Uni-Coffee-Versity (已結業)

在2019年7月29日星期一當天胃部不適😰😰😥😢，在觀塘海濱公園休息一下，到黃昏時間下午五點鐘在MG Tower G/F的咖啡大學Uni-Coffee-Versity吃下午茶Linner，Afternoon Tea。當天點選了茶餐後，菜前的小食是粟米脆米，粟米片使用自然方法製作，非常脆響🤣🤣。當天的Pizza Bagel在order前，選擇三款配料，當天我選擇了全部都是素菜。青瓜的清爽感覺再加上菠蘿的酸甜，以及新鮮蕃茄醬，出現三重的味道，主菜還有附上沙拉及愛爾蘭薯條作小食。熱檸檬水。

中午一個人搵飯食，喺公司樓下隔離大廈地下嘅一間coffee shop，見冇乜人決定入去試一下。不嬲都知道牛頭角啲西餐通常又貴又唔好食，坐低先發現又係要去收銀處自己落單等送來咪俾你嘅。打開餐牌選擇唔係好多揀咗一個海鮮意粉配埋飲品大概$100左右。送到上枱發現酥炸海鮮其實就係嗰啲雪藏魚柳一兩粒酥炸蝦，份量好細，男人應該食唔飽嘅。有個羅宋湯啦，細細碗的。服務方便，全部都係好後生嘅店員。都算做勤快嘅。但係入嚟位置分配都係盡量排得好密，冇得你揀位，坐到好似圖書館嗎一大排好密，其實人又唔多喎。

琴晚同fd 出觀塘行街行到攰，途經呢間西餐廳，見到裝修唔錯，所以就求其搵個位坐低醫肚先。 我地首先叫咗三文魚沙律，見到佢加咗啲出面少有嘅配料，例如橙＆南瓜＆提子乾，睇落colorful啲，而且啲沙律汁同啲菜拌得好勻，唔會搞到啲菜一啲有味一啲冇味。以一碟前菜嚟講，絕對唔hea, Good👍👍 至於main course, 我地就嗌咗"水牛芝士蕃茄大蝦龍蝦汁扁意粉" ＆ "珍寶牛肉漢堡" 。可能我仲箍緊牙啦，所以我就覺得意粉比較硬身，但我同行嘅fd 本身鐘意食硬身意粉，所以佢好like, 話個軟硬度啱啱好。而龍蝦汁味濃，唔稀，條條麵都掛到醬汁，啖啖有好濃郁嘅龍蝦味，配埋大蝦好正。😋😋 而個珍寶牛肉漢堡，因為我覺得佢除左有個足量嘅牛肉扒＆車打芝士之外，仲以酸甜青瓜＆千島醬作配搭中和番，所以食落肚唔會覺得太膩😜 最後我地嗌咗牛奶抹茶同埋特飲熱情果梳打。我個杯梳打都幾好飲，唔會太甜，感覺清爽。因為我覺得平時飲品鋪飲嘅熱情果太甜，成陣糖漿味，呢度嘅熱情果梳打就唔會咁啦，而且佢加咗啲花瓣碎落杯嘢飲度，撈埋嚟飲更加清香。

午飯時間，與同事四出覓食，有同事建議這間cafe，說他們吃過很不錯。我滿懷希望的走進去，是一間很有個人格調的咖啡店，看看餐牌，自以為點了個黑松露雜菌意大利意 ，外加一杯朱朱古力咖啡。誰知上菜時，我發現自己點錯了，原來這是黑松露雜菌意大利飯，我這粉麵行先的人，飯可是多數謝絕。既然自己點錯，再有不滿也要吃。嘗一口，飯的質感像冷飯，像在冰櫃拿出來的，所謂的雜菌，就只是幾小塊的鮮冬菇，飯我也吃不到有松露味而已沒有咸味。那一刻，我對最後的期望，變成了絕望，並說不會再來這點，炖飯實在是毀掉了一切。我飯吃了一半也沒有，同事因太餓，把我剩下的也吃完。同事A吃了魚柳漢堡跟炸薯角，我試了一件薯角，可真是差天共地，熱呼呼，剛出爐，外脆內軟。只是看到同事的炸魚柳略過過火了，感覺有點燶。同事B吃牛油果沙律，很大的一盆，我偷吃了一件牛油果，外面沾了點黑醋，怎樣算也比我的炖飯好上千萬倍。至於咖啡，我倒覺得沒什麼特別，沒有太大驚喜，咖啡味不突出，喝過更好的，所以給這評分有點低。它玩的是花樣，有羗咖啡等等，對uni-coffee-versity 這名稱，我有點保留。你們有吃到好吃的餐點嗎?大家分享一下，我下次，如有機

星期六的下午同朋友們在海濱長廊散步完,打算在附近搵緊餐廳坐下休息食下野見到呢間cafe裝修好有學院風,人不太多就入去試下食物叫左沙律,青口意粉,黑松露燉飯,朱古力批,蘋果批,食材幾新鮮,味道及賣相都幾好，價錢又不貴朋友試了焦糖脆皮咖啡，賣相一流👍🏻水準之作,我叫左凍烏龍茶,茶香不太甜啱哂我環境坐得舒服,我們坐了成個下午,坐到關門時間才走,真的是同朋友聚腳好地方,唯一可惜的是星期日是休息的有空會約朋友再度光臨

發現新大陸 好的聚腳地環境舒服 岩曬懶洋洋同朋友 吹下水榛子牛奶咖啡口感順滑軟綿綿 比例剛剛好仲有QQ熊仔玫瑰牛奶朱古力超重玫瑰味 暖粒粒 好舒服漢堡包肉汁豐富 夠曬肉味 份量十足大食的人必選薯角香脆 熱啦啦青口意粉味道豐富 軟硬適中青口新鮮大大粒 充滿水份總結上菜快 食物好味道 環境好 舒服聚腳地

位於觀塘海濱道工商業區，店內面積不是很大，但午餐時間滿滿都是人！西餐廳的簡單設計，營造出一種悠閒的感覺。是日午餐有多款可選，有意粉、包、飯......等！選了一份牛扒，還可以選幾成熟度，蠻貼心的。還附有沙律和薯角，味道都不錯呢！只是說好的三成熟卻是七成熟的樣子，份量不是很多，但足夠！牛味不是很重，肉質尚算嫩滑，還可以接受的。餐湯是忌廉蘑菇湯，很香很濃！餐飲可以選擇咖啡，而我卻要了一杯可以解膩的熱檸水。

支持本土小店。環境幾好，打卡一流慶祝生日🎂焦糖脆皮咖啡，我第一次見咖啡有爆谷，好有創意，表面係焦糖黎，咖啡既苦味加埋爆谷既糖味，係完美既協調👍🏻牛油果沙律好多牛油果，抵食👍🏻賣相好靚，加入左唔少既配料，口感特別豐富。 岩哂啲OL。推介小食拼盤炸魚柳炸得好酥脆，魚質厚身，啖啖肉，我食到鱈魚既味道。一D都唔散👍🏻炸魷魚都幾好食，應該係即叫即炸 紐西蘭肉眼扒牛味好重，我叫左5成熟，咬落好多肉汁，比上次有進步。但份量可以多啲，不過配菜都已經好多，有薯條有薯角，食得出個薯蓉係hand made，加埋有黑松露味道，配搭一流$218食到呢個質素真係好有驚喜😱😱😱蘋果批真係必食蘋果味好清甜雪糕加蘋果批原來可以咁夾👍🏻酥皮好有牛油香味甜度適中提示：原來有時夜市唔開，所以最好打去卜位先！問下開唔開。最後，我覺得點解好食左咁多？因為以前呢度係好亂 食物賣相又唔好睇。今日都本來冇抱有期望八卦問下，原來轉左新老闆同大廚D野食係重新改革過。有下次👍🏻食完行佢隔離嘅海旁傾計，真係好正！！食到飽一飽 再行海邊好正作左今日晚餐嘅完美終結👍🏻

午飯來呢間，有呢D選擇。$80 起跳，值唔值真係要試過先知。首先要去 counter 落 order, 然後食物會有專人送上。諗左一段時間，都係食c 餐芝士黑毛豬扒焗蕃茄汁三色螺絲粉$88 。有餐湯，就番茄湯，似無添加，多果蓉，偏酸，幾開胃的餐湯。到個黑毛豬三色粉，原來係同湯一模一樣味道的茄汁。而且好多醬，每條螺絲粉同豬扒都充滿茄汁，越食越酸。所謂的黑毛豬係肥豬扒，好一般。雖則細碟，但我仍然食唔曬。呢個係我食剩的份量，明顯係唔飽的，不過太酸食唔到了。唯有之後 tea 同枱搭枱的, 都係食呢個，亦係剩半碟，I am not alone 好彩杯啡還不錯，否則我真係喊出來。結論： 唔好食，唔抵食。唔肯定其他菜式會否出事，但我呢碟就唔掂囉⋯⋯

觀塘西餐偏貴，味道普遍都係一般，已經好耐未有間令我驚喜。遠遠黎到呢邊，都係感覺一般。環境係唔錯，近海濱，係室內嘅餐廳，都有外國人幫襯。裝修係幾型，有用心。價錢唔算貴，且要睇份量同味道。好普通嘅粟米湯，味道似係平時係超市買到，但稀咗啲。呢個係菠菜汁黑松露野菌意粉，味道一般，無乜味，有啲淡，但香味係有嘅。我叫嘅係咖喱豬扒雞串烏冬，真係超級後悔，呢個係我諗只值最多50元，粉小厚，無乜肉亦無味，烏冬上台已經涼咗，咖喱又少，好失望。飲嘅係白咖啡，還好。除了環境，其他真係。。。希望有改善，海濱都多人返工，難怪旁邊嘅茶記咁多人。

在星期二當天，身體仍然未復完。下午休息半天。黃昏時間來到這所Uni-Coffee-Versity。店里環境非常寫意，有點像大學校園一樣，而且店員非常用心❤處理人客的order。茉莉花茶的配料非常清新，而且帶點茶味。慢慢地攪拌之後，再待會二十分鐘，茶味更新濃郁。自選豬🐷骨湯粉是下午茶餐的主力，豬骨湯底非常濃郁，當天選了通心粉作湯粉，這里的通粉選用細小的通粉，而且份量充足，非常爽口。再加上芽苗及海帶非常清爽。當天的配料選了雞翅膀及煎蛋，雞翅膀用上香茅。非常入味。很有校園氣息。

同舊同事揀左呢間食Lunch，原來Openrice上的Comments都好麻麻地..不過都決定比次機會試下~餐廳裝修係幾靚，而餐廳名字都幾特別!不過，係一間西式餐廳入面個MENU上居然有馬拉盞豬頸肉通菜炒河粉 & 黃油文晶雞配油飯都幾搞笑..雖然係咁，一入去D店員都好有禮貌同好主動咁Serve你，感覺都不錯!最後同同事揀左以下2樣野B) 草苺汁牛西冷炒蕃茄麵 $88食落有淡淡的草苺甜味，蕃茄就反而無乜，麵質還好，軟硬度適中，係我中意GE硬度，整碟食落感覺都幾清淡..無花果沙律 $78份量都大份，沙律上面淋左D芥苿醬另外是日餐湯係粟米蘑菇忌廉湯... 味道唔夠濃，無論係粟米味，蘑菇味 OR 忌廉湯味.. 都唔夠突出建議佢地可以放多D心思係食物上，唔好浪費左個裝修。老實講個食物質素唔係好值呢個價錢.. 

上星期六下宙，經開觀塘海濱搵地方醫肚見到呢間cafe個名幾得意將university呢個字折開中間夾咗coffee呢個字好有校院風感覺😃就行咗入去正當我一個人尷尬搵個位之際店員好快行出黎接待順便幫我落單我口痕話想食意大利燴飯不過當日lunch set冇未有呢個選擇對方竟然親切咁完成我嘅要求😯原來佢地都正有新餐推出所以俾我打頭陣食完評分至於飲野方面我簡單咁嗌咗杯朱古力不過水吧同事竟然化腐朽為神奇😳將朱古力加入「脆脆」口感嘅元素以上兩點感動咗我呢個平民嘅食客😍我諗或者平時自己忙碌嘅生活係種速食文化於是當刻被寧靜嘅舒適氣氛感染我慢活落黎😌優雅咁邊食野邊做習作🙈😆未幾，陸逐入咗幾台食客寧靜嘅小店漸漸熱鬧起黎我結帳離開兼多謝店員嘅用心招待😇對方微笑回應係份內事我諗下次會帶埋姊妹團進攻呢度聚腳應該會係賞心樂事😊

公司附近新開餐廳 ， 就試新野 ，餐廳不大但裝修都 ok ， 今天只座滿 7 成，有中午套餐 ， 價錢屬於中價 ， 套餐由 $68 -$88 。明明係西式咖啡餐廳 ， 餐牌上竟有越南檬粉……不論不類，穩陣緊係叫西式野啦 ， 我就叫咗蒜蓉黑毛豬意粉 ， 再加 $18 轉凍咖啡 （餐飲只係包普通飲品），同事就勇於嘗試叫了豬扒及牛扒檬粉。先講賣相，都幾差 ， 所謂黑毛豬，食落質地及味道，幾似超市雪藏燒烤包豬扒，意粉質地幾硬，蒜蓉汁就冇啦，原來醬汁係茄汁豆整。檬粉就更差，同事說好難食，除了豬及牛扒可以食晒，檬粉只食到一半 。我叫了凍咖啡，講明不要甜 ， 待應說本身是有少少甜，沒有加糖 …… 其實係甜囉，5 係所說少少甜 。咖啡本身味道都係一般貨式 ， 原價買都要 $40 ， 我都係飲咗一半，實在太甜 。如果以咁既食物質素都夠膽開餐廳 ，收咁既價錢， 遲早 close 。

原來海濱公園對面開左新野，今日一於去試試。環境開揚，人唔多，幾好坐。餐牌有呢D，價錢 cafe 來講唔算貴。首先去櫃檯俾錢落單，然後有人會送餐。第一次食，試個最平的餐 ，茄汁菠蘿雞扒飯。其實雞扒都幾細件，飯亦唔算多，正常人未必夠飽。望落有D hea hea 地，似茶記出品。食埋之後，味道很熟悉，個汁、仲有個雞扒仔，堅係茶記的味道無異。分別係，份量少左，環境好左，服務好左，亦貴左二十蚊左右啦，咁講落佢都幾均真既 🙄咖啡都好味，但略嫌比較細杯。其實佢定位有D怪，既然個場咁靚，就應該做高檔少少啦，而家反為唔湯唔水咁囉 🤔。Lunch time 都有枱剩，一定有原因既......