Top Blade Steak Lab (梭椏道)

營業中

休息中

我好少會係openrice寫食評，不過呢間牛扒屋實在太好食啦，唔寫好評對唔住自己😂我揀左classic既flat iron steak ($150) + 蘑菇湯&汽水 ($38) (+10% 服務費) *留意：餐廳既薯條任食！！！🍟🍟🍟🍟🍟*我比較少食牛扒，不過都覺得牛扒真係好腍好好食，比出面既牛扒腍。我揀既係classic version，牛扒加香草煎，食既時候加埋鹽同蒜頭，冇其她配料爭味，更加凸顯牛的香味，好正🙈薯條係幼薯條，新鮮炸，非常香脆，配上松露粉既香味，好好食，忍唔住係甘添🙈呢個價錢仲可以任食薯條真係幾正😋

叫咗herbly flat iron steak同guest chef's flat iron steak各兩份。 herbly flat iron steak$150肉質夠晒淋。。好juicy..guest chef's flat iron steak...$188 薯蓉creamy得黎一d都唔覺漏。。牛肉夠晒juicy..配埋個sauce一流。。不得不讚 all you can eat fries. 脆得黎一d都唔油。。Refill timming啱啱好。soup of the day係雜菜忌廉湯。。夠晒creamy...裡面嘅雜菜夠晒多。。調味啱啱好。。非常好飲。。溫提：可以自己帶酒

大家平日吃牛多數會吃甚麼部位呢? 西冷、肉眼抑或牛柳? 一隻牛很大，身上有很多不同部位，其實只要處理得宜，牛扒又點止西冷、肉眼抑或牛柳呢。這次，帶大家吃不一樣的牛扒。 Top Blade Steak Lab，位於何文田的梭椏道，餐廳主要提供的牛部位為Flat Iron，Flat Iron是牛肩部份的肉，而flat iron未被挑筋前，則稱為top blade，top blade便是餐廳的名字。Top blade一般都是用來製免治肉的，只有把筋挑走，才可以做成牛扒。由於要挑筋不是易事，所以香港一般很少餐廳會供應此類肉；再加上，香港的餐廳主要都是供應西冷或肉眼，對於不太熟悉的部位，比較難吸引人注意吧。 由於餐廳是牛作主打，所以大家都會為牛而來，暫時有兩款牛可讓大家選擇；分別是Herbly flat iron steak和Guest chef's flat iron steak，這兩款牛都提供了unlimited fries，如果想喝湯或沙牛或汽水，只需加HK$38便可以選擇其中兩樣。 我們選擇了加HK$38要沙律和忌廉菇湯；吃牛始終有點飽，沙律用上了黑醋汁，味道帶酸，清新一下也不錯。

看到BLOGGER個個正評，即立去試試。門口等左１５分鐘，有枱安排比我地。餐牌集中是平鐵牛排，初時以為鐵板牛排，店員解釋原來是牛肩胛肉。終於我地點左一份GUEST CHEF FLAT IRON 和 香草烤FLAT IRON。再加2份沙律，湯同COKE。COKE 是支裝可樂。沙律未到，店員幫我地加薯條，薯條有松露味，有驚喜。炸得夠香又唔油，不錯! 沙律有我怕怕的火箭菜，但除去火箭菜後，配合紅酒醋，味道都OK! 湯是蘑菇湯，夠濃，但菇粒可以再多點。主菜先來GUEST CHEF STEAK ，ORDER 5成 真係烤得剛剛好，肉色紅紅，肉味好濃，燒烤味都有，配小牛仔骨黑椒汁 同 薯蓉，味道遠超百幾蚊級數。再來香草燒FLAT IRON，廚房切好了一份上，雖然冇配汁，但我覺得煮法上應該有點不同，肉味更濃，肉汁更多，最好是有原粒烤蒜 和原條香草，配合上來是另一種風味。食食下牛排，店員又加薯條，都是熱的，新鮮做好，這間店真的很有心為客人，我說的不是只是口中的"歡迎光臨" 或 "多謝"，而是從動作上完全感受到熱誠。希望日後香港多點這類小店! : )總括而言，百幾蚊價值有超班質料和服務，這餐值是120分

由旺角東A出口大約走10分鐘(連找路)終於見到記住門面的虹燈牌就是了大約1點幾到 還有Lunch menu提供其實以下3款都幾吸引(下次先食返)但第一次食又想食整塊牛 份量多d嘛以下是Regular menu 點了主打的香草平鐵牛扒(就是為了牠來嘛)價錢$150 主菜連薯條任食另外加$38 選了沙律及蘑菇湯蘑菇湯都ok 似罐頭湯再加料 味道唔算太差沙律我就幾鍾意 個醬幾清新開胃 仲有我鍾意食的芝麻菜幼薯條個調味做得不錯 令人食到停唔到口(好彩可以無限添加)主菜到… 食頭先的前菜其實已經飽左一半賣相幾吸收 食慾大增牛味都算有 不過就唔太重 肉的脂肪比例算低 不過都鬆軟不過叫medium... 有少少overcook 以這個價錢食到這個質素的牛排及前菜 其實已經是超值另外服務算幾細心值得再去 希望keep到個質素Menu上寫住要加一服務費 但我結帳時又不用付 應該是午餐免加一(?) 幾抵食

今日同Mr. A試左間新開既餐廳，食佢最鍾意食既牛扒。間餐廳係何文田叫Top Blade Steak Lab，個菜單得兩種揀: 平鐵牛扒同客席主廚平鐵牛扒 (其實唔知有乜分別)，後者貴少少。薯條任食 配菜有沙律、湯同飲品。我叫左平d個個，而高要求既Mr A就當然食貴d個個客席主廚。一上枱個牛扒就傳來炭燒香味，medium rare岩岩好唔會血淋淋，入口即溶好軟好juicy。我試埋Mr A個個，點知仲好食，超級有牛味。個醬汁唔會太搶。配埋個side dish沙律好yummmmy! 松露油薯條真係唔同d，好香! 薯條任食對於大胃王既佢好著數。食到佢lam lam脷，我諗都唔差得去邊，哈哈。價錢唔貴，以呢個質素我地都覺得好抵食。服務細心，個店面都好cozy。聽講遲下menu會有多d選擇，已決定下個星期返兜，非常推薦!!!

住附近的朋友介紹我去這間一試。本著好奇心去，Menu 很簡單。只有兩款牛扒，但薯條是任吃的，對薯條控來說是好消息。我點$150 那款香草平鐵牛扒。由於我不是薯條控，所以略過不提了，但很新鮮，好食。這就是香草平鐵牛扒，我點7成，烤得很不錯。扒有炭烤香味，讚! Flat Iron 是一款牛扒的新cut，酒店也沒有，最主要是成本貴，要有刀匠去根。往往好東西都是不易得到的，這款肉質十分軟，牛肉味相當相當濃，廚師技術不錯，咬下去有肉汁，沒有血味，證明rest時間掌握的好好。鹽是用猶太鹽，特別! 用新鮮香草，賣相不錯。總括而言，有酒店的水準，但平民價錢。這間店專注做牛扒，也許是令價錢平民化的原因。服務是可以，談不上很好，但是算親勤的。

話說小弟是愛牛之人，有牛我就最開心。放工回家果陣見到呢間野，有位靚仔哥哥話試營業，專做牛扒New Cut Flat Iron。呢個cut 我聽過下，只係知起根勁煩，香港又無得食。估唔到附近有，正!坐底左，空間感都ok，唔算好大，但朋友小聚都唔錯。靚仔哥哥話有兩款煮法，一款是香草烤$150，一款係米芝連三星廚配製$188 (心諗: 米! 芝! 蓮! 仲要三星TIM!? 唔係咁勁呀嗎@@! 當然外表要保持冷靜.)  ，咁梗係食三星啦。等左陣，店員就拎住個銀盤出泥，原本桌上面隻碟係用泥放薯條，跟牛扒任食的。薯條新鮮，係即炸，唔油，幾好食。我加左38 COMBO，揀左蘑菇 湯 同 可樂。呢個菇湯不得了! 認真，我初時以為加38 兩款應該係HEA 野，無咩野期望。但我錯了，D個蘑菇湯又香又濃但又唔杰，完完全全飲的出係HOMEMADE(唔係開粉)。真係驚喜!主角來了!Flat Iron 真係正! 第一次食感覺真係正! 肉質又林，又夠肉汁又夠曬香，認真，真係好好食，好特別。加埋個牛仔骨黑椒汁，好香黑椒味又唔辣，食得出有牛仔骨汁味道。個薯蓉都正，夠香。兩款配埋塊炭烤flat iron 真係無得頂! 過