影片
港鐵奧運站 B 出口, 步行約6分鐘
繼續閱讀
營業時間
星期一至日
11:30 - 22:00
公眾假期
11:30 - 22:00
公眾假期前夕
11:30 - 22:00
以上資料只供參考, 請與餐廳確認詳情
新年前去大角咀探朋友， 巧遇Villa Villa 嘅分店, 因為之前在北角分店食過都覺得不錯,於是便入去試一試店內裝修很簡潔，燈光柔和，給人很舒服既感覺❤好多都好想試 上次再分店試了黃金炒薯條，非常回味可惜今日喉嚨有點痛想食啲清淡小小的 餐前送的意式蕃茄湯, 蕃茄味濃郁， 熱辣辣嘅香草包很柔軟 鵝肝多士$58, 賣相非常吸引，多士上既鵝肝份量十足，而且煎到熟度啱啱好，很香口 北海道帆立貝意大利飯$178最鍾意食帶子嘅我一定唔會錯過呢一度菜，帶子煎得夠香，不會過熟，入口鮮嫩，配上充滿香濃黑松露既意大利飯一齊食，配搭非常美味 大阪燒薄餅$138店員呈上呢個薄餅時，我很驚喜因為成個部分都充滿我鍾意食嘅木魚絲，內藏有好多八爪魚， 薄餅底是用墨魚汁做的，所以是黑色，很香脆，不會令人感覺咁油膩係咁舒服既環境下，可以同朋友享受美食及談心好開心
繼續閱讀
朋友約食飯，大角咀多左唔少新西餐廳，而villa 一直都好受歡迎，就決定食呢間。平日不是太多人，坐得都幾舒服。呢排興食咸蛋香口嘢，我地都點左黃金薯條。 咸咸地，又香口，新鮮炸出黎好好味Parma ham pizza, 底薄脆，佈滿火箭菜，芝士同每塊pizza 都有一大塊ham, 好足料！ (其實想食雙重芝士pizza, 但驚太濟。)飲品最近做買一送一優惠，推玫瑰花冰茶，不太甜，有玫瑰香。朋友都推薦飲乳酸，下次試下先。
繼續閱讀
以前係大角咀返工，已經覺得呢頭好多好味既餐廳。事隔左幾年之後今日再重遊舊地，以前喜歡食既餐廳已經唔係淨返好多係到，但係又開左好多新既餐廳!今晚就諗住試下呢間西餐廳!我同朋友大概6點幾去到，餐廳當時並唔係太多人，7點半左右已經full哂!餐廳燈光光猛，以4人枱為主，如有兩個人入黎食飯就會分開做兩張二人枱。同朋友睇過餐牌後，發現都有幾多野想食，最後決定點兩個小食、一個pizza同埋一個意粉!飽到傻，因為冇諗過每碟份量都幾多!餐廳仲做緊飲品買一送一的優惠呢!餐湯及麵包，我們點餐的時候冇為意，應該叫主食就會有餐湯及麵包附送。餐湯為雜菜湯。唔算好酸，湯入面有好多菜!麵包很軟熟，有淡淡的香草味!黃金炒薯條($68)，呢個薯條每條都有咸蛋黃痴住，薯條炸得剛剛好，軟硬剛剛好!薯條是粗身的，所以口感很好，而且份量好多。我同朋友就算食到最後好飽都繼續無停口咁食!溫泉蛋牛油果煙三文魚他他($98)，賣相幾靚，面層有流心的溫泉蛋，第二層位牛油果片，最底層就係煙三文魚他他。平時食開的他他通常都係三文魚刺身或吞拿魚刺身，而這裡用上了煙三文魚，煙三文魚有少少咸，但配上牛油果及溫泉蛋一齊食味道便剛剛好!挪威煙三文魚蘑菇寬條麵($108)，睇落以為唔係好大碟，但其實都幾多!煙三文魚同蘑菇切成碎，寬條麵掛滿忌廉汁，一起食口感很豐富，而且這個忌廉汁唔算好漏!雙重芝士脆薄餅($108)，再+$30加配了辣肉腸，由於製作需時，Pizza最後先黎到，薄餅皮以墨汁製成，一個薄餅共有8塊，薄餅剛剛黎到的時候餅皮唔係好脆，但食第二塊果陣就覺得自己好似食緊餅乾咁!由於係雙重芝士pizza，芝士很多，仲可以拉絲呢!配埋辣肉腸更加惹味!荔枝冰紅茶($28)，有淡淡的荔枝味，唔算好甜!天然玫瑰花冰紅茶($28)，茶面有玫瑰花瓣，飲落去有淡淡的玫瑰花味，唔會話好濃亦唔會好甜!總括黎講，餐廳雖然唔係係旺區，但係都好多住附近的人食。服務員有禮，食物價錢又唔算好貴，食物份量大。下次如果再黎的話我唔會再叫咁多野啦，食唔哂唔係太好!
繼續閱讀
呢間餐廳最近喺街坊group入面被提及多次，見到價錢唔貴就去試下。飲品選擇唔少，晚飯時段仲買一送一，我地叫左玫瑰花冰紅茶同埋荔枝冰紅茶。玫瑰花味／荔枝味同茶味都好突出，冇話邊樣蓋過邊樣，甜度同冰度亦都岩岩好，真係幾有驚喜。鮮蝦扁意粉配羅勒蒜香微辣番茄汁一上檯時覺得份量好少，但一夾起原來都足夠分開兩份，扁意粉每條都掛汁，醬汁食得出蒜味、番茄味、羅勒味同辣味，好惹味，蝦亦都爽口，三扒兩撥好快清碟。意粉亦都有配餐湯同麵包，麵包係foccacia香草包，湯係羅宋湯，有西芹粒、甘筍粒、洋蔥粒等等。番茄水牛芝士薄餅呢度所有pizza都係用墨汁底，餐牌介紹話加入墨汁發酵產生化學作用，令口感更香脆，批底係比一般嘅薄批鬆脆，即使凍左都完全唔韌。芝士睇得出有兩款，白色嘅係水牛芝士，淡黃色嘅應該係mozzarella，芝士層非常之厚，都幾飽肚，好彩有番茄醬同車厘茄中和返，兩個人先岩岩好食得哂。我建議三個人share一個pizza，再加其他野食。黃金炒薯條喺黃金炒薯條同椒鹽薯條之間揀左前者，因為佢多左個廚師推介icon，哈哈 果然係好好味，每一條薯條都炸得外脆內軟，蛋黃味好香，有少少咸又有好輕微嘅甜，令人上癮嘅程度比咸蛋魚皮更甚！我會單單為左呢個而再黎。兩人埋單大約$350，價錢好相宜，亦都飽到甜品都食唔落了，下次先再試呢度嘅心太軟同埋蘋果金寶吧啦。呢度服務亦都好好，侍應們都係後生仔女，快手快腳，好醒目。
繼續閱讀
今日同男朋友去整電話，行經大角咀，就比呢間餐廳吸引左，就拉左男朋友入去食la.一坐低，就見到menu既黃金炒薯條。好邪惡既食物呀！！！我地都好肚餓，就叫左雙重芝士pizza, 半隻燒春雞，意大利青瓜青醬意粉，黃金炒薯條同一杯1664。因為叫左2個主菜，所以都會有2個雜菜湯同2個餐包送。個雜菜湯好足料雙重芝士pizza係手工製，墨魚汁底，上面有兩種芝士，多到可以拉絲。黃金炒薯條好香鹹蛋味，青醬意粉都好高質。成餐飯勁飽勁滿足呀
繼續閱讀