Uptown 90 (已結業)

外賣自取有半價優惠😍 勁抵食👍Lunch Time成日都有唔少人等外賣 大概要等15-30分鐘 今次唔想等甘耐🤭🤭 餐廳11：30開門 就打定電話去嗌外賣 認真夠誠意😜😜印尼特色烤焗春雞伴燒汁配薯蓉 （$36）第一次嗌烤焗春雞😙 表皮脆卜卜 好入味 預想中 雞肉可能會好嚡 但竟然無發生😳 雞肉嫩滑 好多汁 性價比好高👍👍有薯條 飯 意大利麵 或者薯蓉既配搭🤗 最後揀左蒜蓉忌廉薯蓉 香滑既薯蓉配上滿滿既蒜蓉味 真係極邪惡😋😋係灣仔搵到味道唔差 價錢又唔貴既外賣 真係極之難得🧐🧐 堂食會有自助沙律吧同餐茶 都好抵食架✌️

最近疫情關係好少出外用膳，回顧過去這間餐廳我之前和同事經常去，可惜對上一次再去的時候，除了主菜外，自助吧的質素每況愈下，但都算抵食，因為可以任食沙律，湯，小食和甜品，只是味道和質素則一般，例如：湯只是微暖，當日的湯是羅素湯，小食是茄子和春卷，  甜品是涼粉，沙律有蕃茄，粟米，生菜等，不算太新鮮，每樣只剩番好少，只食一轉就已經無，而且refill得好慢，到我地準備離開才refill左一次。慶幸的是主菜沒有令大家失望，千島醬潛艇堡很大份，而且是即製的，新鮮熱辣的，千島醬酸酸甜甜，很開胃，中間有吞拿魚，煙肉和芝士，潛艇堡外脆內軟，味道不俗，薯條味道正常，熱飲可以refill, 凍飲則只可一次，沒有另外收費。價錢方面，因為是半自助餐，對比起一般自助餐或半自助餐，性價比算高，加上之前幫襯過憑收據有九折，算是抵食。

環境：場地夠大 可能因為係bar 所以中午唔使等位 防疫措施一般 服務：上菜快 落單清晰食物(Lunch menu會轉❗️)所有lunch set都可以揀薯菜/意粉/薯蓉/飯包任食自助沙律吧&湯&熱飲有加一服務費1. 特色印度汁烤雞扒配墨魚腸 $74（當日無影低餐牌 唔肯定準確餐名）雞扒上到枱比臉大基本上食完塊雞扒己經食唔落飯雞肉嫩滑 個汁好好味 雖然鹹左少少價錢：8/10食物質素：9/102. 板燒肉眼牛扒配黑椒汁伴薯條 $84原本係有薯條 不過個日低醣飲食中所以直接走左薯條再次地上枱發現好大份牛扒燒得好香 被茶餐廳頹扒好食有牛味不過質素有參差 亦無問我地要幾成熟朋友同我點既一樣但我既大概7成 佢既得3成左右價錢：8/10食物質素：7/103. 法式香燈燒汁伴烤焗鴨胸肉配炸薯條 $74今次鴨胸同薯條既份量正常鴨胸係好食嫩滑既 唔會太鹹 但食唔出啲咩香橙味算係3個餐中比較遜色價錢：6.5/10食物質素：7/10

公司嘅Shuttle Bus放工之後車到我哋去灣仔，所以就去下呢一間酒吧食佢哋$99嘅任食Buffalo雞翼同Truffle薯條，同埋任飲紅酒。其實去過兩次，一次係barbecue雞翼，一次係炸雞翼，兩次都幾好味。薯條點嘅Truffle sauce 都冇令人失望。但係，每一次個紅酒其實都幾難飲。其實，所謂嘅$99任食任飲，係不包括小食，再加埋+1服務費，最後埋單差唔多$130一個人。但係又可以玩下大話骰，又算係一個放工之後吹水嘅好地方，都可以接受。

Uptown90係一間酒吧形式既餐廳 估計夜晚應該就酒吧 中午就做SET LUNCH供應附近既上班一族 價錢都好親民叫左一個燒雞配飯 隻雞個size都幾大 出去食燒雞 多數都怕佢會好鞋 唔好食 呢一間算係做得唔錯 雖則有部份位置有d鞋 但大多數都係滑同多汁既 以呢個價錢黎講都算唔錯餐廳中午只要叫一個午餐佢就會free一個自助沙律吧比你 入面有d小食同餐湯 比你係食主菜之菜有d野食下 唔會話太餓 而我就拎左一啲既水果同埋湯野飲我就叫左一杯果汁先生的橙汁 要+6蚊 熱就唔洗加如果你有一張一個月内既receipt就可以拎黎用 可以9折 叫做可以setoff左個加一

呢日食lunch冇book位，上到餐廳等咗陣，開咗間房畀我哋坐，以為好著數，實際係被遺忘的一角！講返間餐廳，本身係酒吧，中午做埋西餐， 佢有個自助沙律吧，任食沙律，餐湯，生果等，我另外再叫個main course，我叫咗個板燒美國厚切黑椒雞扒配薯菜，仲有個餐飲！我由12點45分order等到1點30分，吹左幾次先有得食，仲要係變咗意粉，唔緊要啦，因為唔食就冇得食㗎喇，趕住返工！雞扒係幾好味，又厚又腍，但到咗1點35分，侍應問啲嘢齊未，好諷刺。。。。

Uptown係公司附近，同事一諗唔到食咩就會去 🙈 貪佢多位唔使等，大份又抵食。餐廳耐唔耐會轉一次，今轉果份唔錯，選擇多元化。Salad bar唔算多野食不過好抵，一個$80左右既午餐就可以任拎生果同餐湯麵包，我個人覺得生果最好。叫左一個豬手一個肉眼share，肉眼幾好，平扒黎講水準不錯，仲有少少牛筋，又唔會醃到林晒，有肉質。豬手出乎意外喎，好juicy，唔係德國烤乾晒果種，多筋但唔痴牙，充滿骨膠原！入味！

西西里牛油龍蝦意粉🦞🍝.又來到之前推薦過既uptown90食lunch🤩因為set lunch時常會轉所以唔會悶😆原本幻想既西西里牛油龍蝦意粉🦞🍝，係純粹有幾粒龍蝦肉咁，完全無諗過$75會有原隻啊😱😱😱整得幾爽口彈牙，牛油香都好入味，而且無蓋過原本鮮味😋連個龍蝦鉗都扑碎左好易handle！意粉煮到好乾身，完全唔會黏住，配埋蕃茄味既醬汁實在剛剛好👍🏻千祈唔好忘記個免費自助沙律吧🥗忌廉湯一流，蜜桃好鮮甜🍑，仲有其他不定期款式😊

板燒美國西冷牛扒配黑椒汁🥩配自助沙律吧🥗.灣仔有好多間bar，佢地都會做下set lunch咁架！今次去左一間好抵食既餐廳，簡任何餐都可以享用自助沙律吧🥗，春卷、咖哩角、沙律菜、薯仔沙律、泡菜，仲有非常濃厚稠身既蕃茄湯🍅🥣而啲蜜桃同菠蘿雖然明知道係罐頭，但係同事一致認同好好食仲要不斷encore😂😂然後計自己係咪食左成罐蜜桃🍑😂.到左主菜，小編選左板燒美國西冷牛扒配黑椒汁🥩上枱嚇親寶寶啊塊扒大到...有我成隻手臂咁長...根本係食唔晒😅不過煎得幾硬，煎到老左都要咬好耐。可以選擇飯/意粉/薯菜，🍝意粉較粗身同乾又冇乜味道，同事就精明得多簡薯菜🥔🥔，係薯角黎架新鮮炸起，大家要識簡啦！😍

約左新朋友食LUNCH, 朋友揀左呢度, 因為呢度有個SALAD BAR~呢區夜晚都係酒吧區, 中午就會做返D SET LUNCH為主.店內燈光好暗, 其實LUNCH 可以軟返光D~ XDDLUNCH $59-$88, 計埋個SALAD BAR任食都幾抵。叫左主菜後我地就出去食SALAD朋友叫左黑椒汁板燒美國西冷牛扒 $79再加埋出面羅既湯同SALAD, 勁豐富!! 哈~塊扒超大塊~~~~~我叫左.板燒白草雞扒配薯菜. $69每樣食少少都好飽~味道就一般, 因為黑椒汁都搶哂D 肉味哈~汁太多, 可以唔好淋咁多汁, 客要先再加.SALAD BAR個度位置太窄, 我地就坐係對住SALAD BAR個張台, 好易畀人撞到或整跌野.同埋燈光太暗,　好多時Ｄ客整跌左D SALAD係地上都睇唔到會中招~

舊同事好耐無見，約出來食午餐。佢返工地點搬咗去灣仔稅務大樓，故相約在Uptown90食，近佢。午餐有多款，價錢由59元至138元，包熱飲一杯、餐湯任飲、沙律水果任食。炭燒豬肉排半份72元，唔覺有炭燒，肉質一般。香草鮮茄老虎蝦意大利粉68元，老虎蝦得一隻，好細隻。意大利粉味道唔錯。湯、頭盤、沙律任食，款式雖然少，但是味道幾好。餐廳本身是一間酒吧，埋單時見到要比5%服務費。整體來說，主菜味道以前好D，價錢平宜。

Lunch 其實好款可簡 有扒有意粉有漢堡免費沙律吧餐湯有兩款，紅白～～～有菜，有西瓜，有栗米粒，有番茄仔，咖哩角，但refill 2次左右就無！！lunch 正常都唔會密fill 明白係要要快手！但主菜係牛扒大大件但咸，係咸到食唔到！完全想叫回水！食左兩口炎，已經停手！寧願佢細件d但無咁咸！附近其他茶記牛扒都好食過佢！凍飲+$3加1 埋單87。唔值門口寫$78入到餐牌寫$79，全場唔覺有寫加一架，係埋單先知⋯

立即Follow ig @itadaku_hk 每日速遞最真實飲食情報！🤤 ——灣仔區抵食半自助西餐食肉控出沒注意——作為拎緊最低工資既打工仔，平時食午飯就緊係帶飯啦。 偶然都會出街食一次勁既。💸💸同事們同我黎到依間uptown ，全部一致叫個牛扒餐。🥩🥩🥩 塊西冷牛扒一上枱，90蚊已加一既價錢，點解可以大過塊面😂😂😂牛扒都幾厚身，一大口咬落去真係好滿足，而且肉質鮮味多汁，唔會太韌🐂簡直係食肉控既福音，真係好抵食。雖然未去到超高質既牛肉， 但咁既價錢有咁大塊牛扒係港島區性價比算高。🤟🏻🤟🏻配菜就正常野，無伏系列。🤤🤤 ——為食指數：7/10推介程度：7/10打卡指數： 6/10性價比： 8/10

灣仔好多酒吧都會做埋Lunch,今日Happy Friday,就約埋同事一齊去試下因為喺酒吧嘅關係,餐廳燈光就比較暗,同一入門口就聞到一陣煙味Order任何一款主菜都可以免費享用自助沙律吧,又或者直接揀$48嘅自助沙律吧.沙律吧嘅選擇都幾多,有春卷,翠肉瓜,薯仔沙律,水蜜桃等..仲有兩款湯&湯水水蜜桃好大粒仲好甜羅宋湯好足料,好濃味,有少少辣,夠曬醒胃.板燒黑椒雞扒,雞肉燒得好嫩滑又多汁板燒美國西冷牛扒配黑椒汁,牛扒好大份,但肉質一般,可能燒得太熟,有少少韌

唔知應該話我自己唔好彩，定呢間餐廳對個個都係咁，一上到去空氣好污濁，感覺不太舒服。剛坐下記發現椅子刮大比，因為椅子表面層膠已經爛左，今日著左裙所以一坐下已經感覺不舒服。整間餐廳黑沉沉的，略嫌有啲舊和污糟。2人都叫左雞扒餐加$1沙律吧，以幾十蚊一個午餐黎講實在不會期望太高，沙律吧的食物尚可接受，有粟米粒，粟米條，泡菜，紅腰豆，桃，湯有2款，一款紅一款白。main course雞扒大大塊，呢樣值得一讚，雞扒唔鞋但略為肥膩，反而薯菜係最好味道，全部食哂。之後叫埋單，叫左幾次都無人理，明明人手都充足，好彩有睇單，計錯左一個牛排餐一個雞扒，叫佢改單。第2次連單都無比我睇就咁用口講$141，我心裡覺得銀碼應該差唔多所以就直接比左錢。返到公司一睇單，又計錯，都唔知係咪專登，2次都計錯。整間餐廳唔係好多枱客，有無可能咁都計錯?我覺得好有問題，2次都計貴左，又唔見佢計少?永無下次!