Top Blade Steak Lab (梭椏道)

營業中

休息中

就住朋友係mk個頭返工一於去試下餐廳位置唔難行，我地係朗豪坊個邊行左around 15分鐘左右就到非常建議大家先係openrice到拎左網上飛先，因為我地去到時候都好多人等緊，我地去到去等左10分鐘就到我地啦，不過餐廳門口都有得㩒飛仔既餐廳比我想像中細，我地坐高枱，裝修唔算好華麗我地都叫左188個份扒，比我上次食cwb個間好，跟碟上個個汁好好味因為佢主打係比其他餐廳食既牛部位唔同，所以都有專燈感受下，不過我就覺得其實食唔出扒下面有個暑蓉，個人覺得做得幾出色，好過其他餐廳最後講個暑條啦，我本身對黑松露冇乜好感，佢呢個暑條係有少少松露味我反而覺得幾ok，耐唔耐侍應都會黎加暑條整體算合格，當然希望餐廳再進步啦

特意前來一試 Flat Iron steak! 等位大約等左半小時...服務員好細心送上menu, 還細心講解煮法。我們order了兩款：-第一款 herbly flat iron steak, medium rare, 肉質尚算有咬口，唔太有肉味。第二款 guest chef’s flat iron steak, medium rare, 比較juicy 同埋淋，肉味都係一般，配薯蓉（薯蓉creamy,但唔覺漏）👍🏻任食薯條（黑松露鹽），店員會經常自動添加。

出發食之前連同兩位友人都好興奮好期望！最主要原因係網上宣傳好勁（廣告費係要比既證明）加上食評又唔錯，諗住實食到性價比好高既牛！終於到達，裝修好有格調，再加一張只要三款主菜既menu，仲唔好食？！我地叫左兩款牛，herbly flat iron steak同guest chefs.Herbly steak ( medium rare,無over cook )睇樣好靚一咬，咬咬咬咬。。。好un.......咬左好耐三個女仔都食唔曬。Guest chefs steak (medium rare)嘩！呢個好食好多！有牛味有烤肉香都係un😐手工啤好味唔太苦澀，有果香！薯條新鮮炸熱辣辣，住食我地每人食左兩round薯條，飽左（因為d牛唔好食，我地寧願食薯條🍟）因為環境好，服務超好！再基於其實百幾蚊塊牛都唔貴既關係比唔落負皮但唔會再食完。

喜歡食牛扒既朋友 又有新餐廳試啦😁無論你係坐地鐵黎還是揸車黎 地點都方便 👍店內座位不多 不過還好等位都唔需要太耐時間😊👇🏻店內裝修簡約特別👇🏻好襯我 NO STEAK NO LIFE👇🏻以下係餐牌 選擇唔多 對於有選擇困難症既朋友非常適合 黎到就係食🐂 不過唔食牛既朋友 呢度係有豬鞍可以選擇的👍👇🏻第一款$150herbly flat iron steat 香草平鐵牛扒 這一款店員介紹說是比較濃碳燒味 而且是切好一片片的 這是medium rare 肉質比較有咬口👇🏻第二款$188guest chef's flat iron steak客席主廚平鐵牛扒 這一款店員介紹說是一整塊牛扒上的 同樣是medium rare 這款牛味較重 肉質軟一點 而且有一款特別的汁再配薯蓉個人比較喜歡這一款👇🏻還有任食的薯條 薯條偏鹹 但勝在熱辣辣 店員亦會主動問要不要加添

加HK$38就有飲品同湯 (或沙律)。男朋友知我中意飲熱野，佢又中意飲凍野，所以揀左忌廉蘑菇湯同雪碧。 忌廉蘑菇湯 – 都幾好飲，但係絕對唔系呢間鋪頭的招牌菜。係好creamy但我有少少覺得同罐頭湯差唔多。同埋有少少嫌個湯匙太長，我成日飲飲下，好驚一放低個匙成個碗就會跌落黎。黑松露薯條本來以為是普通薯條(個樣重好似m記)，所以無期待。點知一食落去就有黑松露味道。之後發覺薯條任食之後 對眼發光。我同男朋友都食多左一碟。味道剛剛好，唔太鹹，又有少少黑松露味。唔使用茄汁都夠味。guest chef’s flat iron steakherbly flat iron steakOrder左兩款steak.一個系herbly flat iron steak另外一個是guest chef’s flat iron steak. 舖頭建議medium.呢度既Waiter會教埋你點切黎食，防止你逆紋食(會太“鞋”)。Guest chef’s flat iron steak 個汁其實系黑椒味，同塊扒好match。而herbly flat iron steak系襯garlic。我地試過交換黎配搭，點知真係好

今日同女朋友去咗試依間牛扒，講真真係未食過牛肩扒，不過我地兩個都係牛扒fans，咩都要試下嘅~兩個人就叫哂兩款牛扒，店員好細心講解flat iron係牛嘅咩部位，又解釋兩份牛扒嘅煮法同特別之處，畀個like佢先點完餐先上薯條，啲薯條啱啱炸好脆卜卜，同埋撈咗少少松露鹽非常惹味，真係超好食!跟住兩份牛扒就送到嚟啦～香草嗰份已經預先切開，食落腍身唔會韌，仲有好香嘅rosemary味，超正!試埋個Chef's Special，牛味濃郁，點埋個sauce又係另一種風味，都係好好食我地仲叫咗杯無酒精嘅mojito，食完濃味嘅牛再飲啖清新嘅mojito真係無得頂~由於啲薯條真係太好味，小弟仲encore咗兩次添薯條，希望老闆唔會認住我啦～哈哈哈

琴晚突然想食牛扒就上黎搵下有咩好野跟住就見到呢間新開既扒房交通唔算方便都竟然有人等位相信值得期待餐廳格局幾得意係你食個屋村扒房都要200既世代呢個價唔止平係超值食物既質素都好重要餐廳話請左個法國客席廚師過黎特別調製醬汁配呢塊牛扒侍應又會特別提醒落刀既方向感覺好貼心薯條係仼食既不過賣相一般但食落去都幾味

一間只有幾張枱的小店，lunch time幸運地還有一個位給我，幾分鍾過後已經開始要排隊了，應該都長期爆人叫左chef's flat iron steak,碟面用少少鹽做裝飾同調味，我叫的係7成熟，食落牛肉味好濃而且香，有用心烹調，而這價錢黎講，可以食到優質的牛扒，其實真的不算太貴但我最鍾意都係個薯蓉，甜甜地，奶油感都好强，不過美中不足，食依d好野係預唔會飽，唔知係咪夜晚先可以任叫薯條呢，如果lunch都有就好啦

睇到雜誌都有介紹呢個鋪頭, 標榜150蚊就食到餐牛扒, 性價比甚高。 正值同女友紀念日, 決定黎呢間牛扒小店try try! 鋪頭係何文田，但由旺角東站慢慢行過去都係10分鐘左右知道近期好紅, 怕要等位，所以差唔多6點已經到左。估唔到已經有人排緊好彩只係等左15分鐘就可以入座。建議大家都係早D黎好D。一坐低就有個靚仔waiter 黎同我地介紹餐牌。選擇唔多, 只有2款牛扒1款豬扒。呢度既牛扒採用左牛肩部份既位置，唔同於出面食既餐廳，所以價錢都比較低。最後叫左一份Herby flat iron steak($150) 同guest chef’s flatiron steak ($188), 簡左medium(5成熟)，仲加左個set (今次係南瓜忌廉湯, 簡左可樂)好快就有waiter 幫我地加薯條! 呢度個薯條真係好抵又好食! 食落有D似shake shake 薯條，不過就係落左唔同既調味粉, 同埋幾新鮮。任食真係好抵! 成餐飯添左3次左右, refill 速度好快之後就梗係要講下個main course 喇! 圖為Herby flat iron steak。呢份排既煮法會將牛排切開，

上次整體排感覺不錯 便再帶朋友來吃也是午餐的時間來 看到轉了新的午餐菜單改到單點牛扒沒有任食薯條 感覺少許失望 上次點香草平鐵牛扒 牛的質感就略乾身(可能是切件上的關係)今次特別點客席主廚平鐵牛扒 心想應該會較好一點吧果然 牛扒juicy 肉味也突出可惜底下個薯蓉勁難食！！！加上個汁都好稀身 好一般(說好是名廚特調的醬汁？！)再點份牛扒沙津 中規中矩係d菜最好味 有我喜歡的芝麻菜 而今次薯條質素也下降 沒之前的好吃不否認lunch限定個3個主菜係抵食ge宣傳效應下 難免質素有少少影響 sadbtw... 2位男店員行過有陣異味 令人想速速離開

本身真係好少好少無啦啦走去何文田果頭,原來都幾多野食!!今日突登去呢度就係為左試下呢間牛排因為不設電話訂座,唯有WALK IN睇下好唔好彩啦我去到未夠8點,店員小姐話要9點先有位,好啦,一場黎到,無理由唔食就走,所以留左個名就去附近行下D寵物店打發下時間先,差唔多9點反到去無耐就入得啦,YEAH!!餐牌唔係好多選擇,不過貴精不貴多,反而寧願做好自己招牌菜!!店員好好咁同我地介紹左兩個煮法有咩唔同(服務很好!!)我兩款煮法既牛都有叫,重加左$38要左個湯同雪碧叫完野食好快就有薯條食啦薯條是任食的,每一次俾既份量唔係好多,一黎唔會因為太多食唔晒而浪費左,二黎又唔會因為食得慢而凍左佢地薯條有少少黑松露味,佢地話用左黑松露海鹽,剛剛炸起係特別好食XD(ps:我加左4次)是日餐湯係蘑菇湯,有好多蘑菇,不過唔係好特別guest chef's flat iron steak $188因為店員建議我地叫5成熟,咁當然要接受佢既專業意見啦!原先以為咁厚身,中間會好生,但都唔會,有口感既,但絕對唔係硬,係個牛排下面有D薯蓉,吸左D肉汁,都幾好食,如果除左薯仔可以有D菜食下就好啦herbly flat ir

我既好朋友帶左我黎呢間餐廳食牛排，佢推介話呢間野好好食，結果都真係好似佢咁講，真係好好食！個牛排五成熟，不過真係好食，肉汁夠juicy,又夠新鮮，一食落去就知唔係雪藏扒，仲有有免費薯條添加，加少少錢仲可以有沙律/餐湯/可樂！而且仲會有職員present today menu,服務都唔錯！呢個價錢食到咁優質既牛扒真係超值！

From magazine article, we heard about this place and decided to have a go. We tried to book. They said the y don’t accept reservation. We got there at 1930, waited about an hour to get a table. As they close at 10pm, while we were waiting, there were a few groups of two, got rejected for waiting. When we got the table, we were first all you can eat fried immediately. Each of us only got a handful of fries. The waitress refilled a few time during the dinner. The fries is truffle fries, it tasted

前幾日想book位，原來只限walk in，又諗著平日試無咁多人，點知七點幾到最後都要九點先入，趕得切喺九點半last order前入座，基本上八點三之後嚟拎位嘅已經無得排。雖然主菜只有兩款但足以吸引咁多人去食，當然任食薯條都好正。薯條係新鮮炸起，有陣陣嘅鹽咸同黑松露粉味，除咗主菜，個人都食咗四碟薯條。每一個餐可以加38蚊加沙律、可樂、蘑菇湯嘅其中兩款。沙律嘅醋有啲太酸，而個湯三分之一嘅體積都係蘑菇。分量奇多，如果太早食飽就享受唔到主菜。Flat Iron Steak 係切好上，medium係建議食法，加埋個蒜（出奇地淡味，好配個牛），唯一只係比第二份主菜乾。Guest chef’s flat iron就多汁好多，都係medium，好嫩亦都唔會太韌。特別推介係牛肉底下嘅薯蓉，好有牛油味，可惜個量太少。

這間餐廳位於何文田梭雅道，鄰近九龍維景酒店和旺角東鐡站。店內佈置簡約，帶有美式小鎮餐廳風格。餐廳供應不多的選擇，因此上菜時間很快。先來個忌廉蘑菇湯和green salad。湯香滑，沙律新鮮。沙律有火箭菜、西洋菜、生菜和車里茄，再配上帶醋的芝麻醬，十分清新。店內提供三款主菜：香草平鐡牛扒、客席主廚平鐡牛扒和西班牙栗飼豬鞍架。我們這晚也試齊這三款主菜。客席主廚平鐡牛扒是我最喜愛，牛扒嫩滑、多汁、含濃郁的牛味，但絕對不肥膩。調味很簡單，只用鹽和黑椒，但配以濃醇白蘭地的醬汁，使牛扒有着兩種截然不同的味道。香草平鐡牛扒則較有質感和彈牙。西班牙栗飼豬鞍架份量大，肉質嫩滑，十分美味。除主菜外，任食薯條也給我很大的驚喜。薯條是用白松露鹽來調味，吃過薯條後，那芳香的松露味遊走於口腔內，齒頰留香。至於餐廳提供特飲叫Mojito，無酒精，由青檸梳打配上大量薄荷葉和露絲瑪利。大熱天來一杯，真是很爽呀！最後，紅桑子雪葩的清新和酸平衡了肉類的濃郁和油脂，令整個晚餐變得完美。全套晚餐只售價約＄250-300港幣。以這高質素的菜式， 真的十分超值！