影片
港鐵葵芳站 D 出口, 步行約11分鐘
繼續閱讀
營業時間
星期一至日
12:00 - 21:30
以上資料只供參考, 請與餐廳確認詳情
呢間係一間屋村小店 外面睇嚟好fancy 其實我都係因為佢嘅店員係咁落力派傳單 所以先諗住試吓😂 舖頭食物嘅包裝都幾有特色 係用一個罐頭咁嘅形式裝住啲飯 食嘅時候都有留意吓究竟係點樣包裝嘅 但係我就研究唔到啦🙊我哋嗌左個優惠餐包括左兩個飯同埋一款雞翼 就咁睇個店名都知道呢度出名食雞翼啦 真係有好多款雞翼揀㗎 太過花多眼亂 我哋都係求其揀咗樣應該好食嘅🐥 丼方面 我地嗌左和風牛肉飯同埋薑燒豚肉飯 味道都唔錯嘅 不過因為包裝係一個罐頭咁嘅形式 完全密封嘅 所以令我哋短短30秒內個飯已經有好多倒汗水 個人就唔係太鍾意喇 同埋飯嘅份量都幾多 不過個汁就少咗啲 食到中段已經有啲乾🥺雞翼方面我哋嗌左鹹蛋黃雞翼 有四隻嘅 所以呢個餐都幾抵 不過鹹蛋黃咁濃味都好啦 我都食到雞翼嘅雪藏味好嚴重 雖然都明白肯定係用雪藏雞翼 但係雪味咁重 都冇乜點辟味 所以都有啲失望🙍🏻♂️今次食冇試埋佢嘅飲品 希望我下次再嚟嘅時候食物質素會有進步 同埋可以試吓門口介紹嘅綠茶系列啦
繼續閱讀
[ #caloriefoodie葵芳]• 𝚆𝚒𝚗𝚐 𝚆𝚒𝚗𝚐 哋 •🐿-雞翼優惠套餐 💰$99套餐可以仼選三款雞翼 仲會配埋一份炸薯條🍟雞翼每款四隻 一共有八款口味可以揀散叫一份雞翼要💰$32 呢個套餐既性價比都幾高味道揀咗鹹蛋黃、焦糖威士忌、蒜蓉牛油٩(˃̶͈̀௰˂̶͈́)و-🥇🍳鹹蛋黃雞翼鹹蛋黃味既副產品一向惹味 呢款都唔例外外皮香脆 帶點咸香味 有小小流沙既感覺-🥈🥃焦糖威士忌一種烈酒加上甜溜溜既焦糖味 係幾得意既配搭酒味唔算太重 但甜既雞翼始終覺得有啲怪怪地-🥉🧄蒜蓉牛油味道三款入面最普通既 蒜蓉味同牛油味係分開既原本以為會好似越南既蒜蓉牛油雞翼結果味道都幾失望 一啲都唔入味ಥ_ಥ-🥫🐂和風牛肉飯 💰$48見佢造型概念咁得意 用個罐頭裝住啲飯真係要開罐頭先可以食到 咁就貪得意試一下點知完全中大伏 成個牛肉飯竟然乾爭爭無汁牛肉同洋蔥既味道偏淡偏乾 無肉汁無洋蔥汁白飯既份量好多 但有一半份量以上都係要乾哽睇黎都係食番雞翼會安全小小( ･᷄ὢ･᷅ )-🧋芝士奶蓋炭焙烏龍 𝚂𝙴𝚃 +💰$15買以上食物 可以用減💰$10優惠加購飲品味道正正常常普普通通 茶味一般 芝士味都一般-📍葵芳興芳路177號葵芳廣場地下14號舖-#caloriefoodie
繼續閱讀
兩位同事一齊開夜再次encore Wingwing哋，繼上次嘅柚子雞翼美味回憶，今次就share三款雞翼味😋👏麥芽糖叉燒丼飯 $58推介:⭐️⭐️⭐️⭐️⭐️數件焦香甜叉燒加隻荷包蛋，西蘭花椰菜絲做配菜，飯量十分滿意，足夠佔滿半個下半的罐頭裝盛，三個女士Share兩個飯都應該飽肚👍朝鮮牛肉丼飯 $58推介:⭐️⭐️⭐️⭐️同樣有隻荷包蛋加牛肉片及幾款韓式配料，賣相雖不如Menu一樣整齊，但份量同材料都好有誠意，味道既複雜又開胃👍蒜蓉牛油雞翼 $34韓式辣醬雞翼 $34焦糖威士忌雞翼 $34推介:⭐️⭐️⭐️⭐️⭐️款款雞翼$34，3款都有其特式，蒜蓉牛油由頭香到尾👏韓式辣醬放滿泡菜，汁醬沾滿每隻雞翼👏焦糖威士忌最有驚喜，酒香飄散，甜度是小編的大愛👏藍月亮 & 紅白藍 $30 each兩款自家調配的打卡飲品，碟豆花做主材料，前者較為酸甜，後者紅豆冰做base，混合碟豆花味幾有新意，提提大家打完咭記得拌勻，讓味道平衡分散。整體絕對是葵青區外賣必飽的好選擇，雞翼亦係每次必叫的wish order😋👏👅美味: 8️⃣ 😮驚喜: 9️⃣✨環境: 8️⃣ 💆♂️服務: 9️⃣💡性價: 8️⃣ 🐽飽肚: 🔟💫回頭: 8️⃣ 👍推薦: 9️⃣
繼續閱讀
雖然葵廣有好多好嘢食，但成日都食都有啲悶悶哋，所以就上openrice睇下仲有邊度有咩好嘢食 俾我發現咗呢間新新地嘅舖頭，裝修睇落都幾靚咁，所以就膽粗粗去試下。去到發現啲雞翼有好多款， 全部都好抵食咁另外仲有啲主食，係用罐頭黎裝好有趣。40幾50蚊一大個飯，叫咗個泡菜炒飯，好足料，兩個人食都好夠，超級抵啲茶飲都好好飲港式絲襪奶茶真係好好飲平時我就唔係好鍾意啲太甜嘅台式奶茶，呢度嘅絲襪奶茶真係好啱我胃口仲可以加仙草 仲有其他手搖，遲啲會再過黎試下。
繼續閱讀
之前有同事試過呢間，但聽到佢哋對呢間嘢食嘅評語好壞參半，都有少少奇怪，今日試完，我諗有少少明點解佢哋一尐話好食，一尐話唔好食，原因係佢尐飯、餸本身無乜味好淡。先講個泡菜豬肉炒飯，我食之前已經有撈勻先食，但食落去都覺得無乜味，但就咁食泡菜又好夠味，而如果有齊泡菜、豬肉同飯一齊食，咁就完全無問題，而佢尐豬肉係薄切好似肥牛咁，都算好食。呢個係下午茶餐主食，佢寫住「迷你」但一尐都唔迷你，我埋單忍唔住問佢咁正常份量會有幾大兜，佢竟然答我其實都差唔多😂鹽酥雞係買下午茶餐加配，$15有成十幾粒，真係幾抵食。雞肉佢炸得都好鮮嫩多汁，不過又係開頭食落去唔覺有味、好淡，要點埋尐喺盒入面嘅椒鹽粉嚟食，咁就覺得幾好喇！
繼續閱讀