影片
以上資料只供參考, 請與餐廳確認詳情
食家推介
25/4/2021 星期日，到天空之城 享受假期午餐😊坐戶外都好舒服，夠濶落，吸新鮮空氣。午餐今次試咗兩款特色小食：-松葉蟹羔雲丹甲羅燒，蟹蓋內有蟹羔，蟹肉，海膽，明太子，好美味呀！下次再encore!另外亦叫咗脆炸軟殼蟹，脆卜卜😋主菜叫咗午餐定食：蒲燒鰻魚飯定食，鰻魚嫩滑。雜錦壽司🍣配湯烏冬定食，師傅即整壽司，夠新鮮，亦都好多件，款式亦多，好抵食，烏冬夠彈口，正正。我哋叫咗兩杯白桃梳打，凍凍的，解渴！想要遠離市區，享受日式料理，不防嚟試下！
繼續閱讀
今晚第一次一家四口黎同老公食生日飯，所有叫既食物都好有水準，要提到生牛肉真係要介紹超好味，老板可控制牛保持到新鮮，入口即溶，好有牛肉既鮮味，我食過好多次其它店舖既生牛肉，但都係第一次食生牛肉食咁多片，仲要入口之後食到咁香既牛肉味！我會再帶我既好朋友一齊黎再食過！另外生蠔都好掂，因為我既玻璃肚一有少少唔清潔既食物，我就好快知道，今日食既蠔好爽甜新鮮！淨係呢兩款食物可以睇得出老板打理既食材好有專業水準及心思，在現在疫情既情況下都可以保持水準，就感受到老板對食材既處理一定擺在第一位，才另到每一位客人食到食材既真正新鮮及味道！
繼續閱讀
我覺得普通囉！ 雞軟骨要八九十蚊細細碟( nuts size) 都ok脆嘅， 但唔值呢個價，仲叫咗個豚肉炒雜菜係超鹹， 返屋企要飲多啲水恐防有腎病， 炸豬扒洋蔥飯百五蚊一碗， 個人覺得吉野家仲好食 ， 豬豬表面已經唔脆啲飯又爛 ， 洋蔥同蛋碎濕濕.水汪汪嘅一pat嘢，串燒反為最ok ，但最主要我唔中意喲 service,可能行完山衣著比較唔光鮮， 落完單用怪怪的眼神望住我， 話唔夠 600蚊只收現金㗎喎， 食夠600蚊先有得碌卡， 兩個人食張單大約四百幾( 俾現金囉 )其實夜晚出街兩個人食幾百蚊至800內我都覺得好合理， 前題係嘢食普通， service唔得， 唔會再嚟啦......
繼續閱讀
開咗都一段日子高埔村冇咩日本餐 所以今日就揀咗呢間餐廳每人嗌左一個lunch set 同一般市價定價相約三個lunch都頗有驚喜 平時食日本嘢最鍾意試佢哋嘅天婦羅呢度嘅天婦羅皮唔會太厚 不過隻蝦就可以腌得更加入味夜晚嚟呢度應該幾好 始終呢個地方唔算太熱鬧飲一杯都幾舒服😌
繼續閱讀
此店老闆是一位對食物處理非常認真的人，一班老友對他都十分喜歡，這晚就特別到來一聚，特別預先訂了汁煮鮑魚鮑魚味道保持一貫的鮮美，另一精萃是那件大根，吸收了鮑魚的鮮味外更是入口即溶。此店的串燒比他們搬遷前又更上一層樓這個燒鷄皮香脆不膩，送酒一流。海鮮刺身更是無話可說，自家魚缸保持新鮮外，師傅的功夫更是一項藝術所以除了飛機直送的海鮮外，還有時令海鮮。其餘食物都是非常美味，真是要自己食完才可感受到，但最後不得不提的另一個代表作，就是師傅自家做的蕨餅入口軟棉而清甜，是一餐美食的最佳終結。
繼續閱讀