影片
以上資料只供參考, 請與餐廳確認詳情
相關文章
屋苑group有街坊介紹人寵共樂的餐廳，早早就想過來探個究竟。這天天公不做美，只好掉下狗狗兩口子先來探路。前身的聯和墟街市翻新後，變成粉嶺版的小型中環街市，集本地商販cafe餐廳。外圍有寵物空間進食，又有戶外公眾場地可以休憩。本身對CAFÉ 的出品沒有期待，但這裡的蟹肉扁意粉卻有意外驚喜。意粉的賣相吸引，蟹肉的份量十分豐富，幾乎每一啖的意粉都能品嚐到蟹肉。醬汁或者有上湯燴煮過，加上菇菌作配搭，令整體味道更為豐富。當中，炸脆的羽衣甘藍香口之餘，帶有少量鹽花的製作方法及出品，有點像厚身的紫菜，它的美味程度實在讓我對羽衣甘藍完全改觀。週末午餐包一份主菜及一般飲品，又可以加購湯。僅為$5的粟米湯非常高質，是可以看得出來的足料。菜單有標榜食材來自蔬菜統營處，支持香港出品之餘亦是信心保證。焗豬排飯比意粉更出色，無論蕃茄或茄汁也是自然的甜，飯粒分明而醬汁又不會過多，夏日食感覺清爽。由於用鐵鍋可以保留到豬排肉汁，飯粒又不會焦，食到一半仍然熱辣辣。好味同時有菜有肉，營養平衡。炒飯底飯粒乾爽同茄汁絕配，上面的車打芝士好濃味，芝味十足。豬排好像有十片還要不是冷凍貨色，輕輕醃過保留豬的鮮味，男朋友大讚。香蕉雪糕窩夫比預期中出色，香蕉表層配上焦糖薄脆，又甜又可口。窩夫賣相精美，但個人認為麵粉夾層比較厚實，加上牛油製作，食一半過後已經有飽滯感。然後，芒果雪糕卻是非常出色，香滑之餘，亦有豐富的果肉。難得凍cappuccino咖啡也做得底蘊濃厚，加上少有的奶泡作頂層的點綴，品嚐得到的香滑之餘，也沒有過份的甜，的確是一杯好啡。Mocha相對上咖啡味沒那麼突出，然而可可味濃厚，非常容易入口。菠蘿雪葩是我在日本餐廳吃過的，日本進口貨非常高質，雪葩綿滑無纖維感，卻又有如飲純果汁的味道。狗狗有自己的menu，全是新鮮蔬果及健康肉類濕食。等天氣轉好，一定要帶狗狗來食飯。
繼續閱讀
Wake up bistro📍粉嶺聯和道51號聯和趁墟地下1號舖。行過聯和墟，見到舊街市活化重建，好似好多野行，就入去行下，見到入面有呢間cafe，就試下啦。是日例湯(蕃茄甘筍湯)呢碗蕃茄甘筍湯好靚啊！啲蕃茄煮得好濃郁，有啲酸甜嘅味道，啲甘筍又好腍身，入口即化。湯底濃稠滑口，令人食得好舒服。真係好暖胃，正啊！🍅烤美國安格斯肉眼牛扒💰253七成熟嘅程度岩岩好，個肉色粉紅，保持住最好嘅口感同鮮味。外面嘅烤皮煎得金黃香脆，加強咗牛扒嘅層次感同口感。值得一提嘅係紫薯薯仔炸條，茄子四季豆 ，呢啲伴菜都好好味🤤🥩水牛芝士沙樂辣肉腸薄餅💰135餅底薄脆香口，烤得恰到好處。上面撒滿咗豐富嘅水牛芝士，入口即化，香味四溢。辣肉腸切片，夠辣夠味，肉質鮮嫩，口感彈牙。食落去，辣肉腸同芝士嘅組合完美契合，一種辣味同奶香嘅對比，咀嚼之間帶嚟嘅層次感十分豐富。🍕菠蘿雪芭💰68菠蘿雪芭真係太好味啦！雪芭口感好滑順，入口即化。每一口都有新鮮菠蘿嘅香甜味道，雪芭嘅質地好細滑，唔會過甜，恰到好處。而且菠蘿嘅酸甜味同雪芭嘅清涼感結合得好好。食完之後，口感涼爽，係好好味嘅甜品。🍍凍朱古力牛奶🥛💰10呢杯凍朱古力牛奶朱古力味濃郁，牛奶滑順，口感十分豐富。喝落去，朱古力嘅甜味同牛奶嘅濃香完美融合。熱奶茶☕️呢杯熱奶茶口感濃厚，茶香同牛奶嘅結合好和諧，喝落去令人感到溫暖。奶茶唔會太甜，味道剛剛好，適合喜歡濃郁茶香同奶香嘅人。Ps.Cafe入面仲有本地時令蔬菜的產品、皇牌焗豬扒飯、咖啡、all day breakfast、意粉、和牛漢堡，採用本地新鮮豬肉而部分本地時令蔬菜來自蔬菜統營處🥙OUTDOOR 更加歡迎狗狗進食，有狗狗餐提供🐶香港好去處#粉嶺好去處#聯和墟#Cafe#牛扒#pizza#本地時令蔬菜的產品#outdoor#狗狗friendly#香港美食#舊街市重建#相機食先 #打卡#香港必食#美食推薦#香港#hkfoodie#fanling#hkfoodie#
繼續閱讀
聯和墟活化街市 保留舊有建築特色 融入現代元素，裏面有餐廳有咖啡室 有唔同手工藝品唔再係以前嘅魚檔 係有feel嘅Cafe低溫雞胸紫薯蘋果沙律清甜紅蘋果青蘋果 紫薯切粒配上紫色沙律醬清新酸甜味 健康雞胸肉 如果想健康啲可以同店員講少醬
吉列黑豚豬扒定食吉列炸得幾好 細嫩肉質和豐富的油脂隨口啖啖肉 木盤上菜整得幾靚烤吻魚柳配黑米燴飯魚肉夠滑，油脂豐富 忌廉蒜香味嘅黑糯米飯有啲似意大利飯 濕潤燴飯 成碟睇上去黑白雙殺香蕉班戟結合了香蕉、果仁碎和楓糖漿 香蕉表面燒焦糖一層有啲似熱香餅 作為輕食嘅甜品埋尾最好
繼續閱讀
一早同朋友行完山，出返嚟舊區搵嘢食，竟然發現以前聯和墟舊街市竟然活化咗！見到好多人排隊等呢間餐廳，一於試吓啦😋是日餐湯+$5只要選擇假日午市套餐，加$5就有餐湯。今日係粟米濃湯，啖啖粟米蓉😋All day breakfast $96炒蛋嫩滑、芝士烤大磨菇味道香濃、沙律菜配黎麥好清新，中間仲有杯鮮果乳酪，大滿足☺️燒澳洲安格斯肉眼扒$138肉眼扒燒到外脆內嫩，咬落去充滿肉汁，配埋燒汁好惹味👍配菜仲有炸雙色炸薯條，脆卜卜好可口。加外再加配凍鮮奶咖啡、巨峰梳打☺️行完山飲凍冰冰一流😝夏威夷風情薄餅$145因為見到其他人叫pizza食，心思思又叫多份🤣🤣餅底非常脆口、一啲都唔韌，菠蘿同芝士蕃茄醬配搭得非常夾，酸酸甜甜好開胃👍飯完好飽，非常滿足😌俾大家睇吓其他餐牌做吓參考啦😊
繼續閱讀
平民大眾，價錢相宜。粉嶺終於有出色既西餐了😆蕃茄忌廉湯要加$5 ，裏面係粒粒蕃茄，每一啖都有。濃蕃茄味，少少酸酸酸酸地，好開胃。牛扒五成，煎得好好食，肉質軟腍腍，唔係落咗鬆肉粉嗰啲牛扒。 伴碟仲有紫薯薯仔炸條，茄子四季豆。 啲伴菜都咁好食！蒜香蟹肉意粉，蟹肉味同蒜蓉味balance 得好好，兩者唔會互搶風頭。午餐加$40就有個菠蘿雪葩，好fresh 好濃菠蘿味，外型仲用左半舊菠蘿 打卡正😆 口感清爽，冇冰粒，冇冰沙，入口即溶。因為菠蘿太好食，所以我哋嗌多個椰子味，你滋味係另外一個感受，雪糕cream，好滑，裏面有粒粒椰蓉。焦糖香蕉朱古力窩夫雪糕，估唔到會有開心果碎係窩夫上面，窩夫好鬆軟，加埋朱古力醬同開心果粒好香。雪糕係熱情果味，比雪葩嘅口感厚實少少，又係一個好fresh嘅味道。
繼續閱讀