Wing's Kitchen (已結業)

又一次因爲報導及食評中伏，睇報導時，影餐廳環境只影局部，影到好有氣氛，但係親身去到完全係兩回事！裝修簡單，位也不多... 但既然黎到，算啦，照試下啦，有咁好既報導同食評，環境唔掂但食物可能ok呢...唉，我真係未試過比一碟食物一粒星，呢碟意大利飯，絕對係唔識煮西餐既人煮既，我煮得都好過佢！飯還飯，芝士醬還芝士醬！完全係似一啲白飯撈淡味芝士醬！點煮架！意大利飯要用上湯煮熟唔係用水煮，個廚有冇常識架！啲帶子反而幾新鮮，煎得幾香Parma Ham沙律, Parma Ham少到無輪都算了，沙律完全無味，失敗！羊架係11成熟，over cooked仲好大陣穌味！羊架8成熟已經可以了，over cook只會靭，個廚又一次無sense! 全餐4個菜，最好食係個炸雞翼... 雞翼大大隻，外皮炸得好香脆，極邪惡但真心好食Ok. 中伏既野一次就夠... 做西餐但連煮西餐既基本都唔識，我同朋友都好懷疑點解仲有人幫襯...3個人食，叫咗4個菜、3杯飲品，一人$204

本身網上訂左位，但去到竟然一張枱都安排吾到比你。但眼見好多2人霸4人位，用黎放手袋放背包，好黑仔地可能冷氣壞左，夏天店內溫度竟然比街外高，一路等一路爆汗，最後攞張大排檔的接枱出黎安排你坐廚房門口。沒有下次了。

🍻🍺Wing’s Kitchen 🍗🍝～～～～～～～～～～～～～～～～～～😇蜜糖燒烤豬肋骨（半份）（$168）D肉幾嫩，燒完唔會太乾，醬汁份量剛好，唔會蓋過肉味。😇蒜香露絲瑪莉原隻燒春雞（$178）燒春雞有D鞋，可能因為燒過，但味道係夠嘅，依個份量可以兩個人食，原隻燒春雞好考大家嘅刀功😂😇巴馬火腿水牛芝士配鮮茄醬意大利麵（$148）青椒帶起成個意大利麵嘅香味，意大利麵略軟，茄醬唔會太酸。～～～～～～～～～～～～～～～～～～

朋友的生日我們選了這間餐廳去慶祝，這裏燈光昏暗，好像滿有格調的。和朋友坐下來後便開始點餐，我們點了個芝士pizza。這個Pizza不算太大，三個人吃也吃不完，還剩了1塊，味道來說味道也算是不錯，濃郁的芝士味也很隨口。第二道餸菜，我們點了軟殼蟹意粉，這個意粉我很喜歡，軟殼蟹外脆內軟，很不錯吃，意粉也很入味，我們三人也吃個不停。這個牛肋骨便很一般了，因為很難咀嚼，有點兒難咬。

The interior design of the restaurant is excellent and it is not crowded at all. Foods were delivered quite fast and tasted great! Overall is worth to go, except that although I did make reservation before, I was shocked at the beginning that I was arranged in a very small corner and a Cha Chaan Teng style table (obviously is added extra in order to fit more customers), but Thanks God that the staff changed a normal and more spacious table to me later.

提前已訂座, 當日仲收到餐廳call, 話好full, 提示記得準時出席。晚上滿心歡喜咁準時入座, 2個人叫左:1) 一枝啤酒 (忘記價錢), 夠涷, 正常2) 一杯Pink Lemonade ($48), 非常淡味同埋好細杯..3) 半份 ribs ($168), 黎到相當細份, 唔知係隻豬咁細定佢上下切開份ribs, 得半把餐刀咁長...4) 一份rosemary 燒春雞 ($178), 相當差, 雞肉好鞋口, 烤到太乾但皮係淋ge, 唔脆5) 一份香辣蒜香蝦意粉 ($148), 蝦實係雪藏, 預左會係無味, 正常吖, 食落都好夠香辣食物總括黎講好唔掂.....裝修亦係普通港式西餐廳, 亦好嘈吵下 , 比左接近$600去食, 相信會有其他更好選擇。不過值得一提係侍應都好有禮貌。

首先坐嘅環境非常擠迫。叫咗一個披薩加一個set dinner，臺面已經非常擠迫。連餐具也放不下。不過餐廳食物質素差先係重點。首先餐湯不夠熱的，連這麼簡單的一點都做不好。一個$398 龍蝦牛排晚餐。上菜時熱度也是不夠，好像不是新鮮制作的食物。龍蝦食落乾真真，非常沒口感，難食。製作出來的牛扒有如快餐質量，完全沒有牛肉味度。pizza 質素整體都係好差，包底唔夠熱，芝士不夠熱，整體好像是從微波焗爐製作的一樣。真的不好食。之前睇過好多食評，都是給好評的，就試一試，結果中伏。

呢間餐廳係尖沙咀，地理位置好好，餐廳氣氛都幾好，適合同朋友一路食一路傾計。今晚冇叫佢既set dinner，因為朋友都想食牛油果軟殼蟹pizza！牛油果軟殼蟹pizza👍🏻👍🏻👍🏻👍🏻好好食，茄汁微辣，好足料，每塊都有牛油果，軟殼蟹，cherry tomato，餅底係薄薄地，脆卜卜！蒜香燒春雞跟薯菜👍🏻👍🏻蒜味幾夠，但好似燒耐左，雞肉唔嫩，有待改進！Red sangria👍🏻$78買一送一，價錢幾抵，大大杯，但冰太多了，溝淡晒啲酒味😟

在Openrice訂位有88折！很久以前來過，今次再臨，因為發現有新食品加入，所以享受完亞坤杯kopi便走過來。是晚時間尚早，再遲多一小時便開始爆場。牛油果燒雞肉沙律 $108 這是新加入餐牌的菜式之一，主角是燒雞肉及牛油果，另外還有薯仔粒、沙律菜、車厘茄等等，醬汁是蜜糖芥末醬，可惜㕑師淋得較為謹慎，看圖可見沙律醬衹得面頭那些，不能完全地把所有食材包裹着。 巴馬火腿水牛芝士配鮮茄醬意大利粉 $148 這也是另一款新來餐牌的菜式。其實這意粉的整體味道是很清新，因為鹹味衹得巴馬火腿所擁有，意粉是正常的硬度，鮮茄醬及水牛芝士的味道是相對地清淡清新，唯有把兩三片的巴馬火腿順紋路撕幼條，拌勻吃才會把三者融合在一起的味道。  味道 3環境 3.5服務 3.5衛生 4抵食 3

今晚兩個人叫左兩個dinner set第一個set黎到，賣相嚇死人明明牛扒要6、7成熟，但變成welldone食落口又鞋又韌，完全似10成熟。好失望！呢個餐應該係差唔多餐牌上接近最貴個set，但完全唔值！呢個set都要成接近$400，但質素好一般，呢個價錢出面大把選擇。另外，成餐飯個侍應落order時好似未瞓醒，成日漏單最後個甜品真係好一般，重要嗌完上甜品，個侍應漏單唔記得order, 等左成20分鐘

同mum慶祝生日，帶左佢黎食最愛既西餐選址當然有細心揀過，浪漫既氛圍，柔和既燈光，氹女士梗係一流而枱上仲放置左小蠟燭同花花，再細添少少分媽媽揀左dinner set，要左最愛既羊肉做主菜主角未到，就沙律、餐湯先行鮮果沙律，黑松露餐湯沙律新鮮，十分爽脆黑松露餐湯就有驚喜，味道帶較重既黑椒味除左濃濃黑松露味仲帶香辛味，比一般既更濃味主角到~紅酒炆牛西蘭羊膝比想像中更大份，除左有大大隻脾，仲有呂少羊膝肉，西蘭花同薯蓉係底先講羊肉，真係好滑嫩，重羊味，再加少少蘇，另一特點係所配上既係黑椒汁，黑椒味道同餐湯一樣，非常特出而黑椒同羊肉都好夾，係黑椒既襯托下，羊肉味道分明，整體好惹味呢個主菜既另一重點係，有成條完整既羊脾，可以扮野人咁大啖大啖食，都幾過癮食完主菜，就到甜品-panna cotta，即係布甸布甸賣相一向都好可愛，搖下佢，仲會鄧下鄧下布甸係香芋味，甜度唔高，味道就同我最鍾意既維記香芋雪米糍有啲似，所以幾有驚喜成個set dinner媽媽都幾滿意，咁就成功做左個孝順女啦~

今日放假陪老婆行下街，晚餐去左一間叫Wing’S Kitchen的西環餐食，餐廳都幾大幾闊落，燈火暗暗的，氣氛都唔錯。 食物選擇都幾多，有小食、沙律、主菜、pizza等，唔知知咩好亦可以食晚市套餐，二百元起已經有沙律、餐湯、主菜、甜品、飲品，抵食之選。今次由老婆點菜，牛油果燒雞沙律新鮮開胃，沙律菜爽甜，燒雞燒得唔會太乾，仲有牛油果，再配埋沙律汁更惹味。小食酥脆馬蘇里拉芝士條新鮮即炸，金黃香口，裡面半溶的芝士非常正，令人食不停口!見呢度的pizza好吸引，就點左個大力水手pizza，新鮮製作，都幾大個下，可以2-3個人食，餡料有煙肉、菠菜、蕃茄、芝士、流心太陽蛋，芝士味香濃，餅皮香脆。最後的意式奶凍幼滑又不會太甜，少食甜品的我覺得五錯，下次可以試下呢度的晚市套餐。

今日放假同老公行尖沙咀，經過Wing’S Kitchen的時間好懷念， 以前係附近返工時，都會約同事放工一齊黎呢度食晚餐， 決定同老公入去食晚餐懷念下~ 餐廳的環境仍然一樣舒適帶點浪漫， 每張台都有燭光，座位間亦非常闊落~ 呢度的晚市套餐非常抵食， 二百元起已經可以有沙律、餐湯、主菜、甜品、飲品， 份量都幾多，食材亦有水準~ 今次決定點幾款想食的野食~ <牛油果燒雞沙律>  沙律菜新鮮爽甜， 燒雞燒得惹味又唔會太油，份量都幾多塊家， 淋埋個沙律汁更開胃， 如果牛油果的份量再多d更好~ <酥脆馬蘇里拉芝士條> 芝士控的我最愛的小食，即點即炸， 外面炸到金黃色，鬆脆香口， 入面厚厚既芝士半溶狀態，仲有拉絲的效果~ 因為唔太想飯麵，點左個<大力水手pizza>  新鮮製作，從遠處已經聞到它的香氣， 餡料都好豐富，有煙肉、菠菜、蕃茄、mozzarella cheese， 仲有2隻流心太陽蛋， 香濃的芝士味，pizza的餅皮鬆脆， 不會太厚身或太薄，非常惹味~ 甜品點左<意式奶凍>， 光賣相已經非常吸引，原來幅畫出自

因為另一半想吃西餐的關係，在朋友推介下來到這間位於漆咸道南的西餐廳。雖然位於旺區地段，但價錢合理，選擇亦多，而且店面空間寬敞，佈置典雅，坐得舒服亦不失氣氛。因為套餐的配搭沒有我們想吃的菜餚，於是分別點了份酥脆瑪蘇里拉芝士條、蜜糖燒烤豬肋骨、墨魚意大利燴飯、牛油果燒雞肉沙律和甜品。上菜速度很快，下單後不到十分鐘已上了第一道菜。吃西餐總要吃點炸物才能過過口癮。這份酥脆瑪蘇里拉芝士條果如其名，外層香脆，裡面的芝士不會太乾，剛上菜還熱的時候還有拉絲效果，吃起來外脆內軟，每一口都是滿足。女士們都愛健康的沙律，牛油果燒雞肉沙律是必點的選擇，雞肉高蛋白低脂，牛油果營養價值高。羅馬生菜很新鮮，配上伴碟的蜜糖芥末醬，味道既清新又美味。牛油果是切粒而不是其他餐廳常看到的牛油果醬，吃起來很實在。雞肉是烤製過的，肉質還保持到軟滑，雞皮亦很香口。蜜糖燒烤豬肋骨，火候烤得恰到好處，鮮嫩有肉汁，不韌，配上蜜糖味濃的燒烤醬十分惹味，伴碟薯條亦炸得乾爽不油，讓人忍不住一口接一口。海蝦墨魚意大利燴飯，原隻剝殼海蝦吃著方便，蝦肉爽口，墨魚爽滑彈牙，吃得出不是雪藏品。飯粒生熟剛好，有嚼口，醬汁比例適中，燴飯不會太乾或太濕。最

Happy Friday Nite~終於可以同friend鬆一鬆，今次朋友搵既餐廳，都相當有氣氛，有爉燭、有掛畫，整體氣氛好浪漫，又適合傾計星期五係需要對自己好一點，黎個full set晚餐，藜麥田園鮮果沙律沙律款式頗為特別，紅色蕃茄仔同士多啤梨點綴一片綠沙律菜新鮮，食落索索聲，配上醋汁好醒胃黑松露餐湯~真材實料，唔係稀稀的行貨黑松露味充足，飲落夠滑，而且餐廳仲加入黑椒作為調味，比普通既多一份刺激感朋友們都覺得幾特別，大讚好飲明太子軟殼蟹卡邦尼意粉原隻天婦羅軟殼蟹! 一睇到已經加哂分軟殼蟹炸漿薄薄一層，顏色炸得金黃，時間掌握得好好而且新鮮炸起，趁熱食好香脆，同埋要快啲拎走，因為意粉既熱力會整淋外層，咁就會浪費左成隻軟殼蟹卡邦尼意粉，無被軟殼蟹完全搶去風頭，廚帥提供既醬汁好充足，亦好滑，可以食到雪雪聲，而且混合明太子後，更多一種鮮味係入面作為提昇，goodgood最後，意粉份量充足，相信男士都可以食得飽飽芋頭布丁~賣相Cute cute芋頭味道突出，最正就係甜度剛好，食哂成個都唔覺膩，令人覺得無遺憾既Last Dish