鼎天茶室 (已易手) 新餐廳

這一次，人在大埔中心。中午要食飯，就立即想到鼎鼎大名《鼎天茶室》四個字。上次試過舊墟直街的店，食得好坐得好，仲有野俾大小朋友打卡，感覺滿心歡喜。然而，翠屏店地方比較細，真的是個只是 "吃" 的地方。既然算是專程來拜訪，那就要比較一下兩間有什麼分別了。翠屏店比大埔舊墟的店出名，當中的故事就不多說了。因為我的 focus 只在食。而地方，的確是淺窄，是一間會令我食飽就覺得要立即讓座給別人的茶餐廳。當日，我要了一份牛扒餐。只有牛扒而沒有鐵板就令到我有少少失望。不過，出到來的蒜蓉汁牛扒，是厚切的大大件，感覺上又值回票價。吃入口，不是滿口梳打味的牛扒，而是真真正正有牛肉香，肉感實實在在的牛肉。傳統的波浪薯條，應該會好好食，但出來的產品就太脆了，炸得太乾，過左火。奶茶是好飲的。夠多奶，也有非常水滑的口感。有茶味同有奶味的奶茶，沒有可能會壞評的。也許，這是我今餐最開心的地方。整個用餐感覺算係咁啦。之後，以我這一次的經驗來對比一下，在環境，舒適度的大前題下，我覺得，下次再來《鼎天》，我首選都是舊墟直街分店。

呢間餐廳位於巴士站附近，非常方便。當日不用排隊，能夠直接進入餐廳。是典型的茶餐廳環境，不會期待有很驚艷的佈置。隨便找一個位置坐後，便打開餐牌，這餐廳有很多不同種類的食物，當中我看到是日午餐，洋蔥豬扒飯。等了一會兒後。飯終於到枱。餐牌無寫是什麼汁，最後來到的是茄汁。碟的左邊是麻醬沙律，右邊是茄汁洋蔥豬扒飯。沙律菜新鮮麻醬不會過多，豬扒軟硬適中味道正常。洋蔥不會太生，蛋味道正常有流心。唯一小小的抱怨就是沙律菜會沾到茄汁。我認為味道份量對得住這價錢。

放學陪另一半行下街食個dinner，食咗太多扒所以想轉下口味食下港式嘢，咁就決定要去光顧下良心小店💛💛而之前同frd食咗幾次，個性價比非常不錯👍🏻👍🏻所以繼續去食🤪😋入到去個環境係走少復古港式茶記路線，有個幾特別嘅地方係有別於其他港式餐廳，呢間茶室嘅staff有種「街坊嘅人情味」，雖然我哋唔算係大埔嘅老街坊，但入到去感覺似到咗自己由細住到大嘅地區咁。我哋入去叫咗個泰式菠蘿雞肉炒飯同一碗牛丼，飲品係凍檸茶(少甜少冰)同熱檸水。首先講下個牛丼先，個蛋係七成熟太陽蛋，水準ok嘅，但真係不得不提個牛嘅分量真係，真係超級超級足料!!!!!🤩🤩🤩😭，真係覆蓋到成碗飯有多，而牛肉同洋蔥嘅比例都啱啱好👍🏻洋蔥唔會煮得太硬，小小辣，不過夠甜😋。至於醬汁方面會略嫌太多🤣🤣然後到泰式菠蘿雞肉炒飯，真係超級有驚喜!!!😭🤩🤩👍🏻首先係個肉鬆，真係令成個炒飯嘅味道上咗個層次，然後菠蘿同提子乾嘅比例落得幾好，令個炒飯有肉鬆少少咸嘅味之餘又唔會缺乏甜酸味，食落口第一啖真係覺得超級有層次🤩，而雞肉分量足夠，同肉鬆配合得唔錯😋，而青瓜清甜嘅味道唔會太突出，搶咗原有嘅味道，同飯一齊食配合幾好😇，總括而言，呢個炒飯對我而言

今日準備去行山,入左大埔,先食早餐牛奶麥皮加蛋加牛角包 ,沙爹牛肉麵跟炒蛋煙肉多士沙爹汁夠濃香夠重口味,仲有少少蒜香,個汁超多,成碗湯撈埋都好夠味牛肉份量多,又淋又好食 我食法會夾少少沙牛肉夾方包食,沙爹牛肉麵包好惹味架!煙肉夠脆口,隻蛋一睇就知炒得滑啦 加D鹽食味道岩岩好!另一份係減肥餐,牛奶煮麥皮無好評啦 隻牛角包好脆口重牛油味!Shop 3, G/F, Jade Plaza Shopping Arcade, 3 On Chee Road, Tai Po消費$100

相約朋友晚飯，由於我一直未試過鼎天，就向朋友提議來這裡晚餐啊～～～餐牌選擇夠多，港式﹑西式﹑喇沙等等任君選擇，豐儉由人！我最後選擇了醬燒BBQ豬仔骨意粉，奉送餐湯，加$3轉配凍檸茶～～～醬燒BBQ豬仔骨意粉，大約等了15分鐘左右才上桌，有沙律菜伴碟，豬仔骨有兩件，意粉的份量充足！沙律菜的芝麻醬較少。幸好意粉的醬汁滿滿，不會乾爭爭，而且醬汁香濃惹味不會太鹹。意粉燴得好香，質感咬口剛剛好，不會過稔。兩件豬仔骨燒得幾香，一件帶點肉，較易切易咬，另一件幾乎沒有肉的就不易處理啊！味道雖不錯，但要$75/份就好像略略貴了一點呢～～豬仔骨的份量不算多丫～～

難得入到大埔，當然要掃黃；要掃黃，就當然要幫襯間金黃嘅，毫無懸念，我揀咗鼎天茶室。坐低之後，望住本厚厚嘅 menu，選擇困難症又發作，落單阿妹見狀，就拋低一句：「我哋啲燒味自己燒㗎......」收到，就叫個我最鍾意食嘅燒腩仔飯。自從食過友利坊之後，食親其他燒味就自自然然會比較，最後總係有種「除卻巫山不是雲」嘅感覺。呢餐都唔例外，燒腩仔雖然味道同肉質都唔錯，但感覺總係差少少，塊皮脆得嚟硬咗少少，肉質肥瘦均勻得嚟肥膏多咗少少，冇我最鍾意嘅啖啖肉😂。咁到底質素算唔算好？其實我真心覺得唔錯，如果唔作出比較嘅話，所以總括而言，都係值得幫襯嘅。

今日去咗鼎天舊舖，去到唔知食乜好，佢哋畀咗本menu我，然後話今日有樣menu無嘅嘢，話啲燒腩仔得返最後幾份好正呀咁樣，我就諗都唔諗叫咗碟燒腩仔飯🤪😋 燒腩仔飯 $60果然係好正！啲燒肉嘅皮唔太厚同埋真係脆卜卜，同埋皮同肉係唔分離嘅，中間有少量脂肪連住，但又唔覺得好油膩～肉嘅部份都幾鬆化，唔難咬，而且成嚿燒腩仔都唔太鹹，幾高汁㗎😆平時少去大埔嗰頭，其實今次去都係想試吓鼎天嘅首本名菜，再介紹畀大家知。但我連餐牌都未睇，所以暫時未有咩必食推介🤣

呢一間喺大埔出哂名，點都要幫襯多幾次！當日就叫咗兩款下午茶餐豬扒芝士撈公仔麵好怕啲豬扒煎到成咀油，加埋芝士仲膩到暈。放心，呢一個朋友推介，冇介紹錯！豬扒煎得好香口，撈埋個芝士一啲都唔油膩！醬爆流心芝士火腿西多士呢個都係朋友推介。唔算係流心但反而仲好，唔會膩嘛，亦唔會好甜。唔使落糖漿都已經好好味。佢啲燒味仲出色，下次會試埋㗎！

我諗好多大埔人都認識呢一間良心餐廳💛，由早期支持老人家👵🏻👨🏻‍🦳飯券，到後期支持一班年輕人同同路人，佢哋都不遺餘力，一定要黎罰下佢！吉列魚柳蛋包飯 $68包熱飲魚柳🐟熱辣辣炸出嚟好香脆，雖然魚肉唔算特別出眾，但冇乜雪藏味都算唔錯。滑蛋非常豐富完全遮蓋到飯🍚，仲有好多沙律菜🥗，平衡健康。咖喱豬扒飯 $55 包熱飲咖喱偏向港式帶甜唔算好辣🌶，有埋我最鐘意既薯仔🥔，整體不過不失。有成兩塊豬扒🥩非常足料，肉質唔會好乾！員工非常之有禮貌，餐牌選擇多、食物好足料，男士們都一定夠飽，推薦大家過嚟試😋！

呢間黃店係大埔都幾出名，一直都冇機會試，今日終於黎到食下。—————————————是但飯 $55荷包蛋、扒、瑞士雞翼、沙律加飯咁多野都只係$55，一d都唔是但！仲要食好食既，正！🤩🤩🤩🤩評分：🌕🌕🌕🌕🌗煮個麵你食 $48其實即係常餐，味道正，個多士勁鬆脆，奄列都整得好好食！😋😋😋😋評分：🌕🌕🌕🌕🌗咁平咁好食仲包埋野飲，抵佢出名！不過就坐得迫左dd。。—————————————

十點幾去到，唔洗等位。但都幾多人食。我地坐左係卡位，都幾舒服。店入面好多裝飾，好靚。之後叫左兩個早餐，早餐有茶餐同西式早餐。味道正常，價錢亦都唔貴。下次會再試。

清大假日，平日到了大埔一轉，好耐冇係大埔食野了，經過鼎天，黃店之一，必支持下，下午時段，剛好有位。 茶記格局，大量文宣，搶眼的龍珠，忍唔住周圍看多幾眼。 餐牌，食物都幾多選擇，但又唔想諗咁多，要左個是但飯，廚師發板。 腸蛋豬扒飯(是但飯)，$55，大大碟，好多肉，豬扒大件，好多汁撈飯，味道不淡不濃正常水準，有胡麻沙律菜伴碟，有菜有肉，組合不俗。 凍檸茶，跟餐+$3，炎夏飲~爽。食物味道正常，多選擇，格價合理，服務態度幾好，快手又有禮貌，支持小店，下次有機來食下午茶。 藍天白雲...同好熱。

星期日最開心就係訓到自然醒，一日三餐會亂晒隆，自自然然就黎到下午茶時間🥱 流心芝士火腿西多士，聽個名就知利害，而且係魔鬼之選！西多士即叫即炸，成吋厚，上面仲有一pat牛油🧈溶下溶下，好快就得番一半。炸油要新鮮先會炸到金黃色，一切開d芝士真係好洶湧咁流出黎，所以小妹分切左9小件，減低d芝士流晒係隻碟到！除左芝士仲有火腿，加埋糖漿再一口擺落口，真係好食到唔識形容，味道豐富，口感有幾個層次，有脆有軟，非常之正，大推👍👍😋

「撒亞人」茶室位處大埔市中心「核心」地段😎呢個星期先後兩次造訪依然座無虛席😲茶餐廳佈局🍜 地方會有點淺窄🤏🏻 有分室內同戶外最欣賞店員們喺咁忙碌既環境仍然非常友善😊食物選擇真係好多😲 揀咗「煮個麵你食」系列<唔知咩⁉️包絲火腿通粉+腸仔炒蛋配秘製黃金🟡厚多士🍞>即係平時茶記食到既常餐ABC😆重點推介: 秘製黃金厚多士🍞⁉️一開始以為厚多士上面鋪滿既係牛油🧈 咬第一啖既時侯先發現原來係鹹蛋黃黎🤤 真係比較少喺茶記遇到😳 一路食一路聞到好大陣好香既鹹蛋黃味呀🤤 超級驚喜🤗 記住趁仲熱熱地嘅時候食係最好味😋

經過鼎天一定會比佢地門面吸引前排幾個人去食個晚飯一去大埔冇理由唔食佢地叫左份羊架配意粉超夠份量5件咁多😍😍😍😍😍啲意粉仲係我最鍾意嘅唔好好淋果種汁亦都好足跟住朋友叫左雜扒餐，係鐵板上，熱辣辣好正，全部肉質量都好好，豬扒唔會係好多根果啲仲有少少菜同粟米🌽男人食哂佢話飽到上心口😂😂😂另外一個朋友就叫左一個蛋包飯平時好少見到餐廳有蛋包飯食所以就叫左黎試下上面仲有好多沙律菜配埋食真係一流。。。