影片
港鐵元朗站 A 出口, 步行約9分鐘
繼續閱讀
電話號碼
61123071 (WhatsApp)
營業時間
今日營業
11:00 - 20:00
星期一至五
11:00 - 20:00
星期六
全日休息
星期日
11:00 - 20:00
以上資料只供參考, 請與餐廳確認詳情
WhatsApp落單咗個飯團，去到時有清楚講明落咗咩食物同電話號碼，個職員拎到袋外賣出黎，態度好差咁叫我要講電話號碼最後四個數字。第一次幫襯，唔知你地拎外賣交到對方手上時，要再講多次最後四個數字有幾奇？野食正常，但服務態度差，真係永無下次
繼續閱讀
🍙|位於元朗鳳琴街體育館後面巷仔的一家小店，格離店係肥仔黎，由於小店形式食物係即叫即整，所以要預翻時間等候喔🥰不過可以先打電話落定單咁就唔使等啦🥶🍙鹹蛋黃飯團 $25飯團入面會有紫米，餡料方面有鹹蛋黃、肉鬆、薄脆、青瓜絲 、生菜絲 ，口感豐富有啲咬口，加上因為有肉鬆同薄脆，超級香口加埋沙律醬簡直無得輸😆如果想再健康啲可以走醬，個人私心愛食呢間飯團因為佢無外面嘅飯團咁乾身，而且佢真係壓得好實，唔會話一食落去啲飯就會散哂，仲要熱辣辣㗎cp值幾高的✅如果女仔食一個飯團加杯手搖就一定會飽🥰我諗唯一挑剔嘅係我嗰日食紫菜有啲淋難咬咗小小😐#叧外，私心推介「蜜糖芥末雞絲、爆漿芝士、麻辣海蜇」四款口味 ~**** 單點飯團之外，佢哋都有個綜合自選飯團餐一款飯團配一款小食同一杯飲品🥤除咗飯團以外亦都有不同便當供應$50-$60不等，仲有紫米沙律同小食，飲品都有幾款茶類、奶茶咖啡☕️•
繼續閱讀
唔係第一次比漏野 多春魚肉燥飯 冇左多春魚 你叫人食咩？ 鹽酥雞肉燥飯 冇鹽酥雞 你又叫人食咩？ 賠錢靜係賠番個餸 都算 唔想同你計同嘈… 唔好意思都冇句… 完全冇誠意其實汁齊野先比個客好難咩 唔識check下先咩 個客好無奈 番到屋企打開個袋 心諗又漏野上次中左伏 諗住再比多次機會 又中伏 次次都係咁🙄已經唔係食物味道問題 我唔會再幫親 下下都冇餸食 勁嬲…大家買外賣既 好點清楚先 唔通又要個客當街當巷拆開睇 點齊先好走 唔係番屋企又靜食飯 笑左…
繼續閱讀
星期日懶洋洋 想食啲輕鬆開胃口野 立即醒起磨飯 好少舖頭願意用紫米 由開店到現時都堅持✊到 讚 蜜糖芥末非鹽酥雞黃芥末醬 味道清新手打檸檬🍋用香水檸檬製成 齒頰留香食完好飽 有動力溫書📚去
繼續閱讀
每次路過巷仔見到細鋪都會有想試既衝動，而呢一間係每次都想食但冇機會食。今日同同事放飯提議試下食呢間，叫左2款肉燥飯（鹽酥雞肉燥飯&海苔多春魚肉燥飯）同2條玉子將軍（蟹柳同芝士腸）。飲品都好多選擇，有豆漿有茶，今次就叫左汽泡水，職員話係會定期轉口味。我盒肉燥飯叫左加辣，幾惹味。炸野同個飯分開放，唔會影響口感，仲有個醬配埋。多春魚好夠味，又夠酥脆。鹽酥雞細細粒，一啖一粒，但略嫌有少少乾。玉子將軍冇得頂，勁好食，除左個醬仲有肉鬆係面。👍🏻👍🏻汽泡水今次係西柚味，酸酸甜甜勁開胃。本身以為細細盒會唔夠飽，點知飽到飯都食唔晒😂。
繼續閱讀