Tram View Cafe

營業中

休息中

一連四日復活節假期正式開始，雖然宜家危險時期唔應該周圍去，但屈係屋企實在太悶！所以決定去行山，親親大自然～今次諗住去行山頂，每次都搭纜車，但係從來都未試過行上去。一早就嚟呢間餐廳睇住纜車，食完早餐再出發！食物比想像中有驚喜，唔止得個樣～薯餅乾身，炸得非常脆口。火腿忌廉湯通粉味道較為濃郁而且材料豐富。多士牛油味濃，入口鬆脆。沙律菜新鮮配日式麻醬，牛角包略嫌不夠鬆化。雞絲奄列份量大，內裏有大量雞肉，配醬汁同吃很滋味。

趁同閨密响港麗食完自助餐慶生後，一齊到附近的香港公園散散悶氣。邊走邊影相，一直走到壁球中心，過去纜車站影相時看到牆邊的指示牌，前上方不遠處有間咖啡店，正好想找個地方坐下來聊天。拾級而上，好快就看到招牌，建築物半圓外形有點像城堡。噢, 剛好見到纜車下來，未試過咁近睇，好開心哩，咖啡店正好在旁，增加入咖啡店坐的興致。店內氛圍休閒恬逸，一片大玻璃窗對正纜車軌，坐在旁邊可以看到纜車上落。咖啡店除了室內座位，仲有戶外露天座位，戶外有一座雙人鞦韆，纜車軌就在眼前，我們選擇坐在戶外，喜歡這邊更有興味。選好坐位，返回店內點餐，部分飲品點讚面書打八折，中午吃很飽，還不太肚餓，點了兩杯飲品和兩款小食，食物即製需時，拿著呼叫器回到戶外等待。趁著空檔又係拍照時刻，大家都在捕捉纜車經過的時刻，拍夠了，食物也可以去領取了。一邊喝咖啡，一邊聊天，還不時看到纜車出沒，實在很療癒哩。最近愛上冰滴咖啡，咖啡是經「低溫慢滴」萃取，在家製造很花時間，見店內有供應便立即點了。冰滴咖啡入口不苦澀，甘味香醇，慢慢地啜著，好正。炸餃子出乎意料地好吃，皮薄餡多，又香又脆，難得毫不油膩，好味啊！薯條新鮮熱辣，外脆內軟，醮上黑松露醬來吃，

由於新年冇咩地方去又唔敢去啲人口稠密嘅地方 所以肥雞就去咗山頂嘅纜車行下順手食埋呢一間tram view cafe咁因為真係太肚餓啦肥雞呢就揀咗鰻魚炸蝦飯 咁佢鰻魚啖啖肉配埋香濃嘅燒汁炒得唔錯嘅飯底嗰日肥仔食得好滿意肥雞都嗌咗個牛肉漢堡薯條 咁佢嘅牛肉漢堡 雖然話唔可以同five guys比， 但係二小店質素嚟講都唔錯而且易薯條亦都熱辣辣 食落去非常之香口甜品方便嗌咗一個香濃朱古力蛋糕 佢嘅富士醬係非常之好食食每一啖都好似係食朱古力濃縮版 如果嘅芒果芝士蛋糕亦都酸甜適中

約了久未見面朋友聚舊，大家都想找一間可以慢慢坐傾計餐廳，朋友推介這間位於中環的隱世咖啡店Tram View Cafe，一於試試！餐廳位於中環山頂纜車站旁邊，但由於要經過一條小路進入，保留了一份隱世悠閒，加上有幾張露天座位，附近環境幽靜，有如身在外國小店，而且每張台之間都有充足空間，十分適合朋友相聚門口附近放了一些充滿香港特色手信，外面較少見餐廳主打all day breakfast , 與朋友各點了一份，再加每人一杯手沖咖啡Cafe的咖啡十分專業，經店員推介下選了耶加雪夫及埃塞俄比亞西達摩咖啡，店員沖泡時已香味撲鼻，入口細膩，回甘，滿滿的咖啡香，推，值得一試！All day breakfast 分量十足，吉列魚柳香脆，有質素這間用心製作Cafe值得推薦！

近排抗炎想去cafe坐下一search之下發現依間隱世Cafe開正係纜車站隔離 食野個陣坐窗邊可以見到纜車經過簡直雙重享受本身以為呢啲打卡cafe 食物質素應該一般點知出乎意料咁有驚喜我同女朋友分別order左芝士牛肉漢堡同埋咖哩吉列豬扒飯 外加一杯朱古力同凍奶茶漢堡好足料牛肉好juicy 薯條炸得啱啱好咖哩係日本咖哩 甜甜地 吉列豬扒酥脆香口 又唔油膩環境正 野食好味 下次可以encore

往時假日都會有不少遊客上山，因為疫情原故，山頂纜車雖然如常營運但已經不見長長遊客影蹤。上山之前先到纜車乘車處旁的一間CAFÉ 午餐。 餐廳設有室外茶坐，店內擺設都有寧靜氣氛，很適合閱讀享受這個寧靜空間。旁邊有咖啡圖書寄賣，有大窗欣賞纜車走過和窗外的風景，十分寫意，又適合年青人打卡拍照。正門旁有不少有香港特式紀念品放賣。有機芝麻鮮奶咖啡鮮奶咖啡款式多，對有機芝麻特別感興趣，鮮奶やべ香滑，咖啡上面灑了粒粒有機芝麻帶出淡淡的芝麻香氣。冰滴咖啡採用來自埃塞俄比亞的精品咖啡豆，味道溫潤不酸澀，帶有長回甘度，入口有點像可可的味道。餐廳有提供多款signature 套餐A餐蘑菇火腿忌廉湯通粉 配 炸薯餅及茄汁豆火腿前蛋 牛角包通粉彈牙，即使被蘑菇火腿忌廉湯浸了一段時間，口感依然不變。除了火腿和煎蛋，還可以選擇香腸和煙肉。日式田園沙律 配 香煎菠蘿喜歡輕食或沙律的朋友可試！菠蘿微微香煎帶出淡淡的菠蘿香氣，豐富又清新的沙律菜配日式麻醬沙律汁，充滿白芝麻的香氣。

肥妹仔喺新年之後有好耐未出過街，今日肥妹仔就同肥爸肥家姐一齊去咗山頂嗰邊一間叫tram view cafe 食午餐，順便呼吸下新鮮空氣。all day breakfast $58肥爸揀咗呢一個全日早餐，入邊有吉列魚柳，黑松露炒蛋，香腸，茄汁豆，牛角包。肥爸話個魚柳炸得好香脆，炒蛋好嫩滑，好香松露味，牛角包就好香牛油嘅味，係一個好好食嘅全日早餐。吉列炸蝦日式鰻魚泰式炒飯 $68肥家姐話好肚餓，所以佢就揀咗呢一個泰式炒飯。肥妹仔我試咗啖佢嘅炒飯，應該係黃薑飯，好香香料嘅味，炒到粒粒分明，唔錯。至於佢嘅吉列炸蝦， 都炸得幾香脆，日式鰻魚就冇咩特別。牛肉漢堡包拼薯條  $50呢個牛肉漢堡包大路貨式，牛肉唔算太乾，不過牛味唔夠香濃，薯條都炸得好香脆。美式朱古力蛋糕 $45芒果芝士蛋糕 $45朱古力蛋糕好香濃，有少少似brownie嘅感覺，好sticky。 而佢嘅芒果芝士蛋糕好香芒果味，芝士味就比較弱，不過肥妹仔都好鍾意。阿華田麥提莎脆麥乳酪 $38肥妹仔畀佢個阿華田同麥提莎吸引咗，所以就叫埋嚟食。佢呢一個乳酪係plain yogurt，食落去係冇甜味。麥提莎同阿華田應該大家都會鍾意食，成件事夾埋

半山嘅「Tram View Café」真係好有異國風情，英倫風吊燈、小火爐、木鞦韆等等嘅裝飾都令我好似置身於外國，依度除左室內環境舒服好啱休息放空，外面嘅戶外花園更加令人放鬆，大家可以同親朋戚友於戶外花園包場進行BBQ活動。店內已經係一個一流嘅影相打卡地方，但千祈唔好錯過依度嘅最強賣點：近距離纜車風景，不時經過嘅纜車同室內慢活嘅環境真係互相襯托。依到仲有D香港精品賣，好得意好靚。冰滴咖啡，埃塞俄比亞G1西摩達，有SCA評分89分，使用佛手柑、白葡萄、無花果、黑朱古力沖製而成，咖啡味道濃厚芳香，當中帶點甘甜味，回甘度長，入喉後依然殘留到佢嘅味道，咖啡豆經新鮮炒製，豆味更充滿果香，再加上人手泡製，依枝冰滴咖啡得來不易。Signature A，All Day Breakfast之一，包括有蘑菇火腿忌廉湯通粉、炸薯餅、茄汁豆、香腸、煎蛋、牛角包；蘑菇火腿忌廉湯通粉，蘑菇、火腿份量多，啖啖都食到有，忌廉湯味道濃郁，通粉唔會太腍、幾有口感；炸薯餅炸得好香脆；茄汁豆酸甜解膩；香腸唔會太咸；煎蛋雖然睇落係全熟嘅，但中間嘅蛋黃曬，仲有蛋漿；牛角包口感酥脆內軟，帶有浸浸牛油味。Signature B，Al

好耐之前同朋友嚟過呢間位於半山嘅cafe，感覺好悠閑，宜家諗返起都好回味。💭 餐廳環境好舒適，好多木製嘅傢俬同裝飾，俾人一種好柔和、好relax嘅感覺。😌 喺正門入口位置附近擺放咗唔少精品，富有香港特色，作為土生土長嘅香港人，不禁覺得好有親切感！💕·餐廳分咗室內同室外兩部份，我哋揀咗室內近窗邊嘅位置，間中會見到有電車🚃經過，影相打卡一流。📸 ·食物方面都幾多元化🌏，西式、日式、中式都有。由於朋友都係細食之人，所以我哋叫咗一個set同蛋糕share嚟食。·🔸 Signature Set B（$78）4款Signature Set之中，我哋揀咗Set B，係芝士火腿雞絲奄列配茄汁豆及青沙津、吉列魚柳、牛角包。熱辣辣嘅牛角包 🥐 配半溶嘅牛油當然無伏！🤤 另外值得介紹下芝士火腿雞絲奄列，奄列入面有半流心嘅蛋汁，配埋火腿同雞絲一齊食，好正！·🔸 芒果芝士蛋糕（$45）超香濃嘅芒果味🥭，好似食緊芒果雪糕咁，每一啖都係幸福嘅味道！🥰·🔸 Flat White（$36）朋友試咗佢哋嘅咖啡☕️，唔錯呀！😆·餐廳環境同氣氛我會俾好高分，食物方面都好唔錯，食下嘢、影下相，可以好好放鬆下。另外餐廳原來可以包場

之前有個女仔Friend強烈推介半山一間隱世Cafe，話啱哂情侶拍拖💏。呢排我盡量唔去人太多嘅地方，所以星期日一早起身同個朋友行咗個圈上山頂，再沿住纜車徑落返山，順便試埋呢間收藏咗嘅Cafe😙。Cafe店如其名，真係喺正纜車徑隔離，纜車景觀一覽無遺。我哋好好彩地霸到個窗口位🌄，所以除咗食嘢外，就係不斷𥄫住出面纜車幾時到，即刻影相。不過捕捉嘅過程非常艱難，纜車電光火石之間就行過咗，舉起手機都影唔切😫。言歸正傳，講返食物🍽，選擇比想像中多。套餐有四個揀，分別係全日早餐、飯同意粉。另外，仲有漢堡包、熱狗同炸餃子等。甜品就有鬆餅、蛋糕同乳酪，但係呢日乳酪已經售罄，無得試埋😭。話哂做完運動，我哋都餓了，所以叫咗好多嘢食😂，要咗兩份套餐、一個漢堡包、一件蛋糕、一件Muffin鬆餅同兩杯飲品。食物放到成枱都係🙈，好豐富。A餐($78)，呢份All Day Breakfast份量十足，有香濃蕃茄雜菜湯通粉、🥓煙肉、黑松露炒蛋、薯餅、茄汁豆同牛角包。🍅蕃茄湯通粉個湯超正超濃郁，好似飲緊羅宋湯咁，喺凍冰冰嘅天氣下飲熱辣辣嘅濃湯，實屬一流。至於黑松露炒蛋🥚亦同樣出色，松露味道香香的，絕對無偷工減料。其他食材

今日星期六,返工辛苦左成個星期,感覺一定要輕鬆下,係openrice又見到間幾特別嘅coffee shop,係半山嗰邊,又可以睇纜車,好似好chill咁,於是諗住試下揸車上到去,然後係條細路行返落少少就見到,好彩有個牌指,指示都幾清晰黎到原來裝修緊,不過個view都冇頂住門口又少少嘢賣餐牌簡潔,我同男朋友揀左A同D餐再加嘢飲,佢拉尾見到人地蛋糕櫃到有個芒果芝士蛋糕,覺得好吸引,仲叫埋黎食添A餐係all day breakfast加蘑菇火腿忌廉通粉,個蛋煎得好靚,薯餅又大塊😋😋男朋友嘅D餐係cabonara,黎到俾個size嚇親,好大碟,但佢大食開,食得飽飽的,d料又多,正芒果cheese cake又幾好食,餅底好正我地仲嗌左個apple tea加cappacino,隻公仔超得意,俾佢吸引左,飲住嘢望住架纜車上上落落都幾得意,係一個好好享受,好天仲可以坐出去添🥰總括黎講,係一間好relax嘅餐廳,食物又唔貴又好食👍🏻👍🏻

本身計劃咗今日去行山，天文台琴日話朝早會急降至十度以下，不過好彩香港政府做嘢不嬲都係錯，最終都有15度，我哋由金鐘出發行上去山頂半個鐘頭見到有間cafe好有瑞士feel，好似行緊阿爾卑斯山，我哋一於去呢間(Tram View Cafe) 食個brunch。由金鐘站出發，穿過香港公園，行5至10分鐘便可到達，不過要留意沿途都有幾多樓梯級同埋斜路。呢度絕對係影相打卡好去處，其中一個靚嘅位可以影到纜車經過，嗰一刻都幾震撼。咖啡室後面有個都幾大嘅花園，可以組團嚟bbq，同埋有一啲香港特色嘅小精品買，例如香港街道模型等等。電子餐牌芝士火腿雞絲奄列配茄汁豆及青沙律+自選炸蝦+多士$78，雞絲個味都幾濃郁，芝士都係火腿味道都相當夾，最意想不到係炸蝦唔係用雪藏貨，炸得清新爽脆，油香並重。另一個餐自選迷你牛角包+薯餅$78，我哋覺得呢度嘅炸嘢技術都幾好，薯餅唔會炸到好淋身，反而有啲脆口，絕對係新鮮出爐。虹吸式咖啡唔係度度都有，德國發明，普及於日本&台灣，屬於低發酵度咖啡，味道唔會有手沖咖啡咁濃烈，同埋比較苦澀，顏色比較淡，不過勝在果味更香，果酸突出。Ice Brew Coffee$68小花園個環境真係幾

一邊睇住架纜車行過一邊飲syphon coffee 然後睇吓書傾吓計 慢活過一個晏晝 真係好chill 呢到嘅咖啡全部都有89分 SCA評分 同其他coffee shop嘅咖啡唔同 飲落去有唔同嘅層次 好值得試下 除左咖啡之外，食物都好有水準 佢嘅咸牛肉飛碟三文治好有牛肉味同個蜜糖菊花茶都幾夾 薯條都係熱辣辣送上嚟 徐左飛碟三文治之外，個火腿菠蘿bun嘅bun 咬落去脆卜卜，有菠蘿嘅甜味。食落唔會太濟。再加上個tram view 同靚裝修好似去左外國咁，環境有好清靜，好舒服，過嚟坐下hea下食個tea 打個卡就啱哂

由於最近一程關係，不宜去人多的地方，但是又想去一個適合假日休閒的地方，在網上看到了影相打卡好去處的這間纜車徑咖啡店☕餐廳環境優美，很舒服事不宜遲，馬上食評！這是A餐，蘑菇火腿忌廉湯通粉配即炸的炸薯餅和茄汁豆，加上香腸和煎蛋和香脆的牛角包這個餐特別一提的是炸薯餅超級好味，不要用X既的炸薯餅相比，他的外層揸得非常香脆，而且裏面不是一嚿嚿撈埋一起的薯肉。這是B餐，芝士火腿雞絲今年配上茄汁豆和沙律，加上炸蝦和薯餅，配牛角包。雖然奄列的外表好像平平無奇，但裏面超級多餡料，寬容的芝士配上雞絲真的一絕！而且炸蝦也超級好味，差點連蝦尾也想吃掉！兩件朱古力蛋糕🍰強烈推薦這兩款，價格中等但是味道超晒班！性價比超高，一邊吃着甜品，一邊休閒地望窗外的風景，纜車，把煩惱和壓力通通拋諸腦後！。同場還有兩杯莫卡，咖啡味不會被甜味覆蓋，比例剛剛好！非常適合我這種比較喜歡喝少苦味的咖啡的人士。Btw，這間coffee shop外面的小花園還可以燒嘢食，店內也有一些香港特色精品。店內可以看到窗外䌫車偶爾經過，留意最近餐廳在裝修，所以我行出店外打卡影令相😄

一間旺中帶靜嘅咖啡店，正常我們去到纜車站就跟隨著人流直接上車，回程搭完纜車下來便在指方向走落去香港公園金鐘或中環方向離去，這次我們在纜車站向前走，不用兩分鐘便看到這間餐廳，裝修雅緻，能看到纜車經過，及有路天坐位，但現在大廈維修中，不能外坐。點了瓶❨冰滴咖啡❩$68與❨抹茶鮮奶❩跟餐加$20。冰滴咖啡，用非常密封的瓶盛載，端上時是冰凍，但隨著室溫慢慢變暖，在不同溫度下，味道都有些不同，凍時喝只香不酸，慢慢變得微酸帶甘，有果香味，很有層次，好像 ❮嘆❯ 紅酒一樣， 讓我感到他出奇的好。❨抹茶鮮奶❩ ，抹茶粉控制的份量適中，過多反而澀口，結合鮮奶後，很不錯的配搭！我們吃了❨B餐❩，魚柳，鷄庵列，牛角包，再加$10的沙律。沙律菜新鮮，芝麻醬調教得味道很好，相當好味。蛋庵列分量充足，很多雞肉和雞髀菇，蛋炒得半生熟，產生了濕潤口感。牛角包是迷你版，但很鬆脆，不用加牛油。魚柳炸得剛剛好，外脆內嫩，不會炸到沒水分，值得推介。另外選了❨A餐❩，點了香腸煙肉，多士。煙肉炸得香脆乾身，香腸味道正常，我把茄汁焗豆放在薯餅上同吃，好味。火腿通粉是杯裝，不夠我這個餵食貓吃呢！還加了❨魚柳飽❩$55，因剛才吃了，想