影片
港鐵中環站 D1 出口, 步行約3分鐘
繼續閱讀
電話號碼
98358606
開飯介紹
店名「1111」這數字組合，代表新開始、前進的動力和成功的未來。由曾主理米芝連二星餐廳的主廚Chris Chan掌舵，嚐味餐單內的每道菜式均盡展優質食材特色。餐廳裝潢以美國羚羊谷為靈感，於2022年獲得Restaurant & Bar Design Awards全場總冠軍。
繼續閱讀
營業時間
今日營業
12:00 - 15:30
18:00 - 23:30
星期一至六
12:00 - 15:30
18:00 - 23:30
星期日
全日休息
以上資料只供參考, 請與餐廳確認詳情
-
網上訂座服務暫停
餐廳採用暖色裝潢，感覺優雅及有情調。食物方面，餐廳以中法Fusion菜式為主打，用餐前餐廳會將當晚食材放入木盒一併向客人展示，好豐富好igable！整個Dinner Menu幾深刻，頭盤入面幾喜歡嘅魚子醬燉蛋，魚子醬來自杭州，而且份量好慷慨，底層燉蛋好滑溜，加入金華火腿令味道更加層次。而法國羊肚菌釀墨魚膠亦係招牌之一，羊肚菌好大棵，再配搭小牛汁，帶濃濃香氣。主菜嘅威靈頓焗乳鴿真係不得了！大廚將牛柳改做乳鴿及金蠔，乳鴿肉質細膩，加上外層酥皮好香脆，非常有創意，完全無違和感嘅配搭，好食！整個用餐體驗好好，無論環境、食物質素、擺盤及服務都好出色，絕對會有驚喜！1111 ONES Dinner Menu ($1,088 per head)🟡Amuse bouche 🟡Oscietre CAVIAR (15g), Jinhua ham custard +$380 🟡TORO, sea urchin, tomato, bergamot 🟡TRUFFLE, tamagoyaki, Chaozhou crab, alioli 🟡COD, paprika guoba, house cured ham, onion soup 🟡MOREL, cuttlefish, house farmed mushroom, vealjus +$260Mains🟡HIDA-GYU, chenpi, N.T. vegetables, OR 🟡CARABINERO grande, plum chan-chuen-fun, N.T.vegetables OR🟡PIGEON Wellington, Lau Fau Shan golden oyster, truffle +$320 (pre-order required) Dessert🟡BLOOD BIRD'S NEST, mousse, papaya almond milk 🟡Petit fours
繼續閱讀
想係中環食一餐高質Fine Dining，兼要價位合理、環境舒服優雅?必試呢間1111 ONES Restaurant and Lounge裝潢以美國羚羊谷為靈感，砂岩色波浪條紋及柱身相當吸晴，餐廳更於2022 年度 Restaurant & Bar Design Awards，成為香港首間獲得亞洲第一及全球總冠軍（Overall Winners）之餐廳！今晚可以一嚐由擁有超過20年餐飲經驗、前米芝蓮二星主廚掌舵陳健忠（Chris Chan）掌舵之晚市套餐，特選優質食材，每道菜都相當精彩又吸引！是夜我地仲揀選咗Wine Pairing，可以好好享受一整夜～店員率先呈上白朱古力，面頭有矜貴金箔，記得要原粒放入嘴咬開，隨即爆出香甜荔枝汁～之後享受自家製麵包，搭配Laudemio Extra Virgin Olive Oil＋Bonini Affinato Condiment，高質橄欖油配上意大利黑醋，濃濃青草香mix濃厚醋味，絕佳組合！多款Amuse Bouche擺盤精緻：—以蒸籠呈上既忌廉芝士菇撻，外皮夠香酥，內餡係鹹香忌廉芝士mix菌香濃厚既自家種植菇菌，層次豐富。—以米紙造出大蜆，放入蜆肉、海蜇，賣相超級可愛，內餡鮮味十足！—別出心裁地將本地三黃雞皮煎香，面頭放青咖喱醬及椰子醬，一啖食落，完全好似食緊咖喱雞，有驚喜！Wine Pairing先試呢杯Grace Vineyard Angelina Cabernet Franc Sparkling Wine，充滿櫻桃、青椒及杏仁香，伴隨淡淡香草及榛子風味，餘韻清新怡人。我地另外升級品嚐魚子醬，選用奢華Oscietre CAVIAR魚子醬，底有蒸滑蛋，鹹鮮味突出，絕對值得加配！黎到第二杯Wine Pairing，Katsunuma Jyozo Winery Branca Clareza來自日本，帶柑橘和檸檬香，味道相當清甜，餘韻深長！雪白大根，內有梳梳紅蟹蟹肉，上枱後淋入大葱清湯，面頭再加入鱒魚籽、辣根雪霜、刁草油，一啖咬落，鮮香味濃，爽脆無比。之後試杯Skyline Of Gobi Chardonnay，來自中國新疆之白葡萄酒，風味純淨，帶爽滑口感，散發新鮮熱帶水果香。烤至金黃色既花椰菜，由店員即場刨出幽香黑松露絲，再搭配伊比利火腿，風味濃烈，味道令人令人驚艷！大連鮑魚淋上八女玉露茶，鮑魚肉質細嫩，鮮而不膩，搭配八女玉露茶泡飯，好似食緊茶漬飯般，飯粒濕潤，茶香突出。另加配招牌菜MOREL，高級羊肚菌釀入墨魚膠，配以蘑菇牛肉汁，濃香爽滑，口感一流！間場有淮山青檸雪葩桂花雪耳，清清味蕾，酸甜又可口。再試杯SAPERAVI 2017，來自新彊蒲昌酒莊，帶覆盆子及藍莓香氣，夾雜宜人黑醋栗及烤杏仁味道，單寧相當柔滑。主菜揀選人氣大熱既PIGEON，威靈頓鴿真係第一次試，估唔到係咁出色！自家製酥皮金黃香脆，包著流浮山金蠔、松露、蘑及主角法國鴿胸，搭配鴿汁食用，滋味無比！實在令人一試難忘！另一主菜選用來自日本既季節限定和牛，擺盤精美，適度脂肪分布，肉質滑嫩有彈性，脂肪味道濃郁，入口即溶！甜品係BLOOD BIRD'S NEST，昂貴血燕入口爽滑，配搭酸香Buttermilk慕斯、木瓜杏仁奶，養顏又清香，超讚！最後以Petit Fours作結，有超可愛既達摩梅酒啫喱糖、味道清香帶酸甜既百香果芝士慕斯蛋糕以及香濃紅桑子朱古力。1111 ONES Restaurant and Lounge地址: 中環安蘭街18號11樓
繼續閱讀
今晚以親民價錢享用咗一頓別出心裁又高質既Fine Dining💗於中環區嘆到前米芝蓮二星主廚、擁超過20年餐飲經驗既行政總廚Chris Chan所創立之晚市套餐✨有齊餐前開胃小吃、前菜、主菜、甜品等，再配埋餐酒搭配，享受醉人之夜👏🏻黎到1111 ONES Restaurant and Lounge🌟灰調木色地板配上砂岩色波浪條紋，仿似令人到訪美國羚羊谷，環境優雅舒適，配搭精緻餐飲、美酒佳餚及細膩擺盤💌點餐後店員呈上套餐內主要食材既新鮮食材盤，確保顧客享用既都係新鮮、經精心挑選之高質食材💁🏻♀️Happy Friday想好好盡興，我地仲揀咗Wine Pairing🥂先有賣相可愛既🔹矜貴金箔白朱古力粒，店員再三提醒要原粒食，原來會爆出荔枝汁，配白朱古力，味道特別香甜！🔹自家製麵包，熱辣辣上枱，特別香脆鬆軟，配以意大利製造既Laudemio Extra Virgin Olive Oil，橄欖油清澈且散發迷人嫩草香味，再混以意大利黑醋Bonini Affinato Condiment，濃厚醋味，醇厚溫和，沾以麵包帶來絕佳享受。🥂先來一杯Grace Vineyard Angelina Cabernet Franc Sparkling Wine，入口先是櫻桃香，之後夾雜青椒、杏仁味道，口感細滑，更有陣陣香草及榛子香，質地綿密、酒體飽滿。🌟Amuse Bouche有三款，超級豐富！🔹忌廉芝士菇撻以蒸籠上，賣相可愛，酥脆外皮包裹著絲滑忌廉芝士＋自家種植菇菌，鹹香又脆口。🔹主廚創新地用米紙造出大蜆外型，包裹鮮美味濃既海蜇同蜆肉，好出色既配搭。🔹本地三黃雞皮煎至金黃香脆，放上青咖喱醬及椰子醬，令人好似食緊咖喱雞般！鍾情魚子醬既我，升級加配🌟Oscietre CAVIAR魚子醬，黑金色光澤泛著微微金光，風味獨特，帶堅果味道，配以底部既蒸滑蛋，味道濃郁鹹鮮，相當出色！🥂第二杯係來自日本既Katsunuma Jyozo Winery Branca Clareza，口感優雅，陣陣柑橘香，適合搭配海鮮飲用，香氣層次感極豐富。呢款看似雲吞既菜式，其實係🔹清爽大根包著香甜紅蟹肉，店員上枱後再加入熱辣辣既大葱清湯，面頭有爽脆鱒魚籽、濃香辣根雪霜及刁草油，鮮爽味濃！🥂第三杯係來自中國新疆既Skyline Of Gobi Chardonnay，入口有清新熱帶水果香，純淨香甜，伴隨柑橘及青蜜瓜香，相當獨特。🔹將新鮮花椰菜烤製至外表金黃，面頭有鹹香味濃既伊比利火腿絲，店員再即場刨出絲絲夏季黑松露，幽香撲鼻，帶來視覺享用，令味道及層次感再昇華！🔹來自大連既鮑魚，味道濃郁鮮美，肉質軟嫩，由店員淋上如翡翠般既日本著名八女玉露茶，打造出創新鮑魚茶漬飯，鮑魚口感軟滑，米飯吸滿八女玉露茶精華，味道清新而不膩！想試埋🌟招牌菜MOREL，另外再升級加配咗每人一客，名貴羊肚菌，清香又甜，釀入軟硬適中且有嚼勁之墨魚膠，底部有蘑菇小牛肉汁，入口散發濃郁鮮菌香，鮮美十足！享用下一道菜式前，先品嘗🔹淮山青檸雪葩桂花雪耳，味道酸咪咪又清香怡人，清新味蕾一流！🍷第四杯選用來自新彊蒲昌酒莊之SAPERAVI 2017，散發烤黑櫻桃、藍莓蜜餞、烤香草片等香氣，酒體飽滿，單寧堅韌且絲滑，完美融合成熟果香及單寧。食過好多次威靈頓牛，但🔹威靈頓鴿的確從未試過，今晚有幸一試，果然滋味無窮！法國嫩滑鴿胸佐以飽滿厚實之流浮山金蠔、幽香松露，入口潤滑軟熟，充滿濃香鹹鮮味，配合得恰到好處！嘆埋🔹季節限定和牛，來自日本，肉色鮮紅，網狀霜降油脂分佈均勻，味道甜美，散發濃郁肉香，打造入口即化既美妙口感！甜品時間到！先享用🔹BLOOD BIRD'S NEST，選用爽滑血燕，伴以Buttermilk慕斯，再由店員倒入木瓜杏仁奶，帶來三重口感，香甜又養顏。最後享受埋精緻🔹Petit Fours，達摩梅酒啫喱糖可愛之餘，味道香甜易入口，另有酸甜美味既紅桑子朱古力以及百香果芝士慕斯蛋糕，酸咪咪相當清新又解膩。1111 ONES Restaurant and Lounge✨📍中環安蘭街18號11樓
繼續閱讀
榮獲餐飲界大獎2024 ᴛᴀᴛʟᴇʀ ᴅɪɴɪɴɢ ᴀᴡᴀʀᴅ，以及在國際設計比賽上脫穎而出、得到室內設計大獎 ᴅᴇᴢᴇᴇɴ ᴀᴡᴀʀᴅ的 - 「1111 ᴏɴᴇꜱ」，是一家中法ꜰᴜꜱɪᴏɴ菜的ꜰɪɴᴇ ᴅɪɴɪɴɢ餐廳。.餐廳以神聖的天使數字「1111」所命名，代表着一份幸運。室內設計以美國羚羊谷景觀為靈感藍本，以其獨有的橙調，將大自然的優雅與現代元素巧妙融合。.除了那令人目眩神迷的裝潢，1111 ᴏɴᴇꜱ食物出品也來頭不少。餐廳主廚陳健忠ᴄʜʀɪꜱ ᴄʜᴀɴ 、擁有超過20年的豐富餐飲經驗，並曾於米芝蓮2星餐廳擔任主廚一職。其拿手是簡單而優雅的意、法菜式。餐廳ᴛᴀꜱᴛɪɴɢ ᴍᴇɴᴜ 的菜單會定期轉換，每次來也有新驚喜。.ᴛᴀꜱᴛɪɴɢ ᴍᴇɴᴜ 💲1088/ᴘᴘ餐廳職員先為我們呈上由主廚每晚悉心準備的食材盒，為我們展示及介紹今天晚上會用到的新鮮食材。能看得出其所選用的食材很多都帶有亞洲、中式風味，應是餐廳的傳統特色之一。.✿ ᴀᴍᴜꜱᴇ ʙᴏᴜᴄʜᴇ在正式進入主菜前，餐廳送上了四款不同的前菜以及特色的開胃菜。首先是白朱古力球，夾心是一小口ᴄᴏᴄᴋᴛᴀɪʟ，很是高級精緻。.之後再送上以點心籠裝着的忌廉芝士「燒賣」；蜆肉、海蜇「蜆殼餅」；以及薄脆如脆片一樣的香脆雞皮。每款均帶亞洲風味特色。.特別欣賞加了無花果乾的麵包，帶很香的果香味。配搭上有500年歷史的橄欖油品牌，再加上那12年的陳醋，能看出確實在各方面也花了心思。.✿ ᴏꜱᴄɪᴇᴛʀᴇ ᴄᴀᴠɪᴀʀ (15ɢ), ᴊɪɴʜᴜᴀ ʜᴀᴍ ᴄᴜꜱᴛᴀʀᴅ +💲380使用了產自杭州、法國品牌的上等魚子醬，足15ɢ，底層使用金華火腿蒸滑蛋，取其鹹香味及嫩滑的口感，食材中西合璧。.✿ ᴛᴏʀᴏ, ꜱᴇᴀ ᴜʀᴄʜɪɴ, ᴛᴏᴍᴀᴛᴏ, ʙᴇʀɢᴀᴍᴏᴛ頂層是北海道海膽、中層是來自西班牙藍旗吞拿魚腩、最底層是番茄清湯啫喱，服務員在席前噴上一點佛手柑油，香氣及儀式感滿滿。.✿ ᴛʀᴜꜰꜰʟᴇ, ᴛᴀᴍᴀɢᴏʏᴀᴋɪ. ᴄʜᴀᴏᴢʜᴏᴜ ᴄʀᴀʙ, ᴀʟɪᴏʟɪ以高湯製作的日式玉子燒加上本地紅蟹蟹肉及蛋黃醬，再由服務員職前加上即刨的原粒松露，非常矜貴，香氣四溢。.✿ ᴄᴏᴅ, ᴘᴀᴘʀɪᴋᴀ ɢᴜᴏʙᴀ, ʜᴏᴜꜱᴇ ᴄᴜʀᴇᴅ ʜᴀᴍ, ᴏɴɪᴏɴ ꜱᴏᴜᴘ慢煮的鱈魚，大大保留了原有的鮮味。面層加上由主廚自家製的巴馬火腿，增加鮮味。底層鍋巴增加口感，最後才加入洋蔥湯。.✿ ᴍᴏʀᴇʟ, ᴄᴜᴛᴛʟᴇꜰɪꜱʜ, ʜᴏᴜꜱᴇ ꜰᴀʀᴍᴇᴅ ᴍᴜꜱʜʀᴏᴏᴍ, ᴠᴇᴀʟ ᴊᴜꜱ +💲260特大羊肚菌配上墨魚膠，帶很獨特的鮮味，加上由主廚自家種植的蘑菇、以中式的爆炒方法處，再淋上小牛肉汁。這道菜式是主廚的招牌菜之一，屬較中式的一款熱熏。.✿ ꜱᴏʀʙᴇᴛ中場是椰汁紫米露泡沫雪葩，風格清新味不濃，一清味蕾。.✿ ᴄᴀʀᴀʙɪɴᴇʀᴏ ɢʀᴀɴᴅᴇ, ᴘʟᴜᴍ ᴄʜᴀɴ-ᴄʜᴜᴇɴ-ꜰᴜɴ, ɴ.ᴛ.ᴠᴇɢᴇᴛᴀʙʟᴇꜱ主菜三選一，選了兩款主廚的招牌作。其一是特大紅蝦，用了蝦油作汁調味，配搭廣東風味的陳村粉以及來自新界自家農場種的兩款南瓜等時蔬，味道豐富。.ᴏʀ.✿ ᴘɪɢᴇᴏɴ ᴡᴇʟʟɪɴɢᴛᴏɴ, ʟᴀᴜ ꜰᴀᴜ ꜱʜᴀɴ ɢᴏʟᴅᴇɴ ᴏʏꜱᴛᴇʀ, ᴛʀᴜꜰꜰʟᴇ +💲320餐廳之另一款需要預訂的招牌菜有這款威靈頓乳鴿，酥皮內除了鴿肉，內裏餡料還有流浮山金蠔及松露，席前切開賣相精緻。.✿ ʙʟᴏᴏᴅ ʙɪʀᴅ'ꜱ ɴᴇꜱᴛ, ᴍᴏᴜꜱꜱᴇ, ᴘᴀᴘᴀʏᴀ ᴀʟᴍᴏɴᴅ ᴍɪʟᴋ甜品是矜貴的金絲血燕窩、下層有香梨啫喱以及帶雲呢拿籽的ᴍᴏᴜꜱꜱᴇ，最後再淋上木瓜杏仁奶，增添香滑口感。.✿ ᴘᴇᴛɪᴛ ꜰᴏᴜʀꜱ小甜點有酸酸甜甜的熱情果芝士蛋糕、榛子朱古力波波、以及達摩造型的凍檸茶味啫喱軟糖，造型帶幸運的含意。
繼續閱讀
作為一個老饕，久唔久就會想吃番餐好的，心中總有一堆餐廳在 Wish List之中，1111 Ones是其中之一。以羚羊峽谷為靈感的設計，既高貴又唔會令人有太拘謹的感覺，難怪可以得獎。大汗疊細汗，有理無理先來杯凍飲。以菠蘿為主調，滲出東南亞風情的Cocktail，清新怡人，確係一個很好的開始。胃口準備就緒，經理便捧來一大盒的食材，係稍後我哋會吃到的菜式之食材，色彩繽紛，砌得靚靚仔仔，咁樣既presentation很是吸引。是夜的法包與及無花果包，均是店方自家制，尤其喜歡後者，熱暖軟熟，好好吃。我不斷提醒自己要留肚吃往後的七道菜，但真係好難忍口。接著來是數款悅口小吃，最中餅放入蜆肉做餡，創新又好吃。脆卜卜像薯片的雞皮，唧上咖喱味道的汁醬，也出色。再來的波波，要一口過吃，因為是外鬆脆內爆汁的東西，滲出的荔枝及點點酒香，層次蠻複雜的，但又好清新，最欣賞佢唔會太甜。好了，終於開始第一道菜，矜貴的魚籽醬也。用上Oscietre Caviar，墊底係混入了金華火腿的Custard，口感豐富之餘，魚籽醬與金華火腿不單沒有搶去對方的咸香味，反而起了相輔相成的作用，從沒想過可以有呢種配搭。下一道菜的餃子，餡料用上了花蟹，喜歡佢外皮煙韌的口感，經理席上注入的大蔥汁水，令蟹肉的鮮甜味更加突出，吃得很舒服。經理拿來黑松露，香氣頓時撲鼻而來。以往嚐黑松露，多半是刨片在意粉之上，呢度又唔一樣，將意粉換成椰菜花，加些少西班牙火腿，及輕怡的汁醬。松露則是刨成絲而不是刨片，成件事夠香得嚟，感覺又唔會好Heavy。精彩的菜單，應該會有起承轉合。松露之後，接著來是清淡一點的茶漬飯。薄片鮑魚入口軟嫩，用上福岡的綠茶，呢個茶漬飯又係一絕。跟住的羊肚菌菜式，亦總廚的得意之作。將墨魚膠釀入羊肚菌之內，伴以牛肉及什菇打造而成的湯汁，主角的口感豐富不在話下，湯汁既香氣更令整詭菜式升價十倍。就是用來清清味蕾的間場雪葩，都會伴上雪耳等食材，不得不佩服總廚做事的一絲不苟。吃至此時，我倆最期待的菜式終於登場。威靈頓牛聽/吃得多，威靈頓乳鴿大家又試過未? 估唔到酥皮包裹著乳鴿，以及金蠔，味道會是如此出眾！雖然吃了那麼多道菜的我已飽了一大截，但都不但可以吃掉碟上的出品，還毫不客氣地吃了隻鴿腿。呢份威靈頓乳鴿，大推，同埋記緊是要預訂的。比起威靈頓乳鴿，呢份加大碼的西班牙紅蝦就來得簡單直接。將蝦頭的羔唧在蝦肉上，美味程度即時提升。結尾的甜品肯定絕不馬虎，係雲尼拿慕思伴血燕，女士們聽到大概會雙眼發光了吧！血燕本身嚐其口感，總廚就注入木瓜杏仁奶來引出味道，很聰明的配搭。再嘆埋Petit Fours，呢一夜，完美！
繼續閱讀