影片
港鐵天后站 A2 出口, 步行約3分鐘
繼續閱讀
電話號碼
92202351
營業時間
今日營業
14:00 - 02:00
星期一至四
12:00 - 00:00
星期五
12:00 - 02:00
星期六
14:00 - 02:00
星期日
全日休息
以上資料只供參考, 請與餐廳確認詳情
朋友推薦天后有間酒吧嘅午市套餐性價比非常高，昨天特意約了朋友去試吓。踏進餐廳已經見到有兩台飛鏢，營造出輕鬆又不失溫馨的氛圍，彷彿置身於紐約曼哈頓的時尚酒吧般。雖然餐廳地方不算大，但挑高的天花板懸掛着工業風的金屬吊燈增添了空間感。午後的陽光透過大門照入，為餐廳增添了一抹慵懶的氣息。聽聞呢度嘅啤酒🍺係當區最平最抵飲，好啱三五知己或上班族放工後喺度飲吓嘢🍻，擲吓飛鏢，吹吓水！午市套餐價錢最平低至連鎖快餐店價錢，但最高都只是百餘多少少，但份量及食物質素很有驚喜！😀前菜：是日餐湯或沙律南瓜湯🎃湯體綿密細滑，細細品味能感受到南瓜香甜和淡淡的奶油香。田園沙律配芝麻醬🥗份量不少，沙律菜新鮮，清脆爽口。芝麻醬香濃而不膩，與蔬菜的清新完美融合，為味蕾帶來一場清爽的饗宴。主菜：可配飯/意粉/沙律香煎比目魚扒配日式照燒汁跟飯（$78）🐠比目魚做得非常好👍! 魚身煎得色澤均勻，不會有點兒焦燶嘅感覺，但魚嘅周邊則煎得香脆。魚肉面還均勻地,有序地淋上照燒汁，從這可看出㕑師對烹製每一個細節嘅執着和用心🧑🍳整體賣相可媲美酒店出品👍。食味也不錯，邊皮香脆可口，肉質嫩滑。但如果塊魚厚少少就更加完美。板燒特濃咖啡羊架伴燒汁配意大利粉（$118 /3骨）有2骨和3骨選擇，能照顧到客人嘅胃口大細，比讃👍！羊肉粉嫩味美，肉質軟淋，有羊肉獨有羶味但又不會太濃烈。特濃咖啡的香氣滲入羊肉，帶來獨特的風味。意粉軟硬度適中。澳洲T骨牛扒伴燒汁配薯蓉（$98）🥩真係吾敢相信一百元有找都可以食到一塊大過我隻手掌嘅牛扒，而且質素仲吾差喎，性價比吾止高，直情係超高🚀！牛扒生熟程度乎合客人要求，油脂分布均勻，肉質鬆軟而且肉汁豐富。簡單的鹽和黑胡椒調味，便足以帶出牛肉的鮮美。薯蓉綿密細滑，入口即化，份量也不少。飲品：咖啡/奶茶 可能自己要求多奶之故，奶味比咖啡味突出，但這杯餐飲也算達標。奶茶絲滑順口，茶香濃郁，餐後來一杯，十分滿足！☺️
繼續閱讀
朋友之前來過食lunch，話性價比高，於是今次打完波就去試下食下午茶。大約4點左右到，餐廳未有食客，店員表示只有小食和飲品。我們點了炸魚薯條和黑松露意粉，味道都ok，炸魚大件，薯條份量也多。可惜，點餐後有其他人（包括其他後來的食客和之前在場的人，可能係職員或朋友）開始吸煙。我向店員反映，她竟然表示該餐廳是可用吸煙的，但明明牆上已貼禁止吸煙的標示！政府亦立法多年食肆禁煙啦！本來想靜靜傾下偈，無辦法之下，唯有怱怱地食完走人！甚為失望！
繼續閱讀
今日嚟到天后玻璃街新開嘅餐廳食lunch，門口見到餐牌非常抵食，午餐種類選擇都幾多，有雞牛扒意粉同埋魚柳，價錢都係經濟實惠。入到餐廳見到係酒吧嘅裝修，環境都十分chill，自己用QR code 落單，我就揀左肉眼扒配薯條，午餐包餐湯/沙律 🥗 ，仲包埋野飲！今日餐湯係忌廉甘筍粟米湯，味道非常濃郁，好香牛油味，飲得出唔係罐頭湯！牛扒非常之大碟，好多薯條，而且有一堆冷律菜，所以我建議大家可以揀餐湯，牛排味道不錯，有牛味，呢個價錢真係物超所值
繼續閱讀
天后番工午餐好選擇！雖然主打夜晚酒吧小食，今次既午餐絕對唔失禮！西餐食物為主，牛扒勁大份，睇得出師傳處理食物好有心得，仲有前菜野飲都唔洗七十蚊！加左雞翼都好好味😋如果side可以轉mushroom就更好！環境會比較暗，因為本身行酒吧style，但周圍都好乾淨舒服。朋友食既雞扒都煎得好香脆，比出面好多餐廳都好。建議前菜揀湯，因為本身個main都有沙律菜，唔係就太多菜了。下次應該會試下收工來happy hour 好似都好抵🤩
繼續閱讀
係琉璃街新開咗一個月左右，聽聞之前個處喺隔籬街度做開嘅，店舖入面都新淨嘅，佢去廁所位麻煩少少，叫咗個牛扒，牛扒真係物有所值，大大份，五成熟啱啱好，個味道同埋軟腍度處理得好好，而且份量好足夠，夠晒飽，仲過薯條都好脆，但係個湯就一般般但咁嘅價錢，真係冇得頂！跟其他街坊講，佢哋個薯蓉都好出色，不過我可能晏咗少少去，佢地話薯蓉已經賣晒，咁我唯有下次再試食啦另外，真係要讚，冷氣真係好足夠，尤其而家大熱天時，如果冷氣唔夠真係搞唔掂
繼續閱讀
您可能會有興趣的...