Tom N Toms Coffee (已結業)

接骨木花伯爵茶清新得來帶點微甜好味啊唯一要挑剔的地方是飲品實在太太太熱了打開蓋放了十分鐘仍然是太熱未能入口的狀態下次會試一下凍飲又或者試一下叫店員不要弄那麼熱吧

忌廉、焦糖、多士🍞均是小編喜樂的食物，三樣食物加起來會是怎樣呢？這個在韓國人氣十足的連鎖cafe，在香港都有幾間分店，這個星期天小編就去了The One 那間。即使是weekend，但人流不算多，即使是中午時分都只是坐滿一半，清靜寬敞的環境正好可以在這裡hea 一hea。點了一份人氣的焦糖忌廉吐司及接骨木花伯爵茶（套餐價$70），就選了靠窗的位置。未幾侍應就送上厚吐司及茶，厚多士面有一大片忌廉，見到心裡就歡喜！吐司上枱已切成九宮格模樣，方便食用之餘亦添美感，除了忌廉，還有玉桂粉，蜂蜜，焦糖糖漿，賣相十分吸引。先吃一小口忌廉，忌廉細滑，吃下去有微微的甜味，還有一點玉桂味點綴，一點也不會膩。吐士烘得外脆內軟，而且暖暖的，配上忌廉及焦糖一起吃使口感更豐富！不過要注意忌廉會使吐司變淋，小編吃到一半時發現中間那一小塊吐司變淋了，大家吃得時候不要重蹈小編的覆轍了😛—

Tom and Tom coffee 係香港唔算特別出名！亦都唔係太多分店！但係韓國就非常出名！之前喺韓國已經有食過！突然間起香港行過見到Tom and Tom coffee。。即刻想入去試吓佢嘅分店都坐得幾舒服！俾人有一種可以relax下嘅感覺！我叫咗蜂蜜蒜泥吐司加杯紫薯latte！吐司即叫即做！非常新鮮！食嘅時候仲係脆卜卜！蒜泥加入芝士牛油同蜂蜜！味道一流！呢款吐司係最好味嘅一款！紫薯latte 都非常之唔錯！ 紫薯嘅味道好濃！ 我很喜歡！

晚餐後一定要食埋甜點先算完滿! 同事相約, 各自晚飯後再聚一聚傾下一個 Project.同事發現我未試過 Tom N Toms 既 Toast, 就話幾飽都要試下, 因為每次都只係買杯飲品就走! Caramel Butter Toast 焦糖忌廉吐司 $55 ~ 我覺得硬左 d, 所以放一陣先食, 不過同事就話要趁脆食, 每人口味不同吧! 不過一致認為焦糖可以多 d! Green Mint Chocolate 薄荷朱古力 $38 ~ 味道偏淡, 薄荷味及朱力力味不足! Blue Lemonade 藍色檸檬湯姆梳打 $36 ~ 酸酸甜甜, 味道好清新! 

嗰日同個朋友去the one 睇戲，未夠鐘開場所以走咗去搵嘢飲，咁啱我朋友又話想食啲嘢，咁就去咗tom n toms食啲嘢。因為我朋友箍緊牙所以佢想叫咗個湯飲，佢叫個忌廉蘆筍湯，點知個員工同佢講要等45分鐘。45分鐘? Fine dining restaurant 都唔使等咁耐啦! 其實你唔想做可以話賣晒，好過講啲唔合邏輯嘅嘢囉! OK我哋等！結果20分鐘碗湯就到喇！吓？‘西蘭花生粉水’？究竟知唔知咩係忌廉湯? 佢叫咗忌廉蘆筍湯點解會係西蘭花呢？商品與實物不符係咪可以告佢㗎？所以以後都唔會再幫襯佢！

第一次去Tom and Tom 喺黎TheOne ,之後每次都喺呢間，坐得好舒服，服務非常好，店員好nice 。對一個唔識飲咖啡嘅人黎講，每間咖啡店都覺得差不多🤣叫左Iced latte and Hot cappuccino . 黑松露雜菌薄餅，餅底係脆薄嘅，D黑松露醬都好多，勁香黑松露味，面有足料芝士，啱哂我呢D芝士控！仲有一個蜜糖蒜蓉芝士吐司，又係芝士🤣面頭有芝士，中間都夾住一片芝士，我個人最喜歡係又鹹又甜嘅食物。🤪面包烘得外脆內軟! 好好味！

I got an iced purple potato latte at Tom n Tom coffee; expected more purple potato flavor though 😔 it was mostly milk with a little bit purple potato flavoring. I only got the drink just for the Jin cupholder lol cuz the cafe was doing a collaboration with a fan site. This cafe usually has some kind of cupholder event. The fansite decorated the place with a lot of Jin pictures and it was really cute. I saw the budae jjigae pizza menu and thought it was interesting since budae jjigae is korean ar

聖誕近年尾個陣周圍都好多人呀救命周圍排隊排到傻，行街又行到攰，m記唔洗講啦，s 同p呢d大coffee shop都好滿，反而呢間就少人好多，於是二話不說入左去坐。咁岩呢間做緊韓國團體既派杯套活動，就無聊拎返個紀念下。跟住先知原來間cafe係韓國傳入黎，唔怪得有呢d派啦！同朋友點左個多士餐share，即叫即整，等左10分鐘左右都有得食了!食落都ok唔係劣食，我食個款蜂蜜味好夠! d nuts 都好味!但又硬又軟既口感我一般所以分開左黎食。行到攰坐底食d新鮮暖野配埋杯桃茶! 成件事好舒服!

今日晨咁早就出左尖沙咀行街，行到晏就個d位，又未夠鐘食晚飯，但又有少少肚餓，所以就入左黎呢間coffee shop食少少野醫肚，入到去已經聞到好香既麵包味，所以就點左佢地甚中一個主打，芝士火腿多士，等候既時間唔長，加上佢地既位置都非常多，所以坐係到傾下計野食就會到，員工服務周到，確實值得一試。

海鹽焦糖吐司🍞.小編想試呢道既多士好耐啦😍多士會切成九粒份，有鹹有甜，今次就試左海鹽焦糖吐司🍞，面頭有一座山既cream😂再淋上焦糖醬！多士既面層搽左少量蜜糖，整到外脆內軟，而焦糖夾cream既組合係無得輸😁份量都頗大啊怕肥的小編要同朋友開心share😙

去韓國旅行既時候 最鍾意搵cafe坐下係香港放假既時候都想咁樣chill下今次我就黎左Tom n Toms原來而家Tom n Toms多左好多新款既食物 連螺絲粉、pizza都有 而我當然叫番我最愛的蜜糖芥末芝士火腿吐司🍞同新出的焦糖燉蛋咖啡☕️焦糖燉蛋咖啡無想像中咁甜 隱約食到燉蛋味好得意 而蜜糖芥末芝士火腿吐司超級脆口鬆化 真正外脆內軟

呢間cafe之前係韓國都去過，感覺好舒適☺️香港的就未去過，The One呢間分店同樣舒適，而且高樓底又多窗，好有空間感，氣質亦好悠閑，好適合和朋友來飲杯野，吃吃輕食😂💜芋泥忌廉吐司$55這款是新出的，吐司烤得好香脆，中間夾住芋泥，雖然芋泥冇poster咁紫色，但天然的芋泥就是這淡淡的紫，味道都幾香，面頭仲有超多cream呢！夾埋一齊食都幾正架！💙黑松露醬雜菌薄餅$55 （中）薄餅是很薄那種，餅邊好脆口，薄餅面佈滿黑松露醬、雜菌、芝士同蕃茄醬，味道好香，好快就清光了😝❤️白色紅乾果蛋糕 $38賣相好精緻，白色面的蛋糕，配上紅苺乾，酸酸甜甜的，而且蛋糕鬆軟，味道不錯呀☺️💛甘薯鮮奶$35（單點吐司/pizza 加$20）紫薯鮮奶飲得多，而呢款甘薯鮮奶，就係淡淡的黃色，甘薯味都幾香呢😉

#tomntomshkg 韓式cafe店，終於試到在韓國極具人氣的厚吐司 🍞 ✌環境簡約走文青韓風路線，相當 relax. 既然吐司是必食item, 咁我就點了一款甜和一款鹹味及pizza 🍕 飲品就是點吐司便可加$15-20轉套餐，又唔貴bor☺🔹焦糖忌廉吐司 $55 大大個Cream配肉桂粉、蜂蜜同焦糖糖漿，不會過甜，暖烘烘好好味👍👍👍🔹蜂蜜蒜泥吐司 $50 ，勁濃蒜味但同時配上蜂蜜又可以中和到，不錯😋😋😋🔹黑松露醬雜菌薄餅 $75 薄批，每一件都加有黑松露醬，唔孤寒😝😝🔹紅豆鮮奶 $23(套餐價) 不會過甜，紅豆味不錯🔹熱朱古力 $23 (套餐價) 有點似m記杯朱古力味

如果不是吃非常嚴格的素食，其實很多咖啡館都有簡單的餐點可以滿足日常需要，例如這家來自韓國的連鎖式咖啡店 TOM N TOMS COFFEE 就有吐司和蔬食披薩可以吃。餐廳位置方便、環境也很開揚，很適合約朋友喝咖啡聊天呢。2016年才登陸香港的韓國咖啡連鎖TOM N TOMS COFFEE，原來已經在香港和澳門各有三間分店，尖沙咀商場 The ONE 這一間是旗艦店，有室內及戶外座位，還可以看到九龍公園景，環境很開揚舒服。室內裝潢帶工業風格，看起來都幾有型有韓國感覺。餐點選擇比想像中多，除了招牌烤吐司之外，也有披薩、牛角包、貝果三明治和蛋糕等等，不時也會推出特別版食品，口味跟香港和美國的連鎖咖啡店並不相同，都幾有新意。芋泥忌廉吐司 HK$55TOM N TOMS COFFEE 使用韓國當地的食譜，並每天在香港製作新鮮麵包，抹上自家調味牛油，吃起來真的外脆內軟好好味。我們這次試季節限定的芋頭吐司，中間夾的芋泥甜而不膩，雖然看起來沒圖片上那麼鮮紫色，但可以確定充滿芋香無誤。白色紅乾東蛋糕 HK$38看起來層次豐富的蛋糕，入面有很多莓乾，吃起來口味偏酸，屬於比較清爽型的蛋糕。黑松露醬雜菌薄餅

之前試過幾次韓國Tom N Toms嘅caramel toast都食唔停口🤩今次就一嚐佢新推出芋頭系列toast🍠.芋泥忌廉吐司🍞 $55一如既往佢嘅吐司都係咁鬆脆仲有一樣咁厚😋佢嘅吐司上面可以食出係搽咗有層好濃厚嘅蜂蜜牛油 🍯兩份吐士中間夾住一層淡紫色嘅紫芋🍠有少少可惜嘅係芋香味唔太出眾，由佢隻顏色入面都睇得出佢味道比較淡。不過將吐司連芋泥饀沾上一層層忌廉嘅滿足感爆登🌟配搭亦都係非想像中更加襯🤤整體評分:6.5/10.Tom N Toms Coffee (尖沙咀)尖沙咀彌敦道100號The ONE 1樓L121號舖.