影片
港鐵太子站 B2 出口, 步行約5分鐘
繼續閱讀
電話號碼
23813688
附加資料
不設訂位，只接受walkin
營業時間
今日營業
11:00 - 21:00
星期一
11:00 - 21:00
星期二
全日休息
星期三至日
11:00 - 21:00
*最後落單時間:20:15
以上資料只供參考, 請與餐廳確認詳情
相關文章
因為佢嘅香蔥忌廉芝士包，而留意到呢間Cafe 🤩。今次專登嚟旺角呢頭試吓佢。間嘢嘅環境幾文青☺️，牆上面好多裝飾🖼️都可以用嚟打卡。成個環境氣氛都好悠閒，你嗌杯嘢飲再加啲小食做下午茶🍵都幾chill~香蔥忌廉蒜蓉芝士包🍞（$50）個包幾好食😋，切嗰陣feel到佢有輕微烘過嘅感覺。入邊嘅忌廉芝士餡嘅份量好多，然後面頭亦都有唔少蔥。呢個配搭幾match，cream cheese配包本身就咁食都好好食，佢再加埋蔥同埋少少蒜蓉，食落就更加惹味。松露油忌廉大啡菇貓耳朵🍄（$95）貓耳朵係意粉嘅其中一種，圓盤型都真係幾似貓嘅耳仔👂口感偏實淨彈牙，個凹位兜住，更容易食到更多松露嘅醬汁🥄個醬汁係黑松露忌廉汁，見到仲有唔少蒜泥，令意粉個味道更加濃郁🫶🏻。大啡菇原來唔係好大，但食落都係好Juicy，同埋菇嘅味道都好重🍄🍄碟意粉仲有另外加少少果仁類嘅嘢，令佢嘅口感更加有層次🥜迷迭香蕃茄醬菠菜芝士意大利雲吞🥟（$89）本身以為迷迭香只係一個噱頭，但原來佢食落真係好有迷迭香🌿嘅香料味。第一次食意大利雲吞，個口感幾特別，本來以為佢只係一層比較厚身嘅意粉，但佢入邊係真係有嗰啲菠菜🥬同芝士嘅餡，加埋個蕃茄醬個味又幾得意。蕃茄醬🥫都冇敷衍你，見到佢有好多小蕃茄做配料，味道亦都好濃蕃茄味🍅呢間Cafe其實幾抵食🤑，每份主食都會附送一杯嘢飲，想飲特別嘅飲品都可以加$25任選$45以下嘅飲品同埋附送餐湯。
繼續閱讀
想同朋友搵個地方傾下計，見呢度係木系簡約嘅裝潢，個環境又幾有文青氣息，所以經過太子就決定過嚟食下先~ 揀完個 main 本身已經有一款餐湯 or 飲品送，另外再加 $25 就可以兩樣都有齊 😋😋 慢煮黑蒜牛肉臉頰義大利飯 ~ 牛臉頰當中含有豐富嘅膠原蛋白，係我喜愛嘅牛部位之一！今日食到嘅牛頰肉肉質嫩滑，入口鬆化，口感細緻，加上 risotto 米粒軟硬適中，味道濃郁，好夠 creamy！😋 松露油忌廉大啡菇貓耳朵 ~ 貓耳朵口感煙韌，不過醬汁調配一般，味道偏淡。🍵 抹茶 latte / 開心果 latte ~ 淡淡嘅開心果味道還不錯 💚
繼續閱讀
跟朋友相約在市中心的小小 coffee shop。感覺不錯，餐廳內有綠化佈置，可以做打卡背景。但位置較窄，與食客距離較接近。迷迭香蕃茄醬菠菜芝士意大利雲吞，這道菜的每一口都充滿了香草和蕃茄的香氣，菠菜和芝士的搭配更是絕妙。如芝士內餡多一點味道會更好。另外，欣賞廚師在加入金不換作調味令整道菜式提升😋手撕豬肉班尼迪蛋，手撕豬肉的甜甜酸酸的味道，與濃郁的班尼迪蛋混合，加上清新的青瓜，平衡油膩感，而多士則是酥脆可口，並吸收豬肉及蛋王的精華👍🏻 下次會再試小店其他食物✌🏻
繼續閱讀
同朋友係附近Shopping到攰就想穩個地方食下野同吹下水，見到難得有位同環境都幾好就入去試下。估唔到都有驚喜🤩🤩！！-焦糖香蕉貝殼窩夫 ＄99好睇又食的窩夫~香蕉表面有輕微燒同焦糖味好夾~貝殼窩夫外脆內軟好香噴噴蛋味！即叫即整~熱辣辣。再加上佢拼搭埋Cream、雪糕同吉士~可以有3種食法3種滋味。-日式燒雞腰果沙律 ＄82食材好新鮮😋，好特別居然會有日式酸薑就緊係試一下。上到檯發現都好多蔬菜（青瓜、小番茄、腰果、牛油果蓉、沙律菜）份量好多CP值都好高。如果想食得健康朋友黎到都可以試下。
繼續閱讀
同朋友小聚 見到幾多好評就試吓不過星期日下晝都排咗成半個鐘松露油忌廉大啡菇貓耳朵🍄🟫 $99 貓耳朵偏硬松露油忌廉本身個味道係唔差但係松露油忌廉完全入唔到貓耳朵 所以食落貓耳朵同個醬汁係完全分開泰式鮮蝦忌廉冬陰功扁意粉🍝 $102扁意粉都幾硬下 都係意粉吸唔到啲醬汁冬陰功味就小辣蝦都新鮮彈牙嘅🦐Oreo餅乾貝殼窩夫🧇 $99賣相都好靚 但唔係幾好食貝殼窩夫好硬 🐚本身諗住Oreo配咩都應該唔會難食但個味夾埋就有啲奇怪
繼續閱讀