Yung Chicken Beer

營業中

休息中

一到週末煲韓劇睇睇下oppa 就口痕想食好西屋企附近有間係度好耐但係一直好低調既炸雞舖所以就打電話外賣自取 15分鐘後就可以拎到新鮮熱辣嘅炸雞🍗門口店面比較低調 裏面都係有酒吧情調既燈光 好容易就唔小心行過左😹🌶甜辣炸雞 $158炸雞新鮮熱辣出爐 我即刻就食咗一件 炸雞酥脆 甜辣程度適中 係偏甜底既調味 加埋白芝麻 多左芝麻香氣 不過略嫌隻炸雞比較細隻 唔係平時其他炸雞舖既份量附送開胃甜酸白蘿蔔同沙律醬椰菜絲覺得依個價錢可以食到韓式炸雞其實性價比都OK

之前都聽朋友提過李家呢個名，我一直以為得灣仔一間，但原來土瓜灣都有分店。一入到餐廳，得我地呢檯客，坐得幾舒服。見Menu都有好多款食物，好多都想試，但2個人食唔到太多野。今次就叫住半分蜂蜜蒜蓉炸雞、石鍋雜錦飯（牛肉）、同芝士蛋卷先。炸雞分量都幾多，炸得剛剛好、外面好脆，但裡面肉質保持嫩滑，而且個醬都好好味甜甜地又有蒜蓉味。石鍋雜錦飯可以揀牛肉或豬肉，我地揀左牛肉，味道幾好，中意食辣朋友仔可以自己加辣醬。芝士蛋卷真係可以拉絲，番茄醬配芝士+蛋真係冇得輸。下次想試埋個煎餅。

尼間韓國餐廳之前成日聽佢個名，當年佢係尖沙咀金巴利街都吸引唔少人去試 🤣 今次係土瓜灣無意中發現左佢，所以就試下佢 😝 餐廳環境好暗，裝修唔算好好，好多其他雜物擺放係鋪面 😅不過🐻專注食野😬 今次order左「蜂蜜蒜蓉炸雞」半隻、「石鍋雜錦飯（牛肉）」、「鐵板燒厚切豬五花腩」🥓推介/意見‼️✨ 「蜂蜜蒜蓉炸雞」半隻有一盤上枱，份量岩曬兩個人，而且炸雞係有意想不到既口感，外面脆皮得好緊要，肉質嫩滑，蜂蜜蒜蓉汁好甜但唔算好重蒜蓉味，不過🐻幾愛 😍✨「鐵板燒厚切豬五花腩」🥓用熱辣辣熱板送上，五花楠每塊厚度不一，有d唔算厚切，不過鐵板燒香五花腩當然唔會輸，而且咬口好正 🥰✨ 「石鍋雜錦飯（牛肉）」就正常發揮啦！可以揀牛肉或豬肉，我哋叫咗五花腩，所以就試牛肉😃價錢‼️$98 「蜂蜜蒜蓉炸雞」半隻$88 「鐵板燒厚切豬五花腩」$98「石鍋雜錦飯（牛肉）」

之前一直都係食尖沙咀嗰間李家，雖然住土瓜灣，都冇發現原來土瓜灣都有一間。味道同其他分店冇咩分別，保持到水準。蔥炸雞去李家一定要叫炸雞，香口而且肉質鮮嫩呢款雞都係有少少辣雞蛋捲酸酸地好好食但芝士唔夠多，如果再多啲就好啦泡菜煎餅其實都幾大塊，少少辣，香口，點埋個魚露汁一流！石頭鍋飯冇咩特別嘅飯，佢會畀醬料你自己撈，可以按照自己食得辣嘅程度加辣環境方面，餐廳比較暗，飲住酒，同幾個朋友傾偈就好正 我哋冇叫嘢飲，淨係要咗幾杯水，但隻杯真係好細，成日要人幫我哋加水，都有啲唔好意思，但係佢哋依然好熱心服務，值得一讚

配菜種類都唔少，而且無限任加。泡菜豆腐吞拿魚湯飯唔錯☺️熱辣辣份量大，調味適中，酸辣開胃，好岩夏天食～炸雞反而唔算驚喜，蜂蜜蒜頭味，因為表皮炸得唔夠鬆脆，同雞肉唔夠嫩滑🐥

上OpenRice先知原來尖沙咀嗰間已經關門大吉. 試咗土瓜灣呢間,主要係想試佢嘅芝士燒骨。出到嚟覺得份量有啲少... 係西式餐廳ribs半排 or less嘅份量. 雖然係鐵板上但係芝士已經唔係好熱已經硬硬地，有啲難包住舊骨。過咗陣啲芝士已經硬晒啦。燒骨味道還可以吧。但ribs 嘅份量唔係好值呢個價同埋個芝士如果一路燒住先至會一路食都仲有拉絲嘅效果。另外要講嘅係部隊鍋餐牌上嘅圖片係正常size嘅部隊鍋份量見亦都好似幾大! 本來仲驚會唔會食唔晒。但點知出到嚟似係一人嘅份量... 應該係只得一包麵. 佢餐牌上有賣單一嘅辛辣麵好似係＄40幾蚊而呢個部隊鍋(有麵)係要$130(大概)，一個辛辣面多咗啲啲芝士腸多咗幾塊午餐肉加埋少少年糕就變成百幾蚊？一定唔值囉！比盡$68我都嫌多。呢個嘅標價真係有啲過分！ 原全唔抵食!再去嘅話, 淨係食佢嘅炸雞算喇....

之前食過灣仔呢一間炸雞, 今次就試下土瓜灣呢間分店. 我地叫左個蜂蜜蒜蓉炸雞,少辣.原本以為應該係甜甜地既味,結果係勁辣,辣到我地一路流眼淚一路食, 加上汁太多,所以真係好辣.如果下次再幫襯可能會試其他味~

一想要吃韓國餐！便會想到這裏！炸雞可以配搭兩種不同口味！我最喜歡吃芝士和蜜糖！你可以選擇燒烤或者熟食！也有部隊鍋！總會有你想吃的！配菜可以任加的！跟韓國一樣！很讚！食物質數維持水準！

最近無胃口，最近常睇running man，今日決定去，土瓜灣李家炸雞店，試個🇰🇷午餐午市套餐至旁晚，3點幾都有韓🇰🇷48至58元餐！跟白蘿蔔泡菜兩款，不夠喉，仲可以有職員上前，為你添伴碟泡菜！今午點了🇰🇷拌飯，🍄，牙菜，波🥬，牛肉，蘿蔔漬物，傳統Kimchi ，芝麻，麻油醬料豐富 ，好開胃，好滿足，一人份量好夠，想辣還能自+ 甜辣醬，甜醬油拌飯！好好食！要預🇰🇷餐廳，午市要加一！店長，店員廣東話好正宗！

我時常覺得土瓜灣是一個美食天堂，只是因為沒有地鐵，令很多人不會專程過來。今日試了一家韓國食肆，似乎主打炸雞，於是叫了一份，另外還叫了什錦石鍋飯。炸雞味道很好，老闆說因為韓國總店那邊的要求很高，而且亦有親身來香港檢查其餐廳的水準，值得一提的是價錢比油尖旺那些旺區低，所以性價比變得高，誠意推薦。至於什錦石鍋飯，雖然吃到最後的時候仍然可以食到飯焦，不過此雜錦飯似乎比較濕，不太好吃。最後店長推介我是一款無酒精啤酒的沙冰，味道不錯，與炸雞很夾，我喜歡它不太甜，因為很多時候外面飲到的沙冰甜味很重，值得一試。

有聽過不少人推介李家這韓式食店，一直都很想試試。有天在網上看到，李家其中一家分店竟落在較為不熱鬧的土瓜灣區，較喜歡寧靜的我們終於相約好一晚去試試！看上去這店是小小的，卻是精心裝飾，裡面放置了不少精細的擺設，像令人置身於寧靜的小CAFE感覺。店員也非常NICE，旁邊都一直有著一些食客在嘆著啤酒送著炸雞，真是感覺非常寫意。來到韓式餐廳，不能不點的就是韓式炸雞！看見餐牌介紹了5-6款口味，非常吸引！！！我們當晚兩位，最開心是見到炸雞能有半份／全份的選擇，不用逼著點過多的份量。我們就點了最開胃帶點甜酸的甜辣炸雞。愛吃芝士的我們也點了芝士炒雞肉年糕，最後加點了一個泡菜韓式飯卷。上菜前，店員先給我們兩小碟韓式前菜，吃著吃著便上菜了！炸雞是以籃子裝著的，以半份來說感覺份量也很多，大概有十件。而且味道真的一吃便愛上，雞非常的脆而且每一件都沾滿了濃厚的甜辣汁！熱騰騰的，非常喜歡！！另外的芝士炒雞肉年糕也是做得非常的出色，賣相一般，但吃上來真的真的很入味！芝士份量很多，每夾起一口年糕都有長長拉絲的芝士，我吃第一口已經不停讚賞！！！很好吃！！！裡頭也有絲絲的洋蔥，吃起來不會過份膩。而韓式飯卷也是即叫即包的，

吃過這家很多次，覺得炸雞好吃，今日突然遭遇服務員黑臉對待，不知👓大媽點解心情唔靚，對顧客黑臉，收銀還故意很大聲🤷‍♀️就此拉黑，不會再來。。。。。。。。。。。

晚上打風和朋友經過此店，竟然未閂門，咁樣我地就入咗去，叫咗甜辣炸雞半隻、芝士雞蛋卷&雜錦炸薯條，當然唔少得生啤啦～我朋友鐘意食辣，話炸雞超好味💯我就第一次食芝士蛋卷，原來好好食㗎👍💯仲要收2:00㖭～我地飲到打烊～老闆冇炸型😬

第二次黎幫襯！炸雞水準保持到好味！最驚喜係個炸魷魚酥。脆卜卜。今次試左個芝士蛋卷都好好！熱辣辣啲芝士溶哂，不過好溜我地四個人一人一舊岩岩好。飲埋三個tower買二送一都唔貴。會再黎光顧！

個人都幾鍾意食韓國野嘅，一直都未試過李家咪試下囉。。。話晒都叫食韓式炸雞嘅，應該都唔太差，點知。。。我兩個人食，叫咗個冷麵，半隻醬炸雞，年糕湯，同埋一杯酒。講咗杯酒先，一個字"甜"，冇咩酒味。冷麵就正常，隻炸雞呢，就都真係脆嘅，不過我覺得M記炸雞翼好食啲。至於個年糕湯，就味精味重，所以飲完都幾口渴。叫做試下，如果有選擇我都應該會去附近嘅韓國餐廳食，呢間應該唔會再去啦。我個人覺得就真係麻麻地，所以有機會都會食其他炸雞店。。。