影片
電話號碼
24702234
營業時間
今日營業
07:00 - 22:00
星期一至日
07:00 - 22:00
以上資料只供參考, 請與餐廳確認詳情
招牌菜
如果你去快餐店買野食，但要等成1個鐘先有野食出到俾你，你會點諗？我今晚心血來潮想食牛肉飯，正常都諗住好快有就拎，點知喺部自助販賣機買完個飯先知中伏！見到個號碼牌啲number去得好慢，廚房又好似好耐先出到一份野食，出面櫃面嗰3個工作人員有2個都唔係好知做咩咁，又成日3個人一齊望住出單個mon又做唔到野。現在已經聽到有人話：「我等左成個鐘都未到我嘅！？」我聽到先覺得大鑊啦！跟住有個收銀員話今日太多單，做唔切，即刻俾人鬧：「做唔切就唔好接咁多單啦！」其實嗰個人鬧得好啱，因為要等1個鐘先有野食實在太過分！雖然我同好多人一樣，都只係默默咁喺度等，但內心真係鬧爆呢間分店！點可能有一間食店要客人等成個鐘先有一份好普通嘅飯餐/火鍋？結果，我同大家一樣，都係等左1個鐘先有飯攞！我真心覺得呢間吉野家要好好檢討佢嘅營運模式lor!
繼續閱讀
已經好幾年冇食過香港既吉野家，見而家登記做APP會員，有D抵既coupon，所以就做咗會員買嚟試吓。最抵係$27汁燒豚肉丼（並盛）+炭燒雞串（2件）+ 16oz汽水。食完係好失望嘅，吉野家應該只係得牛肉飯好食。豚肉丼極多汁，最大敗筆係D汁好甜好膩，食幾啖都已經唔想食。肉同飯嘅份量都算多，食得好飽。炭燒雞串都係比較甜 ，味道普普通通。因為唔想飲汽水，所以轉咗飲麵豉湯。個麵豉湯真係啖到呢⋯⋯⋯以為自己飲緊水。雖然$27都唔要求得太多，但真係唔會想再食呢個餐。
繼續閱讀
嗌咗一個外賣牛肉火鍋餐 本身都幾期待下因為有好多年都冇食過吉野家 結果食嗰陣先發現牛肉臭 粟米酸嘅 凍檸茶入面有隻烏蠅 真係唔知講啲咩好真係對吉野家好失望 差唔多成$60 1個餐食物質素差到咁樣
繼續閱讀
5月4日有網友話冷氣壞咗成個星期今日是5月28日算起來冷氣已經壞咗成個月今日氣溫32度食嘢食到滴哂汗可能要考慮其他店等到秋涼後才回來看看可能因為要搬遷或者無利可圖索性唔做
繼續閱讀
一星期嚟兩次都壞冷氣，點搞呀！點咗和風牛肉溫泉玉子丼，跟麵豉湯。食物一如以往唔貴又食得落，35蚊一個食得飽嘅飯仲想點？但係咁熱嘅天氣無冷叫人點食？買走要等都流到成身汗。
繼續閱讀