影片
港鐵朗屏站 B2 出口, 步行約4分鐘
繼續閱讀
營業時間
星期一至日
11:30 - 21:00
以上資料只供參考, 請與餐廳確認詳情
最近試呢間齊記美食雙餸飯，之前都2-3點先買，今日早左12點半就到，我就叫左三餸飯，有咕嚕肉，咖喱雞，萵筍肉片，HK$44個問題係，呢間野唔同人裝，唔同時間買係完全唔同份量，好似今次早左去買，換左個姐姐裝餸，就明顯係平時少，比一般其他店既雙餸飯都少。少既程度係，人地叫飯餸飯，一個餸裝滿左邊餸格，我呢盒係兩個餸裝滿餸格；人地另一個餸放滿右邊飯格上面，而我只係兩三件咕嚕肉放滿半邊飯格。我見隔離個姐姐雙餸飯都裝到成個盒都滿晒，我叫三餸飯份量仲少過隔離，心諗我仲比多幾蚊。但老實講，味道方面係唔錯，係有時會太咸，例如今次既咖喱雞。可能大家覺得食個頹飯咁認真做咩，但當你食個頹飯都要感覺比人呃錢咁，就唔係咁好受，日常已經有好多唔愉快要面對，唔應該買個飯都要受不公平對待。
繼續閱讀
我住元朗市，方圓一公里已經有10間8間兩餸飯，唔係講笑😅 不過有陣時會專登行去最遠嘅齊記買，今次因為唔太餓，就叫咗個三餸飯同屋企人share～⭐️土魷蓮藕蒸肉餅，柚子豬扒，鑊氣炒雙花肉餅結實，好大舊兼厚身，唔會太油亦唔會太燶食落鹹香味幾重，甚至乎係偏鹹，可能因為太結實所以口感爭啲唔夠鬆軟柚子豬扒係第一次試，柚子味超勁，甚至乎Over咗，陣柚子味仲要有啲假🙈之前試過黑醋豬扒好食好多😅炒雙花即係西蘭花同椰菜花，熟既程度岩岩好唔會太淋，亦唔油或者太多芡汁，唔錯👍佢嘅飯壓得好實，餸嘅份量都超級多，佢價錢唔算特別平但係份量成正比，個人認為都可以試吓
繼續閱讀
this this rice 兩餸飯（$38）土魷蓮藕煎肉餅，好有厚度，肉餅好有咬口兼彈性，而且唔多肥肉，入面蓮藕粒幾大粒（亦多），魷魚粒亦不少，調味味道唔錯，個人喜歡。生炸大雞髀，咖哩粉醃味足，雞脾亦大隻，即場食應該更好。飯底多，而且軟熟乾身。
繼續閱讀
我第一次寫食評，估唔到係寫差評嘅食評，但今日要爆喇。今日係齊記買外賣。收銀個女人態度十分惡劣。你地都係做街坊生意。我只係想支持齊記，但齊記收銀態度真係太差。我諗有呢個收銀女人係度我都唔會再幫襯了。我哋客人只係想買盒飯，唔會知道佢哋嘅流程。一錯左就呼喝客人。雖然係幾十蚊生意，客人亦唔係大曬，我當時只係叫飯但個收銀一出聲就大鬧呢度俾錢先呀，我心諗洗唔洗咁惡呀。我上黎睇齊記個食評估唔到有幾個人都話呢個收銀有問題。唉。有被虐傾向可以去呢度買飯。
繼續閱讀
兩餸三餸飯一直係大件夾抵食之選，今次就試下齊記嘅出品如何先！❥ 三餸飯 ($42) 🦑土魷蓮藕肉餅肉餅超大一塊，夾起都幾重手🤣口感紮實彈牙，有微微鹹香，而且每啖都食到脆脆嘅蓮藕，果然係招牌菜式😳十分推薦🥔薯仔炒豆角綠油油嘅豆角食落好爽脆，薯粒走過油有保留到一定嘅口感，加上小小辣嘅調味都幾惹味🤭🐣三杯雞雞肉呈現住誘人嘅醬油色，內內外外都好入味，雖然外層較為乾身，但未算得上乾柴，而且醬汁送飯都係幾好味嘅
繼續閱讀