影片
港鐵觀塘站 B2 出口, 步行約3分鐘
繼續閱讀
營業時間
星期一至日
12:00 - 21:00
以上資料只供參考, 請與餐廳確認詳情
食家推介
嚟到「Dickson Yoga」，唔喺做瑜珈，而喺搵食。老實講，瑜珈呢樣野真喺唔啱我，行山、踢波、踩單車呢啲力量型運動型我就無問題，伸展、拉筋呢類嘅真喺唔搞我。晌「Dickson Yoga」裡邊，附屬提供埋餐飲，所以，就同老婆晌度食個午餐，之後，佢就過「翠屏」參加義工活動。 走進店內，先喺瑜珈中心嘅客服櫃位，色彩繽紛波浪型嘅天花，成為非常搶眼嘅焦點。再行入去，就喺餐廳部份。 應該喺配合番「瑜珈」嘅概念，餐廳嘅裝修較時尚，顯得都比較有活力，而且，地方都幾闊落，卡位亦舒服好坐。不過，平日嘅觀塘區，放飯時間會非常多人，但今日喺星期六，眼見成點鐘，人客就唔多，只有幾枱。 其實餐廳本身都有個名，叫做「Vegetarian Kitchen」，睇名你就知主打喺啲健康營養嘅料理。所以，餐牌內都有特別介紹佢哋嘅理念，更強調以鹽麴作調味，有更多嘅好處，推廣清淡、慢食。 而午市時段，主要都喺提供套餐，Set A - F共6款，所有套餐都喺全素食，有飯有麵，亦有輕食，並附有沙律或湯及甜品，定價都喺$68-$82。樣樣睇落都喺以健康先行，食材自然講求有「營」，老婆話揀咩食都非常放心。 由於以上嘅套餐都唔包飲品，所以，枱上有個座枱揭頁餐牌，就提供多款飲品，等做完瑜珈嘅客人可以坐低休息吓，飲番杯。除咗南非博士茶、蜜樹茶之外，其他飲品都有加配優惠。 順帶講埋，所有餐具放晒晌枱邊嘅抽櫃，好似茶記咁，但勝在以小藤籃做分類，非常整齊，感覺更衛生，不過疫情之下，都會要求俾杯堂熱水洗一洗。 Set A：黑松露大啡菇英式包、雜菜沙律、是日餐湯、甜品 $78小弟就揀咗個較西式嘅組合，但實際嘅配搭中中西西乜都有，一次過整份套餐捧出嚟，睇落都有好多嘢。 田園沙律非常簡單，晌沙律菜之上淋啲沙律醬就成，無特別，勝在啲菜夠爽脆；另外，仲有啲前菜「大豆芽」，好清爽，加咗少少梅醬，酸酸香香。 餐湯喺中湯，應該喺素湯，有合掌瓜湯、粟米、薏米等，味道比較清淡。 至於主角黑松露大啡菇英式包喺以英式鬆餅加上煎香嘅大啡菇而成，本身已好有菌香，仲加埋松露醬，就香上加香，大啡菇夠厚身，故口感非常好。剛好一客有兩件，同老婆一人一件「些牙」，唔使分嚟分去。 Set B：飄香風栗香菇飯、昆布杞子浸時蔬、是日例湯、甜品 $78老婆見有浸時蔬，又有荷葉飯，所以揀咗呢個套餐。同樣，以托盤一次過成份套餐送上，個荷葉飯好大份，時菜亦大碟，睇見都覺得會食到好飽。 昆布杞子浸時蔬用料好足，昆布、杞子都落得多，時蔬用上油麥菜，幾爽口，其實，個湯都可以飲埋，唔好嘥。 主菜嘅飄香風栗香菇飯，顧名思義就估到大概喺加咗栗子、香菇嘅荷葉飯，老實講，味道確喺比較清，亦唔算好有荷葉香；加了紅米，但飯粒真喺有少少爛，整體感覺喺有姿勢，未夠實際。 熱果茶 +$6正價要$22，跟餐價就只喺加$6，好在有試咋，真喺堅好飲，因為真材實料，撈一撈，有無花果乾、梨乾，越飲越有果香味，又夠清潤，故此，最好早啲叫，等佢浸耐啲。 雖然個飯唔喺好理想，但其他嘢都做得唔錯，當然，部份菜式我哋就預咗清淡少少，所以，都唔覺得大問題。阿姐啲招呼幾好，加上地方大，人客少，用餐寫意。
繼續閱讀
全素系列之日本炒飯和芝士嘅黑松露蘑菇pizza 喺觀塘商業大廈入邊，瑜伽中心有間全素餐廳。上次食左個黑松露蘑菇酥皮卷，真心好味鬆脆，真係食過返尋味。 今次叫咗個日本炒飯，用珍珠米配上蘑菇、菜脯、紫菜。飯就一般。但個個佈滿芝士嘅黑松露蘑菇pizza。芝士真係可以拉到好長㗎，黑松露嘅味真係好香，好易入口配咩都得。
繼續閱讀
呢間係瑜伽中心入面嘅餐廳，我地平日去，加上疫情關係，當年得我地一桌客，我地可以靜靜地悠閑咁品嚐我地唔係茹素，平時多肉少菜，今晚想食得清清地，所以試下呢間。叫左兩個set dinner ,有餐前小菜送。一個set有齊沙律、湯、主食同甜品🍮食材都好養生咁，例如羽衣甘藍🥬，牛蒡絲咁，每碟都好多材料，很豐富的。唯一係個薯仔湯，好淡口，飲唔慣😂甜品都好好味😋雖然得我地一桌客，職員都好用心介紹食物，仲會同我地傾下計，係一個唔錯嘅休息地方
繼續閱讀
好久沒來觀塘這間隱世素食餐廳，這天剛好來辦事就順便吃一下新菜單。現在午市提供 A 至 G 七款套餐，有包有飯又有麵，全部都附沙律和湯。想吃得健康自然無添加，這裡的清淡養生素食幫到你！Dickson Yoga Vegetarian Kitchen 位於東廣場對面的商廈，搭升降機上 5 樓一開門就係。這裡同時也是瑜珈中心，餐廳則開放給大眾，不是來學瑜珈也可以吃啊。這天中午十二時許到達，餐廳內還沒有人吃午飯，一點過後才開始陸續有人上來。裝修環境色彩繽紛，天花有彩虹波浪，座位全部都係四人檯，靠窗邊有幾張卡位。做完瑜珈就無理由吃不健康的食物，所以餐廳都吃得很健康無添加，最新仲推出了鹽麴系列，吃少點鹽對腎臟好一點。從開放式廚房望入去見人手唔算好多，所以全部提供套餐，主食之外有附沙律、湯和甜品，而且大部分都係無蛋奶純素食。套餐不包飲品，但可以用優惠價加購，熱茶 HK$6 起。鹽麴濃湯豆乳米線 / 雜菜沙律 / 甜品 HK$82這天想吃麵，見到有鹽麴豆乳湯底覺得幾有趣就試試看。米線上面有椰菜絲、翠玉瓜、玉米筍、粟米、紅蘿蔔和海帶，花生是敏感原之一所以有分開上。另外有芽菜和生菜沙律，整盤蔬菜含量都幾高，不過我比較鍾意有大件蛋白質咬下，例如有兩磚豆腐或幾粒豆卜都好，吃完應該會更有飽足感。湯底口味很清淡，鹽麴有自己的特別香氣，豆乳味倒不太濃厚。整碗味道很純淨無添加的感覺，吃完麵條剛好把湯喝完，完全唔敢浪費食物。米線煮得比較軟身。南非博士茶 HK$28/set (包括茶、果仁春卷和茶果子)最近先知道飲南非博士茶好健康，所以見到這個茶 set 就試試，博士茶都幾大壺可以飲好耐。我覺得果仁春卷幾特別，自己平常都鍾意食堅果類，又無諗過可以咁樣包起來吃，香口又味道豐富。櫻花茶果賣相靚之餘，味道唔會太甜，上面的漬櫻花有點鹹味，配豆沙餡好有衝擊幾特別。平日在觀塘吃飯唔想人逼人，或者想食餐健康素食清腸胃，都可以上來 Dickson Yoga Vegetarian Kitchen 試試看。
繼續閱讀
朋友生日，忽發其想要吃素 ，開飯網上找到這家她公司附近的素菜，看起來好像挺不錯就想一試，結果超出預期！每款都做得不錯，令人有驚喜！特別是心太軟配自家製雪糕 ，心太軟有很香濃朱古力的味道，不太甜，自家雪糕外表平平，吃落有驚喜！話梅車厘茄我最喜歡，酸甜可口（沒有拍照），蕃薯條一上枱就聞到香味😋😋😋還會介紹朋友過來，自己肯定也會再來！我們4人叫了12道菜 ，包括小食及甜品，全部都挺不錯的！👍🏼👍🏼👍🏼👍🏼遺憾沒有全部拍下來！
繼續閱讀