影片
港鐵九龍灣站 B 出口, 步行約10分鐘
繼續閱讀
電話號碼
36430999
36431000
營業時間
今日營業
07:00 - 17:00
星期一至日
07:00 - 17:00
以上資料只供參考, 請與餐廳確認詳情
貪方便嗌咗個外賣，估唔到送到嚟係酸臭打去問有無得退款個阿姐態度勁差，話出咗餐就唔退錢，又話自己啱食過係無問題極度懷疑阿姐係偷食咗我個外賣，偷天換日或者食開垃圾，所以先講得出係冇問題態度惡劣，誣蔑完客人之後話搵老闆跟進，跟住就收線，之後再打返去就唔肯聽電話打工仔lunch時間好寶貴，浪費曬係度，個阿姐正垃圾
繼續閱讀
朝早行過試一試呢間，新頂嚟做，即管試吓。叫個沙嗲牛肉麵，反蛋，腸仔。落單唔使3分鐘嚟齊，心諗已經知道不妙。個公仔麵當你浸定即出唔出奇，但2隻反蛋點樣可以唔使2分鐘就煎好？結果，沙嗲牛肉真係垃圾，無沙嗲味無花生醬味完全唔知食緊咩，兩隻反蛋係凍嘅（微溫啦）一早煎定唔知放幾耐，咬落好似有執皮咗，老到咬唔開。朝早9:30已經唔係高峰期，成間超個一百座位坐咗十零個客，你都要煎定啲蛋，兩隻蛋咬咗半隻食唔落，真係唔會有第二次唯一可以讚就係凍飲唔加錢
繼續閱讀
成班女開左陣會，落樓下歎返個下午茶，但呢間下午茶種類比較少，所以都係食返碟頭飯炸脾煎蛋飯炸出黎個樣都幾金黃酥脆，不過食落口都係有好多炸粉~ 不過份量都可以的，大大的一隻雞脾~常餐 - 五香肉丁意粉/叉燒意粉整體都不過不失，價錢上這區來算都不算太貴~ $40併配的是太陽蛋/煎蛋都有兩隻！丹麥多士鬆脆都幾好！芝蛋治份量黎講都幾好，超多蛋，芝士一大塊，佈滿包，都OK~打工仔食堂，坐位都算闊落，野食都算黎得快～～
繼續閱讀
前兩日經過德福廣場有人派傳單，見喺附近新開一間茶餐廳諗住今日去試下食返個早餐，點知呢間餐廳居然成為我第一份差劣食評。早餐食物質素同價錢 正常中規中矩，但到埋單嗰刻簡直出人意表，埋單時我話畀八達通個收銀話冇，Alipay WeChat Pay乜都冇, 跟住我隨口申咗一句咁大間新開茶餐廳居然八達通機都唔裝一部，個收銀語氣態度開始惡劣回應我話：冇就冇㗎啦有乜咁出奇呀，其實而家八達通基本上香港茶餐廳覆蓋率已經好高，跟住我答咗句咁以後咪唔幫襯咯，之後個收銀再回應一句：咁你以後咪咪冇幫襯囉，ok冇問題你少我一個客又唔會點嘅，但係作為一個服務業前線員工呢個係咪應有嘅態度呢？加上而家咁多人都投訴香港飲食業服務員態度差，多左好多人北上消費其實唔係冇原因，香港飲食業再係咁嘅態度最後只會玩死自己。
繼續閱讀