Yatai Plus

營業中

休息中

食物質素其實還算可以，但偏貴，但服務勁西，等左半個鐘，小朋友去左廁所，已經行緊過來，最多3分鐘，解釋俾佢聽，佢態度勁差，話一定要人齊，然後直接飛我號，叫我重新排。

食過幾次，覺得質素都維持得唔錯。不過有一樣野就唔係好滿意嘅。。。佢平日有set lunch，之後加咗禮拜六日lunch menu，但係夜晚時段照會show呢個特價menu出嚟，咁夜晚經過見到個價錢覺得ok就入咗去，點知原來出面塊大電視show嘅menu係冇嘅，又唔好意思走人，局住食咗餐貴嘅晚餐。呢個位真係令人有bad feeling。。。食物方面，啲魚算係咁啦，雖然俾得呢個價錢我會expect啲魚再少啲筋，某幾隻魚好似食緊街市買嘅魚咁冇魚生應有嘅鮮味飲品就唔錯嘅

今日（2-10-2024 Wed）同女同事PM食晏，我哋揀咗呢間，我哋嚟到啱啱有一組客人入去坐最後嗰張枱，我哋就唯有等。喺等嘅時候就睇定menu，冇耐就有位，我哋要咗：跟餐嘅熱雪梨蜜，呢個我哋食完嘢至飲，都仍熱，而甜度啱啱好，唔錯。4分PM要$62.00嘅照燒雞扒半熟玉子丼，睇見飯量唔少，佢俾嘅雞扒我食，味道唔錯，雞扒又juicy同滑。5分我要$65.00嘅地雞糰子咖哩稻庭烏冬見到烏冬份量唔多，地雞糰子有兩串共六粒，食落，有炸過，但內裡比較嚡；烏冬滑，咖哩辣咗少少但接受到。3.33分環境：雖然係細舖，但座位距離合適。抵食係2.7分

位於屯馬線石門站旁邊的商場內的日式小店，我都係咁啱路過，真係超出我想像呀…，精緻美味的食物，無得彈彈彈。滿滿美麗的甜品，讚讚讚。價錢係一啲都唔貴㗎。真係一定要支持小店呀…。加油Yatai Plus

鋪頭細細間但生意都幾好，平日都要等位，野食方面，個刺身飯90幾蚊離講幾足料，d刺身食落都幾新鮮，另一個豚肉丼飯蛋黃加埋d飯、醬汁同肉係好滑好香，杯野飲都幾重牛油果味，值得一試

店面雖然細，但坐得幾闊落👍🏿食物大部分都幾好食三文魚刺身新鮮，6塊厚切清酒煮蜆真係有輕輕嘅酒味，幾好食鰻魚飯非常出色，食落唔會滯，又好大條，有驚喜唯獨鯖魚差咁少少，但係可接受

今次我地去咗石門按摩之後，去咗日式餐廳Yatai Plus醫肚。雖然舖仔細細，但都坐得舒服。見門口貼左唔少甜品舖頭，但實在太肚餓喇，所以今次主攻煮食先。見到有main menu 同二人餐menu，二人餐主要嘅食物係main menu 都搵唔到，所以今次決定試吓個「春の祭套餐」，盛惠$438。（‼️重點係，後來諗住上openrice寫review嘅時候，發現 原來可以預定二人餐，book枱有優惠之外，二人餐都平啲，😿😹$372，大家唔好重蹈覆轍喇～）ᗦ↞◃ ….….. ᗦ↞◃ ….….. ᗦ↞◃ ……… ᗦ↞◃ ………✨1) 百香果•檸檬春日特飲呢杯特飲真係超級清新！百香果嘅酸甜味同檸檬嘅清香完美結合，飲落去好解渴，仲有一啲小小嘅氣泡，令整體口感更豐富。（不過我見menu 上面有其他特飲，哩款就普普通通，不過不失。）✨2) 花の盛（三文魚、吞拿魚、帆立貝、鯛魚）呢個刺身拼盤真係無得輸，擺盤超靚，魚生新鮮！✨3) 他他吉列廣島蠔廣島蠔炸得金黃香脆，外層脆口但內裡嫩滑，完全唔乾，仲保留住蠔嘅鮮味。配埋他他醬一齊食，夾！酸甜得宜！（喵女決定用quota食嘅炸嘢）✨4) 蒜香牛肉茄子呢道菜真係出乎

📍Yatai Plus (沙田)沙田石門安群街3號京瑞廣場1期1樓150號舖石門高質日式小店，裝修是日式木系，坐得舒服，主打日式料理丼飯，也有烏冬，刺身，甜品等，芭菲好吸引☁️廣島蠔生薑燒$88有五大隻廣島蠔，表面炸過，配料有香蔥加茄子，好豐富☁️炙燒三文魚冷烏冬（青芥末沙律汁）$85擺盤精緻，六片三文魚，有青瓜，番茄仔，材料新鮮表面炙燒過，烏冬已放入沙律汁，少少芥未味，我認為吾夠多，所以另外再加。天氣熱辣辣，呢個好岩食☁️芒果芭菲$58（瑞士朱古力MOVENPICK®）芭菲好好食，雪糕用上movenpick ，好大球，另外有芒果，脆片，啫喱等，大滿足#石門#石門美食#香港#hongkong#hkfood#hkfoodie#食好西#相機食先#手機食先#香港好去處#週末好去處#情侶好去處#閨蜜好去處#cafe#coffee#咖啡店#輕食#甜品#日式#廣島蠔#芒果#烏冬#三文魚#icecream #dessert #芭菲#drinks #tea #慢活#eating_and_working_in_h_石門

這邊少有好味日本嘢。驚喜日本餐廳，用料靚，豚肉飯好品，檸蜜有心思加薄荷葉。有炒雜菜非常好，不是每一間日本餐廳也有。性價比高，值得支持。不過甜品不是lunch time也供應，有點可惜下次好想試吓佢嘅日本廣島蠔鍋物。如果有埋好飲咖啡更好

朋友帶完小朋友上興趣班，嚟到京瑞廣場嘅 Yatai Plus，午市都多人呢，我哋係門口都等咗一陣，過嚟食飯嘅朋友，就要早少少嚟搵位啦。我哋叫咗兩份主食，可以再加錢轉套餐跟湯或者飲品，除咗日本料理，餐牌仲有芭菲、牛角窩夫、特色飲品。兩個人都係$200 左右，好抵食呀😋✨赤の丼丼飯材料有赤海蝦、三文魚、吞拿魚同吞拿魚腩蓉，刺身厚身肥美，仲有兩塊玉子係面，望落色澤好靚，刺身新鮮之外，仲有好香魚油香味！✨廣島蠔土手鍋另一份主食喺廣島蠔土手鍋，湯底味道濃稠，配料豐富，有菇類、豆腐、洋蔥等等。廣島蠔質鮮甜嫩滑，仲有彈牙同甘甜嘅味道，豐富好味🤤

識睇既當然唔會睇正評啦，你懂的。我就揀負評睇。見有人寫魚係腥既，心中一沉，係有擔心既，但今日真係想食刺身飯，本著試伏心態幫襯左。去到舖頭滿座，當時未夠一點，仲有人等緊位，生意算唔錯。我就決定外賣自取。叫左個午餐魚座丼，連一支凍綠茶$98。我呢個就無腥味既，正常貨色，無問題，真係想食可以一戰，但就絕對唔會掛住。三文魚正常、油甘魚弱左少少但都係正常水平，個飯硬左少少同無乜醋味，但可以接受。支凍綠茶就最好。以性價比黎講我認為就略貴，同樣價錢既刺身丼餐有更好選擇，不過就好似附近無，咁就無辦法。

朋友好有心思帶左我去石門搵嘢食，佢簡左間日式小店🤓👍🏻 小店環境簡潔，坐位唔算好多。· - - · - - · - - ·🔸 五極丼 $128赤海蝦｜三文魚｜鯛魚｜帆立貝｜松葉蟹爪｜玉子🔹香蔥牛肉卷 $48🔸雞肉軟骨餃子 $35🔹牛肉壽喜燒鍋 $88🔸野莓牛角窩夫 $68Dreyer's®香烤杏仁 Toasted Almond🔹雪の玉 $32荔枝｜雪梨｜愛玉🔸黄の玉 $38芒果｜金柚｜愛玉· - - · - - · - - ·🍱五極丼 - 材料豐富，擺盤又靚，刺身新鮮！但蟹爪一般，細隻左啲，同有啲海水味🫔 香蔥牛肉卷- 勁多蔥 我好鐘意👍🏻👍🏻 牛肉夠淋夠多汁🥟雞肉軟骨餃子 - 外皮唔脆，但因為入面有雞軟骨，所以口感OK🍲牛肉壽喜燒鍋 - 啲娃娃菜同冬菇好入味，牛肉撈埋蛋汁唔錯， 但我覺得啲牛肉有啲靭🙈🧇野莓牛角窩夫配杏仁味雪糕🏅 - 呢個窩夫超級好食😋 個窩夫夠熱夠脆！ 啲水果配埋朱古力脆脆🍓甜酸甜酸咁好配合！同埋我中意杏仁味雪糕🍦 （極力爭取叫朋友揀杏仁味雪糕😌）🍹雪の玉 ｜黄の玉飲品方面，同朋友傾計💬 飲品好重要、覺得都幾好飲又解渴，有啲愛玉啫喱係底幾得意· - - · - -

京瑞廣場唔少隱世美食，猶如另一個葵廣／旺中🤫咁啱要去沙田附近交收，專程嚟拜訪一下的確唔少小店，好多都好吸引想試因為未食午飯，見呢間餐廳多人等應該唔錯就去試吓有lunch set，主要食刺身飯、日式丼飯、湯烏冬等▶️ 赤の丼 ($85)一碗有齊赤海蝦、三文魚、吞拿魚、吞拿魚腩蓉、玉子蛋整體刺身唔錯，赤海蝦黏黏地🦐吞拿魚唔腥，三文魚肥美🐟吞拿魚腩蓉入口即溶另外有蔥絲、wasabi調味玉子蛋偏甜，口感一層層壽司飯質好食🍚帶有醋米味道▶️ 花の戀丼 ($72)真係成個花之戀配搭！面頭超多三文魚刺身，另外有爆多粒粒蟹籽同沙律醬😋▶️ 櫻花蝦燒茄子 ($38)估唔到咁大份設有三款口味: 香蔥、櫻花蝦、木魚絲鍾意佢茄子夠腍夠熟🍆完全朔晒醬汁，唔辛口三隻味都好惹味又好夾香蔥嗰個似章魚燒；木魚絲嗰個似大阪燒🤣用嚟餸壽司飯食都唔錯👍🏻推介叫一份作小食！▶️ 荔枝乳酸梳打 (+$18)朋友揀嘅特飲，話好清新解渴仲真係飲到乳酪味道面頭亦有真荔枝肉-雖然感覺港式化咗，但食物味道好唔錯刺身尚算新鮮，尤其鍾意燒茄子💜舖頭環境比較細，座位少，lunch time多人要等位服務還好啦，落單上菜快手，俾人感覺匆忙啲性價比唔錯，不

Yatai Plus餐廳位於新界沙田石門安群街3號京瑞廣場一期一樓,餐廳主打壽司刺身日本菜,有芭菲,牛角窩夫甜品和特色飲品供應,餐廳裝修設計簡約以木系為主調.服務員招呼殷勤走禮。花之戀丼(三文魚飛魚籽)配有玉子和青瓜,新鮮肥美的三文魚食落鮮甜嫩滑,飛魚子食落有卜卜口感,青瓜爽口清甜.還有一小碟酸薑,套餐包一杯特飲蜂蜜檸檬。滑蛋鰻魚丼配有蔥花,鮮菇和玉子鋪滿整個丼,鰻魚燒得焦香,魚肉嫩滑入口溶化,套餐包一杯特飲百香果綠茶。土咗豆腐配有木魚和紫菜.豆腐外皮焦脆,內裏超嫩滑,值得推介。餐廳現時做緊優惠,逢星期六日及公眾假期12:00-17:00惠顧刺身丼、丼飯、烏冬、特調飲品，即享$10折扣優惠#YataiPlus #石門美食 #香港日本菜 #新店速遞 #鍋物 #牛角包窩夫 #香港美食 #平民美食 #拍拖好去處 #HKEats #Croffle

[ #沙田美食 #caloriefoodie沙田 ]• 𝚈𝚊𝚝𝚊𝚒 𝙿𝚕𝚞𝚜 •🐿🦦-作為沙田友有時都會去石門覓食👅有別於市中心集中連鎖食店 石門有更多小店✨而𝚈𝚊𝚝𝚊𝚒 𝙿𝚕𝚞𝚜就係最近新開 主打日式料理🇯🇵價錢相宜仲要免加一 而大部份魚生丼都係💰$100內 ​-🦐 炙燒北海丼 💰$92通常見到有炙燒選項 都會不自覺揀咗🤣因為覺得魚生炙燒過後 種魚油香好正呢個炙燒北海丼有赤蝦、三文魚腩、帆立貝另外仲有甜甜嘅玉子燒、大量蟹籽~ 好抵食-🐮 牛肉壽喜燒湯 💰$88雖則牛肉質素唔係腍身個種 但份量超多✨而且壽喜燒湯底味道甜甜地 令蔬菜食落都係甜配菜有娃娃菜、金菇等 另外仲有隻半生熟蛋額外+💰$20的話 可加配白飯及三文魚湯-🍓 草莓芭菲 💰$58甜品有芭菲或者牛角包窩夫揀 芭菲賣相更靚~配上𝙼𝚘̈𝚟𝚎𝚗𝚙𝚒𝚌𝚔雪糕 揀咗𝚃𝚒𝚛𝚊𝚖𝚒𝚜𝚞口味咖啡嘅味道好濃 但唔知點解會有陣杏仁味😹芭菲配上新鮮士多啤梨、抹茶蕨餅、栗米脆脆等-🍠 熱紫薯拿鐵 💰$28味道偏甜 紫薯嘅味道點到即止😹-🍐 雪の玉💰$32👉🏻 荔枝、雪梨、愛玉飲前記得要先攪拌一下 有雪梨果肉食!!-📍 沙田石門安群街3號京瑞廣場1期1