影片
營業時間
*最後落單時間: 休息前30分鐘
星期一至四
11:30 - 22:00
星期五至六
11:30 - 23:00
星期日
11:30 - 22:00
公眾假期前夕
11:30 - 23:00
以上資料只供參考, 請與餐廳確認詳情
今日去咗間人氣火鍋店食打邊爐，果然名不虛傳，好過癮！🔥 首先，嗰個鮮嫩多汁嘅美國牛肉，真係過癮，舊舊薄切，涮一涮已經入味，軟滑得嚟口感又有嚼勁，惹味到不得了。🐮 坐低唔耐，我哋就迫唔及待開始夾菜，其中最搶鏡嘅就係芝士丸，熱騰騰咬落去，芝士拉絲滿滿，真係正爆。聽說晚啲會無咗，好彩頂頭舊舊掃晒！湯底方面，我揀咗嗰個南瓜栗子湯底，濃郁嘅口感細膩润滑，攪埋啲南瓜落去，飲口湯都覺得滿足。最後，就係甜品時間，綠茶味嘅乳酪，醇厚得嚟又帶少少茶香，完美收尾！😋同班友喺度食嘅時光真係賞心悅目，講天講地夾菜，消遣得好嘅。食物勁正，氣氛又寫意，我就算唔係靚仔，都覺得心情靚晒！今次嘅食評，絕對推介俾想親友聚舊、食啱啱好嘅火鍋嘅你哋！🍲
繼續閱讀
入夜後天氣轉涼左，個心就即刻想打邊爐，暖暖個人。見牛一無乜人排隊，就入去過下邊爐癮同做牛魔王😈見到餐牌澳洲M6-M7和牛套餐做緊特價，本身368蚊減到288蚊，食足100分鐘，咁梗係食佢啦。今次揀左個蕃茄豚骨湯，個湯底紅紅地蕃茄味道就唔係幾夠，不過唔緊要，外面自助區有成盤新鮮角切蕃茄，即刻加返幾個來增味！個套餐有7款肉類任食，有5款牛，1款雞同1款豬，咁來得做牛魔王梗係專食牛啦！呢隻美國見島和牛牛味夠，又有口感，切得夠簿唔會咬到好辛苦，唔錯！咁套餐主打澳洲M6-7和牛，當然唔叫唔得，諗住任食質素會好麻麻，估唔到油香味夠，肉質又滑，大大塊得嚟咬幾啖都食完，真係超出預期。另外2款都係美國牛，1個係美國Prime肩胛肋眼，1款係美國特選榖飼牛，前者肉味濃不過口感有啲柴，後者就又柴又唔夠肉味，所以都係主力食返和牛！咁食牛之餘都要食下菜，自助區啲菜種類都幾多，有5,6種，仲靚靚仔仔，塊塊都又大又完整，真係有啲意外。今次食足到最後一分鐘先走，抱住成肚牛咁走真係幸福。
繼續閱讀
今日黎到元朗廣場牛一食lunch，叫左一份美國穀飼牛既午市放題套餐。以前讀大學成日都食呢種放題，叫做回憶下。牛肉、豬肉、雞肉都ok好味，湯底都多選擇整體叫做維持質素。略嫌出面既食物款式較少，都係d大路野。較推薦魚腐及牛丸。
繼續閱讀
21號解封後的第一餐 平日不算難book 約左7點但6:45分已可以入座 揀左$228 既安格斯餐藥膳湯底 個湯就不推薦了 雖然藥味好香 但所有食物煮完會有一陣苦味 選擇其他或者更好 值得一讚既係啲牛 嚟個價位黎講算係唔錯 唔會太肥 上碟時全部係已解凍 唔會凍冰冰顏色都幾靚 自取區 環境都幾乾淨 一般打邊爐既配料都有 蔬菜類選擇多 第一次係火鍋店見到桃膠 最後仲有部自取雪糕機 係乳酪雪糕 有8款配料可以選味道亦唔錯 整體黎講 呢個價位算抵食 主打既牛肉中規中矩夠新鮮 無雪味 美中不足既係個湯底唔岩口味成餐既食物都有苦味 建議試其他湯底
繼續閱讀
趁住聖誕，新年假期，晚上同男朋友去咗元朗廣場牛一打邊爐。由於好早就到咗，冇需等位。入座之前餐廳服務人員都算熱情，為我們介紹套餐。最後我哋揀咗宮崎和牛二人餐同番茄湯底。 餐廳係透過app點餐，食物上餐速度快，唔會有漏單現象。和牛套餐除咗可以揀日本和牛，還有選擇澳洲和牛，美國牛。全部都好好味，特別係日本牛好滑好lam。另外可以選擇的蔬菜總類也有好多，最愛嘅菠菜都有。 整個用餐體驗都好好。想學下terminator個句：I will be back ..
繼續閱讀