影片
港鐵奧運站 C1 出口, 步行約5分鐘
繼續閱讀
營業時間
星期一
全日休息
星期二至日
12:00 - 21:00
公眾假期
12:00 - 21:00
以上資料只供參考, 請與餐廳確認詳情
食家推介
招牌菜
相當出色既一間工業風Cafe！無論係主食甜品定飲品都樣樣掂🤤試過真係返吾到轉頭🤨榮升左我Cafe 排行榜TOP 3!!🏆- 墨魚汁芝士軟殼蟹燒煙三魚海鮮薄餅 $158餅底係薄碎個款，所以食完唔會好飽，墨汁好特別，不過味道冇咩🤣每一塊都有煙三文魚😛- 原條鰻魚蛋包飯 $158份量超多 2個女仔share食都夠食☺️ 鰻魚真係長過我地隻手掌又夠厚身👍🏻 冇骨啖啖肉 夠軟熟 冇得輸🤫炒蛋好多 Cover曬成個飯🤪又滑又厚加埋木魚碎真係超滿足😋呢個素質絕對對得住呢個價錢！- 二世祖雞翅配秘制蜜糖 $78鷄皮剪到好脆口，雞肉嫩滑，配埋蜜糖醬真係一流🍯蜜糖又唔會過甜 呢個推薦啊👍🏻- 二世祖超級窩夫配豆腐雪糕 $88呢個甜品又係超高水準 無論窩夫雪糕定係醬料都超好食🙆🏻♀️ 窩夫外脆内軟 加埋個抹茶蛋黃醬直程夾過曾X偉同王祖X🤣 醬料仲有個士多啤梨mousse🍓酸酸甜甜夠開胃 又可以解膩😉雪糕就正正常常🍨加埋一齊食係Perfect match😋-特濃宇治抹茶白朱古力奶 $48高度推介！飲到好濃抹茶味 唔會好苦澀 白朱古力又唔會太甜😛成杯野好傑身 有好厚既口感🤩兩樣balance 得啱啱好 如果有興趣仲可以拎走個玻璃樽留念😂 不過應該幾肥 🈲減肥人士請注意！ 無論係主菜甜品定飲品樣樣都合乎預期❤️唔怪之得咁多人去食有機會我地兩個肥妹仔都會再去🙆🏻♀️下次想試埋個三級風暴薯條🤤 到時睇下會唔會撞到大家🤣
繼續閱讀
試咗牛扒、卡邦尼意粉同軟殼蟹意大利飯，全部都好好味，連Ending杯咖啡都好ok。味道好吃過好多間尖沙咀嗰啲價錢貴一貴嘅西餐。環境就唔靚㗎喇，枱唔多，不過都唔會坐得唔舒服。我哋叫咗六個餐，埋單七百幾。咁高質素嘅味道性價比算高。缺點係要等比較耐少少，我估因為裏面得一個廚師，但我覺得值得一等。真係一間好值得一試嘅小店！
繼續閱讀
之前食過幾次晚餐 都好滿意今日weekend去食lunch真係比個價錢吓親 仲要無加一🧐簡直回到我中學時期既價叫左個A餐加蝦蝦好新鮮 彈牙 逐隻逐隻煎得好香意粉好香欖油味 小辣🌶️好岩我口味😋伴碟仲好有心機 隻碟都熱左先上枱即煮 即上 仲要熱碟 真係食到尾d意粉都熱男朋友叫左個D啖啖蟹肉咸香 好creamy👍🏻我地真係唔明點解個價可以咁街坊🥲最後仲連野飲 服務極好 你真係黎食過就知 有驚喜！係個位置隱蔽d成日比車遮住左所以人流唔多但你真係入去食 會好開心咁行出門口想同店家講聲多謝你地係大角嘴 造福街坊😂補返今日個餐湯
繼續閱讀
呢間隱世小店我食過好多次，次次去食都見到無咩人，覺得佢值得俾更多人見到；呢日再去左食晚飯，質素一樣無令我失望🐷法式油封鴨髀配酒香蜜漬橘皮汁 $148首先係餐湯，呢日係紅菜頭湯；呢個湯好濃紅菜頭既味，加左忌廉更加順滑，又食到粒粒既紅菜頭，好飲；之後見到大大隻鴨髀，墊左薯蓉係底，同埋有幾款唔同既燒蔬菜，比較特別係有一舊炸金菇。鴨髀既皮煎得好脆，有少少食乳豬皮既感覺；鴨肉好嫩，一入口咬兩下就已經融既感覺；呢個係要大推，出邊西餐廳食鴨髀起碼都兩三百，呢度仲要包埋餐湯同餐飲，性價比超級高👍🏻👍🏻👍🏻🐷廚師精選 $158呢日既廚師精選係豬鞍,同樣地有薯蓉係底，同埋各款燒蔬菜同炸金菇。豬鞍都好大舊，大過一隻手掌，而且好厚肉；切落去有適應既脂肪但又唔會好肥；近骨既肉最好食，脂肪同肉既比例最optimal; 最特別既係配左個無花果醬，有原粒既無花果肉係入邊；切少少配一舊豬鞍黎食好夾，又提升左另一個層次。👍🏻👍🏻👍🏻
繼續閱讀
最近半年都忙着學嘢，同埋準備考試，痛苦嘅時刻總算暫時停下來，靜下來終於有時間去搵食同寫食評。今次又係大角嘴一帶，遇著南昌公園黃花風鈴木盛開，賞花後再行過嚟開餐。這次的餐廳只有十多個座位，光顧時候約晚上六點左右，用餐一小時左右，全場只有我們一枱食客；而用餐環境是很舒服，服務也是不錯。進入正題，我們兩人點選了兩個晚餐，各自加點了一個小食或甜品。我選了黑松露磨菇帶子虎蝦意大利飯，另加美國水牛城城雞翼；友人點了番紅花忌廉汁海膽蟹肉意粉，另加了一個提拉米蘇。如果想前往用餐的話，上菜速度唔算係快速，趕時間同心急人就自行決定是否光顧。但是，小店資源有限，就耐心等待給予他們一點支持。頭盤係美國水牛城城雞翼，醬汁不是非常辛辣，但也是惹味可口的；最畫龍點睛之處，係佢有一少塊芝士，附以雞翼一齊食，絕對是有驚喜。嚟到主食部分，意大利飯絕對係煮得唔錯，唔會有太稀爛的口感，吃起來有一點點彈牙，配料也沒有偷工減料，特別一提是那帶子煮得剛剛好，不太生也不太「柴皮」。而意粉也是用料十足，蟹肉絕對沒有吝嗇，再加上海膽，令人食慾旺盛，也有滿滿的飽足感。甜品方面，提拉米蘇就正常水準，比較少見係上面放上不同的莓類水果；不過作為飯後甜品，絕對完滿了一頓飯。總體上，餐廳水準同心機都值得嘗試，用餐期間，也聽到服務人員會試著滿足客人合理的要求；臨走前，也會瞭解一下客人對食物是否滿意，提醒客人不久會更新餐牌，歡迎客人再度光臨。這一些小小的心意，亦是食物質素之外令人想支持小店的原因。
繼續閱讀