XOXO Café Lab (已結業)

唉～同老公食飯，十次有八次都會中伏既。因為唔想等位，就差不多次次都中伏。本來依間野都睇中左2，3樣想食的，點知叫乜冇乜。真係把鬼，但係坐低左，又唔想再去搵食乜同等位。就求其叫啦。坐落坐落，都開始多人。不過大多數人應該都係同我地一樣，唔想等附近果幾間食店而入黎坐的。老公話依間野就係食流尾客定流水客喎，就係專做果D唔想等位既客人生意。餐湯係跟個扒既，咁依個都OK唔算伏既，個包都幾好味添。好多沙，好多沙，食到成口都係沙。老公重笑話，咁即係唔係番用的螺殼，真係新鮮架。太多沙，我食完已經唔記得係乜味，淨係知好多沙。另一個跟餐的菠茶，其實依個都幾好味，但味道唔西式，好似中菜果D炒菜咁。另外重有個白飯的，我唔記得影相呢。怕冇菜而叫的沙律，唔，依個好難難食既，都係生菜Mix埋一齊姐，如果咁都做到難食，真係地獄廚神都做唔到囉。我一向好鍾意食大阪燒的，但依間真係唔好食，人地food court入面果間專做大阪燒同小丸子果間野都好食過佢好多。依間真係唔掂，一D都唔好食，食得好辛苦。全場唯一一碟好味的，係仔仔點既墨汁墨魚飯，真係估唔到咁好食。之前果D全部好似屋企求其煮咁，依碟真係似樣係出飯比錢食的，係唯一一碟

星期日周圍都好多人, 諗住呢間唔洗等好耐就入去試下. 點知捉蟲....我同家人加$加左個湯同野飲, 頂...個湯淡而無味，又唔熱嘅我叫咗杯凍檸茶但係冇叫走甜，黎左杯完全冇加個糖水落去嘅凍檸茶等咗好耐啲飯餸黎個牛扒好銀好難食個意粉不知所謂，醬汁路好食, 海鮮又有怪味通風系統又差，冷氣又唔夠最死一樣野係啲職員國內來的，態度非常之差，黑口黑面咁。大佬我有俾錢㗎我唔係黎受氣囉!!!!!!!!!!!

頭先喺呢間嘢食左個晚餐，一家三口共點左3個餐，1個牛扒，1個飯同1個意粉，今日比較人多，大約等左15分鐘左右，牛扒同意粉相繼送到而個飯就未到，心諗等多陣應該差唔到啦⋯⋯點不知食完個意粉同牛扒之後個飯都仲未出現，望下啲員工，佢又好似唔係好想理你，之後問個帶眼鏡個男人，佢就話整緊啦2分鐘，頂你⋯等完又等又再等，過左幾個2分鐘都未嚟，再問第二個員工，個阿姐就話整緊架啦，我問佢係唔係漏左單？佢又話唔係，轉頭又話機壞左啲維修人員未到，心諗咁姐係點呀？成個問號喺度！我跟話取消張單，個阿姐就話幫我睇睇，睇完之後又無過嚟同講跟成點，跟住又等⋯最慘既係連遲過落單既人個飯都嚟埋，真係火都嚟⋯最後頂唔住唔等啦！同個黑色衫既女人講取消埋單，佢攞張單一句抱歉，對唔住咁都無講，好似覺得無乜大不了咁，大佬呀⋯⋯成餐飯就係係咁等，啲單做唔到咪講囉，又唔講又要人等，又乜都等唔到，想點呢？埋單諗住聽到你say個sorry都算，唔講㗎喎，好似問題喺我度，唔關你哋事咁！頂你咁做生意，幾好食幾咁平都冇用啦⋯⋯更何況唔係！唔駛錢都唔會過嚟食！今時今日既香港，你做得住可以話係一個奇蹟！

去了一個新商場(TKO gateway),有好多不同美食。中西日韓等等都有。路過一間午餐送雪糕，房外氣温34度，聽見雪糕，二話不說，馬上坐下。前菜，面包加湯:一般主菜:1)吉列豬扒旦包飯，水準之上2)西冷牛扒配薯菜，下次唔食餐飲:一般雪糕:全餐重中之重下次會再试其他主菜

呢間有d似高級版的茶餐廳🍴之前都有介紹過，午餐套餐都幾抵食夾大份。1️⃣日式蕃茄汁照燒鷄扒牛乳蛋包飯 $63照燒雞扒嘅肉質較為乾身，冇咩肥膏，個塊薄薄嘅炒蛋🍳比較油膩。蕃茄汁配飯唔錯再加上沙律🥗就清新唔少。🙆🏻‍♀️美味指數:6.35/102️⃣羅宋湯+蒜蓉包羅宋湯🥣裡面椰菜嘅份量幾足夠，不過加嘅胡椒粉調味可以少d。蒜容包好脆口，蒜容嘅味道較淡。🙆🏻‍♀️美味指數:6.10/103️⃣蒜蓉汁西冷牛扒配飯 $68西冷扒醃到d肉原本嘅味道冇哂，不過$68算係咁啦。仲要配大大份嘅飯。🙆🏻‍♀️美味指數:6.15/104️⃣Dryers Collection 忌廉芝士蛋糕🍰雪條呢個甜到膩🤢，佢上面有少少餅乾🍪脆脆，忌廉芝士味係好濃郁下，都係幾有口感嘅，不過吃多一兩啖真係要喝d檸檬🍋水中和下。⚠️喝完檸檬🍋水再食會食到嘔奶味🤮🙆🏻‍♀️美味指數:4.23/10💡整體來講，唔知想食咩又想平平地，呢個都係一個不過不失嘅選擇。

星期日最怕揾位食lunch ,見到其中一間不用排隊，而且見到食set lunch 送Dreyer’s D-Collection, 而且價錢和其他餐廳差不多，所以立即行入去！我其實先被裝修吸引，因為很少TKO 區的餐廳，肯花心思美化環境！剛巧又安排坐在角落的卡位，可以比較舒服😌Set lunch 其實都有不少選擇，但如果可以有兩款餐湯給人客選擇會好一點，好像我一樣，如怕辣，但只有紅湯😕雞扒蛋飯：如果多一點雞肉及可以厚切一點會更好！蒜酥雞扒烏冬：雞扒比較細件，烏冬湯底ok!白汁忌廉火腿煙肉 意大利麵：正正常常ok!最🈵️足當然是 Free of charge 的Dreyer’s D-Collection

其實我一向都唔鍾意寫食評，但今次真係好嬲！一定要提醒大家唔好比佢個門面呃到！本來聽d朋友講呢間野d野食唔錯就過黎試下好唔好食啦！去到餐廳門口，門面的確係幾好既但係好出奇7點幾呢個時間點解無人排隊我終於明白點解喇！！！我叫左個白菌青醬鮮蜆仲加左15蚊套餐等左成15分鐘先黎個湯個湯一般般啦，都可以接受但碟意粉黎到，點解隻隻蜆都冇開既同個waiter講返佢就咁拎走我碟野又唔出聲都唔知係收走定換過碟等左陣碟野又返返黎隻隻蜆係打開晒但個樣似係搵野撬開咁呢間野可一不可再！

呢間有d似高級版的茶餐廳🍴午餐套餐都幾抵食夾大份。1️⃣日式咖喱汁吉列豬扒牛乳蛋包飯🍛 $56吉列豬扒🐷鬆脆香嫩，豬扒得幾好咬口，唯一係唔夠熱。所謂嘅蛋包飯其實只係一層薄薄嘅炒蛋係飯上面。咖喱汁🍛甜而不辣，有啲似開咗一包即食咖喱汁去煮，不過配飯唔錯!旁邊仲有啲沙律🥗配菜，成個飯即刻健康返少少。🙆🏻‍♀️美味指數:6.25/10💡整體來講，性價比一般，不過唔想咁貴，食呢個平民飯堂都幾唔錯。

放工後跟朋友到將軍澳逛逛 睇吓有咩好食，之前去過九龍灣分店食過晚餐都覺得幾好 唔錯！經過覺得餐牌上食物幾吸引 就入去。諗住試過應該都唔差 但試完冇下次！叫咗set lunch,有餐湯，蒜蓉包，主菜同飲品，價錢$50-80 都算幾貴。餐湯/蒜蓉包：紅湯-湯好普通，份量好少 冇乜材料蒜蓉包-唔太硬 好香蒜蓉 沾湯幾好食，但太薄主菜：蕃茄蟹肉意粉-意粉又硬又凍 蕃茄汁無蕃茄味 蟹肉只有一條蟹柳日式咖喱吉列魚柳蛋包飯-日式咖喱完全唔似 冇個種咖喱甜味 失望吉列魚柳 魚本身個質地麻麻 好霉，成舊連皮炸好乾好硬，用叉都吉唔到蛋包飯諗住真係蛋可以包住飯，點知係炒完隻蛋擺係飯嘅上面，完全無餐牌所講嘅牛奶炒蛋星期六 人流唔算多 冇坐滿，但侍應會不斷嚟收枱面嘅嘢，埋單經理遞單埋嚟 同朋友食飯計下幾多錢 未計完未睇清楚張單，個經理態度惡劣，趕我哋走咁 出手拎枱上嘅錢 幫我哋埋單。諗住問佢有冇散紙唱錢 點知態度差應冇散錢。真係冇下次！態度惡劣！

食物質素一般，凍可力會變暖可力又冇味，炸魚柳十分硬，意粉很乾很硬！蛋包飯變成蛋蓋飯。還有服務態度十分差！還未計算好價錢就把錢拿走，店員態度很差！不值得回頭再試呀

今日好開心呀，男朋友過左黎揾我食lunch我擇左厚德商場的XOXO，午餐有蛋包飯、烏冬、意粉、扒餐，大概五、六十蚊左右，最興奮係惠顧午餐即送dreyer’s 日式系列雪糕批，即刻流曬口水 我叫左蕃茄蟹肉意大利粉，附送餐湯、蒜蓉多士蟹肉用蟹棒代替，有四條咁多，配上微酸的茄醬幾開胃由於數量有限，原本想要的朱古力味已經冇晒嚕，唯有擇日式忌廉芝士撻，食起來有啖啖的忌廉芝士味，偏甜，不太適合我口味其實上一次已經送Haagen-Dazs雪糕，估不到相隔一段時間再來，優惠依然係到，好驚喜！

參觀完百勝角消防局就搭小巴黎到坑口，一上電梯就見到XOXO CAFE, 又咁啱有high chair , 咁唔駛諗就食呢間～～環境其實幾靚，有花花草草裝飾下～～咁因為有set lunch , 咁就快快手揀左2個餐～～蛋包飯拼魚柳 同 蛋包飯拼漢堡扒～～首先黎左個餐湯～～一飲搶喉，有點過辣。。。主菜黎喇～～為左就阿囝，所以都係揀炸魚同飯～～本身要牛肝菌汁，點知變左茄汁～但侍應好好咁補番個牛肝菌汁俾我地～～～本身以為囝囝會好鍾意食，點知佢唔肯食⋯⋯可能條魚有d腥⋯⋯老公點既漢堡扒配咖哩汁反而即磨咖啡唔錯，但要加$3～～

好好地食一餐晚飯，又唔係賴死唔走，又唔係消費好低（平均每位消費都130），又無人等位，唔知做乜咁趕。7點幾叫野食，食到8點左右就有位大媽伙計不斷嚟收枱上嘅野 - 未食晒嘅飯，問仲要唔要，話要，佢行開咗，過一陣，又嚟睇下有無野收，一食完一碟就即收，一食完就收，動作快到好有壓迫感，我地就坐喺門口隔離，見都無人等位，唔明咁急做乜？！食埋最後一碟，但枱上仲有飲品未飲，佢急到收晒所有野，連杯清水兼執埋我放係手機上張紙巾，張紙巾未用㗎喎，又唔係放喺枱，問都唔問執走…唉…感覺好迫人走喎…想飲完杯咖啡用清水清下口腔都唔得咁…想點呀

又係東港城，午市套餐round 2今日食xoxo，整個裝修風格以藍色為主，望落好舒服。午市套餐都幾多選擇，仲見到有牛扒食，不過我趕時間，就無揀。 staff都幾積極，動作利落，態度幾好。叫咗排骨烏冬，飲熱奶茶。烏冬比較少，就是平時一包方便烏冬的分量，如果男仔可能唔夠食，不過有4塊大排骨，仲有菠菜香菇，營養夠平衡哈。排骨上面唔知d咩粉，不過好霖，咬落又唔柴，入味都夠，仲有食到軟骨，好評，我比較喜歡食完staff會問你要邊個口味雪糕（朱古力，宇治抹茶，白朱古力）我覺得黑朱古力最好食

餐廳位於tko gateway,與旁邊的東港城相連接，距離地鐵站口10分鐘左右路程。餐廳在商場採用半開放式的設計，部份座位在行人走廊上。今天和朋友在這裏吃晚飯，選擇了一份牛扒，是八安的份量。牛扒製作得十分有肉味，但我們點了五成熟，來了大約是八成熟，質素有待進步。點了薯條，屬於即叫即炸的， 十分可口。店員的服務態度未見成熟，但亦盡力服務顧客，值得一讚。整體來說，價錢上不算十分便宜但值得一試。還有更多的晚餐未試，有機會可以再去嘗試一下。