VA BENE Italiano

營業中

休息中

這兒食物種類頗多，有前菜、主菜及甜品，不過，不能期望有很高的服務質素。今天和同事過來吃午餐，侍應只是放下了餐牌，便離我們而去，沒有解釋太多，反而是我們問semi-buffet是如何計算的。如果希望我朋友Hea下，有點空間，這兒不室是一個好選擇（沒有太多人流，亦沒有人騷擾你傾偈）😉不過，每位最少都差不多$300 ，用這個價錢吃午餐，在這個商場內還有很多更好的選擇。

這個餐廳一直有支持，價錢是一間高級餐廳，當時的價值可以是超水準，當時有海鮮沙律，甜品水果都非常好的，但疫情之後，食物方便質素差了，菜式一般，選擇性不多，服務態度還非常差！

食過幾次下午茶，都同open rice圖片（優惠套餐）相似，有Scone，有macarons，有三文治。今日變曬蛋糕，份量仲好似少左，可能太耐無黎？定打風變左普通野？性價比即刻唔抵食：/可能係因為阻人收工？打電話問左下午茶到5點，4:45last order。趕到4:40到達，話想問afternoon tea set，點知第一下回覆話已經無啦。當堂 下 左野，然後問 唔係話4:45 last order ,佢再問係咪頭先打過黎問，我話係，結果就有圖中tea set出現。希望唔係俾人呃，但如果regular係咁，咁佢open rice個優惠同description 就係呃人，大家睇路

今晚放工後約同朋友一起去了位於九龍塘達之路又一城的意大利餐廳“VA BENE Italiano”共聚晚餐。這裏地方寬敞，坐得舒適，頗有情調，侍應慇懃服務，令我有賓至如歸的感覺。坐下首先上了一藍免費的雜包，食落感覺鬆軟新鮮。黑松露多重芝士薄餅 $198熱辣辣的黑松露多重芝士薄餅端出來香味四散，食落濃郁的黑松露和芝士味滿佈口腔裏，十分滋味，餅皮十分脆口。芝士焗椰菜花 $78濃郁的芝士醬掛滿了椰菜花上，再配上微微鹹香的火腿絲，滿足了我的味蕾。鹽焗原條意大利鱸魚 $298魚肉感覺鮮嫩，再灑下少許檸檬汁，提升了這道菜的鮮味。薯仔煮得夠淋身，滲入了蒜頭和香草的香味，十分好味。美國黑安格斯肉眼 $428 350g這道菜一端出尼就香味撲鼻，一邊切牛扒的香味就一路四散，令人垂涎三尺，再加上濃郁的紅酒汁，提升了牛扒的香味，食落香濃的牛扒肉汁流進口腔裏，令人一試難忘。蕃茄仔清甜可口，跟牛扒一齊吃，不覺有漏的感覺。加拿大豬鞍 $288 300g厚厚的豬鞍扒不覺鞋口，配上蘋果蓉，有著蘋果的香甜味，感覺特別，再加上香草和掛上醬汁，滋味無窮。焦糖牛奶咖啡冰 $58這杯飲品特別之處就是冰塊不是用水做的，而是用咖啡做的

在又一城閑逛， 直到晚飯時間， 路過此店睇左佢門口菜單，就決定點了一份黑松露意粉外賣試下， 可能人客唔多， 佢十分鐘就起到菜。 佢個袋好大個， 我又無為意佢份量有幾多。 當返到屋企開嚟睇，份量太少，味偏鹹，味道一般。

發掘到一間幾高質嘅意大利餐廳，其實之前嚟食過下午茶都覺得唔錯，今次試埋晚飯仲高質喎🍕意大利辣肉腸薄餅大大個pizza，芝士好香又拉絲，但係軟熟嘅，唔係香口膠質感，好正，辣肉腸好厚又有肉味，薄餅底薄又脆，食淨咗一半攞返屋企第二日焗返熱嚟食都好好食🐟烤龍脷魚好少出街食飯叫一條魚😆咁樣煎焗嚟食又幾好食喎，魚身好厚肉，好入味，仲有特別樣嘅配菜，幾得意仲有麵包籃都好好食，有幾款唔同嘅麵包，每樣都好食，仲要熱嘅，呢樣真係要讚

今次去咗VA BENE Italiano體驗下，真係一個非常nice既食肆。食物方面，無得輸喎。開頭嗰碟黑松露多重芝士薄餅，咬落去即刻覺得芝士醇厚得黎微微帶黑松露香氣，惹味到不得了。而家講到主菜，Canadian Pork Rack真係有咬頭，肉質鮮嫩、多汁，而配上果味的蘋果醬，啖啖肉香中帶一點點甜酸，鬼香添！至於飲品，我個Strawberry Basil清新得黎又解膩，而個Mojito就夠晒哂提神。食甜品Tiramisu嘅時候，個滋味真係令我為之一振，完美咁結束呢個浪漫飯局。環境同服務都係掂晒，令人食得心情都好，好啱同三五知己一齊嚟搞搞氣氛。夠曬意式風情，班友都滿意過。下次又要再嚟試下其他款！🍝🍷🍰

1月9號帶同4位朋友，一行5人慶祝生日選此餐廳進食，誰知食物質數差得很，海鮮不新鮮，已放很久，可能昨日留下，牛排有筋冇味道，沙律菜好一般，跟去年食物差距太大，以後不會再來。

一月中同朋友聚餐. 朋友推介呢間. 叫左幾樣野, 兩支酒. 食物水準幾好. 叫斧頭扒 medium rare, just right, 好食. 我之前睇過食評話服務態度好差. 今次覺得服務態度好好, 好細心. 可能服務已經改善左. 

第二朝要早起返工，咁啱又有旅發局之前派嘅$100 coupon,生日飯就近近地去咗又一城食🍽️呢間意大利餐廳，環境不錯，座位唔會逼，幾舒服😌即日下午喺Open Rice 訂枱仲有位，仲有指定飲品🍹買一送一優惠✌🏻落咗order之後侍應俾咗一籃麵包🥖我哋，可以配vinegar食，ok的👌🏻我哋4個人叫咗以下幾樣野：✅Classic Caesar Salad🥗$168啲菜幾fresh, 4人share份量啱啱好😌✅意式蕃茄醬海鮮薄餅🍕$198餅底同餅邊好薄，我幾鐘意，因為唔會太heavy。鬼佬就麻麻地，佢話太薄唔似pizza😂上面啲材料都ok,有蕃茄、吞拿魚、蝦🦐、onions、mussels & squid。我覺得幾清冇太多醬，鬼佬就話太dry😂✅Mushroom Risotto $198多菇，啲汁都好重菇味，幾熱。不過份量偏少，4個人每人食到1-2匙左右😅賣相都麻麻地😑✅700g US Black Angus Ribeye $748有少少chewy, 有少少肥，同之前食過嘅其他ribeye 比較，咁嘅價錢嚟講佢真係麻麻地😅不過份量ok,4-5個人share 都ok👌🏻亦都煮到medium

年頭同朋友試過一次，果次已經覺得好驚喜，佢地嘅送上嘅牛角包真係不得了，又暖粒粒又脆卜卜，淨係為個包都可以返黎！其他食物頭盤，意粉，牛扒都做得好出色！所以就訂位年尾再去食多次！介紹俾老公😆今次嘅包包唔夠熱係有嘅失望，不過送嘅包就無所謂啦🙊頭盤叫左我最愛嘅八爪魚同紅蝦他他！水準都仍然有水平，老公都話好食😋到小朋友嘅肉醬意粉，我仍然想講，佢嘅手打意粉真係好好食！好有咬口！仲有味道真係好吸引，無論大人小朋友都會啱口味！牛扒仍然好有水準，本來想叫多個甜品，但真係太飽，食唔落！唯有下次再試🫶

咁耐以來，第一次寫食評！本身諗住生日去食，叫咗個甜品點知食到一半就有隻好似螞蟻嘅物體，仲喺度郁緊！叫服務員，同我講因為有植物裝飾所以先會有隻野😥😥真係冇下次

今晚同朋友book左1830食晚飯，早到左五分鐘入座，同朋友先點左兩款菜式，食左大約三十分鐘，突然有位女侍應埋枱問我地會唔會叫甜品，我地當刻被突如其來一問感覺奇怪，而且剛先食緊一陣，就答唔會，女侍應一面不悅對住另一方向同事講”唔會”，之後分別三到四次有另一位女侍應就會行埋黎狀似觀察我地食到咩情況，終於等到我地食剩幾粒薯仔傾緊計，佢問係咪Finish ?我地話係，佢即刻收走(唔係問題)，問題係我地未叫埋單之下已經即刻有另一同事遞張單埋黎，朋友忍唔住問係咪有限時，對方話係，但我地入座時從未有人同我地講過，再者我地望望錶，只不過係食左一個鐘頭零五分鐘。如果真係有人會處理或睇食評內容，平心而論請問合唔會理？而香港食店不論係咪集團形式，請先好好檢討自己經營手法同培育職員服務態度，而唔好抱怨別人北上消費，真係唔該哂。

🍰 時尚意式風情二人下午茶鹹點同甜點都有6款🤓大家可以留意番而家個menu ~ 但小編除左覺得個鬆餅味道比較正常，其他都一般🤣🤣🤣🤣甜點既話焦糖燉蛋、Tiramisu同木糠布甸都唔錯🤓其他就都係甜甜甜甜甜甜🤣而家openrice 見到有優惠券買～訂座預付優惠：$368享用【2位用1時尚意式風情二人下午茶[已連服務費］（價値：$404.8）🥸🥸唔介意啲野食比較普通，想chill下嘆杯啡食下野傾下計，其實都唔錯既🤣

餐廳座位寬敞，有情調，用餐感覺輕鬆寫意。💕🍕巴馬火腿火箭菜薄餅薄餅配以24 個月風乾巴馬火腿、火箭菜和香醋。巴馬火腿肉質柔軟、味道細緻，鹹香味適中。火箭菜新鮮健，唔會苦。薄餅邊位好鬆脆！🥗Va Bene Salad 沙律配以生菜、梨子、杏桃乾、羊乳乾酪、杏仁、松子。羊乳乾酪味道濃郁，沙律菜新鮮。🍨Tiramisu 意大利提拉米蘇係二人份量，非常大份！奶香濃郁，口感順滑，惟略嫌欠缺酒香，而且蛋糕偏乾。