影片
開飯介紹
大埔的人氣馬來西亞菜餐廳的外賣店，供應經典馬來西亞菜如肉骨茶、喇沙、海南雞飯等，用料十足，味道正宗。
繼續閱讀
營業時間
今日營業
11:30 - 15:00
16:00 - 20:30
星期一至日
11:30 - 15:00
16:00 - 20:30
以上資料只供參考, 請與餐廳確認詳情
相關文章
呢間係專做外賣店，經過見到價錢幾相宜！果子無骨海南雞飯，$35，大角咀嚟講呢個價錢性價比好高！雞肉好嫩滑，冇骨食得好開心，雞皮唔會好油，加埋三款醬汁有唔同口味個人最鍾意係佢嘅秘製醬汁超開胃！油飯香得來夠乾身唔會好膩，仲有一個跟湯，飲落咸度岩岩好，好清爽嘅冬瓜薏米湯，夏天消暑！海南雞飯雖然價錢咁平，但係質素都唔錯，伴碟嘅青瓜同生菜都保持到爽脆！雞飯佢有兩款，$35嘅海南雞飯係用黃油雞，貴啲嘅另一款文昌雞飯就係用走地雞，下次可以睇吓有咩分別🤣但係個人都幾滿意呢個海南雞飯覺得性價比好高！另外叫咗一個菜同埋酸辣鳳爪同朋友share, 幾鍾意佢嘅菜係輕手調味過，有另外豉油俾你點，可以控制咸度，如果健康啲可以直程唔落呀！鳳爪辣度嚟講係BB辣，基本上唔食得辣嘅人都可以食到，酸酸甜甜好開胃，鳳爪都幾彈牙入味朋友叫嘅係沙嗲串燒飯，50蚊有雞肉牛肉同豬肉三款各一，唔會食到怕悶，底下面仲有花生炸完10分香脆，魚乾仔都好香口，雖然只係外賣飯盒，但係都齊晒配料幾有心思！
繼續閱讀
經過發現唔少街坊都幫襯呢間外賣店都有見過唔少小朋友放學黎呢到玩下部遊戲機玩飲品🤣$35海南雞仲要跟湯好抵食！今次揀左雞翼拼豬扒飯 $48雞翼無雪藏味外皮脆脆地而且食落唔乾，調味得唔錯👍🏻香茅豬扒幾大塊食落都好淋唔會乾柴柴仲有蔥油一齊食更加香煎蛋仲有少少流心添🤤香茅豬扒喇沙摻摻 $53除左豬扒之外魚蛋豆卜都各有三舊芽菜，半隻雞蛋好多配料食落好滿足🤤特別係一打開蓋好香椰汁味食落辣辣地湯底濃郁配油面同米粉，煮得啱啱好額外叫多兩隻雞翼同墨魚餅小食✨粟米墨魚餅（2件） $12食落好彈牙而且仲有啲粟米粒😙飲品櫃有汽水之外仲有豆漿，檸檬薏米水，檸檬茶，款式唔算好多但勝在汽水以外嘅選擇都有👍🏻呢間外賣店仲有學生/長者優惠真係良心外賣小店，值得支持👍🏻
繼續閱讀
外賣海鮮喇沙摻摻都係第一次😋店舖無任何座位但係有部懷舊彈珠(波?)機可以等外賣果時去玩下後來先發現佢啲獎品係嘢飲😫早知等嘅時候就唔好掛住篤電話湯同麵個容器有分隔設計唔使驚返到屋企啲麵變曬糊狀啲麵量同餸都比想像中多👍可能係迎合返附近返學嘅學生食量摻摻用咗米粉同油麵就係鍾意兩種唔同嘅麵撈埋芽菜一齊嘅口感😆餸方面有蝦、蜆、魚蛋、豆卜、蛋配合個喇沙湯底食真係唔錯😙因為佢哋都係吸湯類食物！湯底方面係屬於甜中有辣嘅喇沙但係唔會辣到不停流鼻水果款相信都係因應附近食客類型而特別調製過另外加咗個小食白雲酸辣鳳爪無骨嘅鳳爪就最啱忙碌嘅都市人食😂爽口又啖啖肉雖然話係酸辣，但係以酸為主唔食得辣嘅人都適合食用😉
繼續閱讀
呢間嘢雖然唔係第一次食，但係都好surprise，呢個餸真係好好味，我一定會想再一次encore呢一間嘢。 價錢嚟講算中規中矩，對得住個質素。外賣即使拎到返屋企再放一陣先食都依然保持到味道。
繼續閱讀
嚟到奧海城附近發現有平價海南雞同喇沙😍無骨海南雞飯仲要只係$35 ！超級抵仲有學生同長者優惠添😮今次試咗香茅豬扒喇沙$53豬扒份量都好多幾大塊而且剪開晒好方便入味之餘冇騷味👍🏻喇沙一打開就好香椰香味😍仲有三粒魚蛋同豆卜，芽菜，十分足料呀！米粉同粗麵一齊食雙重口感好正，而且又唔會煮到腍晒-沙嗲串燒飯$50有齊雞牛豬三款肉！沙嗲醬好香花生味而且仲有煎蛋同青瓜🥒！好抵食！粟米墨魚餅$12 墨魚滑彈牙之餘都食到啖啖粟米粒🤣絲網春卷$12 賺得幾脆而且調味唔錯，唔會太鹹仲可以點甜酸辣醬好開胃🤤-見到仲有藍蝶花椰漿飯幾特別仲可以自己揀餸👍🏻👍🏻而且價錢都唔貴仲有部懷舊嘅遊戲機只係需要一蚊就有機會抽到飲品！買飯順便玩下仲可以有埋飲料好抵呀🤣
繼續閱讀