Venchi (東薈城名店倉)

營業中

休息中

在咖啡的懷抱中，冰淇淋悄然融化， 阿芙佳朵，夢幻的組合， 一勺香醇，兩勺甜蜜， 如同晨曦中閃爍的星辰， 在舌尖上舞動，輕柔而醉人。咖啡的苦澀，微微襯托， 冰淇淋的柔滑，宛如夏日的微風， 熱情與冷冽的交融， 彷彿是心跳的節奏， 每一口都帶來無限的驚喜。在這瞬息萬變的時光裡， 你我相聚，共享這杯中的奇蹟， 每滴咖啡，都是生活的智慧， 每口冰淇淋，都是甜蜜的片刻， 阿芙佳朵，讓我們在舌尖上飛翔， 在這小小的杯子裡，尋找無限的歡樂。

再次邂逅東薈城這一間雪糕店，榴槤開心果雪糕... 開心果榴槤雪糕冰涼滑口，心意藏， 開心果香，榴槤強。 一勺甜蜜，夏日長， 舌尖舞動，夢迴鄉。感覺就係應該食咗開心果雪糕先，如果唔係榴槤雪糕太甜太搶了。唯一要投訴嘅是坐得唔夠太舒服，因為冇挨住位 嘅梳化 ，老實講揸住 雪糕太長時間 好容易 融化 ，如果坐得唔舒服真係有點兒可惜。

呢間雪糕舖一直都好想試，但係唔知點解一直都冇入到去，今日終於都有時間，就去試吓啦！佢都算幾多選擇，連雪花都有四五款，值得一讚。今次我哋總共叫咗兩杯，一杯係榴槤同Tiramisu，另一杯係榛子同開心果。榴槤味好濃，職員一打開個蓋就已經聞到好濃嘅榴槤味！不過個人覺得同雪葩唔算好夾，如果佢係榴槤雪糕嘅話應該會更加好食。而Tiramisu都幾香，酒味都幾濃，鍾意食Tiramisu嘅人應該會幾鍾意～榛子同開心果兩個都好香！一食落去就知道佢就落足果仁！個人覺得榛子味道比開心果味道濃烈，開心果味奶味比較重，略嫌有少少蓋過咗開心果味，反而榛子味就真係好出，淡淡都深受榛子嘅香氣。另外食佢哋嘅雪糕一定要加錢top up果仁脆脆cone！因為佢哋嘅果仁脆脆係即整，好有誠意！ ！

入到東湧嘅東薈城 ，食完午飯 ，點會唔想食杯雪糕呀， 剛才食完『水煮魚』，辣到個口好厲害， 一定要搵啲凍嘅嘢止下辣先至得。 通常我都會食四球，因為 感覺上會平啲， 順便都買啲唔同種類嘅朱古力返去食。 今日揀咗四球兩款雪糕， 榴槤同埋開心果( 其實我每次入東涌 都多數食四球，其中都多數會包括這兩種因為好好食)。 唔係好多地方有開心果雪糕，有都會覺得啲味道好假，呢度就覺得啱啱好。 這個榴槤就覺得真係好唔錯因為 無論食落去或者聞香都好似真實嘅榴槤咁樣。

成日見咁多人排隊心郁郁想試，揀咗3隻味嘅cone，由上而下分別係榛子、開心果同榴槤。雪糕質感雖然滑，但同時偏稀偏甜，個cone就正常幾脆，但整體感覺無論味道定服務都匹配唔到個價錢，試一次就夠了👅3 flavours $73

✨榴槤味雪糕$59兩個口味我都選榴槤味💛💛哇!!!估唔到呢間啲榴槤比想像的濃郁好多😳食落個雪糕好真材實料 好多榴槤蓉，好似食緊creamy嘅榴槤肉咁😚😋所以質地唔係順滑細膩～食完後，我嘅榴槤口氣都維持咗幾個鐘先識散😂.呢度真係好多大陸客人（唔係歧視），食完啲雪糕盒就周圍擺 普普通通食杯雪糕都可以食到成枱都係，搞到勁污糟…同埋係都要迫埋嚟坐，反感到極致🙄🙄寧願唔堂食😵。不過職員嘅服務態度幾好，有種親和力嘅(>^ω^<)

超好口感的雪糕，無論是cone 或杯裝，同其他雪糕唔同，最好食是開心果味，希望下次回購。軟雪糕令人回味。而朱古力味分三種，我只試了朱古力碎片味，希望下次可以試下其他口味。

諗住行街行吓東薈城發現依有一間Venchi之前有參加佢哋個活動，同埋買到啲cash coupon 發現仲有兩張$100 cash coupon同埋都就嚟到期啦，都唔理依排新年食咗好多嘢唔夠quota嘅情況下同屋企人嗌咗兩杯Mini嘅雪糕Mini size $59 可以揀兩隻味，又可以揀甜筒定係杯！即係我一共叫咗4隻味啊👍🏻👍🏻👍🏻👍🏻我最推介嘅係卡布奇諾，佢有濃郁嘅咖啡味但又唔會太濃亦都唔會太甜，好易入口對於一啲本身唔飲咖啡嘅人嚟講呢個亦都係一個唔錯嘅選擇！👍🏻👍🏻👍🏻其次我都好鍾意我揀咗嘅開心果味，本身就好鍾意食開心果嘅我見到開心果味第一時間就即刻揀咗啦！雖然佢唔開心嗰粒，但係佢個味道係好濃郁嘅！如果有埋開心果粒就更加好啦！👍🏻👍🏻最後我揀咗兩隻味分別係榛子味同埋朱古力碎片，個人認為呢兩隻味都偏甜總括而言啦，睇嘅雪糕好香好滑，唔會太凍！下次經過嘅話，一定要再食過！而且舖頭入邊有座位同埋好靚嘅雪糕吊飾可以打卡，只係我掛住食，淨係影咗一張相咋！

東涌的venchi 已經開左一段日子,  有時經過都見好多人排隊食雪糕今日突然想食雪糕，就入去排埋一份入去的時候大約12點半，見倒雪糕已經賣剩三隻味，分別係開心果，榛子，同巧克力脆片味我揀左迷你裝galeto, 揀左開心果同榛子味其他牌子比較小見開心果味，一試的時候發覺開心果味好香，值得一試！而榛子味都唔錯，但就冇開心果味咁突出總括而言，我會推介大家試開心果味的雪糕！

揀左3球雪糕 , 人一次點都要 放肆一下 點都要試多 d 味 ➡️3個味道 的確係貴 但都值得食 點都要試下 👍有好多 有特色既味 選擇 夏日 , 去食就更加正👀👀 又吾會太甜，甜度適中 !!

同朋友血拼喺東涌東薈城outlet期間，突然見到呢間舖頭好多人排隊買雪糕，朋友就忽發奇想都話想試吓 成日經過呢一間venchi，但係都未正式試過今日就決定試吓貪心嘅我哋最後叫咗三隻唔同嘅口味，最值得推介嘅係佢嘅開心果味 口感同味道都非常特別，食得出開心果濃郁嘅香味，味道亦都有別於其他雪糕，食到有少少鹹，但係又甜嘅配搭，口感非常細滑，絕對配得上呢個價錢 而家舖頭仲加設左外賣拎返屋企食嘅服務，下次有機會都買1000g返屋企慢慢嘆

今日行下街突然好想雪糕 所以買咗兩杯迷你食 都好多選擇揀 最後揀咗.... 特濃黑朱古力 同 意大利雪榚加橙皮橙皮都幾多下 幾香 鐘意食黑朱古力可以一試 幾濃朱古力味榴槤雪糕真。誇張 係店鋪有人食都聞到 柑橘味 好特別 好開胃個人好鐘意 正

係東涌東薈城新開左間Venchi😍😍有數張座位比人係到食👍🏻除左售賣朱古力，仲有雪糕area～味道唔係日日都一樣，如果真係有特別想食嘅味道最好打過去問下先。我最鍾意食佢地嘅開心果味，好香濃嘅開心果味，唔假/藥水味，亦都唔會好甜，有少甜味會更好😂強烈建議Venchi將開心果味列為必有味道🥹唔洗成日等到星期六日/紅日先有機會有…… 平時都會食筒，但一時脆一時林少少，質素可以再穩定d～另外可以買一盒裝，有唔同size揀～

咁啱入嚟東涌，行行吓有啲攰就去咗Venchi坐低食雪糕😆🍦依間入面算比較多位置，有幾張枱仔，比起中環嗰間座位比較多。今次揀咗large 可以揀四款口味，揀咗兩款新口味：綠茶🍵、yogurt。綠茶味唔夠重，唔係咁好食🥲反而Yogurt味幾正，係超香，食落口感好滑，其實yogurt味都算穩陣，好少會出事😂另外仲揀咗榛子碎朱古力，呢隻味好正啊！！！榛子碎都算少少大粒😋最後仲揀咗tiramisu😋呢隻味都好多人揀！

人就係犯賤，食完晏幾飽都想食甜品。經過venchi，見到佢啲雪糕好似好軟滑好好食，就同朋友一齊叫過個$78 共享裝有200g可以揀4款口味～叫杯裝易啲share分別叫咗香草、開心果、tiramisu同埋榛子碎巧克力，Venchi 主打係賣朱古力，梗係要留個位比朱古力！榛子碎巧克力食落完全唔似朱古力同榛子味，反而覺得係好濃偏苦嘅咖啡味，連同碎朱古力都係偏苦⋯tiramisu 同香草就正常發揮，香草雪糕入面混有雲呢拿籽感覺真材實料。最出色係開心果味，平時食開心果嘅半製成品通常冇開心果味或者好淡，呢個食得出好明顯嘅開心果味所有雪糕都係好軟滑唔係冰感雪糕