影片
開飯介紹
打造一個寵物友善及打卡的用餐環境，提供多樣化的前菜、主食、甜點以及咖啡和一系列以寵物為主題的特飲，為客人和寵物提供一個愉快又獨特的體驗，把人、寵物及社區連在一起。
繼續閱讀
營業時間
今日營業
10:00 - 22:00
星期一至日
10:00 - 22:00
公眾假期
10:00 - 22:00
以上資料只供參考, 請與餐廳確認詳情
-
網上訂座服務暫停
相關文章
星期六諗住食個下午茶，見到呢度有位，咁就入去，叫咗「煙三文魚牛油果配酸種麵包」，份量細得可憐，個包又硬到冇辦法切到，問個服務員有冇把利D嘅刀，佢俾咗另一把，但係都係切唔到，激鬼氣拿住就咁咬，硬到…. 差D牙都硼！ 仲有，明明menu 寫住$88 ， 但張單show $108（仲未計加10%） 問佢哋點解？ 原來話假日要收多$20 ，我望返Menu，喺個邊位好細隻字寫住假日加$20 ，好，係我自己睇唔到！但係你哋咁樣做法，都真係好趕客！ 況且收得呢個價錢，埋單$144 ，個份量同質素真係超級唔OK ！唯一令我開心D嘅係嗰杯coffee tonic 係啱我口味！
繼續閱讀
今日同朋友帶狗狗去咗圍方一齊食晚飯～雖然成個商場都係寵物友善，但係唔係所有餐廳都比狗狗入去～呢間算係比較多人食嘅寵物友善餐廳! 不過因為假日嘅關係所以餐點都會加附加費～安格斯牛肉漢堡配薯條～薯條都幾脆! 熱辣辣幾好食~ 不過佢唔係好粗嗰隻薯條, 牛肉都幾多汁同埋幾重牛味, 麵包就普普通通黑松露蘑菇意大利飯唔太重黑松露味, 同埋份量好少冇乜餸~個賣相麻麻地忌廉蟹肉意粉正正常常, 白汁唔夠濃郁, 整體份量都係偏少呢間餐廳性價比好低, 假日仲要有附加費, 份量唔多, 整體唔係好抵!
繼續閱讀
約咗朋友未夠鐘 ...路過見到下午茶餐 HK$38+ 份咁抵食 ...又忍唔住入去嘆杯咖啡食個甜品先 ~~。法式焦糖燉蛋 + 熱美式咖啡 (HK$38) Creme Brulee 都幾大份仲有少少水果伴碟，賣相唔錯入口香甜滑溜加埋薄脆焦糖一起食，唔太甜膩配埋杯香濃美式咖啡就 perfect 喇 ~~餐廳座位闊落舒適有一大片落地玻璃，景觀開揚，感覺悠閒寫意 ~~** 以上分享是以我的口味、體質和情況作出分享及感受，一試 / 合用與否請自行決定
繼續閱讀
本身住附近，見到呢間餐廳冇人排隊，諗住求其食啲嘢。但呢一間餐廳我相信任何人去一次，永遠都唔會再去嘅餐廳。首先入去嘅時候已經有空位，但當顧客坐低了，店員竟然要求顧客企反起身，要求顧客企喺隔離等佢哋慢慢清潔張枱。重點：食物求其垃圾，份量小，店員態度差。環境污糟。一個$118燒雞沙律，用嘅所謂燒雞係7仔即食雞柳，仲要係凍嘅。雞翼同薯條等，先不討論價錢，我相信任何人都能夠食得出餐廳對出品嘅求其敷衍。所有食品出品都係絕無要求，一個中學生都能夠處理得到嘅食材，有理由相信廚師連一個普通家庭主婦的要求都到達不到，員工態度亦不見得好。
繼續閱讀
閒日下午，見到有間Cafe下午茶，餐牌上嘅焦糖燉蛋吸引到我平時都好鍾意食焦糖燉蛋，但係喺出面好難食到有啱自己口味嘅，所以每次見到都會試一試第二樣嘢吸引到我嘅就係舖頭有落地大玻璃，自然光好充足，一於就行入去試吓向店員要求坐窗邊位之後就即刻點餐叫咗個焦糖燉蛋同埋檸檬梳打梳打：一上枱只係得八九成滿焦糖燉蛋：蛋嘅份量太少，質感比較稀。燉蛋內有雲呢拿籽，味道係幾香38蚊下午茶餐加一$42冇嘢做搵個地方坐吓都唔錯下次可能會試其他食物
繼續閱讀