影片
開飯介紹
以雞蛋為主題的吐司專門店，最受歡迎的盒子吐司會先加牛油煎香吐司，再放上滿滿餡料，同時滿足視覺及味覺。
繼續閱讀
營業時間
今日營業
12:00 - 20:30
星期一至日
12:00 - 20:30
公眾假期
12:00 - 20:30
公眾假期前夕
12:00 - 20:30
以上資料只供參考, 請與餐廳確認詳情
有關獎賞計劃
相關文章
今日晏晝又係放假嘅日子，同朋友去咗大圍覓食。本身諗住去貓貓店度買嘢，兜咗個圈見到呢一間Cafe，佢個門面令人感覺好舒服，而且見到佢而家有下午茶餐。店員安排咗我哋坐樓上榻榻米嘅位置，空間好簡潔，而又令人感覺好舒服。🪟羽衣甘藍三文魚子三文魚沙律配意大利黑醋 $78佢嘅沙律有好多種唔同嘅沙律菜，面頭灑上咗芝士粉同意大利黑醋，酸酸地咁樣非常之開胃。而且加上三文魚同三文魚子，令到成個沙律更加有層次。🐟三重熔岩芝士煙肉吐司 $88見到呢一個吐司新出，感覺好似好吸引，而想到碟個樣同我哋想像中一樣，本身都擔心個吐司會唔會好遠好冇口感，但吐司有少少酥皮嘅感覺，配埋煙肉同炒蛋，味道好濃厚之餘，口感亦都好豐富。🥪冬蟹三重奏茶漬丼 $168就嚟冬天係盛產蟹肉嘅季節，而佢呢一個茶漬飯有齊蟹膏、蟹籽、同埋長腳蟹肉，本身呢個配搭已經好吸引，加埋佢好香嘅玄米茶，成個飯好暖胃之餘完全令人食到停唔到。🦀黑松露薯條 $58薯條方面味道就不過不失，加上黑松露醬嘅薯條都頗為香口，作為一個餐前小食，呢個選擇相當唔錯。🍟開心果特調（ice) $56本身已經好鍾意食開心果嘅產品，見到佢呢個開心果特調梗係要試吓。佢呢個特條唔係平時普通咁樣淨係開心果加奶，佢加咗啲好似豆腐咁樣嘅東西喺入邊，而且仲每一啖都飲到佢嘅開心果碎，仲要杯邊都有，用料非常豐富啊。🍵泡沫咖啡 （hot) $38咖啡方面佢嘅拉花都好出色，令到成個飲品變到好打卡able!💙☕️冧酒提子巴斯克軟心芝士蛋糕 $58最後梗係要食一個蛋糕做結尾，佢呢個巴斯克蛋糕好香冧酒味，加埋濃郁嘅芝士，簡直係完美嘅句號。🩵
繼續閱讀
位於大圍的人氣咖啡店E FOR EGG早在我心目中收藏已久，不但食物賣相打卡一流，店內更設有塌塌米座位。食物與環境面面俱到，怪不得開業以來捧場客源源不絕，據知最近更再下一坊在西營盤開設分店。香脆魷魚鬚 ($68)魷魚鬚炸漿厚薄適中，蘸上蛋黃醬鬆脆惹味。E For Egg大拼盤 ($98) 拼盤包括炸雞粒、薯條、台式黑椒腸、酥炸雞軟骨等，驚喜不大但勝在豐富香口。香蒜雜菌黑松露拉絲芝士盒子吐司 ($65)招牌盒子吐司不負所望外酥內軟並充滿牛油香，黑松露炒蛋水漾嫩滑，當中更混有雜菌增加口感，伴碟更有炸芝士年糕煙韌軟心。黃金鳳梨吉列大蝦滑蛋盒子吐司 ($98)作為其中一款期間限定口味當然不容錯過，吉列大蝦雖然炸衣稍厚但肉質彈牙，加上千島醬、沙律醬及芝士醇厚濃郁，配以香甜多汁的鳳梨更加清爽。黑魚子煙鴨胸定食 ($82)煙鴨胸味道屬預期之內但油香與煙燻香俱全，加上黑魚子更添一份鹹香和口感，珍珠米飯粒粒分明，另加$15配上溏心蛋軟滑入味。蒲燒星鰻定食 ($98)蒲燒鰻魚於坊間較為常見，難得一見體形相對短小的蒲燒星鰻，肉身雖薄但不帶細骨，油脂較少而肉質更加細嫩緊緻，配菜則有日式蛋絲「錦系玉子」及韓式泡菜。E FOR EGG芝士奶蓋招牌窩夫 ($88)招牌窩夫上放有一隻以鮮忌廉製成的「太陽蛋」令人愛不釋手，兩件窩夫略帶餘溫而質感偏向乾脆，但加上如瀑布般的芝士奶蓋則恰到好處，細滑稠密而鹹香醇厚，中間更有雪糕糯米糍煙韌軟糯。竹炭黑芝麻鮮奶 ($42)黑芝麻醬融合鮮奶味道溫香平衡。西柚百香果氣泡水 ($42)西柚與百香果酸甜清爽，加上百香果肉真材實料。
繼續閱讀
大圍滑蛋吐司專門店E FOR EGG以爆餡韓式吐司打響名堂後，一直是區內人氣cafe。樓高兩層，下層裝潢走白色木系簡約風，設有少量戶外座位，這裡亦是Pet-Friendly餐廳。沿著樓梯拾級而上來到閣樓，榻榻米可以席地而坐，木系茶室風格體現侘寂美學。餐牌除了主打招牌盒子吐司之外，還有多款主食、飲品及甜品供應。黃金鳳梨吉列大蝦滑蛋盒子吐司 $98盒子吐司即叫即製，附上炸年糕和沙律菜作配菜，以兩大隻巨型炸蝦舖面，超足料爆餡份量，光看賣相已經覺得非常澎湃。外層麵衣炸得金黃酥脆，內裡包裹著新鮮爽彈的蝦肉，佐以酸甜果香的菠蘿亦可中和炸物的油膩感。金沙軟殼蟹三文魚籽海鮮沙律盒子吐司 $108原隻軟殼蟹真材實料，一上枱就已是霸氣盡現，連殼都不用剝就可一口咬下，夾雜蜜糖芥末醬和鹹蛋黃的鹹香味。麵包烘至外脆內軟，三文魚籽的粒粒脆感瞬間在嘴裡爆開鹹鮮滋味，炒蛋入口滑溜有蛋香，吃得飽足之餘，構建多重層次的味蕾體驗。黑椒十勝牛肉定食配糖心蛋 $82每客定食附上蛋絲、泡菜和沙律菜，熱騰騰的米飯拌以醬汁和飯素，相當好下飯。薄切牛肉肉量驚人，肉質細嫩不過韌，吸滿甘甜和風醬汁。炭烤雞粒糖心蛋茶漬丼 $68炭烤雞粒散發焦香，半熟溏心蛋軟嫩蛋白包裹著晶瑩的流心蛋黃。緩緩倒下綠茶就變成傳統茶漬飯，頓時感到暖胃又充實。E FOR EGG芝士奶蓋招牌窩夫 $88疊成小屋形狀的窩夫以一隻太陽蛋作點綴，造型可愛趣緻，單看已令人賞心悅目。剛出爐的窩夫淋滿綿密順滑的芝士奶蓋，結合成甜中帶鹹的微妙配搭，中心位混合了軟糯麻糬粒，層次感豐富。栗子蒙布朗窩夫 $88一絲絲香醇綿密的栗子蓉疊得高高的，並撒上白雪般的糖粉，瀰漫著濃厚甘甜栗香。裡面藏有栗子、忌廉、窩夫和煙韌冰涼的雪米糍，迸發多重口感。招牌奶蓋咖啡 （凍$48）表面放上一隻用奶蓋製成的迷你雞蛋，讓本來濃醇的咖啡多了一份奶香。開心果特調（開心果+鮮奶+豆腐）（凍$56）近期大熱的開心果，入口綿柔，加入嫩滑豆腐，散發濃郁堅果香氣。
繼續閱讀
今日朋友帶左我去大圍一間人氣cafe, 晚上七點去到全場爆滿，好彩仲有二樓，係tatami 和式設計，超有氣氛！🥗羽衣甘籃三文魚子煙三文魚沙律賣相好靚，沙律菜新鮮，仲有蕃茄仔，玉米，三文魚子，煙三文魚，淋上意大利黑醋，酸甜開胃🤤🧆E for egg 大拚盤一次滿足五個願望😍有薯條，台式黑椒腸，酥炸雞軟骨，炸雞，炸蠔，超大份！炸蠔好鮮味，好juicy😋特別鐘意黑椒腸，黑椒味濃，脆卜卜👍🏻🐟蒲燒星鰻定食重本之作😍有三大條原條星鰻，魚肉肉質細緻，軟嫩可口，仲配左泡菜，蛋絲，沙律菜同白飯，十分豐富。另外加左隻糖心蛋，蛋味香濃，配飯一流。🦐黃金鳳梨吉列大蝦滑蛋盒子吐司鎮店之寶！🤤盒子吐司用牛油煎到香脆，再加入滿滿的嫩滑炒蛋，上面有一片鮮菠蘿，再係上面放上兩隻吉列大蝦，最上層放左一片香濃芝士，視覺效果好震撼🤩吐司真係好香好脆👍🏻吉列大蝦好似手掌咁大隻✋🏻超香口！🍩赤之E for egg 窩夫都係招牌菜之一的可愛窩夫☺️草莓係期間限定口味，窩夫好鬆脆，cream香滑不會膩，中間仲收埋左兩粒雪米糍😍冰冰涼涼，整體好夾👍🏻☕️Espresso Tonic最愛的咖啡飲品👍🏻咖啡幾香，加上tonic 好fresh。🍵抹茶鮮奶顏色好靚好有層次，抹茶味吾算好濃，整體幾香滑。🥛開心果特調有驚喜，係開心果加鮮奶加豆腐！開心果味幾濃，仲飲到粒粒豆腐，幾獨特😋🌟超級舒服寫意的一間和風cafe,所有食物都整得好有誠意，攞盤靚，賣相精美，味道一流，店員仲超級親切有熱誠👍🏻
繼續閱讀
今日同朋友去咗大圍 E For Egg傾計同食晚餐，呢度嘅環境十分舒服，啱哂喺度打卡同chill下。上層仲有個塌塌米佢area，感覺真係好relax。香脆魷魚鬚如其名，入口十分香脆，加上調味適中，而且上枱熱辣辣，超級好咪。黑松露薯條名副其實嘅黑松露薯條，喺薯條表面加上黑松露醬，而且炸得香脆兼有好香的薯仔味，再點埋個醬食一流。和風烤雞扒定食雞扒十分嫩滑，加埋個和風醬嘅香濃鮮甜，十分惹味。日式豬軟骨烏冬豬軟骨炆得十分之入味，肉嘅部份沒有渣，好鬆化，一咬就開。中，而軟骨部份十分之軟糯，大大件好好味。湯底好濃郁，配合埋軟滑嘅烏冬，完美嘅結合。蒲燒星鰻茶漬丼星鰻經過濃厚嘅醬汁燉煮，味道十分香甜，然且入口軟綿綿。白飯配上飯素、紫菜絲、蛋絲、菇粒同三文魚籽，再淋上玄米茶，鮮味之餘亦帶有玄米茶嘅香味。赤のE FOR EGG窩夫(草莓)鬆軟嘅窩夫，配合內層嘅草莓醬已經十分好味。再加埋最頂放左個雪米糍同芝士奶蓋，更加多左一份口感同味雷嘅刺激。聖誕節限定 - 雪の巴斯克芝士蛋糕(豆腐)豆腐嘅味道十分之濃而且十分幼滑，芝士奶蓋更令整個蛋糕多一分滋味。而且整個造型白雪雪咁，充滿聖誕氣氛。(凍)竹炭黑芝麻鮮奶黑芝麻味道十分香濃，配合埋香甜嘅奶泡，十分幼滑好味，仲感覺好養生。(凍)開心果鮮奶咖啡咖啡有好香嘅炭焙味道，同開心果嘅堅果味道十分之夾，同樣配以香甜嘅奶泡，十分出色。
繼續閱讀