影片
招牌菜
今日朝早放假，同朋友兩個人去咗置樂嗰間天悅度飲茶吹下水，朋友話佢既食物都唔錯，就咁就去試下佢啦！先講食物方面，最驚喜嘅係朋友介紹試吓食嘅燕麥粗糧糕，呢款糕都幾特別，唔係度度有得食佢係甜點黎既，口感都幾特別，咬落嚥嚥韌韌咁，都幾值得一試。我地另外叫既都係D大路嘢，就係叉燒包、腐乳通菜、牛肉球同滑雞飯，腐乳通菜夠晒多腐乳，叉燒包質素都唔錯夠鬆軟餡料又多。我哋總共叫咗五樣食物，埋單價錢係$136.5，價錢都算正常。需要另外一提嘅，就係通道方面嘅問題，由於我哋坐近門口，察覺到通往酒樓門口既路就需要經過三級樓梯，對於行動唔方便嘅人來講都幾麻煩，例如坐輪椅嘅人士、老人家同埋推住BB車既人黎講都幾唔方便，希望酒樓可以想辦法去改善一下。
繼續閱讀
酒樓好舊，環境一般，但供應的食品頗好，不會太油，招呼也不錯，最可適內裏沒有洗手間，要到外間公厠，我最接受不了。不過，這裡的晚市很旺，主要來吃火鍋，因為是任食的，價錢已反應這裡環境及食物質素。
繼續閱讀
今日長老未到我放工已經問我想食咩，又忙又唔想諗既情況下，就食任食邊邊啦！星期一至五 成人全包$118 任食長者卡$108 ，紅日加$10位，小朋友就$68舊時屯門唔係咁多任食打邊爐 ，天悅係長龍店 ，等好耐都冇位 ，但現在屯門區實在太多選擇 ，佢係可以唔訂位直入。對上一次幾個月前既經驗，係八點左右就咩都冇 蝦 蠔 甚至菜都可以話冇晒 ，但今次ok 基本免費唔使加錢既都仲有得叫。雞片 可能佢日間時段係茶樓 佢既鮮雞片同平日點心棉花雞的雞片係差唔多的。金錢肚都好食。佢既肥牛就可以唔叫。滾幾秒都可以係全全全熟。次次黎依間 一定食係雲吞。都算大粒彈牙。另外一定叫係響玲 同長老至愛蝦其他可以叫都係菜。魚、蠔、田雞、丸類真係睇你好唔好彩。但價錢就真係平，所以都係值得再黎的。
繼續閱讀
火鍋料極唔新鮮，菜又霉又爛，見到都唔開胃。第一次肚餓住去一間食店但係可以唔想食嘢因爲太難食！然後服務態度奇差！我哋成大班人去固然興高采烈但個阿姐極差態度咁叫我哋收聲話嘈住佢同佢部長講野！請問你係喺圖書館工作？鍾意食這間野的人睇怕來自第三世界！
繼續閱讀
家人生日，放工攰個個都唔願行，最好選擇係天悅。被乳鴿呃了，一咬肉質便知龍與鳳，雪鴿兩隻～差了點。剛好跟孖寶餐的炸雞比下去，慢慢食到最後一件皮還脆，雞肉滑嫩，孖住芋香蒸鱔，抵食，鱔跟芋頭比例差遠，豉汁蒸好惹味，鱔算鮮，芋頭有點大舊，致內裡比較實，如夠粉、淋同入味就更好了。蜜味柚子骨份量十足，骨泡過油後再用柚子醬兜兜，入味又多醬汁，好好配飯。椒絲腐乳通菜同金銀蛋莧菜，前者惹味又香、後者有湯濕濕地適合炎夏，任君選擇。尾聲還有桂花糕贈送，內有杞子同雪耳，涼透心又唔會好甜兼有口感，送的一點也不馬虎
繼續閱讀