Zakka (已結業)

I ordered truffle mushroom cream pasta, which costed $98 along with the choice of soup or salad. The presentation looked really appetizing. However, the cream was very watery and tasted like melted vanilla ice cream, which was not pleasant. I would say the price is reasonable, but the dish was quite disappointing. Nonetheless, the servers are very nice.

本身係銅鑼灣返工近期見到Zakka 做埋早餐今早決定去試試一睇價格吾貴特別係銅鑼灣區算合理最重要係環境舒適可以嘆完早餐先返工今早點了一份豐盛早餐有豬肉腸、煙肉、炒蛋、茄汁焗豆同埋厚多士再配black coffee炒蛋夠滑其他味道都不錯而且份量都算大份銅鑼灣區早餐不錯之選

今日自己去食好野，好好招待蔬菜沙律非常好味，醒胃炸魚扒，漢堡，非常香口，好味，魚柳炸得酥脆可口配上鮮炸薯條，好香脆好有薯仔味配上熱奶茶在銅鑼灣食野不用加一，代表非常抵食

仲有個多小時才夠鐘睇戲，又唔想周圍走，咁不如在戲院個商場食吓下午茶，無意中見到呢間Zakka，日式裝修簡潔光亮睇完餐牌覺得價錢都好合理，唯獨估不到是要自己排隊買票，好彩餐都是店員送過來兩個餐都有酥皮白湯，個湯有驚喜，個酥皮好香好脆，湯肉有大片的磨菇，有咬口好飲，份量得半杯，可以多番一點就好喇芝士茄汁焗吉列豬扒飯+酥皮湯+咖啡 - $58個茄汁有點酸，芝士香，算唔錯白汁焗雞肉煙腩意大利麵+酥皮白湯+咖啡 - $58煙腩咸咸香香，意大利麵爽口，個汁不太腻，整盤吃光光絕對無問題呢個價錢、環境、食物質素真係無得挑釁，跟朋友閒談下午茶是一個好選擇，一定會再來的。

而家星期五BOOK 枱食晚飯成日都只可以食2小時就要交枱，尤其係銅鑼灣，呢間ZAKKA就唔使。不過唔使擔心係咪有問題所以小人，其實可能係佢未夠出名姐，同埋個地點唔知點解唔係咁旺。言歸正傳，ZAKKA啲食物係有小品氣息的日色西餐。份量適中啱女仔，但男仔就可能要叫多少少。首先食一個南瓜湯，完全FEEL到佢啲營養流入個胃到，佢質地夠杰，俾足材料﹗之後要左個薯條做餐前小吃，好熱好香口，佢沒有脆邊，係入口冧冧地，但係味道係好好的先叫左一個燒雞，佢就OK 啦，我估係雪藏雞，無乜雞味，唔算太入味，OK 啦。但係反而個配菜粟米又幾甜喎，俾個LIKE 佢。仲有叫左個咖哩吉烈豬扒，佢係幾好味架，我鍾意佢多個隻雞。豬肉味同咖哩味攞到個平衡，咖喱甜甜啱我口味﹗最後仲有個甜品士多俾利梳乎厘，佢的士多啤梨超多超大粒，甜度不算太勁，但都新鮮的。梳乎理鬆軟，完全係一個開心晚食的最好完結。其實呢啲小人舖頭真係幾好，可以俾我地坐好耐吹水，真係FRIDAY NIGHT 吹水夜不二之選呀﹗

初三同朋友仔去開年烤雞沙律好多舊雞, 烤得啱啱好, 唔會太乾。 好在叫得唔多沙律可以用橄欖油略為撈一撈 帶子松葉蟹鰹汁意粉奶油唔夠香, 又食唔出鰹汁味, 有海鮮但又冇鮮味。但又唔係難食嘅, 係好似冇左個主角囉餐湯有啲咸 紫薯鮮奶唔太甜, 鮮奶打到厚厚地, 好飲呀 洋甘菊香草茶 草莓梳乎厘班戟 (想食就提早20分鐘落單)班戟要再梳乎厘啲cream 可以少啲, 或者擺側邊。 不過好大份, 兩人食一份夠啦

有時會忍唔住口痕好想食酥皮湯，本身想去隔離意粉屋，但比較貴又多人等，終於行前幾步去左呢間食!佢係快餐類型! 買好野再搵位!d野好好味呀！我見都幾多人食甜品，但因為飲左湯好飽我地就冇食了。酥皮湯焗得好適中!同埋塊酥皮都幾厚身，所以佢係挺起唔係四角垂低。我覺得成塊拎起食開心過浸湯食! 但要有醬汁點就更好味!個飯都焗得唔錯!d料好足!可以食得好飽，但唔算好突出。整體都唔錯呀！會再去試下食其他野，但價錢屬中高價位，唔會成日食。

之前都食過幾次架啦今次就試新出既帶子松葉蟹肉野菌鏗魚汁意大利麵 set $138整體海鮮不過不失🤔雖然帶子同蟹肉味道都唔算好濃，但帶子熟度煮得岩岩好所以都唔錯😇不過整體黎講菇菌味為重🤣而加有Set連湯或沙津加餐飲，本人就試左野菌湯，湯口感creamy，正常水準😎.味道:😋😋😋😋😋😋😋(7/10)推薦度:👍🏻👍🏻👍🏻👍🏻👍🏻👍🏻(6/10)環境: ⭐️⭐️⭐️⭐️⭐️⭐️⭐️(7/10)雖然今次冇食到梳乎厘班戟，但之前食過既感想係梳乎厘班戟空氣感適中，唔會只得空氣感冇晒實質口感，本人好鐘意呢款班戟口感，覺得好食過pan de pain(只得空氣感，但其實好似岩岩液體變固體就食咁)😂蛋味香濃，一啲都唔會膩👍🏻不過班戟直徑的確細左啲，應該得8cm左右，本人認為10至12cm直徑既班戟大細就最好同更加抵食😂另外脆酥窩夫,鮮果,自選雪糕 $88 又係大推！好大驚喜既窩夫😍一黎就已經聞到陣陣酥皮香味😭勁香！食落都完全冇失望😆佢講既脆酥皮真係做到，外脆內軟，香港好少有酥皮面窩夫，想試下呢款真心推介☺️呢款窩夫加上雪糕，凍熱口感好正👍🏻本人推介雪糕要揀榛子味！榛子味雪糕味道好濃好好食！呢款窩夫真係大讚，係本人係香港食

行完花市，周圍都係人，拎住好多野，諗住求其搵間坐得鬆動既食，見到呢間Zakka，隔離大家樂米線陣，都估到係大家樂旗下，見周圍都係人呢道有唔少吉枱，都估到伏伏地，但旨在坐低抖下，就一於試下。自助形式，柜面買野食，然後有人送上，沒有收加一的。野菌黑松露意粉$98，跟湯，熱飲轉酥皮湯加$12，凍飲加$3。質素一如所料伏價錢比出面西餐廳平少少，但質素就.....我寧願食返大家樂算意粉汁太多，菇有苦味，似食緊湯麵，係無味既湯麵，意粉真係不行咖喱吉列豬扒飯$98個咖哩汁唔錯，有日式風味，有芝士味，豬扒份量都夠多，但飯偏少，個碟好淺身吉列豬唔得，皮厚，又唔脆我都係去大家樂食焗豬扒飯算

行完年宵諗住試下新野入到去都無咩人叫左個意粉食諗住幾好啦一黎到到個賣相已經唔吸引仲要128食落口 d 蝦無味，係咩味都無個意粉整到淋晒水又多搞到似湯意下次真係請都唔好去

[🍓軟綿綿士多啤梨班戟]臨行年宵前，揀左呢間餐廳食晚飯🌸▫️#軟殼蟹明太子汁麵 $138🐳軟殼蟹好多汁，炸得金黃香口，意粉彈牙，唔算太掛到汁，醬汁充滿明太子既咸香，仲有好多菇粒，不錯不錯😝.▪️#脆脆雞翼 $284隻單骨雞翼，即使唔點bb沙律醬，都已經好夠味，十分惹味😋😋.▫️#草莓梳乎厘班戟 $88原本上枱時冇咩期望，🍓🍓班戟扁塌，睇落整到好乾/變成蛋糕，但一入口又幾好食，入面軟綿綿，又有蛋香，雪糕都係好食💓💓.▪️#抹茶鮮奶 +$6抹茶味都好香的😍.📸#Zakka地址：銅鑼灣百德新街22-36號翡翠明珠廣場1樓Festiva 4號舖

CWB太多食肆，咁啱今晚番學有鬆動時間泥明珠廣場蒲下。揀下揀下就試Zakka。食物款式唔算太多，但反而有班㦸食好似好吸引。無奈一個人嘅肚皮有限，只能食個正餐去頂兩個小時悶堂。由於要low carb又唔想食沙律，整左碟燒雞紅薯蓉燒粟米餐。個餐包湯或沙律同熱飲，而我呢就加多$3改凍飲。是日餐湯：甘筍湯～味道唔錯，唔會好甜，甘筍味就唔多聞倒。薯蓉我就試左少少，咸左啲。至於雞都晤錯，份量算大，不過個汁有啲奇怪，唔咸唔甜咁囉。粟米就幾好味。呢餐盛惠$131 do 👌

日式燒汁牛肉意大利麵 $98意粉配搭日式壽喜燒汁 味道偏甜 出奇地都幾match 牛肉片薄身但富牛香 面頭既生蛋為賣相加左分 可惜壽喜燒汁多到似湯 完全掛唔起意粉 撈勻後隻蛋亦完全消失左 連少少蛋黃味都食唔出😐評分：7.5/10.日式燒汁燴雞·日式蛋蓋飯 $98普通既雞扒蛋包飯 雞扒較乾身 燒汁比較少 撈唔哂啲飯 要讚既係蛋蓋都幾重蛋香 而且用上米香較重既珍珠米 敗筆就在於雞扒同醬汁份量評分：6/10.梳乎厘班戟·北海道牛乳雪糕 $98梳乎厘pancake比想像中細塊 但厚度絕對冇失色 質感鬆軟且重蛋香 可惜做唔到入口即融既感覺 似日式芝士蛋糕同梳乎厘既中間點 食完係會有飽肚感 配上牛乳雪糕做到一冷一暖幾唔錯 （搞笑既係 店員話製作時間需約20分鐘 提我地20分鐘前叫起 點知5分鐘後就上到檯😂）評分：7.5/10.有機麥盧卡蜂蜜洋甘菊香草茶（跟餐）呢到既茶雖然係用茶包沖 但味道一啲都唔遜色 先飲到陣溫和既洋甘菊同香草味 然後會有一鼓回甘 感覺好特別 值得試下

同朋友去食lunch 環境都幾好幾舒服 傾計一流 我地叫左all day breakfast同埋鰻魚飯 其實呢兩樣都無可能難食得去邊 所以都幾好味啦 跟著叫左抹茶牛奶 覺得好正好想再飲🤤

銅鑼灣有一層商場，聚集幾間大家樂集團既餐廳，其中一間餐廳feel好似日式家庭餐廳，有日，西式菜，甜品。叫左照燒雞扒配日式蛋飯($98)，三文魚明太子鰹魚汁意大利麵($98)，dinner set配餐湯/沙律，餐飲，梳乎厘班戟配北海道牛乳雪糕($98)。揀左餐湯，以大杯裝住，有別於一般用湯碗。蕃茄濃湯好大陣蕃茄味，面頭已經放左幾粒脆脆地既麵包粒，浸完之後，外軟但內仲脆脆地，唔錯。食到有蕃茄粒，不過略為鹹左dd。份量比平時飲既感覺多d。照燒雞扒既香又脆，肉質嫩而唔"鞋"，而且熱辣辣送上枱。炒蛋厚厚地，鋪係飯上面，滑而唔會煮得太老。飯方面，唔係普通平時食到既飯味，食既時候，帶有少少麥味((?)，幾特別。三文魚少少一舊係面頭，同雞扒set比較，價錢一樣，但就失色左少少。因為尼個健康清新d，如果覺得冇味道，就可以拌勻明太子。個人覺得明太子太鹹，所以冇拌勻都一樣好食。有大量菇菌一齊煮意大利麵，賣相唔錯。第一次食梳乎厘班戟，餐廳亦做到上枱效果可以搖下個碟，班戟就會郁下郁下。一碟有3件，有鬆軟既口感，唔會話好多空氣係入面，所以唔係只係食緊好多空氣。配有糖醬，雪糕，少少水果拌碟，雪糕同班戟一凍一熱，口感