U@Cafe (已結業)

九龍公園游完水，行去地鐵站中途，見到介紹那麼大件的火焰吐司宣傳單 就入去叫了一份食😄叫完吐司，看到蛋糕櫃有賣相精緻的蛋糕，叫了一件椰子熱情果蛋糕（$52)，和熱情果黑莓蛋糕（$52)蛋糕酸酸甜甜，口感也很滑，很適合夏天吃，還送了三件Hello Kitty包裝的曲奇餅，有驚喜。火焰吐司很大件（$76) , 是用花紋方包整，有柚子加芝士在面包上，有3件方包，酸酸甜甜很有創意。碟旁有香脆面包條，很好吃，我也買了兩包回家。餐飲叫了熱Latte,大大杯好滿足！之後忍唔住又加多杯芝麻鮮奶3.6布甸。布甸有很香濃嘅牛奶味，又滑又凍，開心!侍應親切，環境舒適，和朋友傾計都十分適合。

🐝U@cafe🐝…岩燒火焰吐司🍞呢個3層嘅toast超正，有3層，每一層都超脆，佢有多重嘅味覺衝擊，又鹹又甜，鹹嘅就係吐司入面嘅肉鬆同面頭嘅芝士🧀，而甜嘅係吐司上面嘅柚子，個味好fresh好夾。除此之外仲有附送嘅4條肉桂條，好鬆脆。 😍…凍朱古力🍫奶味同朱古力嘅份量啱啱好，朱古力估唔到有奶蓋，奶味偏重，完美融合。 👍👍👍…凍摩卡☕完全冇咖啡嘅苦味，又有淡淡嘅朱古力味🍫。🥰…整體嚟講，我覺得幾推介幾扺食架！🤩…整體評分食物：🤍🤍🤍🤍服務：🤍🤍🤍🤍🤍環境：🤍🤍🤍🤍價錢：🤍🤍🤍🤍🤍

朋友約下午茶，到了佐敦放空一下。行經柯士甸道看到了一間不起眼的Coffee shop。雖然這店子不算大，但坐位也很舒適，是傾計的好地方。店主介紹這兒的咖啡豆是來自意大利的，可供售賣的烘焙物都是自家廠房制的～看見套餐連咖啡也是＄60十分抵食。招牌菜岩燒火焰吐司-吐司用了丹麥方包3片，鋪滿芝士&柚子蜜中間夾著肉鬆,非常特別的配搭。柚子既清新加上肉鬆、芝士的鹹香層次好豐富。吐司更烤到外脆內軟估不到這麼好味。椰子熱情果蛋糕-賣相吸引，熱情果味很突出，酸酸甜甜又醒胃。店中用上各貓咪餐具，令賣相更吸引。焦糖咖啡～甜度適中，咖啡味香濃拉花圖案更是無得輸。Mocha～咖啡同朱古力配搭得啱，啱好,奶泡得好綿密如絲般滑滑。 咖啡配上脆脆條一起吃又是另一番風味呢～

同媽咪去尖沙咀行街無意中發現一間細細嘅Cafe，行到熱一熱本來諗住入去點杯飲品就算。一入舖頭見到有好多甜品🍮，我琴日最尾忍唔住點左黎試吓。岩燒火焰吐司🍞好香，吐司上有芝士同柚子，配上肉鬆夾心內層，口感好層次，甜中帶點鹹。套餐價配花醋茶只係$56，好抵。個梅子花醋茶好有驚喜，入面仲有一粒梅，酸酸的好解渴又健康。我哋仲叫咗一個朱古力cake，食住朱古力蛋糕🍰上面一大舊朱古力，下面有紅莓夾口，二者中和左個甜味，慢慢嘆真係好正。仲有附上脆脆麵包條，放喺靚靚碟上面真係幾吸睛。

之前朋友推介依度嘅甜品都幾好味，所以見今日放假經過，就決定入黎試吓。除咗甜品之外，原來餐廳都有一啲麵包類嘅產品。首先我叫咗一個檸檬撻。除咗檸檬撻愛仲有脆脆條食，脆脆條都鬆軟香口。不過我最鍾意都係檸檬撻，撻皮我最愛嘅曲奇皮😋 ，鬆脆不易散開。檸檬吉士唔會太甜亦都唔會太酸，食落去感覺好清新。朋友就叫咗依個柚子肉鬆味火焰吐司。足足有三層咁多。火焰同事都跟咗脆脆條，但係就玉桂味。相信如果同職員講，可以要求脆脆條想要咩味🤣每一層麵包之間，都鋪滿咗好多肉鬆，好足料，超正🤤 吐司都焗到好香口。另外我哋都嗌左嘢飲，我就飲咗凍焦糖瑪奇朵，而朋友就飲咗凍柚子蜜。我杯焦糖瑪奇朵真係幾好飲！咖啡味濃郁，奶味冇過重，甜度都啱啱好，唔會輸蝕比出邊一般咖啡舖。

今日放假陪姨甥女去佐敦買野,買完野想搵個地方hea下.見到U@Café門口既岩燒火焰吐司照片, 姨甥女話想食,我地就去試下.環境好舒服,老闆娘又好Nice,為我地推介食物. 我地叫左岩燒火焰吐司套餐,椰子熱情果蛋糕, 咖啡布甸, Mocha,洋甘菊花茶.岩燒火焰吐司-吐司用丹麥方包上層鋪滿芝士&柚子蜜,中間夾有肉鬆,好特別既配搭,柚子既清新加上肉鬆,芝士既鹹香,味道好夾,層次好豐富.吐司烤到外脆內軟.真係好好味.椰子熱情果蛋糕-賣相好吸引,椰子味好濃郁,熱情果味又好突出,酸酸甜甜好好味.咖啡布甸-甜度適中,咖啡味香濃.Mocha-咖啡同朱古力配搭得啱啱好,奶泡好綿密,好滑.服務好,環境又舒服,真係hea &傾偈既好地方.

今日去開佐敦個頭，食完午餐唔太飽想食個下午茶，去左呢間叫U@Cafe既地舖cafe，上次試過呢度既岩燒火焰吐司，阿爾卑斯山蛋糕，米芝蓮意大利芝士咖啡蛋糕，同野飲，感覺都唔錯。餐牌同之前一樣，有岩燒火焰吐司，星級蛋糕套餐同野飲等等。野飲有咖啡，朱古力，茶同果茶。岩燒火焰吐司上次食過岩燒火焰吐司覺得好正，今次要encore！岩燒火焰吐司賣相唔錯，有三塊吐司叠起，都好大份，用一隻好可愛既貓貓碟上枱。面頭係柚子皮同柚子醬，燒得外皮香脆，一切開，發現原來中間有肉鬆，香甜嘅柚子醬配鹹香肉鬆真係好夾，又鹹又甜，好滋味！隨碟附送四條玉桂味脆脆條，雖然滿是糖粉，但係唔會過甜。吐司可配飲品，配咖啡$60，而配茶就$56。朱古力開心果餅係多款蛋糕款式當中叫左呢個朱古力開心果餅，係新口味，正價$52。朱古力球體造型原來係朱古力外皮包住雲呢拿慕絲，中間仲有朱古力同開心果慕絲，蛋糕頂有金箔。下底就係一大層朱古力脆米餅底。味道方面主要係朱古力慕絲味道，如果朱古力脆米餅底可以更香脆就更好。隨碟附送四條原味脆脆條。凍柚子蜂蜜，凍朱古力凍柚子蜂蜜正價$32，凍朱古力正價$38。兩杯都大大杯。凍朱古力香滑奶味重，凍柚子蜂蜜

今日同朋友嚟咗試呢間甜品店。入到去就見到一個大雪櫃入面裝滿晒甜品蛋糕同布甸。見呢到岀名岩燒芝士吐司，當然要試下，之後再落多個開心果朱古力蛋糕，芝麻布甸同芒果布甸。岩燒芝士吐司望落已經好吸引，而且仲好香。吐司有3層，表面鋪滿左燒過嘅芝士同柚子醬，中間夾住肉鬆。當我切落去嘅時候，吐司都仲係脆嘅添，味道甜得黎帶少少咸，口感外脆內軟，再配上肉桂味嘅脆脆條，幾特色。而個開心果朱古力蛋糕外表有好多開心果同朱古力，個人覺得朱古力唔多但都蓋過左開心果嘅味道，所以食落唔太食得岀開心果嘅味道，但個蛋糕係真材實料。最後叫左2個布甸，芒果布甸就比較一般，個人覺得唔算突出，但芝麻布甸就好唔錯，食落有淡淡嘅芝麻味，口感仲幾Q彈。但布甸奶味都好濃，我就麻麻地。 不過整體啲甜品都幾有特色。

這兒有著不一樣的cafe 感！ 它店小，但人情溫暖大。同朋友一同共享多士及蛋糕，多士是香桃肉鬆多士，有三層，口感豐富同時，味道甜咸共享，但絕無惟和感。蛋糕叫四方城，係熱情果黑莓，酸中帶甜，很惹味，不漏而香。瑪奇朵焦糖咖啡很出色，咖啡豆好香，聽店長講係他親身挑選。朋友的有機薑黃茶都有別於一般的，它的濃香很突出。最窩心係，店員會主動關心食物水準，努力做到最好。走時，忍唔住買左佢ge 牛角包，待第二個早晨食，好味！

星期六放假緊係去chill一chill，所以係尖沙咀食完午飯就黎左佐敦既u@cafe食個tea啦。最令我驚喜既地方係餐廳既碟有貓貓圖案，岩晒一眾貓奴。黑加侖子軟芝士餅配原味脆脆條黑加侖子軟芝士餅酸酸甜甜，裏面係黑加侖子軟心，然後係一層芝士，最後係黑加侖子醬淋面，中意食黑加侖子既可以試下。脆脆條十分鬆脆，味道唔太甜，可以中和返芝士餅既甜味。岩燒火焰吐司配配肉桂脆脆條吐司上面有芝士同柚子醬，入面有肉鬆。新奇配搭，但離奇地夾。口感清新，唔太膩，個人認為係餐廳必試。肉桂味脆脆條同原味一樣鬆脆，只係比原味多左肉桂味同甜味，分別不大。另外我地叫左一杯凍Cappuccino同凍Latte。兩杯我都飲左，唔會太甜或者太苦，甜度剛好，而且奶同咖啡既香味都好重。

佐敦附近茶餐廳林立，原來都開左好多cafe, 呢日來到U@Cafe, 唔係一般cafe,仲會有曲奇🍪賣，門口都好多廣告😅。同朋友坐底，都幾寛落，可以和朋友落腳傾談的好地方。Order左2個套餐，甜品和岩鹽火焰吐司，佢側邊有手指吐司，係好味嘅，而岩鹽吐司入面係芝士，豬肉鬆，都幾特別的配搭，吐司係鬆軟嘅！飲品就意外地有果醋飲，我朋友點左黎飲，唔算酸的，幾開胃醒神，我就點左花茶:洋甘菊茶，飲品都幾多選擇仲有檸檬撻，味道不過不失整體來講，係合格嘅，可以一試再試的cafe!

提早到了工作地點，又未夠鐘開工，順勢可以嘆個brunch，儲足體力。位於佐敦庇利金街的「U@Cafe 」有咖啡，有蛋糕，有小食，環境舒服寫意，原來新開張不久。「岩燒火焰吐司」是店舖的皇牌菜式，當然要試，三片多士夾在一起，面頭搽的是果醬，中間是肉鬆，底層是牛油，可以逐層分開食，口夠大的，就可以一齊食，味道非常夾，還有4條肉桂味的餅條，脆卜卜，好好味，果然是皇牌菜式。《熱情果黑莓蛋糕》紫色的蛋糕，非常迷人，未食已經大飽眼福，蛋糕帶少少酸，是熱情果的味道。《熱朱古力》拉了一個靚心心在中間美式咖啡香濃，夠晒提神豐富的Brunch 為一天帶來了動力

岩燒火焰吐司 (+ 咖啡 套餐價$60)係呢度既必食推介，佢既特色就係超級厚。出面厚多士最多都係二層，但呢度竟然比夠三層你。由於即叫即整既關係，吐司唔會太乾，一切聽啲聲就知道超脆。佢面層鋪滿左柚子蜜同芝士，而中層就係肉鬆，底層又變翻芝士，層次分味，而且吐司外層脆香，內層鬆軟，一個吐司多種享受。伯爵茶味燉蛋蛋糕 (+咖啡 套餐價 $118)佢呢度嘅蛋糕唔算好甜，淡淡的伯爵茶味配上蛋白既味道比較少有，呢個蛋糕質感比較淋，我個人就喜歡硬啲既，旁邊仲有脆脆條玉桂味有糖粒係面甜甜地又脆幾好味，而且用貓貓做主題。Latte (cold)Latte 既咖啡味好濃，入口之後回甘轉甜，香氣從舌頭上持續一二分鐘。而且我覺得佢既價錢唔算貴，因為只有新鮮咖啡先做到呢種餘韻。Chocolate (cold)呢度嘅朱古力飲品濃郁而且甘甘地，唔同平時出邊飲嗰啲，唔會飲到流，不過就會想甜啲更好。另外值得一提既係呢度仲有啲手作曲奇，牛角包等既產品可以買翻屋企食，牛角包只係賣$8一大個，抵食之選。仲有個大電視可以睇埋啲樓盤，好少有

近來鍾意瓹窿瓹罅搵野食，今次去咗佐敦既cafe食tea。點咗岩燒火焰吐司同開心果朱古力蛋糕，飲有機薑黃茶同美果洋甘菊花茶。套餐既關係所以仲會有脆脆條~吐司係即叫即整，上碟既時候香氣四溢。吐司面層有厚厚既芝士同柚子醬，切開仲見到肉鬆同鹹蛋碎。一開始食滿滿柚子醬既香甜，慢慢就食到肉鬆鹹蛋碎，冇諗過柚子醬既甜加埋其他野一齊食係毫無違和感！開心果朱古力蛋糕外面用榛子同開心果作點綴。內層有驚喜，底部仲加咗薄薄既海綿蛋糕，口感非常豐富。脆脆條係原味同紫菜味，咬落香脆。原味甜甜地，最欣賞係佢地既食物好天然，唔會加任何防腐劑或者人工既野。兩塊曲奇都係紫菜味，食落唔太油👍🏻有機薑黃茶同美果洋甘菊花茶味道香濃，職員好細心，見我地差唔多飲完幫我地添加。

今日同姪女去行街shopping , 佢話請食甜品，就突然想起朋友提我過佐敦柯士甸廣場新開咗一間甜品店...於是就去試吓！u @ Cafe 是一間小小的店舖，有coffee , 蛋糕，吐司等供選擇...近門口位置放滿了各式各樣的蛋糕，布甸等...好吸引😍火焰吐司，用上貓喵碟，三片厚丹麥吐司中間夾住肉鬆和柚子，丹麥吐司烘得四邊香脆中間內軟，而且牛油味香濃，柚子酸酸甜甜，竟然跟肉鬆很夾！蛋糕-富士山下，賣相很美，朱古力香濃，跟的4條脆脆條很脆口惹味！健康醋茱-梅子醋，梅子跟醋的比倒剛好，不會太甜，吃完甜野再喝醋剛好中和一下👍🏻