Uptown 90 (已結業)

已有很長時間沒有到 Uptown 90 享用過午膳，原因很簡單，就是印象不佳。最近與同事外出搵食，四周人滿為患，Uptown 90 最後成為大家落腳午飯的地方。 Uptown 90 作為一間酒吧餐廳，環境格局和預期差不多，只是背景音樂調較略大聲。 午市惠顧，加 $1 可享用自助沙律吧。除了一般沙律菜外，也有粟米、小番薯、薯仔沙律、春卷等佐料，質素平平。 餐湯紅白各一，雜菜湯略鹹不太滿意。主菜法式香橙鴨胸意粉，菜式擺盤比預期佳。鴨胸口感彈實，味道平平，份量不足。香橙汁缺乏橙香，但仍可為意粉添濕。熱奶茶很細杯，茶底帶澀不合格。整體來說，Uptown 90 的食品水準仍舊平平，但以六七十元的價錢仍可有簡單的沙律吧享用，性價比都算合理。

今日好熱 唔知食咩好班同事話近近地去90bar無黎一排 我發覺轉左廚師 個沙律吧好多野食 (雙眼發哂光以前我記得無甘多款 無黎一排啫以加多左好多 款式 味道仲要係中上質量直頭同酒店 拍得住Tim唔怪得甘多人去食lunch野食方面真係好認真 重有秋葵 好健康 岩哂我地成班女仔重有用d紫色花 裝飾 打哂燈甘 我好鍾意佢地既擺盤食埋主菜 同沙律吧 7十幾蚊 加1個沙律吧有湯 糖水 沙律 小食仲有d外國feel既麵包好似係高級貨 (🤔飽到抱住個肚仔走服務就一般啦 我見佢地都幾忙 因為成個場都係食客起碼成 8 9十人 旦得 5個侍應旦性價比真係好高 認真真係好過食 茶記灣仔茶記平極都 5 6十蚊啦…重要食到成肚氣

跟餐主食足料我同同事一人一個餐，豬排跟春卷同薯蓉$63牛利意粉$54 好多舊牛利，比起出面可能得3-4舊，佢至少7-8舊可轉飯/意粉/薯蓉/薯條，等等每人加$1 可有任食沙律吧同甜品，仲有餐湯。埋單加一。都只係$60同$70食到好飽。性價比係相當ok。食個大x樂，都要$40-$50只係多廿蚊，又飽肚味道都比大x樂好。所以性價比好高埋單後發現下次星期一至四去食憑單可以免加一有機會可以再約同事星期一至四去食每人仲平多幾蚊

今日到遲左放飯，無時間去遠一點餐廳，只好在公司附近搵食，見到有間樓上餐廳，查看了豎立在地下的餐牌，見到價格算便宜，決定幫襯。餐廳的裝修格局似酒吧，估計晚上都是招待老外喝酒的。午餐有四至五款選擇，另加$19 可享用湯及自助沙律吧。由於我們都不太肚餓，所以只點了午餐，包一杯熱飲。侍應先奉上一杯熱奶茶，味道中規中矩，但份量偏小，只及一個茶杯的大小，喝幾口已全部飲完。至於主菜西冷牛扒，賣相不差，都算大塊，但牛肉味欠奉，質素似快餐店貨式， 旁邊的大陸同事也是點了牛扒，他說他的牛扒太硬，切不開，最後他放棄食用。整體來講，七十幾元的午餐，實在不能奢求什麼，能夠裹腹已算不錯，不要抱太高期望。

好耐無黎啦, 今日同事突然間即興話黎. 所以十一點零打黎book 位. 印像中以前個電話好難打, 而且重人山人海. 有時即日係book 唔到. 但今次即日book不但好快有人聽. 而且lunch time都未滿人. 可能附近真係開左好多差不多價錢的餐廳, 大家選擇多左. 黎呢度最開心係除左主菜外, 重可以享用埋佢的自助沙律吧. 若果你唔叫餐. 只食呢個沙律吧都唔平, 所以叫set其實係抵. 沙律吧範圍唔大. 但以一個set包埋黎計. 款式算很不錯. 湯有白湯同紅湯. 沙律都有兩三款(包括生果, 薯仔或者羅絲粉). 什至有辣有唔辣. 然後還有蕃茄仔, 菜, 春卷, 茄子及蒜蓉包等等. 由於小女子不能食辣, 所以都係以沙律為主. 印像中佢的湯係主打, 以前會餐前飲一款, 餐後再飲一款. 不過今次黎. 無論係紅湯或者白湯, 大家都覺得淡味好多, 而且料都變小了. 好失望. 同事們share食的. 不過呢碟我興趣不大. 只係要左個蒜蓉包伴湯, 但有點硬. 浸下湯食會好d.大部份同事都選西冷牛扒. 一見到個size佢地都超興奮, 因為超大份. 就算無飯都一定飽. 而且唔un. 煮得剛剛好. 佢其

相信喺灣仔工作過嘅朋友，都知道Lunch時間在灣仔要搵嘢食真係有啲難度，所以當日放假的我14:00先出動(任我揀) 門口大大隻字寫住，幾十蚊食到半自助餐，一試之下，出奇地好，牛排一定足8oz仲要係好食嗰隻(夠晒"林"), 這件牛排無咩肉汁, 就係無肉汁我先至LIKE (因為肉汁咪啫係血)加埋伴個黑椒汁ONSIDE【超正】，我朋友就點咗個Pizza份量十足，最特別係PIZZA個醬,個個食PIZZA都食蕃茄醬(這裡是用千島醬囉)真係絕配加埋焗至金黃色的芝士包埋個Salad吧。。。令到幾年無寫食評嘅我都要寫一寫 。。。。。。。。。。。。。。。。。。。。。呀……仲有呀，埋單嗰陣個侍應比咗張收據我，叫我下次黎show呢張嘢(有9折)我一定會再黎囉

對於銅鑼灣的形形色色的酒吧已沒什麼興趣了，所以發掘了新的消遣地方。這間酒吧位於灣仔區，地鐵下車後步行5分鐘便能到達，十分方便！晚上下班後便和好友們一起到來玩樂。那兒的職員老闆也很友善，服務態度不錯！至於食物方面，不得不讚的是炸魚柳呢 外脆而肉質出奇的嫩滑！是必吃的送酒小食！環境方面也挺好的，不會太嘈吵，因很多酒吧會把音樂調得很大，對面朋友的說話也聽不清楚，幸好這兒沒有這個問題出現過 大家不妨一試！

I have always wanted to try this because the name Uptown 90 sounded American.Uptown means neighborhoods or regions in several cities.When I went there, I discovered it was a Chinese pub serving Chinese style western dishes!The mains costs around $6X-$7X including a starter and dessert buffet bound to make you feel full afterwards.The food is average, but picking bits here and there from the buffet bar and eating some of the mains will fill you up!★☆★☆★☆★☆★☆★☆★☆★☆★☆★☆★☆★Buffet bar items: ★☆★☆★☆★☆

今日全家人除了老媽都放假，難得一家人 weekday 可以齊齊出來吃飯，就順佢意來這裡啦。這裡是老媽的同事介紹來的，我們雖然在附近發現似乎更吸引的 bar lunch，不過都是先試了這兒。中午十二時，我們準時出現在門外（幾乎是等開門！），成為首批入座的顧客。未坐下已經要點什麼菜，因為服務員非常有效率，我們一坐下便會叫我們點菜。我們點了1號餐、2號餐和4號餐（見圖）。午餐包自助沙律吧，次數不限 ，款式不算多例如薯仔沙律、椰菜花沙律等等沙律醬都下得非常之慷慨。也有一些粟米蕃茄生菜等等還有咖哩和春卷，總之是樣樣有一點。倒是那個什麼烤茄子幾好吃。餐湯有菠菜忌廉湯和羅宋湯，只試了前者，好鹹。主菜來了，其實我只吃了一點意粉還有一件那個法包薄餅，意粉好鹹還有那個法包很難切開，不過味道也不差。餐飲沒什麼特別。嗯，這一餐麻麻地好吃啦，12：45 前埋單有9折，惠顧6份以上的套餐又有9折（只限星期一至四），難怪我們入座之後迅即爆滿，門外也大排長龍。之不過附近更好的選擇多的是，但當然也不是這個價錢了。

最近天氣太熱，和同事們午餐的活動範圍太太縮小。在這個星期五，就選了這間酒吧。我們知道它都不一定有位，所以當天早上致電訂座。留枱只限五分鐘。於是，一群餓狼就在公司以九秒九的速度走來開餐。門口已經寫著午市限一小時交枱及每位最低消費$52+10%。其中一位同事因事未到，侍應就說：「你哋呢張枱會計六位！」我即時想起唱K那人頭費有多無少的對白。一如以住，這裡有五個餐可供選擇。會更換的是1,2及3餐，4和AA餐 最少有一年沒有轉過。午餐包任食自助沙律吧及一杯飲品。下了單後，我們就要開始出去搶食了。等取食物的人龍都最少有十多二十人。沙律區有菠蘿、西瓜、大豆芽、蘋果沙律、長通粉和薯茸。湯的選擇有兩款，分別是忌廉湯和羅宋湯。忌廉湯味道雖然普通，但勝在夠熱。這裡食物補給也算快，但他們只會在午市期間補給一次。主菜我選了意式至尊焗法飽薄餅。法飽薄餅的賣相不太吸引所以沒有拍照。法飽面層的料有芝士、菠蘿、青紅椒，味道可以接受。可惜法飽不脆及韌，似乎存放了多天。我們的梳化枱坐得很迫，手要伸長把頭向到枱邊才吃到食物。為免影響到同事午膳，最後還是沒有為主菜拍照。飲品我選了熱檸茶，沒有驚喜，不過不失吧！這裡的食物味精指數

We came here for the semi-buffet lunch a few days ago with colleagues. I'd visited before, and it was a good lunchtime choice, particularly if you're hungry. The starter and soup were unlimited, when you choose a main course and with a drink.However, the service was quite terrible. We sat down in a booth seat, which they'd allocated but then after we had stocked-up on the starters/soup, they asked us how many people. We said 5, they then replied saying we had to vacate the seats because it's for

較早時和同事到這裡共晉午膳, 一上樓, 人聲響亮, 嘈到乜野都聽唔到.....座位擠迫, 坐得不太舒服這裡的set lunch 是半自助式, 湯和沙律在 salad bar取, 外面”人龍”十分長, 夾沙律時人迫人, 手撞手, 有d人唔小心將沙律菜/湯跌落地下, 比人踩到一 pat pat, 又冇人去拖抹, 地面好污穢, 又滑, 好驚會跌倒沙律菜有粟米, 生菜, 車厘茄等等基本蔬菜, 湯係雜菜湯, 夠熱, 有粒粒雜菜. 又香濃;不過, 張枱太細, 放完碟沙律同湯, 佢上餐茶時已經冇位放......我叫既主菜係魚柳意粉, 等左成20分鐘都未黎, 揮手叫服務員, 揮黎揮去, 個個都好忙碌, 幾經辛苦先有一個人肯應我, 我催促完後佢就走左去...但我當時都好心急, 因為我得一個鐘頭食飯,怕趕唔切如是者再催, total等30分鐘先有, 慢到離譜!!! 嬲到咩胃口都冇, 三爬兩撥食完埋單, 只係覺得味道咸左d離開時, 又係經過狹窄的走廊, 人迫人咁出去......

朋友介紹今日去食佢地個set lunch, 原本都好地地, 到左埋單真係一肚火, 我朋友之前都食過, 話係1:10之前埋單會有9折, 咁我們係1:05 叫埋單, 個個waiter係1:08 拿張單來, 張單冇打折的, 我們問佢1:10之係有折個喎, 個waiter 死話冇係要1:00之前埋先有, 咁我們信佢咪比錢lor, 比完之後拿左個menu睇多次, 個menu白紙黑字寫住星期一至四1:10前埋單9折, 咁更係拿住個menu同埋張單的時間問佢喇, 佢竟然講左個不知所謂的藉口話時間係根據佢牆上部電視機的時間為準, 個收銀機出單個時間慢左5分鐘, 仲有公司改左policy 一至五都係要1:00埋單先有9折, 個menu未有時間update啫 所以點都係冇9折!!! 個幾十雞我唔係比唔起, 不過佢一個大話加一個大話, 不如你話個policy係你訂喇, 你大晒咪得lor!!! 佢的咁的態度, 以後都唔會再幫襯.

與朋友到這餐廳happy hour, 一入門口上樓梯就聞到一陣陣隔夜煙油的酸宿味散發在空氣中入坐後發覺氣氛都唔錯, 是典型的港式酒吧餐廳格局, 除飲beer外, 點了小食, 有燒牛舌, 芝士焗西蘭花, 椒鹽雞翼尖, 牛柳粒, 烤豬腿等, 樣樣頗有水準, 最合佐酒 招呼都好周到但整晚我一直忍受著極差的空氣質素, 有點呼吸困難離開時走到街上, 呼吸著環保署公佈為污染指數頗高之空氣, 有如從太空返回地球的感覺. 事後可能因氣管受到焦油刺激而咳嗽到第二天雖然食物好氣氛好, 但 No next time!!!!!

午膳時間和同事到酒吧Uptown吃午飯，屬半自助餐型式。沙律吧有八九款沙律食材，如生菜、薯仔沙律、粟米、車厘茄、螺絲粉等等，另有兩三款小食如蒜蓉包、咖哩角和燒茄子。餐湯紅白各一。論沙律吧的食品質素，只屬普普通通，基本上食完一轉都無乜衝動食第二轉。主菜選了豬肋骨拼豬扒配薯蓉，豬肋骨拼豬扒這配搭有點怪，兩者肉質都算腍嘅，不過就無乜鮮味喇！淺嚐了一口招牌西冷扒，overcook咗少少，肉質腍得來有點不自然，味道亦顯示用料屬下價質素。如此價錢，選擇都不少呢！