Wingman (船街) (已結業)

這裏平時很多外國人來這裏happy hour，最配合啤酒的當然是煎炸食物，而這裏就是已多款口味的雞翅作招徠的。這裏口味眾多，乾身、濕身、甚至比較新奇的雞翅雞煲也有，顧客可以選擇單點或者適合大胃王的兩小時All you can drink & eat wings 任吃任喝套餐。他們用來沾雞翅的醬汁也有很多選擇，將花生醬芝士醬等等⋯配合十多款雞翼可以發化出數百可能性～另外也點了他們的雞肉漢堡，有原味和香辣口味，麵包軟熟、雞肉香脆、和青瓜絲、沙律醬、紫洋蔥非常配合，而且他們還有個叫做Crunch time promotion, Hkd78 買一送一呢。個人最喜歡他的巴馬臣芝士和吉列咖喱口味，前者口味濃郁，後者吉列雞翅的做法挺新鮮我吃起來有點像吉列豬排。而另外他新推出的漢堡包味道調校得很好，炸雞香脆而青瓜等等配菜增添清新感從而中和了它的熱氣。喜歡吃雞翼和炸雞的人也可以來這裏happy bour 呢

Wingman雖然鋪面較細，但樓底高，裝修亦幾有feel，啱晒收工同朋友黎飲番杯chill下，食下雞翼放題！我哋驚食唔落太多雞翼，所以就選擇咗單點三款我哋最想食嘅味道～雞翼嘅口味主要分做「乾身」同埋「濕身」，姐係只係有醬同冇醬嘅分別。不過，重點係每隻雞翼都好大隻，食肉獸一定好滿足！ 咖啡香味雞翼 - 乾身（ $69: 6隻) 咖啡味嘅雞翼真係比較少見，所以就決定試吓～ 外皮烤得好脆，聞落去亦都幾香咖啡味。最令人驚艷嘅係，雖然呢款係乾身嘅雞翼，但一咬落去仲有好多肉汁，完全唔會乾過龍！而且，佢話會用「Fair trade」咖啡，咁都值得鼓勵嘅水牛城醬雞翼 - 濕身（ $69: 6隻)水牛城雞翼都可以講係雞翼界嘅經典角色，所以都要試一試佢。濕身雞翼本身都有醬，再配埋勁多雞翼肉汁，真係好正！不過，個人覺得呢度嘅水牛城雞翼比坊間偏辣少少，但就更加惹味，所以要自己衡量下「耐辣度」喇～
P.S. Menu上仲有一款「Spicy Buffalo」口味，聽聞係餐廳推薦嘅特別版本，不過我哋怕太辣所以冇試。黑芝麻海鮮蜂蜜雞翼 - 濕身（ $69: 6隻)
雞翼表面差唔多灑滿黑芝麻，好重手！醬汁因為係海鮮醬

熟悉我嘅人都知，我係典型雞翼迷😍食幾多隻雞翼都 🆗所以之前就去左wingman食特色雞翼～餐廳非常多人，初初都怕無位，但原來是有2層的，樓上位置也頗闊落，而且職員知道樓上有食客，會不時走上來看看有無需要幫忙👍🏼除左3款價錢（$138、$198、$268）嘅雞翼放題之外，仲有做到6月13號嘅買一送一crunch time burger，真係可以再去食下burger～一看到雞翼來已食指大動！😍😋非常吸引的雞翼，而且每款都係炸過的香脆外皮，配上鮮嫩多汁雞肉。吃過這麼多款，還是最喜歡這三款：🌟最喜歡日本蜂蜜芥辣味，蜜糖脆片面配芝麻同wasabi好match，甜甜香香的口感好好，記得要將wasabi搽滿雞翼一齊食～🌟巴馬臣芝士蒜蓉味鋪滿面全是芝士同蒜蓉，好夠蒜香味，一定要連上面白色調味料一齊食。🌟紐奧良香粉頗特別的，惹味的調味加上酸酸的檸檬汁，帶來多重層次感。怕只吃雞翼太單一的話，也可以點一下其他小食，不過個人覺得還是雞翼最最最出色😋是次紀錄：15隻。下次再來挑戰！如果同多d fd來，可以試多d味tim😍

上網見到哩間餐廳做緊漢堡買一送一既優惠，所以就專登過黎試下。餐廳有上下兩層，仲可以坐出面，環境唔錯。而餐牌上面既雞翼有好多款式可以選擇，仲有好多出面無既味道，今次就揀左啲冇試過既味道同埋叫左有買一送一優惠（6月6號去到6月13號）既Crunch Time漢堡試下。🐔雞翼有分乾身同埋濕身：🎈巴馬臣芝士蒜蓉味 $69（6pcs）哩款係乾身既雞翼，簡單啲黎講即係無醬料，但係上面有好多巴馬臣芝士同埋蒜蓉，所以食落有芝士同蒜香味，味道唔算好濃。🎈黑芝麻海鮮蜂蜜 $69（6pcs）哩款係濕身既雞翼，雞翼上面均勻蘸上海鮮蜂蜜醬，上面灑上黑芝麻，味道較濃，食落有芝麻香同蜂蜜既甜味，雞翼肉質嫩滑。🎈新加坡辣蟹味🌶️🌶️ $69（6pcs）哩款都係濕身既雞翼，雞翼上面灑上炸生蒜，食落口個味道真係好似食緊避風塘炒蟹咁😂哩款都真係幾辣幾惹味，啱晒鍾意食辣既人。🍔Thunderbird $78🍔Nashville $78(free）兩款漢堡入面都係炸雞扒，分別在於辣同唔辣以及配料既唔一樣。Thunderbird既雞肉係唔辣既，裏面有青瓜、生菜同埋凱撒醬，味道酸酸甜甜；而Nashville既雞肉係辣既，裏面有韓式捲心

近期因為offer launch 得好吸引，所以一個星期去左兩次有 Buy 1 get 1 free burger & All You Can Drink & Eat Wings Buffet 既 offer 同閨蜜飲飽食醉，第一次到訪就咁多offer。呢個第一次同閨蜜到訪食左個Espresso 雞翼，有咖啡香味既雞翼好特別，而且當晚都冇失眠😂 仲有食左個Crunch time 中既Burger. 但係我好快第二次去既原因就係因為個青檸牛油果同埋個Honey Wasabi/Mongolian Wings, 個honey 同Wasabi 既combination 就似exactly 食返西式honey mustard, and that's my fave. 而Mongolian Sichuan果個就酸麻辣既，雖然兩次點既雞翼都係乾身，並非實實在有汁就juicy，但係勝在夠脆兼唔漏。同埋fries 黎講，我覺得甜蕃薯fries 係比第一次classic d fries 好食d.

雞翼都有放題，究竟你可以食幾多隻？慕名而來呢一間Wingman雞翼餐廳，美國風格，雞翼皮薄肉多，感覺上冇咁油膩👍🏻All you can eat & All you can drink🤩真係不得了！雞翼放題有3款、10款同埋17款口味可以試，價錢分別由$128-$268不等😚加多$60就可以beer & wine任飲👍🏻另一個超值推介，依家漢堡包$78買一送一，大個又抵食，雞肉香脆Juice漢堡包鬆軟👍🏻真材實料！(優惠期至13/6)今日晏晝簡單啲叫lunch set，試吓佢哋雞翼同埋漢堡包，兩個雞翼set分別點左日本蜂蜜芥末雞翼、日式吉列雞翼、水牛城雞翼、自製鹹蛋黃雞翼，好欣賞鹹蛋黃唔係一粒粒而係一片片薄片，鹹蛋味都幾重😁日式吉列雞翼有驚喜，冇諗過雞翼可以咁脆，好似食緊吉列咖喱一樣！仲有呢一款日本蜂蜜芥末，好好味唔太甜，可以一試👍🏻

星期日夜晚嚟咗幫襯灣仔嘅「Wingman」，估唔到地點唔算太就腳，但仍然全場爆滿👏，相當厲害。樓面店員唔多，我哋食幾耐，就見佢哋忙足幾耐，都有啲戥佢辛苦🙈。餐廳有兩層，不過樓層面積唔大，座位有限。儘管如此，佢無為咗坐多啲客而令餐枱變逼夾，枱與枱之間留咗適當嘅通道位，亦放上隔板👍。但我就略嫌冷氣唔夠強勁，食食吓有啲熱。講返食物先，未睇餐牌前已經先俾佢枱面張餐紙吸引😍。紙上面嘅相片全部都係雞翼，係各款唔同口味嘅雞翼模樣。睇見啲相令人食指大動！餐廳有做雞翼放題🍗，分幾個級別：1️⃣$138包三款雞翼任食；2️⃣$198包十款雞翼任食加指定飲品任飲以及；3️⃣$268包十七款雞翼及薯條任食再加指定飲品任飲。經過認真評估食量之後，我哋決定單點會比較適合😛。雞翼簡單分為兩類－乾身同埋濕身，選擇非常多，有好幾款特別吸引，最終我哋要咗日本蜂蜜芥辣($69/6隻)。🍯呢款雞翼非油炸，而係塗上蜂蜜再拎去烤焗，感覺冇咁熱氣，味道甜甜哋，但芥辣方面就較為失色，因為只係反映咗喺嗰一粒綠色Wasabi上面。題外話，如果一份單點雞翼可以揀多於一款口味就好啦。另一邊廂，餐廳現時有一個好抵嘅優惠🈹，就係Crunch Time脆雞漢

係灣仔講到食雞翼，第一時間就會諗起Wingman，點解？咪因為好食咁簡單！👍🏻人氣雞翼專門店「Wingman」主打多款即叫即炸特色口味雞翼，更入選全亞洲頭十二間最佳雞翼餐廳！未食過點可以叫雞翼控呀！現在Burger 更做緊Buy 1 Get 1 Free $78都咪話唔抵呀！咁抵食，當然要叫個脆炸雞漢堡，有辣有唔辣，可以自由選擇！來到時份量都不少，大大塊脆炸雞都走了出來，配上生菜、青瓜絲、千島醬，入口香脆，肉汁豐富，真係非常抵食！火燒牛油果把牛油果🥑加上黑椒、鹽，再以火輕輕香燒，更能帶出其清新味道。如輕加青檸汁/秘製醬汁，微微酸辣，更是另一開胃食法，正！自家製鹹蛋黃雞翼雞翼都掛滿了質感幼滑的鹹蛋黃，十分邪惡，咬開時更有起沙的口感，相當香口，而且雞肉還保持嫩滑口感，真係越食越滋味，食到停唔到口。原來Wingman 其他分店都做緊雞翼放題，仲要有多款口味可供選購，身為雞翼控真係點可以錯過呀！

雞翼放題你食過未？❣️總共有3 sets選擇，由$128-$268不等，3-10款口味，任君選擇☺️❣️雞翼味道有19款，包你一定揀到心水口味❣️由6/6 - 13/6，Crunch Time Wingman Chicken burger Buy 1 get 1 free 只係$78👏🏻不過今次下午茶我無叫到放題食🙈只叫左Netflix & Chill 18pcs😛試左3隻味，每隻味都各有特色😍食到停唔到口，但由於我都仲減緊肥，所以真係唔可以食得太多🤐🧄紐奧良香粉 Cajun Spice隻隻雞翼都炸過，而且大大隻又好juicy，原本為佢辣辣地，點知佢一啲都唔辣，但可以幫忙中和到辣味嘅雞翼🙈🧀巴馬臣芝士蒜蓉味 Cali Style上網睇好多人都推介呢隻味，果然無選擇錯，巴馬臣芝士同蒜蓉真係非常之夾，食到我地流晒口水😂🌶辣水牛城醬 Spicy Buffalo估唔到佢哋嘅Buffalo Wings係真心辣，食到停唔到口，辣得黎又好鬼想食晒佢，食完又飲返多d水😛🥗菠菜甘藍沙律配柚子醬好耐無食過甘藍沙律，配埋車厘茄、柚子醬做前菜非常開胃，又健康又美味☺️鍾意食雞翼嘅你真係要去試下呀🥰

🐥雞、全部都係雞🐥推介指數 ❤️❤️❤️❣️🤍今日約咗好朋友一齊去灣仔叫雞～翼，見到有唔同雞翼配搭放題。好啱 #雞翼控 約會呀～ 店舖位於船街，由合和中心向金鐘方向行3分鐘就到達，都幾容易就搵到。全店有2層，下層座位有12個。“All You Can Eat Wings” 有幾款選擇，3/10/17 種味道雞翼加HKD60 更享有free flow draught beer & wine 90分鐘。自問大胃王嘅更可以選擇 “All You Can Drink & Eat Wings Buffet” 2個鐘！响決定唔到食咩嘅時候，最好係四圍望參考下其他人食咩同有冇大相。最終決定咯咯拼盤同脆脆雞堡，再加2杯飲品，夠哂啦！🐤咯咯拼盤 HKD268 - 3款口味雞翼，共18隻，1個配菜✨黑椒檸檬：食落黑椒味突出，加啲檸檬汁好開胃。✨黑芝麻海鮮蜂蜜：面層有黑芝麻，食落甜甜哋。✨水牛城醬：唔算辣，味道略略偏鹹，送啤酒會較適合。🥑配菜：燒牛油果質地軟滑，面層灑上黑椒，再加啲青檸汁酸酸哋好醒胃。🍔Crunch Time Chicken Burger HK78 ✨Buy 1 Get 1 Free，仲可以1個or

灣仔良心店Wingman做緊推廣優惠，除咗有任飲生啤同埋任食雞翼嘅放題外，仲有漢堡買一送一！Thunderbird $78 買一送一Wingman推出炸雞漢堡，勁大塊嘅炸雞外層卜卜脆，內裡雞肉嫩滑juicy，$78買一送一之餘仲要跟埋薯條，勁抵食！優惠做到6月13號，要試就快喇！咯咯拼盤 $268一個價錢可以任選三款口味嘅雞翼，再加一碟配菜，都幾抵！火燒牛油果🥑牛油果去皮去核切片再以火炙，加入青檸和辣辣地嘅醬汁，味道有驚喜，正！泰式甜辣醬口味像泰式雞醬再加大再炸蒜，甜中帶微辣真係超惹味！巴馬臣芝士蒜蓉入口是Pizza味的雞翼，之後是生蒜的辛辣，正！日本蜂蜜芥辣塗滿蜂蜜的雞翼，可按自己喜好加入wasabi，通鼻一刻就是爽！

Sat嚟到灣仔wingman 食晏，下午1點已經坐滿晒人，好彩樓上仲有一層啫～裝修都幾funny，仲有大大個「一齊叫雞」。雞翼放題好吸引，試曬咁多隻味道。加60蚊仲有free flow beer and wine，啱晒一眾酒鬼過嚟。但係我哋食晏食唔到咁多嘢，搵日下次夜晚再嚟試。Netflix and Chill 包三款口味，18隻雞翼同一個配菜。👍Cali style - 賣相最靚，鋪滿滿滿嘅 parmesan cheese，食落仲好有蒜味👍泰式甜辣醬 - 一啲都唔辣，甜甜地👍Tandoori spice - 似食緊印度烤雞，配埋印度mint yogurt 醬同生洋蔥，好fresh 配菜揀咗火燒牛油果，主角其實係個醬汁，係yogurt Chipotle，再加啲青檸汁一齊食，非常之惹味。It's crunch time! 雞翼店岀咗漢堡包～6月6-6月13號仲有買一送一炸雞burger ！鍾意食辣嘅可以揀Nashville，唔食辣嘅可以揀thunderbird。好厚身嘅雞扒，肉質嫩滑同好juicy。不得不提佢個薯條，即叫即炸嘅幼身薯條香脆可口，忍唔住食晒。

「約會像是為分享到飽肚滋味～ 有任何難題卻不提起～」我和朋友感情好到常常打賭什麼時候會絕交，每次的絕交理由都千奇百怪👽👽👽 其中一個有可能絕交的理由就是「再約出來吃放題」🤡🤣🤣🤣 事緣上次和她即興約了去吃米芝蓮一星點心放題，吃完大家都撐脹了肚皮，捧著超誇張的肚腩回家，她還說吃完那一頓飯，讓她足足好幾天吃不下東西。🙈 -今次我和朋友點了餐廳的招牌「咯咯拼盤」Sharing Platter，打算再一次挑戰食量。所以我們的「難題」是如何KO這麼多好吃的雞翼，分享飽肚滋味同時，又不會重蹈上一次吃放題的覆轍。結果證明，分享拼盤是一個不錯的選擇，我們吃完雖然很飽，但還沒有飽到要絕交的程度。🤣🤣🤣-🧡Netflix & Chill 18pc 🐔🍗 $268一個拼盤有18隻雞翼，可以選3款口味，每款6隻。所以我們選了兩款乾身雞翼、一款濕身雞翼，試試各樣味道如何！-▪️Mongolian BBQ蒙古燒烤味雞翼烤得焦脆的外皮上撒了一層孜然粉，非常濃郁香口，風味非常特別，很有新疆大漠風情🖼🐎🐑🐎🐏！我自己覺得這個味道很特別，好像在吃烤羊肉串，當然雞肉沒有羊肉的羶味，香味更加濃烈！-▪️Cali Style巴馬臣

今日下午，朋友推薦我去試一間餐廳，叫wingman，專做雞翼放題。對於雞翼愛好者的我，梗係唔可以走寶啦。我哋揀左十款雞翼任食連任飲。首先要讚既係雞翼夠係，即叫即整，咬落係皮脆肉滑，保證你試到最新鮮出爐即口感。呢點好重要。因為擺太耐會無左口感，淋身即雞翼會令口味大打折扣。另外，十種口味嘅雞翼各有千秋。特別一提係死神醬雞翼，夠辣，後勁十足。第一口酸酸辣辣，然後辛辣感仲舌尖擴散，刺激度十足。唯不太食得辣的人要注意一下。而巴馬臣芝士蒜蓉味。融化即芝士香飄逸係口腔。蒜蓉即刺激提升味蕾敏銳的感覺。倍覺開胃。黑椒檸檬味雞翼配上新鮮檸角，自己加上新鮮檸檬汁，感覺特別清新自然。酸酸的刺激味蕾，更配惹味黑椒。其實每一款雞翼都值得一試。我至少食咗不下40隻雞翼。飽就一定嫁啦。但滿足感真係非筆墨可以形容。正！

Good news wing lovers!All you can drink & eat wings buffet will definitely satisfy your cravings! 🐷Sooo wanted to try their "crunch time" thunderbird crunch & Nashville crunch burger also, but was so full!If you do decide to try their burgers out, they are currently doing a buy one get one free promotion from 6/6 - 13/6 so don't miss out!