Zucco (已結業)

早幾日係街上由一。位婆婆手上接過一張傳單，見價錢吸引，我自己由喜歡食春雞（自己唔會煮），所以今日午餐時間一支公去試試。地址漆咸道南，但真正要由麼地道的大廈入口進去。大廈入口嘅餐廳宣傳燈箱夠大，餐廳實在太入了。又沒有多一塊指示/名牌放在入口當眼處，再加上一開始有一間大啲嘅餐廳在前，好易比人截“生客”糊。ANYWAY，第一次食午餐香焗燒春雞（配飯）。有南瓜湯，味道合格之上。我唔太喜好南瓜湯都會接受可以再飲。重點係個燒春雞。好味，堅係好好味。即叫即焗等20分鐘是正確的。連雞胸都媽嫩滑。差啲仲以為食緊雞髀位。配埋個黑椒汁，白飯。夠哂滿足。雖然我個人唔喜歡加一呢個制度 （直接mark 入產品價，tips 由客人再跟心意比唔好咩？）$86 （連加一） 都係抵食。下次可以試其他幾款。👍🏻希望該店做多少少吸引多啲人客，氣氛越熱鬧就越食得開心。

撞到一間餐廳，環境舒服得嚟又有味，食物質素正！🤩 首先跟大家嗌啲食物嘅感受。嗌咗個香煎鵝肝多士，鵝肝煎到金黃脆邊，外表吸引之餘，入口即化，多士脆得來底氣足，真係想喊出嚟，佢哋隻黑醋汁夠晒夾，帶點酸甜，剛剛好解膩！😋跟住是芝士薯蓉田螺，薯蓉真係滑得滑唔溜手，田螺大大粒，咬落去爽口得滯，芝士嘅香味仲留喺口腔中，記憶猶新呀！🧀話說水牛城雞翼真係正中下懷，肉嫩汁濃而且微辣提神，醬汁包裹住整隻雞翼，啖啖肉，一啖一啖滿足。做完正堆嘅小食，試吓佢哋嘅明太子三文魚螺絲粉，我呀，真係食得唔捨得講嘢，三文魚新鮮到跳，同明太子醬搭咁正宗，熱辣辣嘅意粉，每一口都想永遠記住！🍝最後講吓飲品，Apple Breeze清爽到爆燈，果汁絕配夏天消暑嘅氣息；而Twilight Dove嘅味道實在係甜美迷人，女士最佳選擇！🍹呢家酒吧餐廳，無論你想飲定想食，一應俱全同埋保證满足到你！下次仲要約埋啲朋友一齊黎，放鬆吓自己！🥳

7:15 order 8:18先上碟意粉揀定正啱啱開門入 仲要唔係好多人（起碼冇坐滿）都要等成個鐘味道正常 份量超少😅😅正常胃口嘅女仔叫兩碟主食先夠附近都有好多類似嘅bar 建議優先避開呢間

尖沙咀呢間型格酒吧餐廳都幾難搵，佢雖然寫地下，但係其實佢係幾座大廈嘅中心，所以如果你喺外面嘅馬路係唔會見到佢間店，要行入去大廈入面先見到，真係有少少難度😅。入到去中間就會俾佢嘅投射燈吸引咗，幾型！而店裏面就係以銀色為主。今餐飯我哋叫咗巴馬火腿配金蜜瓜、炸洋蔥圈、雞翼拼盤、芝士田螺焗薯蓉、黑松露野菌忌廉汁意粉、龍蝦汁虎頭大蝦意粉同埋兩杯mocktail ：Apple Breeze、Double Or Out。每一道菜嘅份量都比較大，通常酒吧餐廳食嘅嘢都好一般，但係呢度我覺得佢有少少出色，甚至乎有啲餸菜會比普通餐廳更加出色。

位於尖沙咀漆咸道南巷仔的酒吧，環境帶型格有格調、 還有不同駐場歌手LIVE MUSIC🎶，非常適合與朋友CHILL的好地方😍龍蝦汁虎頭大蝦意粉🦐🍝意粉超級高水準!好香嘅龍蝦汁配搭意粉，味道香濃 creamy!🤤而且要讚嘅就係，虎蝦肉好大隻仲有好爽口、鮮甜🫣芝土田螺焗薯蓉 即點即焗，田螺每一隻都大大粒，薯蓉好滑好綿，還有大量芝士，既邪惡又好食🤤日式牛柳粒多汁有夠稔，真係啖啖肉，完全冇筋膜唔怕痴牙😋BuBuBu🍹顏色鮮豔帶熱帶度假風情，菠蘿果🍍香清甜味道，入口冰涼清爽，酒精不算太濃，非常適合女士飲用，像置身海洋🌊

最近去尖沙咀覓食，發現到一見酒吧餐廳食物質素唔錯。鹹蛋黃帶子意大利飯 $138帶子大大一粒，鮮甜美味。意大利飯熟度剛好，米飯鬆軟而有嚼勁，同時十分creamy。加入鹹蛋黃嘅risotto十分美味，口感食落有啲「沙沙」地，味道可口，鹹蛋黃嘅鹹香同帶子嘅鮮甜十分夾。原隻青龍蝦配龍蝦汁意大利粉 $168第一次食原隻龍蝦上嘅意粉，賣相十分吸引！龍蝦肉多，肉質滑嫩彈牙，味道香甜。意粉都帶有少許龍蝦汁嘅味道，而非普通嘅奶油意粉。裡面加入咗燈籠椒同蘆筍，令整體口感更豐富。雞翼拼盤 $128佢散嗌嘅雞翼有四種唔同口味，因為我地每款都想食，所以我地叫咗雞翼拼盤，咁就唔使煩。四種口味包括蒜香、蜜糖、香辣同埋水牛城雞翼。我最鍾意食蜜糖同水牛城雞翼，蜜糖雞翼較脆香甜：水牛城雞翼酸酸辣辣。芝士焗薯條 $88芝士焗薯條大份，即叫即做熱辣辣。裡面加入咗幾款芝士，啱晒鐘意食芝士嘅我！每條薯條都被芝士覆蓋住，特別係面頭嗰啲。趁熱食會有拉絲效果，睇得食得又玩得～

🍽️ Zucco 📍尖沙咀漆咸道南23-27號地下R1號舖-呢排突然醒覺肥咗好多，但係依然係要食嘢嘅！🤌🏻🤌🏻決定以後要食多啲健康嘢！💪🏻💪🏻邪惡的食物要食少啲！😈😈💫芝士焗墨西哥粟米片（ $108 ）好大pat芝士好邪惡🧀🧀😍😍有恆心減肥嘅我只係食咗三啖🤡🤡就係呢三啖帶咗我上天堂👼🏻👼🏻暖笠笠之餘，仲要做到拉絲效果，配合惹味又脆卜卜既墨西哥粟米片🤌🏻🤌🏻一啖接一啖，差啲忘記咗自己要減肥😝😝💫巴馬火腿配金蜜瓜（$88 ）巴馬火腿配蜜瓜係天生一對就係人都知🫶🏻🫶🏻特別欣賞餐廳選用嘅火腿鹹味啱啱好，蜜瓜軟綿綿又甜蜜蜜，好夾好夾🥰🥰💫黑醋牛油果沙律（ $88 ）靚既牛油果係鮮嫩既黃綠色，呢碟沙律就完全做得到啦！💛💚💛💚配合黑醋同埋沙律菜，突顯左牛油果嘅Creamy口感同埋淡淡既堅果香！隔離仲有好好味嘅蜜瓜啊！🤌🏻🤌🏻💫海膽意大利飯（ $148 ）海膽份量好多！特別嘅地方係海膽除咗有軟滑即融既口感，仲有少少脆脆地既粒粒，好有層次🤩🤩意大利飯方面，濃郁嘅海膽味同忌廉味融合得好好，質地Creamy😚😚😚呢個忍唔住食咗好多啖🤭🤭🤭💫Double or out（$88）菠蘿味好出！沙冰嘅口感好適合夏天❄️

今日去左尖沙咀一間bar and restaurant ，風格係行工業風，同埋呢度嘅speaker 幾靚聲又重base，呢度播英文歌同廣東歌為主，喺呢個環境食飯飲野都唔錯。🥪香煎鵝肝多士鵝肝都幾大舊，而且調味岩岩好鹹味適中，再點埋黑醋解膩perfect。🍝香蒜辣椒虎蝦意粉隻虎蝦起大隻又彈牙，再食埋蝦頭入面嘅膏一流。意粉用蒜茸同洋蔥去炒辣辣地幾惹味。🍖美國肉眼扒 10oz呢塊肉眼扒係本身有鹽調左味無再加額外嘅汁，更加食得到牛肉嘅鮮味同牛脂香味，而且就算叫左7成熟都唔會柴，煎得非常出色。配菜有番茄仔、炒蘑菇同炸薯角，全部都不錯。🍹Fruit Punch $88有橙汁、菠蘿汁、石榴汁嘅梳打，果味都幾出，喺呢個環境下飲都幾chill。

依搵工作壓力大, 成日要搵閨蜜食野放鬆心情~上星期二就搵左依間Zucco~XO 醬鮑汁煎帶子意粉:扁意粉👍👍用XO 醬炒係幾惹味,可惜底部油偏多黑醋牛油果沙律:除左有牛油果,仲有蜜瓜🍈香煎牛沙排: 4塊,厚薄適中,因為我地叫左一個Main,所以叫多個肉肉食🥩雞翼拼盤:有辣有唔辣🤭辣我就頂唔順, 交左比閨蜜食, 我食番個蒜香蜜糖😂LazyBitxh: 因為第二日番工, 所以點左依杯沙冰Mocktail🤭最估唔到係影影下相, 熄左燈~有Live Band 唱歌🤭🤭由8點開始唱!幾意外, 因為本身以為周末先會有🤭

香煎鵝肝多士 🍞🍖 $98美味指數：👅👅👅👅👅 (5/5)餓肝煎得金黃酥脆，入口即溶，多士烘得好香口😙配埋香濃嘅黑醋汁，食落去一啲都唔膩。 美國肉眼扒🥩 10oz $318美味指數：👅👅👅👅/👅 (4.5/5)塊扒煎得恰到好處🔥咬落肉汁豐富，口感一流，食完真係好滿足😊 原隻青龍蝦配龍蝦汁意大利粉🦞🍝 $168美味指數：👅👅👅👅👅 (5/5)龍蝦原隻咁上，菜式外觀上已經好搶眼🤩龍蝦肉質彈牙，鮮嫩多汁😋 配埋意大利粉同濃郁龍蝦汁，真係唔需要多講！ Apple Juice🍹 $48美味指數：👅👅👅👅 (4/5)食左咁多肉配返杯新鮮蘋果汁真係好解渴，但又唔會太甜🙈

尖沙咀型格酒吧餐廳-Zucco🖤除咗有多款特色cocktail、mocktail、酒類提供外,亦有多種食物提供,好似意粉、意大利飯、pizza、小食、沙律等等,絕對係飲嘢好地方🥳而且Zucco會為大家帶嚟唔同嘅音樂,成日邀請唔同音樂單位表演🎤當中全民告星5嘅參賽者都有嚟演出啊🤩鍾意聽歌嘅朋友,只要book枱食飯或者飲嘢就可以了🥳🍚咸蛋帶子意大利飯係我最愛嘅咸蛋黃😍濃郁咸蛋黃味🥚陣陣咸香味😚配上大大粒帶子,彈牙鮮甜😛意大利飯口感creamy🍚另外加入露筍增加口感層次😝🌮芝士焗墨西哥粟米片上面鋪滿芝士🧀仲都拉絲效果添🤩每一啖粟米片都食到芝士🧀墨西哥粟米片香脆可口,有埋蕃茄粒喺上面🍅好味到令人一口接一口😛🍞香煎鵝肝多士香煎鵝肝外脆內軟,入口即溶,幼滑質感之餘帶點甜味😛淋上黑醋令到鵝肝味道更突出🤩配埋香脆多士一齊食,可以中和返鵝肝嘅膩😆🧅炸洋蔥圈小食有超多選擇😚樣樣都好想食🙊揀咗我最愛嘅洋蔥圈🧅惹味又鬆脆,外層脆口,包住香甜嘅洋蔥🧅相當滋味😛🌹R & L賣相好靚嘅R & L cocktail😍有玫瑰花瓣喺上面🌹以玫瑰同荔枝為主,再加入Vodka、荔枝酒、檸檬汁🍋香甜嘅玫瑰同荔枝味,沙冰飲落夠冰

營業時間6點到夜晚3點，越夜越多人，而且座位都多坐得好舒服！野食方面每道野食上黎嘅時候都好夠熱好香，先黎個我最喜愛鵝肝多士，麵包烘得香脆可口，廚師手藝非常好，鵝肝煎得又甜又滑嫩，質感一流啊！日式牛柳粒又多汁有夠稔，真係啖啖肉，完全冇筋膜唔怕痴牙，芝士焗田螺薯蓉夠香，完美配搭，仲有拉芝效果，最中意食煙韌既焗芝士，大力推介海膽意粉，整塊加拿大海膽，濃郁海鮮味，豐富口感，其次原隻青龍蝦意粉，龍蝦大隻店員都可以幫手剪開，撈埋蝦膏食都好好味🤤

喺社交媒體網站一直有follow呢間餐廳，知道會有歌手唱歌，可以一路聽住歌一路飲酒食嘢。咁岩今晚一直留意開嘅歌手，就去咗呢間餐廳試吓！巴馬火腿配金蜜瓜($88)巴馬火腿嘅鹹味同哈密瓜嘅甜味好夾， 好開胃，份量都幾多，性價比好高！煙三文魚牛油果薄餅($138)薄餅嘅口感好鬆脆，唔會太濟。煙三文魚都好鮮味同牛油果嘅奶油味好夾！XO醬爆汁香煎大帶子意粉($138)雖然得一粒帶子，但佢煎得恰到好處鮮嫩多汁。加埋XO醬嘅香味，令到意粉好惹味。意粉都煮得好有彈性，好好食！

今日去完尖沙咀睇戲, google見到呢間 靚靚酒吧餐廳， 諗住chill返一晚, 一入到去地方好大, 交通又好方便, 員工非常非常之友善， 講明要relax， 梗係叫杯cocktail酒飲下<Bububu>, 除咗顏色靚爆之外，重非常 容易 入口好飲， 另一位就飲橙汁， 仲有塊超甜橙肉🤣， 我哋叫咗兩個小食 分別係 麻辣 香炒魷魚鬚， 香辣牛柳粒， 魷魚酥麻辣味香農 爽口， 配埋煎過嘅薯仔超好食， 加埋 牛柳粒， 佢哋似係 中西廚cross over, 真係食到停唔到口， 送酒一流， 但係其實我哋都係未食飯嘅 ，所以 我哋叫咗龍蝦汁大蝦意大利粉， 同埋海膽意大利飯， 大蝦超大隻， 爽口大彈牙， 蝦頭的膏 超級香濃， 你睇下我哋個海膽 幾大方， 食得出佢係新鮮靚海膽， 唔係hea人嗰啲， 呢個意大利飯 非常creamy， 又有種酸酸甜甜好開胃嘅 感覺， 非常非常之好食🫰 而且呢度地方夠大 又夠闊落, 坐得好舒服, 老實講尖沙咀 好難搵到啲 咁有空間嘅地方， 真係超讚！ 佢呢度有個台， 原來佢久唔久有live band表演， 門口有一大 地方， 飲飲下嘢或者食下嘢都可以出

zucco係一間大玩Crossover嘅酒吧餐廳，佢個位置都好隱蔽，喺條巷入邊，絕對係隱世👯‍♀️👯‍♀️⭐️香煎鵝肝多士鵝肝好正，雖然唔係厚切，但面頭煎得好脆，但味道香濃，多士脆薄香口，小編將之前沙律嘅蜜瓜片鵝肝一齊食，香甜之餘更可減低油膩感⭐️凱撒沙律🥗蔬菜爽脆新鮮，醬汁份量恰到好處，芝士香濃，鹹香味十足，仲有啲煙肉粒，加埋灸燒嘅帶子都好大粒，good good⭐️麻辣香炒魷魚呢個超正，係成晚嘅MVP，我有驚喜！用咗中式四川做法，有點大排檔風味，首先好有鑊氣，其次係麻辣花椒炒得好香，好惹味，越食越上癮👍🏻送酒一流🥂⭐️三文魚扁意粉用左扁意粉，意粉軟硬適中，好掛汁，醬汁好creamy，好濃郁，仲有啲配菜，包括蘆筍、青紅椒，夾埋食口感好豐富，如果三文魚多啲嘅話就仲好⭐️Cocktail🍸👉🏻 BuBuBu：顏色鮮豔，有啲熱帶風情，菠蘿味濃郁，而且漸層嘅效果好靚！👉🏻R & L：好解暑，啱晒呢幾日天氣咁熱，佢係用一杯沙冰嘅形式呈現，都幾大杯，一開頭飲落唔算好重酒味，但係飲下飲下就會有啲微燻嘅感覺整體食物有驚喜，環境舒適，唔算好多人，非常適合同朋友happy fri，好過隔籬嗰間太多，上次同朋友食到人