有雲呢拿籽，覺得同其他普通泡芙店比價錢唔算貴

【前言】Tokachi-Milky 係kol Sue 老公開的我認！我係因為網紅效應先感興趣去試 ✨未食之前 心諗泡芙應該唔會有咩驚喜啦 最多咪用料上乘啲 例如用北海道牛乳之類 🥛然後…食過之後… 我決定要為佢出個post 了 🤣-咬第一啖 咦？點解個皮咁脆既？原來面層既凹凹凸凸係杏仁脆粒粒 咬落crunchy 又勁香 好impressed 再咬多啖 吉士醬已經湧出嚟 好濃牛乳味 仲有雲尼拿味望真啲 原來吉士醬係有雲尼拿籽粒粒真！材！實！料！🏆-價錢仲要係良心價 同“鬍鬚爸爸”定價差唔多以後想食泡芙第一時間一定係諗起佢 😎食咗啖先記得影 // #相機無得食先⚡️

行開中上環半山，鴨巴甸街新開日式雪糕🍦店，有泡芙、軟雪糕🍦同芭菲。但胃得一個，最後睇咗openrice介紹，得一篇，就係泡芙所以我揀咗泡芙，揀咗開心😃果味（$38），諗住之後幫襯轉角新加坡🇸🇬icecream and cookies既icecream。排隊排到門口，店舖皓窄，有5個客人，見到盡頭有樓梯，但問咗冇堂食，排5分鐘俾完錢攞飛企喺邊等，大約5分鐘就有，中途見到有燒焦糖乳酪🧀，見到人地兩個人食三樣嘢，根本就冇手拎。我拎住個泡芙企喺樓梯底食，個泡芙個蓋升高咗，見到開心😃果cream，咬落皓清新，泡芙脆，食到泡芙中間係雲尼拿cream，皓滑，難得一個泡芙雙重口感，見到店內玻璃牆後係自家焗爐焗泡芙，希望下次開埋樓上可以😌試多d，同埋坐喺度食舒服😌d。臨走收銀主動問我收返包住泡芙張垃圾🗑️紙，皓細心🥰

星期日經過中環發現新開左呢間日本甜品店，中午唔算多人排隊就入去買個泡芙試下，等左幾分鐘就有得攞，似係啱啱出爐整好。個度冇堂食所以要拎住食，試左開心果味，真係好好食😋 應該係我食過最好食嘅泡芙，外層超脆又好香，入面個開心果吉士醬屬於輕盈個種，泡芙都幾大個但勝在唔會好甜，所以食晒成個都唔漏👍🏻👍🏻 我俾100分！店面唔算好大，我買完就開始有人排隊，會再返嚟食過，下次要試佢個牛乳雪糕同店員推介嘅Dirty咖啡先！