影片
港鐵中環站 D2 出口, 步行約2分鐘
繼續閱讀
電話號碼
98490112
開飯介紹
以和牛菜式為主打的日本料理，提供廚師發辦菜單，使用新鮮高質食材，讓顧客享受極致的日本料理體驗，推介如和牛昆布燒牛肉春卷、小田和牛壽喜燒他他等。
繼續閱讀
附加資料
Last order: Lunch Omakase 13:30 Lunch Set 14:00; Last Order at 22:00, Closing at 23:00 Time slot: 18:30 / 19:00 / 20:30
營業時間
今日營業
12:00 - 14:30
19:00 - 22:30
星期一至六
12:00 - 14:30
19:00 - 22:30
星期日
全日休息
以上資料只供參考, 請與餐廳確認詳情
有關獎賞計劃
晚餐男朋友好鍾意食omakase，啱啱同事又推薦咗附近嘅，就同佢一齊去嗰邊享用晚餐。我哋揀咗dinner omakase，有住非常豐富嘅食材，從頭食到尾，道道都非常驚艷我哋！炭燒牛排咬起嚟口感細膩，配埋蔬菜一齊食，帶有微微嘅清甜，非常解膩，係個非常完美嘅搭配！仲有關東煮牛胸肉配蘿蔔，牛肉肉質比較軟嫩，好好入口，加上蘿蔔都炆得啱啱好，整體嘅口感都比較偏軟糯，味道清甜。男朋友最鍾意嘅係和牛壽司，上面放咗滿滿嘅海膽，睇落去非常爽！和牛有住非常特別嘅香氣，配埋甘甜嘅海膽一齊食，味道更加鮮甜，非常正！蘑菇松露魚子飯分量好足，每一口都可以食到彈牙嘅蘑菇同Q彈嘅魚子，口感非常豐富，仲有熱辣辣嘅面豉湯，簡直係一碗好高級嘅料理。壽喜燒有住特別嘅風味，牛肉沾上蛋之後，更加香濃好食，味道非常鮮甜滑嫩，加上配料一齊食，非常爽口！甜品係豆腐布甸，上面淋住楓糖漿，滑溜溜嘅，幾乎唔需要咀嚼，淡淡嘅甜味喺口中慢慢散開，非常清涼。仲有一道炭燒茄子，係冷凍嘅，係我哋第一次試。茄子冷冷哋，都唔失甜味，仲非常爽口，完全食唔膩。男朋友都覺得呢度嘅omakase非常特別，仲話會經常嚟食！
繼續閱讀
挖到寶喇各位朋友!一間藏喺中環嘅日本菜，性價比超高!第一次試佢哋嘅Omakase就俾佢驚 艷到 菜品好豐富，牛肉係用咗頂級黑毛和牛「小田牛」嚟製作嘅每一道菜式 整體嚟講我同 男朋友都覺得好抵~小田和牛炭燒昆布生牛肉第一道前菜先上生牛肉，用咗炭火快速炭燒小田和牛，外表焦香入面軟嫩 濃烈嘅牛肉味唔單 止滑嫩好入口，加埋爽脆嘅蔬菜超開胃🤤炭燒和牛牛排配時令蔬菜🥬牛排飄住淡淡嘅炭燒味，外皮微焦但肉質唔會柴 鬆軟之中帶住一絲韌勁，肉香味十足!海膽和牛他他壽司🍣上乘嘅牛肉充滿住油脂嘅香味，新鮮嘅海膽味道鮮甜，入口即化嘅口感好似食緊雪糕咁😋😋小田和牛蘑菇松露魚子醬飯和牛嘅肉質本身已經好好，再配搭埋蘑菇松露嘅味道，真係好夾!入口肥而唔膩，仲帶住濃濃嘅 松露香味，正到流眼淚!😭小田和牛壽喜燒🍲壽喜燒醬汁點煮都係好食得~調味鹹甜啱啱好，牛肉已經吸晒啲醬汁，嫩滑嘅牛肉再配埋無菌蛋 ，口感更加爽滑細緻冷凍炭燒茄子🍆用炭燒令茄子外皮焦香但入面軟糯，燒好嘅茄子依然保留住食材原味，冇過多嘅調味料，食落清爽唔油膩~豆腐布甸配楓糖漿最後用甜品嚟作結尾滑溜嘅豆腐布甸，口感好綿密，配搭楓葉糖漿味道甜甜地，入口好滑溜~
繼續閱讀
呢次我嚟到中環嘅和牛割烹小田，真係要大大推介呢間Omakase餐廳佢哋用嘅小田牛真係一絕，肉質軟嫩，油花分佈均勻，食落口感滑溜，唔會太肥膩，食到你唔想停口一開波嘅Espresso牛肉湯真係好驚喜，用嘅係最純天然嘅材料，完全冇加調味，靠牛肉同鰹魚嘅鮮味，湯底清甜，但又帶有濃郁嘅牛味，飲完之後覺得好開胃炭燒茄子係凍食，配埋魚卵拌魷魚同西京味噌秋葵，食起嚟好清新，呢啲小菜都做到咁有心思，真係唔錯精选牛肉配味噌、昆布同胡麻蔥汁，啲牛肉唔係一般嘅薄片，而係切得厚身少少，肉味超濃，配埋嗰三種調味，完美得嚟唔會搶走牛肉嘅風頭其中一個highlight就係佢哋嘅醬油蝦海膽和牛他他飯，將牛肉同海膽、蝦肉嘅鮮味同醬油嘅鹹香完美融合，食完唔得唔讚食完之前幾道牛肉菜之後，嚟個橙皮酒香啫喱配甜梨酸甜嘅橙皮同啫喱加上啲微微嘅酒香，入口即化，啫喱嘅質感爽滑，配埋甜梨嘅清甜脆口，真係一個絕佳嘅轉折位，reset晒味蕾，準備好迎接下一道重頭戲跟住就到炭燒夏多布里昂牛里脊，呢度選用嘅牛里脊切得比較厚身，牛味非常濃郁，再加上用炭燒嘅做法，牛肉表面燒得有啲微焦，但裡面保持咗啲多汁嘅質感，仲有味噌同昆布嘅醬料調味，令整道菜鹹香得嚟唔會蓋過牛肉本身嘅風味。呢一道真係鍾意重口味牛肉嘅朋友必試！最後嚟到甜品，今日嘅甜品係豆腐布甸配楓糖漿、日本柿同紅酒啫喱。甜品嘅每個元素都配合得好好，真係幫整餐嚟個完美收尾！服務方面，店員好貼心，從頭到尾都解釋每一道菜嘅來歷同做法，仲會同你推介點樣搭配食物去發掘唔同嘅味道層次，令整個Omakase體驗非常愉快
繼續閱讀
出咗糧梗係要食餐好嘅，今次嚟食omakase 餐廳裝修好有格調，畀人一種好神秘嘅感覺。一邊欣賞廚師嘅功架，一邊享受每一道美食，師傅精心製作，賣相加入藝術元素。整體落嚟令我最難忘嘅幾道菜1. 小田和牛壽喜燒超級鍾意嘅和牛壽喜燒，個人嚟講師傅處理得好好！味道好香濃，肉質亦都非常鮮嫩，入口唔會話有個好油膩嘅口感，再加埋日本直送嘅kodawari蛋，成個入口嘅口感更加滑！比一般我去嘅壽喜燒專賣店更美味呢！2. 小田和牛蘑菇松露魚子飯有齊黑松露，蘑菇，魚籽同埋和牛嘅一小碗飯，滿滿嘅精華喺內。熱辣辣嘅和牛粒，油脂令每一粒飯都好油潤，份量亦都畀得好多，攪拌後黑松露味道變得均勻，魚子亦都偶爾爆開喺嘴裡。米飯粒粒分明，整體嚟講好夾，好食！3. 海膽和牛他他壽司又海膽又和牛，好有派頭，師傅推介咗3分熟度恰到好處，和牛經火候後嘅油香散發，海膽味亦都好濃，成個presentation好有儀式感之餘，味道亦都令人滿意，入口即溶，好奢華嘅感覺4. 炭燒小田和牛牛排配時令蔬菜牛扒一開始就同師傅講好想食5分熟嘅，師傅火候亦都控制得好好，出鍋時熟度剛剛好。牛扒本身有少許嘅調味，濃濃嘅炭燒味，所以其實乜都唔使搭配都好好食。食落都有好濃郁嘅牛香味，厚薄亦都好適中，已經切好一件件，所以食起嚟都好方便
繼續閱讀
之前老公生日，諗住要去食啲好嘢，話晒平日都係食啲家常野，朋友介紹咗間日本餐館有fine dining，就帶老公嚟呢度食。入面嘅氛圍好唔錯。第一道係日式濃湯，上菜方式好可愛，細細一杯好似飲茶咁🍵不過味道好正，好濃郁嘅湯，好飲。再嚟就係炭燒茄子🍆魚卵拌魷魚配青瓜同西京味噌秋葵。好特別，好香，有清涼，搭埋食有好豐富嘅味道同口感。下一道係和牛同佢哋嘅日本蛋🥚配埋食真係一流，牛肉好有咬勁，而且味道好足。入面仲有啲配菜，蘑菇處理得好靚，又新鮮💦再嚟就係醬油蝦海膽和牛他他飯，係幾種料參埋一齊。我係攞旁邊嘅紫菜嚟包住食。紫菜脆脆，入面嘅料嫩嫩，味道十分正，好好食。接住嚟係和牛漢堡，有好香嘅芝士味，加埋番茄肉醬，一啖咬落去，超美味。佢哋嘅炭燒牛肉都好唔錯，散發住濃郁嘅香氣，煮得好有層次感，口感好佳。最後係飯入面有和牛、蘑菇等，仲有一碗湯。好香，有住牛肉味加埋軟嫩嘅蘑菇，同飯一齊食，一啖落去，後面飲埋佢哋嘅湯，美味！係個唔錯嘅omakase體驗，食得好舒服。
繼續閱讀
您可能會有興趣的...